01/02/2023
اهم حاجه فى البيت المطبخ والحمام متستخسرش فيهم ودى شوية نصايح عشان تشطب وتعيش مرتاح نبداء بسم الله🎯🎯
✅الشياكة فى البساطة ممكن تدخل كذا لون فى الحوائط المهم التناسق والتوزيع المناسب #تصميم 3D هيسهل عليك تشوف الحمام والمطبخ قبل التنفيذ وقرارك بنسبة كبيرة هيكون صح
✅ هات اطقم الحمام ماركات ايديال استاندر - دروفيت - وايت فيل القاعدة المعلقة تحفة واشيك بكتير وبتستحمل لحد 400 كيلو سيفون الدفن جروهى مفيش كلام وبيتعملو صيانه عادى متخليش حد يخوفك منه
✅ وحدة حوض خشب كونتر معالج بتخلى الحمام فى حتة تانى😉
✅باب الحمام يكون خشب وتعمل حاجز استلسين ارتفاع 10 سم لمقاومة الماء
✅مواسير التغذية والصرف الشريف بى آر او اكوا ثيرم ولازم الشركة تكبس عشان ناخد ضمان مدى الحياة على الشغل
✅ السيرميك الابيض بيتركب بمونه فاتحه (اسمنت ابيض)عشان ميغيرش لونه لازم تمحر الحوائط قبل السيراميك بلاش سيراميك مط متعب فى التنضيف البورسلين مش محبب فى الحمام والمطبخ معاك فلوس وناوى تصرف ركب رخام حتى لو جانب واحد وارضية جرنيت
✅كابينة الشور نعمل الارضية جرنيت والزجاج السيكوريت اشيك من الاكريلك ونعمل مكان للجلوس لو المساحة اكبر من متر x متر ونص
✅ السخانات الفورية من افضل وآآمن السخانات وموفرة فى الاستهلاك بس ناخد بالنا من الماركة وتاسيس كهرباء وفقا للموصفات والسخانات الفورية الغار ممتازة برضو
✅مرايات الحمام لازم تكون شيك هتنور الحمام
✅المطبخ لو تصميمة فية درف ومساحات تخزين كتير اعمل الجزء اللي باين مابين الوحدات العلوية و السفلية جرانيت او بورسلين رخامى او اونكس ٦٠×١٢٠داير بمحيط المطبخ
✅البورسلين مابيركبش بمونة البورسلين يتركب بمادة لاصقة بعد المحارة سواء أرضية او حوائط (شغل بره)😉
✅وسع باب المطبخ على قد ما تقدر عشان التهوية وسهولة الدخول والخروج بالذات لما يكون عندك ثلاجة كبيرة ٣ باب وعريضة
✅اختار الأجهزة الكهربائية قبل ما تفصل المطبخ عشان المقاسات تظبط
✅ في شفاطات صغيرة قطرها 10 سم ،15/18بس وقدرة شفطها عالية وما بتعملش أي صوت
✅ التهوية مهمه للمطبخ شباك كبير والحمام شباك صغير اعمل برايز كاير فى المطبخ وبريزه فوق حوض الحمام
✅هات صنايعى خبره حتى لو غالى متستخسرش وهات حد ثقة
لمزيد من الاستفسارات ممكن تكلمنا على الرقم دة 01021252178
https://www.facebook.com/SarmadConstruction صفحتنا على الفيس بوك
