13/10/2026
د امام ابوحنیفه رحمه الله د ملي او نړیوال نندارتون په ترڅ کې د سارافیا شرکت له غرفې څخه د ملي سوداګر حاجي صاحب نصرالله حیدرزي لیدنه
نن د امام ابوحنیفه رحمه الله د ملي او نړیوال نندارتون د لیدنو او کتنو په لړ کې، ملي او پېژندل شوي سوداګر حاجي صاحب نصرالله حیدرزي د سارافیا شرکت له ځانګړې غرفې څخه لیدنه وکړه.
په دې لیدنه کې د سوداګرۍ خونې د اقتصادي پراختیا چارو مرستیال، محترم نوراحمد (نورعلم)، او د سارافیا شرکت د مالیزیا دفتر رئیس، ښاغلي جمال خان (عالم)، هم ګډون درلود. په دې لیدنه کې د سوداګریزو اړیکو د لا پیاوړتیا، د متقابلې همکارۍ د پراختیا او د راتلونکو سوداګریزو فرصتونو په اړه خبرې وشوې.
حاجي صاحب نصرالله حیدرزی له اوږدې مودې راهیسې د سارافیا شرکت له سوداګریزو فعالیتونو سره نږدې اړیکې لري او د دې شرکت له پخوانیو او ارزښتناکو سوداګریزو همکارانو څخه ګڼل کېږي. د نوموړي او سارافیا شرکت ترمنځ دا اوږدمهاله سوداګریزه اړیکه د متقابل باور، درناوي، همکارۍ او ګډو اقتصادي موخو پر بنسټ ولاړه ده. دغه ډول دوامدارې اړیکې نه یوازې د سوداګرۍ د پراختیا لپاره زمینه برابروي، بلکې د سوداګرو ترمنځ د باور فضا پیاوړې کوي او د نویو اقتصادي فرصتونو د رامنځته کېدو لامل هم ګرځي.
همدارنګه، د امام ابوحنیفه رحمه الله په نوم جوړ شوی دغه ملي او نړیوال نندارتون د هېواد د سوداګرو، پانګهوالو او اقتصادي بنسټونو لپاره یو مهم فرصت دی، څو خپلې سوداګریزې اړیکې پیاوړې کړي، خپلې تجربې شریکې کړي او د هېواد د اقتصادي پرمختګ لپاره ګډې هڅې ترسره کړي.
ګلاب حیدرزی تجارتي شرکت
