22/07/2026
لما تبقي عميل وطلبت اصلاح أو صيانة وعملت ده ع الواتساب وبالفعل تم الرد عليك اننا مش فى المدينة اليوم ده وموجودين يوم السبت الجاى وتمام بالنسبة لك اه تمام
وتم الاتفاق ع اليوم والموعد واحنا بقي أساسى عندنا فى الشغل هو التزام اليوم والموعد تلاقينا قدامك كأننا المان فى نفس الوقت المتفق عليه ولو حصل وكنا هنتاخر لأى سبب لازم نتصل قبلها نعتذر علشان العميل ما يستتناش ونعمله قلق طب لو حصل ومش هقدر نروح يبقي لازم قبلها بيوم ع الأقل نعتذر للعميل ونقوله اننا مش هقدر نروح بسبب كذا أو لأمر طارئ وده نوع من الاحترام لينا ولشغلنا وكمان للعميل
تعالي بقي للجانب الثانى
العميل ده لنا يكون متفق علي اوردر المفروض أنه يكون عارف ان اللي جى ده مش جي من الشارع اللي وراه !! لا ده انت بتتكلم فى بند انتقالات لوحده مشكلة ومبلغ حاليا بقي تكلفة تكلفة يعنى ده غير أن ترتيب المواعيد بيكون بين الاوردر والثانى لازم بنسيب وقت للشغل ووقت للانتقال للعميل الآخر
طب لما نوصل المدينة وبعد ما نوصل نكلم العميلة تقوم ترد بكل بساطة وسهولة كدة لا معلش اصل انا سافرت فلما ارجع بقي !!!! طب ده اللي هو ازاى يعنى !!! طب والمشوار اللي احنا جايين فيه ده من خارج المدينة !!! طب والوقت اللي هنفصل واقفينه فى الشارع ده لحد الاوردر اللي بعده !!! طب وقلة القيمة !!! طب مش فى حاجة اسمها اتصل اعتذر عن الميعاد ده قبلها بيوم علشان الناس دى ما تجييش !! طب حتى اليوم نفسه الصبح بدرى اتصل اقولهم ده علي اسوء الفروض حتى مش من باب اننا نلحق ما تجييش لا من باب احترام البشر
لا فى الاخر مش عاجبها وبتقولك هو انتوا عملتولي بلوك ليه !!!!!!
هو فى كدة !!! هو فى من ده !!! البشر وعجائب البشر
فعلا ما بقاش ينفع يعيش فى البلد دى غير الهمجى والعشوائي لكن المحترم فعلا ما لوش عيش فيها
لا ده اى مخلوق علي وجه الارض ما يحترمش المحترم مش بس بتعمله بلوك واحد لا خالص ده بتعمله بلوك هو واى حد من طرفه اصلا
المعاملة بالمثل
والسلام
