02/04/2023
📌 Xlorid turşusu xalq təsərrüfatında geniş istifadə edilməklə istehsal həcminə görə H2SO4 və HNO3-dən sonrakı yeri tutur. Son illərdə HCl turşusu qara metalların aşılandırılmasında sulfat turşusunu daha çox əvəz edir. Plastik kütlələrin və digər sintetik materialların istehsalının artması hidrogen xloridə olan təlabatı getdikcə artırır. Hidrogen xlorid polixlorvinilin, metalların korroziyaya davamlı qoruyucu materiallarının, aviasiya və avtomobil yanacağı üçün antidetonasiya aşqarlarının və s. istehsalı üçün vacibdir. Xlorid turşusu kimya sənayesində aktiv kömürün, xlorlu Zn, Ca, Ba, NH4-duzlarının, anilinin, difenilaminin və digər üzvi məhsulların, sintetik kauçukun xüsusi növünün (xlorprenin), boyaqların istehsalında, piy və yağın sabunlaşmasında istifadə edilir.
📌 Hidrogen xlorid turşusu bir neçə üsulla alına bilir.
1.Xörək duzu ilə H2SO4-ün təsirindən
2.Oksigenin, su buxarının iştirakı ilə xörək duzuna SO2-nin
3.Xlorun, su buxarının və kömürün qarşılıqlı təsirindən
4.Üzvi birləşmələrin xlorlaşmasından
5.H2 və Cl2-nin birbaşa sintezindən
Birinci üsulda (xörək duzunun H2SO4-lə emalı) üsulunda
2NaCl+H2SO4=Na2SO4+HCl
Proses 500-550ºC-də mufer sobalarında aparılır və bu üsul əsasən Na2SO4-ın istehsalı üçün əlverişli sayılır.
Həm texnoloji cəhətdən, həm də turşunun təmizliyinə görə HCl-un alınmasınının daha əlverişli üsulu onun elementlərdən sintezidir.
📌 Sintetik hidrogen xlorid turşusunun istehsalı aşağıdakı mərhələlərdən ibarətdir: 1.Hidrogen xlorid qazının sintezi; 2.Hidrogen xlorid qazının hidrogen xlorid turşusu əmələ gətirməklə su ilə absorbsiyası.
Hidrogen xloridin elementlərdən sintezi tərkibi 80-90% olan hidrogen xlorid qazının alınmasına imkan verir. Hidrogen xlorid qazı asanlıqla sıxıla bilir və su ilə udulması zamanı təmiz turşu alınır.
Xlor və hidrogenin stexiometrik qarışığının yanması zamanı məşəlin alovunun nəzəri temperaturu 2500 ºC- olur.
✔️Bizə dəstək üçün dostlarınızı dəvət etməyi unutmayın🙂
