14/04/2026
سبوبة السمارت هوم
كان فيه واحد صاحبنا اسمه "حسين"، قرر يقلب شقته "سمارت هوم" عشان يبهر أصحابه وهو قاعد معاهم ويقول "يا جوجل نور الصالة". وبدل ما يسأل ويشوف الماركات اللي ليها اسم، دخل على موقع مجهول وجاب "شيلة" مفاتيح كهرباء ولمبات وسنسورات بأسعار خيالية.. يعني القطعة بـ 150 و 200 جنيه في وقت ما الماركات النظيفة كانت بـ 800 و 900.
المشكلة: "السيستم وقع يا رجالة"
حسين ركب الحاجة وفضل يومين فرحان، لحد ما بدأت الكوارث:
التهنيج: يطلب من النور يطفي، النور يطفي بعد 5 دقائق أو ميردش خالص.
الخضة: مرة واحدة في نص الليل، لمبات الشقة كلها نورت لوحدها بـ "أقصى إضاءة" والـ Alarm اشتغل من غير سبب، كأن البيت مسكون!
ريحة الشياط: ودي كانت أخطر حاجة، لما وصل فيشة المبرد (الديسبنسر) بمقبس ذكي رخيص، المقبس مساحش وبس، ده كان هيولع في الشقة لولا الستر، لأن "الخامات" بتاعته متستحملش جهد كهرباء عالي.
الحل: "الغالي تمنه فيه"
حسين جاب فني بيفهم، قاله: "يا حسين، في السمارت هوم بالذات ما ينفعش تسترخص في أساسيات الكهرباء". وفعلاً عملوا
#الدكان
