DI Climatisation 41

Page d'Accueil
Algérie
Souk Ahras
DI Climatisation 41

🏅 فريق معتمد من Condor
❄️ تركيب وصيانة أجهزة التكييف والتبريد
🔧 كشف الأعطال وإصلاحها باحترافية
🧼 تنظيف وصيانة دورية لتحسين الأداء
📞 0674381208

10/08/2026

🟢اكبر شهر تبان فيه مشاكل تسربات هو اوت
🟢لانو معظم ناس تكون ركبت مكيف وهنا تبدأ تبان اخطاء التركيب

08/08/2026

🟢توضيح بسيط فقط
عمرنا مطلبنا التفاعل على منشوراتنا، والصفحة هذي طلعتها من الصفر. وما نقولكش تعبت عليها، خاطر بصراحة. الجام والتعليق ماشي هوما الحاجة اللي نسعى ليها.

الهدف تاعي من المنشورات هو تكون **صدقة جارية ليا ولوالديا**، حتى بكلمة وحدة يستفاد منها إنسان، هذاك هو المبتغى والحمد لله.
وبفضل هذي الصفحة عرفنا رجال ياسر، وما ننساش حتى الخمسة اللي كانوا من أوائل الناس اللي دايمًا يديرولي جام ويتفاعلوا مع منشوراتي. ❤️

🟢 **وبخصوص منشور Hisense** اللي حكيت فيه على خطأ وقع في خدمتنا:

أنا بنفسي قلت بلي كان **مشكل من جهتنا**، وبالتالي مسؤوليتنا نصلحوه ونتحملو المسؤولية كاملة. وهذا الشيء ماشي جديد علينا، خاطر في خدمتي أصلًا نمد ضمان للزبون بفضل الله:

🔹 ضمان الغاز: **3 أشهر في حالة كان الخطأ من عندي.**
🔹 ضمان التركيب: **عام كامل.**

وأي زبون خدم معانا يعرف هذي الحاجة.

🟢 منشوراتي نكتبهم بيدي وبالدارجة، علاش؟
باش المعلومة توصل بالطريقة اللي نحبها وبالطريقة اللي يفهمها الناس.

حتى الصور اللي تستعملوها على اساس خدمتكم من منشوراتي، قلت **معليش، دير اللي تحب على روحك، المهم خرج للزبون خدمة ترضيه**.

لكن أنك تسرق منشور كامل فقط باش تزيد التفاعل ولا تكسب رضا الناس، ومن بعد تدير عليه Copier-Colle، هنا نقولك: لا خويا.

وزيد عليها، كي يكون الـCopier-Coller حتى في طريقة الكلام، تولي تضحك شوية 😂
خاطر أي واحد يقرا منشوراتي يعرف بلي **اللي كاتبهم من الشرق، وبالتحديد من ولاية سوق أهراس**.

🟢 في الأخير، التفاعل عمره ما كان هدفي.
إذا خرج شخص من منشوراتي بمعلومة تنفعو في خدمتو أو تحميه من غلطة، فهذا بالنسبة ليا أكبر تفاعل وأكبر مكسب.

والحمد لله على كل واحد استفاد، وكل واحد دعا ليا ولوالدي.
**هذا هو المبتغى، والباقي ما يهمنيش.** ❤️

07/08/2026

غايب كوندور حاضر هايسنس ✅👌🏽
🟢بما اني ركبت اصدار الاخير لهايسنس Sahara power ملقيتش مشكل في إدخال سلك كهرباء في وحدة داخلية

🟢لكن اصدار هذا. مكان ادخال سلك كهرباء ضيق وتعاني معاه. لكان شركة تخدم كلش كيما الاصدار الاخير ليها امر جيد تسهل علينا خدمة كيما دايرة كوندور في alpha x

05/08/2026

مكيف هذا حنا لي ركبناه للاسف بعد 3 اشهر اتصل زبون وقالك بلي البرودة ناقصة. 🟢

رحنا شوفنا المشكلة، ولقينا بلي الخطأ كان في الخدمة تاعنا بسبب أن العمل دار فالليل والضو كان ناقص، وما انتبهناش للأنبوب اللي تبدل بأنبوب طولو 5 أمتار. وبعد المعاينة لقينا بلي كاين تسرب صغير في المكان هذا.

🟢 المشكل ماشي في الخطأ، لأن «جلّ من لا يخطئ»، بصح الإنسان المحترف لازم يتدارك الغلطة مهما كانت. كيما حنا طلبنا حقنا على الخدمة، الزبون زادة من حقو يلقى البرودة والراحة.

ماشي مليح تقول للزبون: «ما عنديش وقت» ولا «ما نقدرش نجي»، ولا تخدم خدمة وتهرب من المسؤولية.

🟢 ديما خليك إنسان يخلي سمعة مليحة عند الناس، خاصة في مجال تقدر فيه تمد ضمان للزبون على الخدمة تاعك. الاحترافية الحقيقية ماشي غير في التركيب، الاحترافية في المتابعة وتحمل المسؤولية حتى لآخر لحظة.
تاعك

01/08/2026

🟢سلام عليكم ورحمة الله

🟢 نحكو شوية على **مكيفات الـ Armoire** وتعب الصيانة تاعها 🫠

🟢 من أكثر المكيفات لي عانيت في صيانتها من ناحية الوقت والجهد هي مكيفات الـ **Armoire**، ووليّت ما نحبذهاش في المساحات الكبيرة، خاصة بعد انتشار مكيفات **Split mural 36000 BTU Inverter**.

🟢 تخيل معايا مكيف **60000 BTU** مركب من سنة 2012 وما داروش صيانة نهائياً. المشكلة الكبيرة هي تراكم الأتربة داخل الوحدة الداخلية، خاصة في الأماكن الصعبة لي يوصللها التقني، وين لازم أدوات تنظيف صغيرة ومخصصة.

🟢 هاد الشي يقدر يسبب:

* ارتفاع كبير في فاتورة الكهرباء.
* ضعف التبريد.
* ضغط إضافي على الضاغط (Compressor).
* زيادة الأعطال وتكاليف الصيانة.

🟢 بالنسبة للي عندو مساحة كبيرة، ننصحو بمكيف **Split 36000 BTU Inverter** وتقسيم المساحة على أكثر من وحدة، لأنه إذا وقع عطل في وحدة يبقى كاين البديل، وزيد الصيانة تاعو أسهل بزاف مقارنة بمكيفات الـ Armoire.
هذا رأيي شخصي وفقط

30/07/2026

🟢سلام عليكم ورحمة الله

🟢 قررنا انا وفريق اي انسان عندو مريض او حالة خاصة حاب ركب مكيف ولا صيانة فقط كي عيط يقول عندي امر. ضروري انا اخي نسبقك على ناس ونعتذر من آخرين لي مديت ليهم موعد واذا محكمتوناش لضغط عمل فقط اترك رسالة في واتساب اكتب حالة مستعجلة وحنا نبرو امورنا ان شاء الله كل تتفهمني كي نقلك راح نتأخر عليك عندي حالة خاصة زائد نقدم اعتذاري كل انسان اتصل بينا قلنالو مكانش موعد الله غالب منقدرش نخدم ناس كل
🟢ان شاء الله تكونوا متفهمين امر وجزاكم الله كل خير

27/07/2026

كبيرهم 👌🏽✅

26/07/2026

🟢جيبيولنا جماعة pompe a vide كذبة درتوها باه تسرقو ناس راهي ارقام منقدروش نتحكو فاها
🟢اهدر 😁درك مكيف عندو عامين ملي ركب كي تشوفو للوهلة الاولى تويو بارد ضغط جيد لكن كي تحط thermometers و تقيس تيار تعرف بلي كاين خلل

🟢وحاجة اخرى مناش نسرقو فناس ركبلك واحد بلا pompe à vide ميعنيش ميبردش لا لكن كفاءة تنقص مع وقت خاصة بعد عام الاول وحل ؟ تفرغ مكيف كامل ودير عملية تيراج فيد ممتاز وتعمر مكيف
🟢ملاحظة لي حب يناقش يناقش علميا وبارك الله فيكم

25/07/2026

كي تلعبها قافز زعما وتعرف كيفاه تثقب وتقول سلكت منو وتلقاه يستنى فيك في خرجة😂

24/07/2026

Crestor ✅
🟢مكيف تلقاه اشري 👌🏽✅سومة وبرودة ✅

Adresse

Souk Ahras
Souk Ahras
41000

Téléphone

+213674381208

Site Web

Https://diclim.netlify.app/

Notifications

Soyez le premier à savoir et laissez-nous vous envoyer un courriel lorsque DI Climatisation 41 publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.