Ingénieur QHSE

Ingénieur QHSE Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Ingénieur QHSE, Industriel et commercial, oran, Oran.

06/12/2025

> الأماكن المحصورة ماشي لعب ❌
تهوية ضعيفة، مخارج محدودة، وغازات خطيرة ممكن تكون موجودة.
في هذا الفيديو نوضحو أهم المخاطر وإجراءات السلامة قبل الدخول، لأن الوقاية اليوم تساوي حياة غدوا.
السلامة أولًا ✅

#الوقاية

05/12/2025

🚶‍♂️ الانزلاق والتعثر والسقوط – مخاطر مخبية في بلاصة الخدمة

بزّاف الناس يشوفو slip ولا trip حاجة عادية… بصح تقدر تسبب إصابات خطيرة، غيابات على الخدمة، نقص في الإنتاجية، وحتى خسائر في العتاد والتجهيزات.
هاد المخاطر يكونو غالبًا مخبيّين وما نشوفوهمش، لهذا الوعي والوقاية المسبقة ضروريين باش نحافظو على بيئة عمل آمنة.

🎥 فيديو "Napo" يبيّن أمثلة من الحياة اليومية وين يوقعو الانزلاقات والتعثرات، ويعطي دروس عملية وإجراءات بسيطة كل عامل يقدر يطبقها.

---

✅ إجراءات التحكم والوقاية

➤ خلي الأرضيات ديما نقيّة، ناشفة وبدون عوائق — أي سائل مسكوب، كابل، ولا أي حاجة تعرقل لازم تتنحّى مباشرة.
➤ علّم الأسطح الغير مستوية، الأماكن المبللة، وتغييرات المستوى بلافتات واضحة تشوفهم من بعيد.
➤ استعملو بساطات مضادة للانزلاق ولا شرائط مانعة للانزلاق في المناطق المعروفة بالخطر.
➤ الإنارة لازم تكون مليحة — ضعف الرؤية يزيد احتمال الخطأ.
➤ ديرو housekeeping مليح في كامل مناطق العمل، الممرات، السلالم، والمسالك.
➤ اللّبس يكون مناسب: صباط أمان بنعال مضادة للانزلاق حسب ظروف الموقع.
➤ نظم الممرات — رجّع الأدوات، المعدات، والمواد لأماكنهم.
➤ ثبّت الكابلات، المواسير، والأدوات باش ما يوقعوش trip أثناء الخدمة.
➤ بلغ على أي "near miss" مباشرة — راهو إنذار مجاني قبل ما يوقع accident.
➤ ديرو توعية وتدريب باش العمال يفهمو الخطر ويعرفو كيفاش يتجنبوه.

---

⚠️ تذكير مهم:
الـ near miss هي فرصة ثانية باش تمنع الحادث الجاي.
تصرّف بكري. صحّح الخطر قبل ما يوقع المشكل. وخلي السلامة دايمًا قبل كل شيء.

---

🔔 ابقَ واعي… وابقَ آمن.
تابع الصفحة للمزيد من منشورات السلامة، التوعية، الإنذار بالمخاطر، ونصائح EHS اللي تساعد الفرق تبقى ديما خطوة قدّام أي خطر.

🔥 ATEX Zones & Process Safety – فهم المناطق الخطيرة والانفجاريةفي المصانع وين كاين غازات قابلة للاشتعال، أبخرة، ولا غبار...
16/11/2025

🔥 ATEX Zones & Process Safety – فهم المناطق الخطيرة والانفجارية

في المصانع وين كاين غازات قابلة للاشتعال، أبخرة، ولا غبار قابل للانفجار… لازم نفهمو مزيان وش معناها ATEX وعلابالنا كيفاه نقسمو المناطق حسب خطورتها.

ATEX = ATmosphères EXplosibles
يعني: المناطق اللي تقدر تكون فيها أجواء انفجارية.

---

⚙️ تقسيم مناطق ATEX

🔹 بالنسبة للغازات والأبخرة:

المنطقة التعريف مثال

Zone 0 الجو الانفجاري حاضر دايماً ولا لوقت طويل داخل خزّان الوقود
Zone 1 يقدر يتشكّل من وقت لوقت قريب من Pompes, فتحات التهوية
Zone 2 نادر أو قصير بزاف عند الـ brides ولا أماكن التسرب الخفيف

🔹 بالنسبة للغبار:

المنطقة التعريف مثال

Zone 20 وجود دائم لسحابة الغبار داخل السيلوهات ولا الخلاطات
Zone 21 يخرج من وقت لوقت عند الفلاتر، النقل بالسيور
Zone 22 نادر أو قصير بزاف عند التعبئة والتحويل

---

🧱 حواجز السلامة في الـ Process Safety

باش نمنعو الانفجار ولا انتشار الحريق، نعتمدو على بزاف طبقات حماية:

1️⃣ الوقاية: تهوية، تخفيض الغبار، inertage، احترام ATEX zones.
2️⃣ الحماية: فتحات تنفيس الانفجار، suppression systems، containment.
3️⃣ الكشف: أجهزة قياس الغازات والغبار.
4️⃣ الإجراءات: Permis de travail، hot work، تنظيم الصيانة.
5️⃣ التخفيف: إطفاء الحرائق، خطط الطوارئ، العزل.

---

🧰 نصائح للصيانة في مناطق ATEX

استعمل أدوات غير مسبّبة للشرارة (نحاس–بيريليوم، ألومينيوم برونز).
❌ ممنوع أدوات Chrome-Vanadium العادية في المناطق الخطيرة.

لازم المعدات تكون مصلّحة ATEX (Ex d, Ex e, Ex i…).

طبّق LOTO قبل أي تدخل.

ديما دير نظافة… تراكم الغبار هو الشرارة اللي ما تنبانش!

🔹 SIL معناها "Safety Integrity Level"بالعربية: مستوى سلامة النظام🔸 هو مقياس يبيّن درجة الموثوقية تاع نظام السلامة الصناع...
10/11/2025

🔹 SIL معناها "Safety Integrity Level"
بالعربية: مستوى سلامة النظام

🔸 هو مقياس يبيّن درجة الموثوقية تاع نظام السلامة الصناعي، يعني واش قدّاه النظام هذا يقدر يمنع الحوادث أو يخفّف من عواقبها كي يصرى خلل.

مثلاً 👇
كل ما يطلع مستوى SIL (من 1 حتى 4)، كل ما يكون النظام أكثر أمان وموثوقية.

✅ SIL1 = حماية بسيطة
✅ SIL2 = حماية متوسطة
✅ SIL3 = حماية عالية
✅ SIL4 = حماية قصوى

🔧 كيفاه نخدم بـ SIL ؟ 🔧

باش نخدم بـ SIL لازم نمرّ بعدّة مراحل دقيقة 👇

1️⃣ نحدّد الخطر (Hazard Identification)
نشوف واش هو الخطر اللي ممكن يصرى (مثلاً تسرب، انفجار، إلخ).

2️⃣ نقيم المخاطر (Risk Assessment)
نحسب شحال الخطر كبير ووش ممكن تكون العواقب.

3️⃣ نقرّر مستوى SIL المطلوب
حسب النتائج، نختار المستوى:

SIL 1 → أقل درجة حماية ⚠️

SIL 2 → متوسطة

SIL 3 → عالية

SIL 4 → الأعلى 💪

4️⃣ نصمّم النظام (Safety Instrumented System)
نركّب أجهزة تحسّ، تتحكّم، وتوقف الخطر كي يصرى مشكل.

5️⃣ نختبر ونوثّق النتائج
نتأكد بالاختبارات باللي النظام يخدم مليح ويحقّق مستوى SIL المطلوب.

---

🎯 مثال على SIL في الميدان الصناعي :

تخيل عندك خزان (bac de stockage) فيه غاز قابل للاشتعال 🔥

باش نحمي العمال والمعدات، نركّب نظام أمان فيه :

حساس للضغط (detecteur de pression)

نظام تحكم يعطي أمر

صمام أمان (valve) يسكر الخط أو يفرّغ الغاز وقت الخطر

🔹 لو النظام هذا يخدم بنسبة نجاح متوسطة (مثلاً يقدر يمنع 90% من الحوادث)، نقولو عليه SIL 1
🔹 لو النظام يخدم بدقّة أكبر ويمنع 99% من الحوادث، يكون SIL 2
🔹 لو يقدر يمنع تقريبًا كل الأخطاء (مثلاً 99.9%)، يكون SIL 3

04/11/2025

باش نحميوا رواحنا 👇
هاكم 10 نصائح ذهبية للسلامة 👷‍♂️⚙️

1️⃣ عرّف كل ماكينة عندك وسجّلها 📝
2️⃣ حلّل المخاطر قبل ما تبدأ 🔎
3️⃣ ركّب الحواجز وأزرار التوقّف 🦺
4️⃣ صيانة دورية = أمان دائم 🔧
5️⃣ استعمل لافتات تحذيرية 🚧
6️⃣ طبّق إجراءات عمل واضحة 📄
7️⃣ درّب العمال بانتظام 👨🏫
8️⃣ راقب الماكينات بشكل دوري ✅
9️⃣ حقّق فكل حادث تعرف سببو 🚨
🔟 انشر ثقافة السلامة 🤝

28/10/2025

🔥 حادث حريق كبير - حقل الزبير النفطي، البصرة - العراق 🔥

صار مؤخّرًا حريق ضخم في حقل الزبير النفطي فالبصرة، وهادي تذكرة قوية بالخطر الكبير اللي كاين فالصناعة البترولية، وين أي غلطة صغيرة تقدر تولّي كارثة.

التحقيق مازال جاري باش يعرفو السبب الرئيسي، بصح لازم كل واحد منّا يتعلّم الدرس: العمليات، الصيانة، المشاريع، وحتّى الـHSE.

👉 كل مهمة، كل رخصة، كل تفتيش عندو أهمية كبيرة.
👉 كل تهاون، كل افتراض، كل طريق مختصرة عندها ثمن.

السلامة ماشي مسؤولية فريق واحد، هي مسؤولية الجميع... كل يوم وكل لحظة. ما نستناوش الكوارث باش نفكّرو شحال السلامة مهمة.

🎯 الرسالة الأساسية:
🔹 راجع خطط الطوارئ تاعك.
🔹 دير تدقيق على وسائل الحماية الحرجة.
🔹 قوّي ثقافة السلامة عند كل المستويات.

اليقظة المستمرة ماشي اختيار... هذي مسألة بقاء. ⚠️

بطاقة وصف الوظيفة في مجال السلامة هي وثيقة توضّح المخاطر المهنية الخاصة بكل منصب عمل والإجراءات الوقائية الواجب احترامها...
27/08/2025

بطاقة وصف الوظيفة في مجال السلامة هي وثيقة توضّح المخاطر المهنية الخاصة بكل منصب عمل والإجراءات الوقائية الواجب احترامها.

✅ تُعتبر جزءًا أساسيًا من نظام إدارة السلامة داخل المؤسسة،
ويجب عرضها وشرحها للعمال...

🔎 المحتوى النموذجي لبطاقة وصف الوظيفة في مجال السلامة:

تحدد البطاقة أولًا المنصب المعني، بيئة العمل والمهام الرئيسية.

ثم تسجّل المخاطر الموجودة:
▪ المخاطر الفيزيائية (آلات، مواد كيميائية، ضوضاء...)
▪ المخاطر الأرغونومية (وضعيات العمل، المناولة اليدوية...)
▪ المخاطر النفسية الاجتماعية
▪ والمخاطر المرتبطة ببيئة العمل.

لكل خطر محدد، توضّح البطاقة:
▪ إجراءات الوقاية الإلزامية
▪ معدات الحماية الفردية (EPI) المطلوبة
▪ إجراءات السلامة الواجب اتباعها
▪ والتعليمات الواجب تطبيقها في حالات الطوارئ 🚨

كما تذكر البطاقة التكوين (التدريب) اللازم والتصاريح أو الاعتمادات المطلوبة للمنصب.

🔎 الفائدة العملية:

تُستعمل هذه الوثيقة في استقبال الموظفين الجدد.

وسيلة للتدريب المستمر.

مرجع في عمليات التفتيش والمتابعة الخاصة بالسلامة.

تساعد أيضًا صاحب العمل على احترام التزاماته القانونية في مجال الوقاية من المخاطر المهنية، خصوصًا ما يتعلق بتقييم المخاطر المفروض بموجب قانون العمل.

👉 يجب تحديث البطاقة بانتظام تبعًا لتطور المخاطر، أو المعدات، أو القوانين والتشريعات.

🔹 غالبًا ما يتم إعدادها بالتعاون بين مصلحة الوقاية، ممثلي العمال، والموظفين المعنيين أنفسهم.

22/08/2025

❓ هل تعرف أن غاز H₂S ممكن يقتل في أقل من دقيقة؟

21/08/2025

المعرفة،المهارة،السلوك 💯

🔴 حوادث الانهيارات🚨 انهيار تربة على شخصين بولاية #المسيلة✅ تدخلت مصالح الحماية المدنية على الساعة 18سا46د، من أجل حادث ...
21/08/2025

🔴 حوادث الانهيارات
🚨 انهيار تربة على شخصين بولاية #المسيلة
✅ تدخلت مصالح الحماية المدنية على الساعة 18سا46د، من أجل حادث انهيار تربة على شخصين أثناء الأشغال بالمكان المسمى عين بن عيسى ببلدية و دائرة

🔹 ToolBox Talk"يعني اجتماع السلامة القصير".🔧 واش هو؟هو لقاء قصير يتدار صباح قبل ما يبدأو العمال الخدمة، فيه المسؤول (سوپ...
20/08/2025

🔹 ToolBox Talk
"يعني اجتماع السلامة القصير".

🔧 واش هو؟
هو لقاء قصير يتدار صباح قبل ما يبدأو العمال الخدمة، فيه المسؤول (سوپرفايزر ولا HSE) يشرح:

المهام لي رايحين يديروها العمال.

المخاطر المرتبطة بها.

إجراءات الوقاية والسلامة الواجب اتباعها.

⏱️ المدة: عادة ما بين 5 حتى 15 دقيقة.
🎯 الهدف: رفع الوعي عند العمال وتفادي الحوادث قبل ما تبدأ الخدمة.

🔴 واش هي الـ Induction sécurité / HSE ؟هي ببساطة جلسة تعريفية/توعوية تتدار للناس لي داخلين يخدمو ولا يزورو موقع معيّن. ا...
20/08/2025

🔴 واش هي الـ Induction sécurité / HSE ؟
هي ببساطة جلسة تعريفية/توعوية تتدار للناس لي داخلين يخدمو ولا يزورو موقع معيّن. الهدف منها يعرفو القوانين، الأخطار والاحتياطات تاع السلامة. مهيش نفس الشي كيما التولبوكس ولا التكوين sécurité.

---

🔴 علاش نديروها ؟
خاطرش السلامة مسؤولية الجميع 👷‍♂️🚧. أي واحد رح يدخل للموقع لازم يعرف:

السياسة تاع الشركة

القوانين الداخلية

التعليمات

المخاطر لي كاينين

وطرق الوقاية

وهذي تتبدل من بلاصة لبلاصة: induction تاع مصنع ماشي كيف كيف مع تاع ورشة BTP.

---

🔴 شكون معني بيها ؟

المقاولين و السوس-ترايتون لي يخدمو في الموقع

العمال الجدد (قارين ولا كونتراتور)

الزوار

الستاجيار
بكلمة وحدة: أي واحد رح يدخل للموقع لازم يدوز induction sécurité.

---

🔴 شنو نلقاو فيها عادة ؟
الخطة تاع العرض تكون هكدا:
1️⃣ تقديم الشركة و النشاط تاعها
2️⃣ بلان تاع الموقع: مداخل، ممرات، مناطق حساسة…
3️⃣ سياسة HSE، القوانين، الإجراءات قبل الخدمة (permis de travail، JSA …)
4️⃣ الخطة تاع الوقاية: الأخطار لي كاينين + وسائل الحماية
5️⃣ خطة الطوارئ: الإسعافات الأولية، أرقام مهمة، واش تدير فحالة حادث
6️⃣ تعليمات خاصة بالموقع (مثال: STOP WORK إذا شفت خطر)

⚠️ لازم المعلومة تكون قصيرة و مركزة، بلا ما ندخلو في تفاصيل لي يحتاجولهم تكوين (مثال: كيفاش تستعمل مطفأة الحريق).

---

🔴 كيفاش نقدموها ؟
ما كاينش فورما ستاندار، بصح العادة تتدار:
1️⃣ بعرض (PowerPoint ولا فيديو)
2️⃣ على شكل مطبوع
3️⃣ شرح شفوي

ومن الأحسن دير تقييم صغير فالآخر (أسئلة ولا كويز) باش تتأكد باللي الشخص فهم ويقدر يدخل للموقع.

Adresse

Oran
Oran

Site Web

Notifications

Soyez le premier à savoir et laissez-nous vous envoyer un courriel lorsque Ingénieur QHSE publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type