Lambda Core

12/03/2024

☢مغامرات الإشعاع في عالم الجريمة☢

في عالم الطب الشرعي، يُستخدم الإشعاع كأداة فعالة لكشف الأدلة و مساعدة المحققين في الوصول إلى الحقيقة!

_طيب ازاي ؟

البصمة الإشعاعية: نقدر نستخدم الإشعاع لإنشاء بصمة فريدة لكل شخص أو قطعة أثرية، ودا بيساعد على ربطها بمسرح الجريمة.

تحليل المواد: يمكن استخدام تقنيات الإشعاع لتحليل المواد المختلفة، زي الدم أو الشعر أو الأدوية، لتحديد خصائصها وربطها بمصدرها.

تحديد عمر العظام: يمكن استخدام التأريخ بالكربون المشع لتحديد عمر العظام، مما يساعد في تحديد وقت الوفاة.

كشف التزييف: يمكن استخدام تقنيات الإشعاع لكشف التزييف في الأعمال الفنية أو القطع الأثرية

يعني مثلا عندنا :

الفلورسنت بالأشعة السينية بيُستخدم لتحديد المواد غير العضوية الموجودة في مسرح الجريمة، زي الدم أو الألياف.

بنستخدم التحليل الطيفي بالأشعة السينية لتحديد العناصر الموجودة في الأدلة الجنائية.

التصوير المقطعي بالإصدار البوزيتروني بنستخدمه لتصوير الدماغ البشري وتحديد التغيرات التي قد تكون مرتبطة بالجرائم، مثل السكتة الدماغية أو الإصابات الدماغية.

ففي عالم الجريمة، لا شيء يبقى مخفيًا عن عيون الإشعاع ! ☢

18/02/2024

استنونا قريب جدا مع Bridging The Gaps وهي سلسلة من الايفنتات اللي هنحاول نوضح فيها علاقة قسم الهندسة النووية والإشعاعية بباقي الأقسام الهندسية وازاي بيترابطوا مع بعض ونطور المهارات المتعلقة بيهم بحيث نقدر نستفيد بيها في مجالنا.

تقدروا تخمنوا هنبدأ بإيه؟ 🤓

09/12/2023

مستنيكم بكره في إيفينت Application Guide مع يوسف حسني وسارة رضا هيكلمونا عن التقديم في الفرص المتاحة لينا وازاي نكتبها بأحسن شكل ممكن واللي بتكون مهمة جدا في القبول ومع كثرة المنح والفرص المتاحة عملية التقديم لازم تكون مهارة أساسية بالنسبالك حتى بعد التخرج.

مستنينكم بكره في فصل 603 الساعة 2! 🥸

20/10/2023

مساء الخير عزيزي القارئ
تعالي نتعرف النهاردة عن تطبيق عملي واقعي في حياتنا ممكن مش كلنا عارفينه واللي هيعرفه لأول مرة هيحس انه زي قدرة خارقة الإنسان توصل ليها.
النهاردة هنتكلم عن ال Non-Destructive Tests او ما تسمي بالNDTs.

الNDTs هي عملية بنقوم فيها باختيار المواد أو المعدات الي قدامنا باستخدام شوية طرق و techniques تسمحلنا إننا نعرف بعض الخصائص بدون ما ندمرها. طب تعالى نعرف اصلا ايه الفرق مابين الDestructive و الNon-Destructive tests...
بخلاف إن الإسم موضح الفرق بس أنا هستفاد ايه لما مدمرش المادة اللي عاوز اختبرها؟؟
بستفاد إن المادة دي مبقتش waste أو هدر لأن أنا بعد ما بدمرها أو أعرضها لdestructive test مبقدرش أستعملها تاني أو إني أخليها تقوم بوظيفتها بشكل سليم.

بستفاد من الNDT بردو إني أقدر أختبر المعدات وهي شغالة وبتقوم بوظيفتها وقتياً ودا طبعا بيبقي شئ مهم لأنه ممكن يكشفلنا تصرفات داخلية في المعدة وهي شغالة مثلا ممكن تكون محتاجة تتغير. ال Efficiency بتاعت الNDTs عالية لإنها سريعة في تنفيذها ودقيقة فنتائجها ودا بردو بيساعد في جانب تاني وهو ان احنا نكتشف المشاكل بشكل مبكر ودا اقتصاديا هيوفر كتير علي المدى البعيد. و بردو لما نكتشف المشاكل بدري فدا هيعلي من مستوى السلامة لأنه هيحد من المخاطر الي بتظهر اثناء استعمال المادة/المعدة.

طب احنا بردو مش فاهمين الNDT بيتم ازاي ولا هو عبارة عن ايه؟
زي ما قولنا الNDT بينقسم جواه أنواع كتير جدا من الطرق أو الاختبارات وكل طريقة مختلفة عن التانية وبتحقق هدف معين في الاختبار الي بتقدم، هنتكلم عن بعض الاختبارات المتعارف عليها و بيتم استخدامها في وقتنا الحالي:

1- Magnetic Particle Test (MP)
الاختبار دا زي ما هو واضح بيعتمد علي الخصائص المغناطيسية للمادة بشكل أساسي. بمعني انه مش هينفع تطبقه غير مع معادن في اغلب الوقت. الاختبار دا بيتم عن طريق انك بتوصل المعدن بتيار كهربي عشان يولد magnetic field و بتبدأ تحرك Electromagnet علي سطح المعدن عشان يلقط التغير في المجال المغناطيسي. طب امتى يحصل التغير دا؟ لما يبقي في عدم انتظام في سطح المعدن (بما ان المجال أصلا خارج من السطح دا ف طبيعي هتغير بتغيره). و دا بالظبط الي بيعرفنا وجود حفر أو مشاكل في السطح.

2-Liquid Penetrant Test (LP)
كان عندنا مشكلة في الاختبار الاول دا و هو انه مينفعش يتطبق غير علي مادة معدنية، ودا بالظبط الي بيحله الLP test. بنستخدم مادة معينة بيتم دهنها علي المادة و بتتساب لفترة معينة بحيث انها تتوغل في الثغرات الموجودة علي سطح المادة/المعدة و بعدين بيتم ازالتها عشان يبان الفرق بين السطح المنتظم العادي و مبين الحفر الموجودة فيه. الاختبار دا ليه اسم تاني بردو وهو الDye Penetrant test

طب احنا كل دا بردو بنتكلم عن مشاكل بتواجه "سطح" المادة ، طب ما احنا ممكن بمجرد النظر نكشف حاجات زي دا. و هو في الحقيقة كلامك مظبوط و دي بالمناسبة نوع من انواع الاختبارات المدرجة ضمن الNDTs و بيسمي بالVisual Test او Visual inspection و لكن مش دي النقطة. ساعات بيكون عدم الانظام في سطح المادة دا دقيق جدا و صعب إنك تتفحصه عن قرب بذات لو الاختبار هيتم لمساحات كبيرة من المادة.

3-Radiographic Test (RT)
في التيست دا بنبدأ نكتشف ميزة من مزايا الNDT الأساسية و هي إن إحنا ممكن نكتشف اصلا الاخطاء الموجودة في المعدة داخليا بدون ما نفتحها او نضطر أن إحنا نكسرها. التيست دا يعتبر تطبيق مباشر لاستخدام الاشعاع حيث بيتم فيه استعمال الX-Rays للمواد الرفيعة او الأقل كثافة و بنستعمل الGamma radiation للمواد الأسمك او الأكثر كثافة. المادة بتتعرض للاشعاع و بيتم وضع Recording media ورا المادة الي بيتم اختبارها. بمعني إن الإشعاع اللي انت بتعرضه للمادة دا محتاج انك تعرف ايه عدي منه و اختلاف شدته بتغير اختلاف المادة و دا عشان تعرفه محتاج حاجة زي الX-Ray Film عشان تمتص الإشعاع الخارج دا عليها. بعد ما بنلقط اسقاط الاشعاع علي الFilm بيبان عليه الثغرات، الثقوب والمشاكل الموجودة في المادة بشكل عام داخليا.
طب احنا مش عارفين بردو هو الNDTs بتفيدنا ازاي في حياتنا؟ تعالى نقول بعض الأمثلة :
- تغليف المنتجات في المصانع: المصانع بتحتاج انها تتأكد إن مفيش أي تسريب بعد ما تم تغليف المنتج عشان ميحصلوش اي اضرار قبل ما يوصل للعميل أو المستهلك. بردو بنشوف تطبيق تاني و هو إن في بعض الصناعات بيتم اختبار أجزاء المنتج قبل ما يتم تجميعها او ادخالها لعملية الانتاج عشان يطلع المنتج النهائي سليم.
- شركات توليد الطاقة: بنحتاج اننا نكتشف ايه المشاكل الموجودة في منطقة اتعمل فيها لحام قبل كدا عشان نلحق مشاكل كتير متضرش توصيل الكهرباء.
- فصل القمامة: بعض منشأت بتستخدم الNDTs كوسيلة انها تعرف ايه الMetals القابلة انها يتم استعمالها مرة تانية.
- صناعة السيارات: مثلا بيتم اختبار Pistons الموتور بما إنها من أهم أجزاء السيارة.
- صناعة الطائرات: في عملية التصنيع بيتم الكشف على المعدن المصبوب في القالب المخصص ليه بعد ما تم استخراجه عشان نتأكد إن القطع كلها لما تتركب مع بعض عشان تشكل الطيارة تبقي كلها متوافقة مع التصميم المحدد.
- السفن: بنحتاج الNDTs في إن إحنا نعرف لو فيه أماكن في السفينة اتعرضت للتآكل عشان نقوم بمعالجتها بدري.

لو فضلنا ندرج في انواع اختبارات الNDTs و تطبيقتها في حياتنا مش هنقدر نوفيها في مقالة واحدة بس الي نعرفه انها تسببت في نقلة نوعية للبشرية في مجالات كتيرة زي الي ذكرناها.

نتمني انكم تكونو استمتعتوا و إلي لقاء قريب.

16/10/2023

سعداء بمشاركتكم معانا ف النسخة الأولي من Discover Your Core

حابين نفكركم لو محتاجين تتواصلوا مع ال speakers تقدروا تبعتولنا رسالة علي الصفحة وهنبعتلكم طرق التواصل.
نتمني تكونوا استفدتوا من ال sessions و منتظرينكم ف فعاليات تانية قريب!

14/10/2023

دي المواضيع اللي هنكلمكم عنها، مستنينكم بكره في فصل 601 الساعة 2!

13/10/2023

مستنينكم في أول إيفنت لينا السنة دي يوم الأحد!
تفاصيل أكتر هتنزل بكره على البيدج.

11/10/2023

بنفكركم إن الفورم مفتوحة لحد يوم الجمعة القادم 🫡

At Lambda Core, We're happy to announce that we're accepting applications for those who are willing to join our media team. Currently, we are looking for a Content Creator to write and publish various types of pieces for our social media accounts, like articles, promotions, and announcements.

Responsibilities
Writing content for articles, posts, promotions, and announcements.
Translating content from Arabic to English and vice versa.
Skills & Requirements
Proven content writing or copywriting experience.
Excellent writing and editing skills.
Studying or working in a nuclear-related field (knowledge in nuclear field or physics).
The ability to meet deadlines.

You can apply here: https://forms.gle/RyRNww8zxiKWjP1x7
-------------------------
في لامدا كور،سعداء اننا بنعلن عن قبولنا لطلبات الانضمام لتيم الميديا الخاص بالأسرة. حاليا، بنبحث عن صانع محتوى يقدر يكتب وينشر مختلف أنواع المحتوى على صفحاتنا على السوشيال ميديا زي المقالات، الاعلانات، والتنويهات.

المسؤوليات
كتابة المحتوى للمقالات، المنشورات، الاعلانات والتنويهات
ترجمة المحتوى من الانجليزية للعربية والعكس

المهارات والمتطلبات
تقديم أعمال سابقة لكتابة المحتوى
مهارات كتابة وتدقيق متميزة
الدراسة أو العمل في مجال مرتبط بالمجال النووي أو معرفة بالمجال النووي والفيزياء
القدرة على تسليم المشاريع في الأوقات المحددة.

يمكنك التقدم من هنا: https://forms.gle/RyRNww8zxiKWjP1x7

04/10/2023

قبل ما نبدأ ونكمل في رحلتنا في قلب المفاعل، ياريت تقولوا لنا رأيكم في مواضيع الأسابيع اللي فاتت ولو شايفين أي حاجة كانت مش واضحة. 🥰

الأسابيع اللي فاتت اتكلمنا عن fuel و clad وإن بمجرد بداية التفاعل هينتج طاقة كبيرة ودرجة الحرارة بتزيد جدا ،وبيكون من نواتج التفاعل neutrons جديدة بتظهر بيكون حوالي
(2 to 3 neutron per reaction)
و بتكون سرعته عالية جدا (fast neutron)

طيب احنا دلوقتي بنستخدم Fuel (UO2) U-235 (3-5%)، لو فاكرين إنها مادة fertile، اللي هي بتعمل التفاعل بthermal neutron اللي هو سرعته قليلة طيب ازاي بقي fast neutron هيتحول ل thermal neutron ؟؟👀

هنا يظهر الmoderator.

ايه هو moderator؟
بالضبط زي ما قولنا فوق ، هو مادة وظيفتها أنها تحول fast neutron لthermal neutron بس كده

طيب اي مادة تنفع انها تكون moderator؟ بص هو ممكن اي مادة ممكن تحول fast neutron ل thermal neutron، لكن الاختلاف في عدد مرات تصادم الfast neutron مع المادة دي عشان يتحول لthermal neutron ،وكل ما كان عدد مرات التصادم أقل تكون دي المادة الاحسن.

و عموما الصفات الأساسية اللي لازم تكون في المادة اللي هتستخدم ك moderator هي :
1. أهم صفة، أنها تحول fast neutron ل thermal neutron بعدد تصادمات أقل ما يمكن
2. تكون المادة دي مش بتمتص neutron وتصدر أي إشعاع تاني، ليه؟
عشان طول ما فيه neutrons موجودة يبقي التفاعل هيفضل شغال، ف لو المادة دي بتمتص neutrons ف عددهم هيقل وهيأثر علي كفاءة التفاعل.

طيب دلوقتي ايه المواد اللي فعلا بيستخدموها ك moderator؟
ممكن مادة ال moderator تكون ساىٔل، صلب أو غاز، علي حسب نوع المفاعل.

# نبدأ لو كان ساىٔل:

المياه (H2O)
المادة الأشهر والأكثر استخداما طب ليه؟
- ذرات الهيدروجين اللي موجودة في المياه بتقدر أنها تحول fast neutron ل thermal neutron بعدد تصادمات قليل.
- مش غالية ومتوفرة بكميات كبيرة.
وعشان مفيش حاجة كاملة، اكيد في عيوب
وعيوبها هي
- بتمتص جزء من الneutrons و دا بيأثر علي الكفاءة زي ما قولنا فوق.
- درجة غليان المياه تعتبر قليلة (100c at 1atm) والمفروض ان الmoderator ميوصلش لمرحلة الغليان ودا حله إن التشغيل بيكون تحت ضغط عالي (كل ما بترفع الضغط ،درجة الغليان بتزيد) وعشان كده الضغط داخل المفاعل بيكون عالي.

# طيب امتي بيكون صلب؟

الجرافيت (الكربون C-12)
ذرات الكربون بتقدر أنها تحول fast neutron ل thermal neutron بعدد تصادمات قليل.
ندخل علي مميزات الجرافيت
- بتمتص neutron لكن بنسبة أقل من المياه.
- بيتحمل درجات الحرارة العالية
طب وايه عيوبه؟
من ناحية الsafety فهو في حالة الحوادث بيزود المشكلة.

# هيكون غاز:

الهيليوم أو CO2
- بيؤدي وظيفة moderator
- بيتحمل التشغيل علي درجات الحرارة العالية
- بيمتص neutrons اقل
عيبه بقى:
-الغازات معروفة بكثافتها القليلة، ودا بيحتاج حجم core بيكون أكبر. يعني حجم مبنى المفاعل هيكون أكبر (تكلفة زيادة).
- دا غاز ف لازم يكون كل شىء محكم عشان ميحصلش تسريب.

طيب مش ملاحظين حاجة
إن المواد اللي بتُستخدم هي (H,He,C)، طب ليه؟
لإن كلهم عناصر خفيفة، عددهم الكتلي قليل، المادة كل ما كان عددها الكتلي أقل، كل ما كانت افضل عشان تستخدم ك moderator.

و بص كده اتمني يكون الموضوع يفيدكوا، متنساش تقولنا رأيك 👀

01/10/2023

At Lambda Core, We're happy to announce that we're accepting applications for those who are willing to join our media team. Currently, we are looking for a Content Creator to write and publish various types of pieces for our social media accounts, like articles, promotions, and announcements.

Responsibilities
Writing content for articles, posts, promotions, and announcements.
Translating content from Arabic to English and vice versa.
Skills & Requirements
Proven content writing or copywriting experience.
Excellent writing and editing skills.
Studying or working in a nuclear-related field (knowledge in nuclear field or physics).
The ability to meet deadlines.

You can apply here: https://forms.gle/RyRNww8zxiKWjP1x7
-------------------------
في لامدا كور،سعداء اننا بنعلن عن قبولنا لطلبات الانضمام لتيم الميديا الخاص بالأسرة. حاليا، بنبحث عن صانع محتوى يقدر يكتب وينشر مختلف أنواع المحتوى على صفحاتنا على السوشيال ميديا زي المقالات، الاعلانات، والتنويهات.

المسؤوليات
كتابة المحتوى للمقالات، المنشورات، الاعلانات والتنويهات
ترجمة المحتوى من الانجليزية للعربية والعكس

المهارات والمتطلبات
تقديم أعمال سابقة لكتابة المحتوى
مهارات كتابة وتدقيق متميزة
الدراسة أو العمل في مجال مرتبط بالمجال النووي أو معرفة بالمجال النووي والفيزياء
القدرة على تسليم المشاريع في الأوقات المحددة.

يمكنك التقدم من هنا: https://forms.gle/RyRNww8zxiKWjP1x7

29/09/2023

The last part of our interview with Prof. Dr. Mohamed Yasser Khalil is finally here! But we're not done yet. Wait for another interview with one of the teaching staff at the Nuclear & Radiation Engineering Department next week. 🫡

الجزء الأخير من مقابلتنا مع دكتور محمد ياسر خليل موجود دلوقتي!
إستنونا الأسبوع الجاي مع مقابلة أخرى مع أحد أعضاء هيئة تدريس قسم الهندسة النووية والإشعاعية الأسبوع القادم. 👌