https://www.linkedin.com/in/mohameda4108

NETwork - Bāl'arabiy, Cairo (2026)

02/02/2025

كل يوم معلومة سريعة عن ال Cloud ☁️🚀 -

• معلومة ٣: ال (Cloud Models)، أو أشكال الكلاود؟

ال cloud computing مش بس مجرد خدمات، لكن كمان ليها نماذج مختلفة بتحدد شكل وطريقة استخدامنا ليها. النماذج دي اتعملت علشان الكلاود تتناسب مع احتياجات الشركات والأفراد اللي بتختلف بناء علي شكل وطبيعة ال Business.

🔹أولاً: ال Public Cloud

ده يعتبر النموذج الأشهر والأكثر انتشاراً واستخداماً للكلاود. وده لأن الموارد أو ال resources اللي زي: السيرفرات، وحدات التخزين، وقواعد البيانات بيتم توفيرها لينا ك جمهور مستخدمين عن طريق الإنترنت بشكل مباشر بدون تمييز لحد عن حد، ومميزاتها:

• تكلفتها: الأقل، لمشاركة الموارد بين أكثر من مستخدم.
• ك مرونة: بنقدر بسهولة نزود/نقلل الموارد حسب حاجتنا.
• ك صيانة وتحديثات: بتكون مسئولية مزود الخدمة كلياً.

🔹ثانياً: ال Private Cloud

النموذج ده مخصص أو موجه أكتر للشركات ومؤسسات الحكومية الحساسة اللي مينفعش بياناتها تخرج براها، زي: البنوك. وبتكون موجودة إما داخلياً (On-Premises) عند الشركة أو المؤسسه، أو في مركز بيانات مخصصه ليها هي فقط تابعه لمزود الخدمة، والاتصال بيها بيكون ب VPN طبعا لزوم الخصوصيه المطلقة والأمان العالي، ومميزاتها:

• بتقدم أعلي مستوى من الأمان ك تحكم وأمان لل data.
• التخصيص: نقدر نعدل الموارد حسب احتياجنا بدقة.
• ك تكلفة: بتكون الأعلى لعدم مشاركة الموارد مع اي حد.

🔹ثالثًا: ال Hybrid Cloud

ده نموذج هجين بيجمع بين مزايا ال Public وال Private ك مزيح بيخلينا نقدر نتشارك جزء من ال resources مع مستخدمين تانيين في ال Public Cloud، وفي نفس الوقت نكون حاطين جزء تاني من ال resources ك Data حساسة في Private Cloud، وهي كمان بيكون الاتصال بيها عن طريق VPN لوجود الجانب ال Private.

المميزات، أكيد وضحت لوحدها بعد ما عرفنا كل نموذج لواحده ودمجناهم في نموذج ال Hybrid، اللي بيوفر مرونه عاليه في نقل ال data والتطبيقات من هنا ل هنا حسب حاجتنا، وده بيوازن بين الأمان ،التكاليف، الأداء حسب حاجتنا.

🔹رابعًا: ال Community Cloud

ده بقي نموذج اجتماعي، زي: community من اسمه، واللي بيكون مخصص لمجموعة من الشركات أو المؤسسات اللي عندها اهتمامات مشتركة، زي مجموعة شركات في نفس المجال أو مؤسسات حكومية ليها نفس الهدف.

مميزاتها بقي: مشاركة نفس الموارد بين مجموعة معينة من المستخدمين، زي منظومه طبيه. و ك تكلفة وأمان ف بتقع بين ال Public وال Private بما انها بتكون موجهه لمجموعه من المستخدمين عندهم نفس الاهتمام والتكلفه بتتوزع عليهم.

💬 سؤال للنقاش:
إيه أكتر نموذج شايف انه مناسب لطبيعة شغلك؟

01/02/2025

- كل يوم معلومة سريعة عن ال Cloud ☁️🚀 -

• معلومة ٢: أنواع الخدمات اللي بتقدمها Cloud؟

ال cloud computing مش مجرد خدمة بتقتصر علي تخزين بيانات، وده لوجود 3 أنواع/أشكال رئيسية من الخدمات اللي بتقدمهالنا ال cloud:

🔹أولاً: IaaS (Infrastructure as a Service)

الخدمة دي شبيهه لفكرة ال NetCafe، وهي اننا بنقدر بيها إننا نستأجر جهاز كمبيوتر نعمل من خلاله شغلنا وندفع تمن وقت استخدامنا ليه. ولكن الاختلاف، ان استخدامنا ليه بيكون عن بعد، يعني Remotely.

ف نقدر من واحنا في مصر نستخدم VM موجوده داخل DataCenter في امريكا او اوروبا. وكمان نستفاد من جوانب خدميه تانيه زي سيرفرات افتراضية، شبكات، حدات تخزين، وقواعد بيانات او Databases، واللي بيوفر ده مزودين ل خدمات الكلاود زي AWS أو Azure أو GCP، وغيرهم.

🔹ثانياً: PaaS (Platform as a Service)

هنا بناخد بيئة تطوير جاهزة، اللي من خلالها نقدر نطور وندير التطبيقات من غير ما تشغل بالنا بالبنية التحتية اللي بتكون مسئوليه مزود خدمة الكلاود.

وخدمة زي دي يتكون مناسب جدًا لل Developers، اللي مش عايزين يحتكوا بال Operation او تشغيل الشيرفرات وظبط اعداداتها، وعايزين يركزوا فقط على كتابة الكود.

🔹ثالثاً: SaaS (Software as a Service)

أبسط مثال نلخث بيه اي كلام ممكن يتقال هنا هي Platforms او منصات/برامج جاهزة علي الإستخدام، زي ال Gmail أو Office 365 من غير ما نشغل بالنا سواء ببنيه تحتيه او كتابة أكواد، وكمان من غير ما نحتاج ننزل حاجة على أجهزتنا، ف دي بتشمل المنتجات الجاهزة اللي ييبيعهالنا ال Cloud Providers.

💬 سؤال للنقاش:
إيه أكتر خدمة شايفها مميزة من وجهه نظرك؟

31/01/2025

- كل يوم معلومة سريعة عن ال Cloud -

• معلومة ١: أي هي ال Cloud Computing؟

زمان علشان كنا نخزن الملفات بغرض المحافظه عليها لفترة اطول، كنا بنلجأ ل وسائل تخزين ملموسه (Physical)، زي: ال CDs وال Hard Disks أو ال USB Flash Drives.

لكن، دلوقتي أصبحت ال Cloud هي الحل الأحدث الغير ملموس (Virtua)، والبديل عالمياً مش بس لتخزين البيانات بشكل مؤمن وسهل الوصول ليها من اي مكان في العالم وفي اي وقت، لكن، كمان لتشغيل البرامج والتطبيقات وإدارة السيرفرات.

📌 ببساطة:

ال Cloud عبارة عن شبكة ضخمة مكونه من سيرفرات قويه بمواصفات عاليه، واللي منتشرة عالمياً علي مستوي قاري (Regional) في شكل مراكز بيانات متعدده (DataCenters) في نطاقات جغرافية أصغر بتتسمى بال (Availability Zones) داخل كل Region.

بالنسبة للماديات، ف احنا لا نمتلك اي حاجه علي ال Cloud، إنما بنكون مستأجرين بندفع تمن وقت استخدامنا ليها.

💬 شاركني برأيك:
أي الطريقة اللي تقدر توصف بيها ال Cloud؟

28/05/2024

🔰 صديقي المهتم بالشبكات، عامل اي؟

أنهاردة هكلمك عن الفرق بين ال WorkGroup
وبين ال Domain Controller.

"اللي أكيد هيقعوا قدامك في يوم من الأيام."

هنتعرف مه بعض علي الأتي:

- أي ده وأي ده بالظبط؟
- ليه محتاجين حاجه زي كده؟
- يعني أي WorkGroup؟
- يعني أي Domain Controller؟
- أي الفرق؟ الأفضل؟ التأثير؟
_________________________________________

#أولا : ما هذا؟ ولماذا؟

ممكن نقول عليهم طرق بنقدر بيهم نتعامل مع الأجهزة في الشبكات، وده علشان نقدر نديهم صلاحيات "Permissions" باللي يقدروا يعملوه علي الشبكة، واللي بيتقسموا لنوعين إما WorkGroup وده قديم شويه، أو Domain Controller وده الشائع والمستخدم.
_________________________________________

#ثانياً: ال WorkGroup:

طريقة الند بالند – Peer to Peer وفيها بتكون جميع الأجهزة من الشبكة علي نفس المستوي من الصلاحيات.
[ ف مش بيكون في فرق بين سيرفر – Server و كلاينت – Client ].

وبالتالي مش بيكون في مسئول مسيطر علي الشبكة يقدر يتحكم في الأجهزة ومستخدميها، حيث أن (كل جهاز بيكون مستقل بذاته) وال Network Admin مش بيقدر يتحكم في الجهاز أو الوصول ليه إلا إذا كان ليه صلاحية الدخول عليه ومعاه إسم المستخدم وكلمة السر الخاصة بالجهاز، واللي بيكونوا مخزنين محليا locally علي الجهاز جوا ملف ال SAM file .
_________________________________________

#ثانياً: ال Domain Controller:

الطريقة دي التحكم فيها بيكون بشكل مركزي، واللي بتتعرف بإسم Server – Client، بيتم تثبيت Role إسمها – Active Directory علي السيرفر واللي بيها هنحدد الدور المركزي اللي السيرفر هيلعبه للتحكم في اجهزه الشبكه.

وده بيحول السيرفر من مجرد سيرفر عادي لمفهوم ال Domain Controller "أي العقل المتحكم في الشبكه".
اللي بقت بتتخدم من وحده وحده مركزيه واحده وبتاخد منها جميع صلاحيات الأجهزة ومستخدميها علي الشبكة.

بيقدر ال Network Admin من خلال ال Domain Environment من إنشاء ال users للأجهزة وتطبيق Group Policies أو ال GPO لتقييد صلاحيات المستخدمينمث، زي إغلاق منافذ ال USB و ال DVD وعدم تغيير الخلفية وعدم حفظ الملفات علي سطح المكتب …إلخ.

وده بيجي معاه القدره مشاركة ال files عن طريق file server مشترك، وكمان مشاركة ال printers عن طريق Print Server، تنزيل role زي ال DHCP server يوزع ال IPs بشكل تلقائي علي الأجهزه، وكمان DNS يترجم ال Domain Names ل IP Addresses، وغيرهم من مزايا بيئة ال Domain.
_________________________________________

#ثالثاً: أي الفرق؟ الأفضل؟ التأثير؟

الفرق أكيد بقي واضح جدا، إستخدام بيئة ال Domain زود من معدلات الأمان والحماية علي الشبكة، وحقق سهولة في إدارتها والتحكم في Resources بتاعتها من أجهزه، مستخدمين، صلاحيات، وتحكم.

وده يخلي ال Domain Controller تأثيره أقوي من طريقه عمل ال WorkGroup التقليديه مهما كان حجم الشبكة.

#شبكات #بالعربي

25/05/2024

الحاضر يعلن الغايب... 📆

في إطار برنامج ( Live Bootcamp ) شركة هواوي - مصر
من خلال أكاديمية هواوي بعمل دورات مختلفة لإعداد الطلاب للمنافسة في سوق العمل.

الدورات هتكون مجاناً بشكل كامل - بدون مقابل مادي - و بشهادة حضور للدورة مجانا لطلاب الجامعات و المجتمع المدني، وهيقوم بتقديمها مدرسين معتمدين من هواوي، ويشترط للتسجيل فيها استيفاء كل الشروط التسجيل في الدورة اللي هتقوم باختيارها طبقا لتوقيتات الدورات داخل الاكاديمية.

https://lnkd.in/g94ESBNH

الدراسة في الدورة هتكون Online عن طريق منصات التواصل المختلفة، وهيقوم مسؤولين الاكاديمية بالمتابعة و التواصل مع الطالب اللي هيملوا ال form، ودي بيانات الدورة.

Course you will be enrolled to is : Artificial Intelligence, including content:

1. AI Overview
2. Machine Learning Overview
3. Deep Learning Overview
4. Mainstream Development Frameworks for AI
5. Huawei AI Development Framework MindSpore
6. Huawei AI Computing Platform Atlas
7. Huawei Open AI Platform for Smart Devices
8. HUAWEI CLOUD Enterprise Intelligence Application Platform
9. Comprehensive AI Experiment

بالتوفيق للجميع. 🌿❤️

https://lnkd.in/g94ESBNH

24/05/2024

ما هي ال Cookies، وفي ماذا تُستخدم؟🍪

في البوست ده هنتعرف علي الأتي:

- ما هي ال Cookies؟ إستخدامها؟ مكانها؟
-إزاي ممكن نحلل ملفات cookies لفهم محتواها؟
- حاجات تخلي بالك منها.

_________________________________________

#أولاً: أي هي ال Cookies؟ وبتستخدم في أي؟

هي عباره عن ملفات إرتباط بين ناحيتين، ناحيتك إنت ك مستخدم، ومن الناحيه التانيه الموقع اللي يتستخدمه من خلال المتصفح أو ال Browser، زي ال Google Chrome مثلاً وغيره.

#إستخدامها:
تستخدم ملفات الكوكيز لإستخدام معلوماتك ك مستخدم زي تفضيلاتك وإهتماماتك، واللي بيتم تخزينها علي مسار محدد علي الأجهزة اللي إنت بتستخدمها، وده لتوفير تجربة إستخدام مخصصة ليك بناء علي اهتماماتك.

_________________________________________

#مكانها:
إزاي ممكن نوصل لملفات ال cookies الخاصه بينا؟
وبعد ما نوصل، ازاي نقدر نفهم المحتوي بتاعها؟

1. الوصول إلى ملفات ال cookies:

تحديد مكان تخزين ملفات الكوكيز يعتمد على نوع المتصفح اللي بتستخدمه، على سبيل المثال في متصفح زي ال Google Chrome، ملفات ال cookies بتكون متخزنه في المسار ده جوا partition ال C.
C:\Users\YourUsername\AppData\Local\Google\Chrome\User Data\Default

2. فتح ملف الكوكيز:

ملفات الكوكيز بيكون ال extension أو الإمتداد بتاعها txt. أو dat. وبيتم فتحها بستخدام محرر نصوص زي ال (Notepad) أو أي محرر نصوص تاني.
_________________________________________

#ثانياً: تحليل ملفات ال cookies لفهمها:

عملية تحليل ملفات الكوكيز، زي ما أشرت بيكون الهدف منها هو فحص وفهم محتواها، اللي بيتم تخزينه على جهازك أثناء تفاعلك مع مواقع الويب.

[خطوات تحليل وفهم محتوي ملفات ال cookies]:

١. بعد ما وصلنا لمسار تخزين ملفات الكوكيز بناء علي نوع ال browser، وكمان تعرفنا علي الملفات من الإمتداد بتاعها، دلوقتي جه دور قرائتها ومحاوله فهم محتواها.

٢. محتوى ملفات الكوكيز بتكون في صيغة مفتاح وقيمة، وممكن تكون القيمة سلسلة نصية أو رقمية أو قيمة منطقية زي True أو False.

٣. في قيم بالتركيز فيها ممكن نفهمها، ولكن في قيم تانيه بتكون مُشفره صعب فهمها من باب الأمان وحماية خصوصيتك.

٤. لتفسير القيم المشفرة دي بيتم إستخدام أدوات third-party أو طرف ثالث لفك تشفير القيم وفهمها.

"أدوات فك التشفير بتكون إما من خلال الإنترنت أو ب برامج كتير ومتنوعه، واللي بتساعد في تحليل ملفات الكوكيز بشكل أكثر تفصيلاً لفهمها."
_________________________________________

#ثالثاً: وأخيراً: حاجات تخلي بالك منها:

- ملفات الكوكيز بيتطلب فهمًا جيدًا لل syntax و تنسيقات كتابتها، بالاضافه لمعرفة مفتاح الكوكيز المستخدمة من ناحيه الموقع اللي عايز تحلل الكوكيز الخاصه بيه، وتعرف هو عنده وعارف أي يخصك.

- لازم تخلي بالك عند التعامل مع ملفات الكوكيز لضمان الخصوصية والأمان وإنك متلعبش في حاجه وينقلب الموضوع عليك، ويكون الخطأ من ناحيتك مش من ناحيه الموقع.

- في حالات بتكون محتاج زي key أو مفتاح لفك تشفير ملف cookies معين، وده لأن بيكون في خوارزميات معينه بيتم استخدامها عند التشفير لتحويل البيانات إلى شكل غير قابل للقراءة، وده بيخليك في حاجه ل مفتاح فك تشفير قادر يتعامل بشكل عكسي مع الخورزميات.

مع العلم أنك لازم تكون حذرًا عند استخدامك لأدوات فك تشفير الكوكيز. لأن، في العديد من الدول فك تشفير ملفات الكوكيز بدون إذن قد يكون غير قانوني وينتهك خصوصية المستخدمين.

_________________________________________

كان معاك م/ محمد أحمد، إستني بوستات NETwork - Bāl'arabiy الجايه. 🌿❤️

#شبكات #بالعربي - #محتوي #عربي #مفيد #امان #حماية
#كوكيز #تصفح #المتصفح #جوجل #الانترنت #ترند

20/05/2024

صديقي المهتم بالشبكات، فاضي نكمل كلامنا بسرعة عن نموذج ال OSI؟

• الطبقة السابعة (التطبيقات – Application)
هتسمع كتير فيها عن بروتوكولات، زي: HTTP, FTP, SMTP, DNS

الهدف منها: توضيح اللي بيحصل لما بنتعامل بشكل مباشرةً مع التطبيقات اللي بنستخدمها يوميًا، زي لما تفتح المتصفح أو تستخدم تطبيق زي Gmail أو فيسبوك، فالبروتوكولات دي بتبدأ تشتغل في الخلفية.

• الطبقة السادسة (العرض – Presentation)
هتشوف ال: SSL/TLS, JPEG, MPEG

الهدف منها:
تجهيز البيانات بالصيغة بتاعتها علشان طبقة العرض اللي هتستقبلها تقدر تفهم نوعها، تشفيرها، وضغطها، تخيل إنك بتبعت صورة، ف طبقة العرض بتجهزها بصيغه مُشفر ومضغوطة لتقليص الحجم وتسهيل النقل.

• الطبقة الخامسة (الجلسة – Session)
هتشوف ال: NetBIOS, RPC

الهدف منها:
إدارة الجلسات بين الأجهزة، لما تفتح مكالمة فيديو مثلاً، الطبقة دي بتضمن إن الجلسة تفضل مفتوحة ومتنظمة، و الجلسة تبدأ وتنتهي لما أنت تقفلها بنفسك.

• الطبقة الرابعة (النقل – Transport)
هتشوف ال: TCP, UDP

الهدف منها:
ضمان وصول البيانات بشكل موثوق “TCP” - التأكد من وصولها، أو غير موثوق “UDP” - عدم تأكد، زي: ساعي البريد اللي بيقسم الرسائل لأجزاء صغيرة ويتأكد إنها توصل مرتبة وبدون فقدان أو تكرار أو، زي: لما تبعت رسالة واتساب وتتأكد إنها وصلت كاملة ومترتبة.

• الطبقة الثالثة (الشبكة – Network)
هتشوف ال: IP, ICMP, OSPF, BGP

الهدف منها:
تحديد أفضل مسار للبيانات لانتقال البيانات عبر الشبكة وتوجيهها بناءً على عناوين ال IP، زي: ال GPS اللي بيحدد أفضل طريق لوصولك لوجهتك، فال IP دوره أن بيانات توصل للعنوان الصح.

• الطبقة الثانية: (الربط البياني - Data Link)
هتشوف ال: Ethernet, PPP, Frame Relay

الهدف منها:
تنظيم البيانات في شكل صورة إطارات “Frames” قبل إرسالها في الطبقة السابعة والأخيرة، "تخيل إنك في مكتبة وكل كتاب له مكان محدد، الطبقة دي بتشتغل زي موظف المكتبة." الطبقة دي بترتب البيانات بحيث تضمن إن كل حزمة تكون محطوطة في مكانها الصح بدون أخطاء.

• الطبقة الأولى: (الفيزيائية – Physical)
مفيش بروتوكولات مُحددة، بتشمل:
معايير عالمية موحدة "Standards" زي IEEE 802.3 الخاص بال Ethernet.

الهدف منها:
التعامل مع الأسلاك والإشارات الموجية اللي بتنقل البيانات فعليًا من جهاز لجهاز، "الطريق اللي بتمشي عليه العربيات اللي بتوصل الطرود ل مكان تسليمها."

إما ك إشارة كهربية في سلك، أو إشارة موجية في الهوا ب معدات إرسال واستقبال ليها مواصفات وترددات مُخصصة.

الطبقة الأولى (الفيزيائية):
الإشارة هتنتهي رحلتها عند المستقبل كإشارة جايه في سلك مثلاً، ثم تتحول لبيانات لازالت علي أجزاء متلخبطه جنب بعضها في صوره وحايد وأصفار مضغوطة ومٌشفرة، ثم هيُعاد تشكيلها مره تاني، ثم هيتفك ضغطها وتشفيرها.

الطبقة السابعة (التطبيقات):
في الأخر هيقدر المستقبل يشوفها بنفس الشكل اللي المُرسل كان باعتها بيه ك صورة علي الشاشة.

تتوقف جودة الصورة علي جودة التقنية المستخدمة في كل طبقة اتكلمنا عنها، وأهم عامل هو جودة قناة الاتصال، يعني لو سلك ف نسبة فقدة للإشارة تكون أقل ما يمكن، ولو موجة في الهوا فتكون محمية بطبقات وقائية بتتجدد كل مسافة معينة علشان تفضل قوية ومحتفظة بالإشارة المحمولة جواها.

أخيراً، فهم بروتوكولات ووظائف كل طبقة هيساعد علي تصميم شبكات قوية.
+ هتديك درجة عالية من الفهم لتشخيص وحل مشاكل الشبكة بكفاءة.

كان معاكم، مهندس/ محمد أحمد.

#شبكات #بالعربي #تكنولوجيا #المعلومات
#دعم #تفاعل

20/05/2024

🔰محتاج تفاعلك الفترة دي جداً، لأستمرار الصفحة في تحقيق هدفها في الوصول بالمحتوي العربي المفيد لكل بيت، شكراً.

#شبكات #بالعربي - #تفاعل #دعم

19/05/2024

صديقي المهتم بالشبكات، تسمحلي أسألك سؤال جريء شوية؟
أي حدود معرفتك ب نموذج ال OSI؟
تقدر تحدد أي تحت مظلة مسؤوليتك، وأي مش تبعك؟

أوكي، تعالي ندردش شويه عن ال TCP/IP، وبعد كده أكلمك عن ال OSI.

• أي بقي ال TCP/IP بالظبط؟

بروتوكول TCP/IP هو "اللغة" اللي بيستخدمها أي جهاز بيفهم IP عشان يتواصل ويتبادل البيانات مع جهاز تاني.

تعالي نفصل، ونتكلم عن كل واحد لوحده:

1- بالنسبة لل TCP:

هو اختصار ل Transmission Control Protocol، واللي بيكون مسؤول عن توجيه البيانات بشكل متسلسل وآمن بين الأجهزة، فبالتالي المستقبل يستلمها مرتبة بشكل صحيح من غير فقدان أو تكرار.

2- أما، بالنسبة للIP :

هو اختصار ل Internet Protocol، وتقدر تعتبره أهم بروتوكول موجود في الشبكة، لأن كل حاجه بتكون مبنيه عليه زي ما هنشوف، ال IP هو عنوانك وعنواني على الإنترنت، زي عنوان بيتك، عشان البيانات توصل، أو تتبعت من الأساس. بص لو مفيش حاجه اسمها IP مكانتش قارات العالم هتبقي متصلة ببعضها بالشكل اللي انت شايفه انهاردة.

تخيل إني باعتلك حاجه بالبريد، هل الحاجة هتوصل لو مش مكتوب عنواني ك مُرسل وعنوانك ك مستقبل؟ أكيد لأ صح؟

فالIP Source هو عنواني كمرسل، وال Destination IP هو عنوانك كمستقبل، والTCP هي العربية اللي هتسوق البيانات من عنواني لعنوانك عبر الأنترنت اللي تقدر تعتبره شبكة البريد العالمية اللي بينقل الطرود من عنوان لعنوان بعربيات ال TCP بتاعتها.

وده سبب تسميتهم بالشكل ده TCP/IP = TCP over IP.
"بمعني ال TCP القادر علي الشغل والحركة ك قناة اتصال بين نقطتين ال IP جوا شبكة الإنترنت."

تيجي أنت تقولي، أي علاقة ده بال OSI.

"أقولك يا صديقي إن ال TCP/IP حجر أساسي ال OSI"
وخليني أصارحك إن ال OSI مرحله متقدمة مينفعش الكلام عنه خبط لزق كده بدون تمهيد.

• أي بقي نموذج ال OSI المرعب أوي جداُ ده؟

ال OSI هو نموذج مرجعي لفهم اللي بيحصل بمجرد فتحك للمتصفح في جهازك لغاية ما تقفله، وده لأنه بيساعدنا علي التدقيق في كل مرحله بتمر بيها البيانات من أول ما المُرسل يرسل المعلومة لغاية ما توصل للمستقبل وتنعكس المراحل دي لغايه ما يشوفها بنفس الشكل اللي كان المًرسل باعتها بيه، فهمت ليه كنت بقولك إن الموضوع محتاج تمهيد؟

ال OSI اختصار ل Open Systems Interconnection، اللي من اسمه نقدر نستنتج الترابط اللي بيُظهر لينا تكونه من سبع طبقات متتالية معتمدين علي بعض إعتماد كًلي زي ما وضحنا بسرعه من شوية، وده لأن كل طبقة بيكون ليها دور محدد وثابت في عملية نقل وتجهيز البيانات عبر الشبكة.

خد الكام سطر الجايين دول، ومتراجعش ورايا:

- الطبقة السابعة (طبقة التطبيقات) – هو اللي بيظهرلك علي الشاشة لما تفتح المتصفح "browser".
- الطبقة الأولى (الطبقة الفيزيائية) – هي الأسلاك والأشارات اللي بتتأكد من اتصالها بجهازك.

الطبقات الخمسة اللي بينهم بترتب البيانات في قوالب تنظيمية تُسمي بال Headers، فالمستخدم العادي مش محتاج يعرف عنهم حاجة، هو بس يهمه اللي بيظهر على الشاشة (الطبقة السابعة) وإن الأسلاك متوصلة بجهازه (الطبقة الأولى).

طيب، إمتي نركز على الخمس طبقات دول؟

لو مهتم بالشبكات، لازم تعرف كل طبقة بعمق.
لو مبرمج، هتركز على الطبقات 7-6-5 اللي بيظهِروا المحتوى للمستخدم.
أما لو مهتم بالكلاود، هتركزعلى كل الطبقات ما عدا 2 و1.
"لأنهم بيحتاجوا تعامل مباشر مع الأجهزة والكابلات، وأنت شغلك كله بيكون عن بُعد."

كلامنا لسه مخلصش...
كان معاك/ي، مهندس محمد أحمد.

#شبكات #بالعربي -

16/05/2024

🔰 هلا بيكم،

إيه رأيكم لو نتكلم عن بروتوكول ال TCP/IP ونموذج ال OSI Model في عالم الشبكات؟ أكيد سمعت عنهم كتير، صح؟

بس هل فكرت تفرق بينهم؟ 🤔

انتظروا الأبداع القادم عن ال TCP/IP ونموذج ال OSI. 💡💻

13/05/2024

صديقي المهتم بالشبكات، أي الأخبار؟

النهارده هتكلم معاك عن موضوع مهم جداً،
وهو: "إزاي الشبكة بيتم أدارتها"
Network Management

ك مٌقدمه مُختصره، إدارة الشبكة بتتم من خلال حلول برمجيه بتكون في شكل برامج سوفت وير زي أي برنامج بتتعامل معاه في يومك الطبيعي، ولكن الاختلاف هنا في الدور اللي بيقوم بيه برنامج السوفت وير الخاص بإدارة الشبكة.

ف يا صديقي العزيز، البرامج دي أو خلينا نقول أنظمه بتوفر لينا درجه عالية من التحكم المركزي، رؤية، واطلاع كامل علي كل أجزاء البنيه التحتية أياً كان مكان تواجدنا سواء في الشركة اللي نظام الإدارة ده بيخدمها أو في البيت أو حتي بلد تانية، وعارف إن دماغك راحت لحته الحماية والأمان تعجبني دماغك، فاكر بوست ال Security Devices، هتلاقي اللينك بتاعه في الكومنت روح خد باصه عليه بعد البوست ده علشان نفضل مركزين في موضوعنا.

البنية التحتية معروف إنها بتتكون من أجهزة كتير كنا إتكلمنا عنها، ف كان لازم ليهم نظام يديرهم ونقدر من خلاله نتابع أداء كل جزء في الشبكة اللي بتخدم عدد مش قليل من المستخدمين يوميا، ف قامت شركات بإنتاج أنظمة عندها القدرة علي سد فجوه إدارة الشبكة، وأطلقوا علي الأنظمة دي اسم ال Network Management Systems (NMS)، وبقوا يقوموا إما ببيعها أو تأجيرها للشركات الثانية، ومش محتاجين من الشركة غير هاردوير تتناسب إمكانياته مع برنامج السوفت وير اللي قوته بتتمثل في نظام إدارته نفسها.

نيجي بقي ل قوة أنظمة إدارة الشبكة اللي بتتمثل في الوظائف اللي بيقوم بيها النظام، زي:

1- اكتشاف الأجهزة: “Device Discovery”
ف بيتم التعرف علي أجهزة الشبكة وتسجيلهم علي الشبكة تلقائياً، زي الراوتر، السويتش، والسيرفر.

2- مراقبة الأداء والأعطال: “Performance Monitoring”
من ناحيه المراقبة المستمرة لمعدلات أداء الشبكة، زي: Bandwidth الإنترنت، فقدان ال Packets، التأخير، معدلات حدوث أخطاء وتدهور الأداء من خلال تنبيهات بتتبعت لمسئول الشبكة بشكل فوريه.

3- إدارة الإعدادات: “Configuration Management”
اللي بيتيح ل admin الشبكة تنفيذ، تعديل، نسخ إعدادات أجهزة الشبكة من مكان مركزي واحد عند الحاجه.

4- إدارة الأمان: “Security Management”
من خلال تنفيذ أوامر وبروتوكولات الأمان في الشبكة، وده بيشمل إمكانيه الوصول لخدمات شبكة الشركة، المصادقة، التشفير، واكتشاف التهديدات اللي بوجودها هتتأثر استقراريه بقاء الشبكة في الخدمة، وده طبعا بيتم من خلال تحليل Traffic الشبكة هل طبيعية ولا في حد بيحاول يلاعبنا؟

5- التقارير والتحليلات: “Reporting & Analytics”
بواسطة التقارير واللوحات التحليلية اللي بتوفرها أنظمة ال NMS، كل فريق في الشبكة بيتحدد ليه الشغل المطلوب، ومش بس بتُعبر عن الأداء الحالي للشبكة لا كما رسم مؤشرات ك توقعات للمستقبل.

ف في النهاية يا صديقي نفهم إن أنظمة إدارة الشبكات المًسماة بال NMS بتلعب دور أساسي في ضمان موثوقية، توافر، وأمان الشبكة، بمعني إننا نقدر ننام وأحنا واثقين إن الشبكة مش هتقع أو هيتم اختراقها بسهوله، وبدخول حاجه زي Automation فأصبح جزء كبير من سلوك الشبكة بيحصل بشكل تلقائي بناء علي أوامر مُسبقه محددنها للشبكة، وده بدوره قلل وقت وجهد علي مسئول الشبكة وزود من الكفاءة العامة، وفعلاً هيقدر ينام وهو مطمن.

أشكرك لو وصلت لهنا، وانتظرني في المواضيع الجايه...
ومتنساش تبص في الكومنت، وتحط لايك ورأيك متبقاش بخيييل يا أخي.

08/05/2024

🔰 أهلاً بيكم من تاني في عالم - شُبَڪآت بَآلُِعٍرٍبَي -

رداً علي سؤال أحد المتابعين، قررنا نعمل ليكم البوست ده.

موضوعنا النهاردة هو: راوتر ال 4G المنزلي
أو: "كما هو متعارف عليه بإسم ال Home 4G."
________________________________________

#أولاً : أي المقصود بال Home 4G؟
+ أي الفرق بينه وبينه الراوتر المنزلي العادي؟

الـ 4G Home هو نوع من خدمات الإنترنت المُوجهه للإستخدام المنزلي المحكوم بموقع جغرافي معين، واللي بيتم من خلال الإعتماد علي" اللإتصالات اللاسلكية" الخاصه بشبكات الجيل الرابع (4G) زي الموبايل بالظبط، ولكن الخدمه دي بتكون موجهه للاستخدام المنزلي وبنظام باقات مخصص ل ده. بواسطه استخدام أجهزة الراديو لتوزيع الاشارات الموجيه للمنازل.

وده بيورينا الفرق بينه وبين الطريقه التقليديه اللي كلنا عارفينها وبنستخدمها في بيوتنا، وهي إننا لازم نركب خط تليفون أرضي تكون الحراره شغاله فيه، ومن خلال ده نقدر نروح نتعاقد مع أي مقدم خدمه للانترنت اللي بيكون في اتفاق بينه وبين مقدم خدمه الخطوط الأرضيه واللي زي ما احنا عارفين بتكون شركه we، ف في النهايه الانترنت اللي بيوصلك بيكون منقول علي اسلاك فايبر أو نحاس، فبيكون الاتصال من خلال أسلاك، فبيُسمي "بالاتصال السلكي".

علي عكس في حاله ال Home 4G، بيكون الإتصال لاسلكي - بدون أسلاك - من خلال التعاقد بينك وبين طرف واحد، وهو: مقدم خدمه الانترنت اللي هيزودك براوتر 4G بياخد الإشاره اللي جاياله في صوره لاسلكيه من اقرب برج إتصالات ليك زي الموبايل من خلال شريحه موبايل، وبالتالي ده بيخليه يستخدم نفس تقنيات اتصال الهواتف المحموله.
________________________________________

#ثانيا : الأجهزة المستخدمة لتشغيل ال Home 4G

أنواع أجهزة الراديو بتتنوع وتختلف بإختلاف الشركات المقدمة للخدمة، لكن في الغالب الأجهزة دي بتتضمن أجهزة راديو داخلية (Indoor Units)، وأجهزة راديو خارجية (Outdoor Units)، اللي بيستخدموا لتوجيه وتعزيز الإشارة، ف الأجهزة دي بتتمثل في:

• جهاز التوجية: "Home 4G - Router"

اللي بيستخدم لإستقبال إشارة الإنترنت من أقرب برج إتصالات شغال بتكنولوجيا اتصال الجيل الرابع، ثم توزيع الإشارة دي داخل المنزل عبر واي فاي أو منافذ إيثرنت.

• أجهزة الراديو اللاسلكية:

زي نقاط الإتصال اللاسلكية أو ال Wireless - Access Points (WAPs) اللي إتكلمنا عنها في البوست اللي فات، واللي بتقوم بتوزيع الإشارة اللاسلكية لكل أركان وزوايا المنزل من خلال وضعها في أماكن مختلفة لتعزيز قوة الإشارة.

________________________________________

#ثالثا : إجابيات وسلبيات ال Home 4G

بشكل عام، خدمة الـ 4G Home بتقدم حل مرن وسهل للمناطق اللي بتكون خدمه الإنترنت السلكي مش متوفرها فيها، وعموماً اختيارك لخدمه الانترنت دي بيتوقف علي فهمك لإحتياجاتك والتحديات اللي من المحتمل مواجهتها لما تبدأ تعتمد علي النوع ده من خدمات الإنترنت.

١- #الإيجابيات :

- سهولة التثبيت والاستخدام:
"بما إنها خدمه إنترنت مش بتحتاج ل مد كابلات أو أسلاك."

- سرعات اللإنترنت العاليه:
"خصوصاً في المناطق اللي بيتوفر فيها شبكات الجيل الرابع."
ده لإنك بتاخد الإنترنت من مقدم الخدمه نفسه بدون وجود وسيط، وده بدوره بيقلل من فقد الإشاره لما بتمشي في كابلات معرضه للقطع، وبالتالي انقطاع الخدمه.

- توافرها في المناطق النائية/البعيده:
أو: المناطق التي لا تتوفر فيها خدمات الإنترنت السلكية.
" اللي بتكون مش مدعومه بشبكه خطوط أرضيه."

________________________________________

٢- #السلبيات :

- في بعض الحالات بناء علي طبيعه الكثافه السكانيه في بعض المناطق، ال Home 4G مش بيكون أفضل اختيار، لأن في الأول والآخر الإشاره اللاسلكيه دي بتكون ماشيه في الهوا، وبالتالي بتكون مُعرضه لتهديدات كتير زي الانعكاسات، الانكسارات، والتشويش اللي بيحصلوا بسبب الهياكل اللي الإشارة بتصطدم بيها اثناء انتقالها في الهوا لغايه وما توصل ليك وتقدر تستخدمها، وبناء عليه سرعة الإنترنت بتكون بطيئه ومش أحسن حاجه مقارنة بخدمات الإنترنت السلكية اللي بتكون مستقره آكتر في بعض الأحيان.

- تكاليف ال Home 4G عادةً بتكون أعلى من بعض خدمات الإنترنت السلكية، وده بيكون في بعض الحالات لتلبيه احتياج المستخدم اللي طالب الخدمه دي بالتحديد، والتكاليف دي بتترجم لتكاليف البنيه التحتيه، التراخيص، التشغيل، وكمان العرض والطلب، لان زي ما هو معروف كل ما قلت عدد الاختيارات اللي المستخدم يقدم يختار ما بينهم، كل ما غلي سعر المنتج لتغطيه تكلفته.

________________________________________

#أخيراً :
طبعاً أحب أشكرك لو وصلت/ي لحد هنا، وأتمنى إن المحتوي والكلام ده يكون إضاف ليك وساعدك بأي شكل من الأشكال. 🌿🤍

-

#شبكات #بالعربي - #الانترنت #المنزلي

NETwork - Bāl'arabiy

02/02/2025

01/02/2025

31/01/2025

28/05/2024

25/05/2024

24/05/2024

20/05/2024

20/05/2024

19/05/2024

16/05/2024

13/05/2024

08/05/2024

Address

Website

Alerts

Contact The Business

Shortcuts

Share

Category