26/05/2026
⚠️ طريقة حفظ اللحمة بعد الذبح ‼️🥩إوعى_تخسر_اللحمة
🔪⛔ بعد ما تذبح الأضحية، اللحمة مش هتبقى زيّ الفل من نفسها ! لو متعاملتش معاها صح ، هتتحول من "فخد لحمة لذيذ" إلى "مزرعة بكتيريا" في وقت قصير ! 😅
فخلّينا نعرف إزاي نخزنها بطريقة *علمية وعملية*، من غير ما نخسر طعمها ولا نمرض منها!
⚠️الخلاصة:⚠️
حفظ اللحمة صح = صحة + طعم
✔️ خليها تبرد / قبل التجميد ( شمعها يعنى )
✔️ قطّعها / وجنّب إعادة التجميد
✔️ غلّفها صح / ومتستخدمش أكياس مش مضمونة.
✔️ خزّن الأحشاء منفصلة ومتخليهمش فترة طويلة.
⚠️المرحلة الأولى:🔪
( التبريد )– مش هنجمدها علطول!
بعد الذبح، اللحمة بتكون لسه "سخنة " فمينفعش ندخلها الفريزر علطول!
👈🍖إزاي نتعامل معاها؟
1/ علّق اللحمة في مكان نظيف وبارد 4-6 ساعات ( أو نفرشها على مشمع او أكياس وزى ما بنقول بالبلدى بنشمعها )
2/خليها تتنفّس– متحطّهاش في كيس مغلق وهي لسه سخنة !
⚠️المرحلة التانية‼️
( التقطيع والتغليف )
مينفعش تخزن اللحمة كتلة واحدة
⛔🔪إزاي نخزنها ؟
1/ قطّع اللحمة لحصص صغيرة (قد الوجبة عشان متضطرش تعيد تجميدها).
2/ متكدسهاش في كيس واحد – ده هيخليها تفسد من جوا!
ليه؟
- إعادة التجميد بتحوّل اللحمة لـمطاط!
- كل ما زاد تكسير الثلج، زاد خطر التلوث والبكتيريا
⚠️المرحلة التالتة:‼️
( التغليف )
مينفعش نستخدم أكياس السوق العشوائية (خصوصًا السوداء!) – دي ممكن تكون مسرطنة!
🥓🍖إزاي نغلّف صح؟**
✔️ أكياس تفريز Food-grade (المكتوب عليها آمنة للأكل).
✔️ ورق الفريزر– لو عايز تحافظ عليها فترة طويلة.
⚠️ إحذر: الأكياس البلاستيكية العادية ممكن تطلع منها مواد كيماوية تختلط باللحمة وتضر صحتك!
⚠️المرحلة الرابعة:‼️
الأحشاء (الكبدة والكلى والقلب) – دول محتاجين عناية خاصة!
الكبدة والكلاوي مش زيّ اللحمة العادية– دول بيفسدوا أسرع!
👈⛔إزاي نخزنهم؟
-حطّهم في أوعية محكمة (ومتخلطهمش مع اللحمة).
-خزّنهم في الفريزر بس لفترة قصيرة )
👈🍖ليه؟
- لأن الكبدة فيها إنزيمات نشيطة بتخليها تتحلل بسرعة!
- - ممكن تحمل بكتيريا خطيرة (زي الليستيريا) لو متحفظش صح!
⚠️المرحلة الخامسة:‼️
( التجميد )– مش أي فريزر يصلح!
الفريزر بتاعك لازم يكون على -18 درجة أو أقل، وإلا اللحمة هتتلف!
💬 لو استفدت، قول "تم ✅" وشارك المقال مع اللي هيذبحوا في العيد!
م/ هديه النجار 01060370660
