Eng. Hassan Abdelnaser

04/07/2026

04/07/2026

دعوات إسرائيلية لتشجيع الأرجنتين أمام مصر في المباراة القادمة..
الإعلام العبري يغلي وردود افعال غاضبة في الإعلام العبري ومنصات المستوطنين بعد رفع مدرب منتخب مصر علم فلسطين وإهداء الفوز للشعب الفلسطيني.
موقع "والا" العبري سلط الضوء على المشهد، وكتب: "مدرب منتخب مصر احتفل بعلم فلسطين وقال: رحم الله شهداءهم."
وعلى منصات المستوطنين، ظهرت موجة من التعليقات الغاضبة، من بينها تغريدة جاء فيها: "كل من لا يقف مع الأرجنتين في مباراتها المقبلة ضد مصر، هو كاره لإسرائيل وكاره لكرة القدم."
يبدو أن موقف مدرب مصر أشعل حالة من الاستياء والغضب في الأوساط الإسرائيلية، قبل المواجهة المرتقبة بين مصر والأرجنتين.

08/04/2026

لأنهم لا عهد لهم ولا دين... الصهاينة ارتكبوا مذبحة جماعية في لبنان!
من كام ساعة، جيش الاحتلال أطلق عملية عسكرية جديدة ضد لبنان، سماها "الظلام الأبدي"، وشاركت فيها حوالي 50 طيارة طلعت تهاجم الناس والمنشآت المدنية بلا هوادة وبدون أي إنذار أو طلب إخلاء...
وفجأة القصف نزل فوق دماغ الناس في بيروت وكل أنحاء لبنان في تصعيد هو الأعنف على الإطلاق منذ بداية الحرب...
🔹️ الهجوم ده استخدموا فيه طيارات F-35، ونفذوا أكتر من 100 غارة في 10 دقايق بس، حسب تقديرات (الجزيرة)، والغارات دي استهدفت أكتر من 180 هدف مدني شملت مستشفيات وأسواق وعربيات إسعاف ومدارس... وللأسف النتيجة كانت كارثية...
التقديرات الأولية بتشير لإن في لحد دلوقتي أكتر من 1000 شهيد في جميع الغارات منذ بداية الحرب، والوضع سيء لدرجة إن أجساد الشهداء الطاهرة ملقاة في شوارع بيروت، وشهود العيان بيوصفوا اللي حصل من الصبح بكلمة واحدة... زلزال من الجو، دمر مباني مأهولة بالكامل فوق سكانها!
للأسف الوضع الصحي هناك وصل لمرحلة العجز الكامل، والمستشفيات من شوية كانت بدأت تناشد الناس تتبرع بالدم فورًا لإن المصابين بالمئات وماليين الطرقات في كل مكان... وعارف بقى أيه أكتر حاجة مستفزة في وسط كل ده أيه؟
🔸️ إن نتنياهو خرج من قبلها بكل بجاحة يقول إن "وقف إطلاق النار مع إيران لمدة أسبوعين لا يشمل لبنان"!
طبعًا انت عارف وأنا عارف والعالم كله عارف إن وقف الحرب بالنسبه له معناه انتهاء مستقبله السياسي ومحاكمته وعزله وربما كمان يترمي في السجن... وعشان كده زيه زي أي مجرم وجزار عرفته كتب التاريخ، قرر يحرق لبنان بالكامل عشان يداري على فشله ويهرب من الهزيمة، ويحاول يحقق انتصارات في لبنان على الأقل...
أصله كان قايل لشعبه إنه خلاص قضى على الحزب، ودمر قدراته كلها... ويصحى شعبه يتفاجيء إن الحزب هو أكتر جهة كبدت إسرائيل خسائر في الحرب دي، وتسببوا في سقوط قتلى منهم بالعشرات وجرحى بالمئات في الجيش، مع خراب كبير في البنية التحتية بسبب الصواريخ... فـ لو الحرب وقفت على كده، مش هيقدر يواجه العاصفة السياسية اللي هتحصل بعدها...
فـ الحل أيه؟! نضرب لبنان ونعمل مجازر، ونبيد المدنيين عادي...
🟣 من شوية في مسؤول إيراني قال في تصريحات للجزيرة إن إيران "ستعاقب إسرائيل على الجريمة التي ارتكبتها في لبنان"... وبعدها مباشرة رئيس لجنة الأمن القومي في البرلمان الإيراني من شوية قال صراحةً كده إن: "جميع الخطط الخاصة بفتح مضيق هرمز ستتوقف تمامًا بعد القصف على لبنان، وحتى يتم تقديم ضمانات بأن لبنان مشمول ضمن وقف إطلاق النار".
وقال كلمة تانية أهم، وهي الجملة المحورية في وسط كل ده...
🟢 "إما أن يتم وقف إطلاق النار على جميع الجبهات، أو لن يكون هناك وقف إطلاق للنار على أي جبهة على الإطلاق..."
فـ شكلها كده الحرب مستمرة، لكن المرة دي هتكون بين إيران والحزب، ضد الصهاينة... وساعتها أتمنى بقى نشوف القوة الغاشمة بأكملها تتوجه على رؤوس العدو، انتقامًا لما حدث وللغدر الصهيوني المجرم الذي لم يرحم مدنيًا سواء كان شيخًا أو امرأة أو طفلًا...
حسبي الله ونعم الوكيل...

07/04/2026

🔴 إحنا في اللحظات الأخيرة، والعالم على شفا الانفجار... الـ 24 ساعة الجاية هتكون الأصعب في التاريخ الحديث، ف يا إما الإنسانية والحضارة تنتصر، يا إما الإجرام والشر يسود...

الناس دلوقتي بدأت تخزن أكل وشرب في كذا دولة خليجية بناءً على طلب الحكومات نفسها، والأجواء في الإعلام والصحافة العالمية مشحونة لدرجة إن "صفيح ساخن" دي كلمة قليلة عليها.. خليني أشرحلك اللي بيحصل أثناء ما انت بتقرأ السطور دي، علمًا بإن كل ده بيحصل مع بعضه في وقت واحد... 👇

1️⃣ أولًا كده خلينا نبدأ بتحرك عسكري أمريكي مقبض ودلالته مخيفة..

10 قاذفات قنابل من طراز B-52 Spirit العملاقة أقلعت من بريطانيا من شوية في طريقها مباشرة ناحية إيران... وبالتوازي مع ده، تقارير تانية من صحيفة "The Mirror" البريطانية بتقول ان طائرة (E-4B) الأمريكية العملاقة الملقبة بـ "طائرة يوم القيامة"، أقلعت امبارح من مطار في ولاية نبراسكا، وحاليًا بتقوم بمهمات "تدريبية" في الأجواء الأمريكية... والطيارة دي اهي اللي الرئيس الأمريكي بيدير منها الضربات النووية وهو محمي من أي رد فعل، لإنها مجهزة للحماية ضد الضربات النووية والكهرومغناطيسية..

2️⃣ وعلى الناحية التانية، إيران رفعت سقف التحدي للسماء!

الحرس الثوري في الدقائق الماضية، وجهوا تحذير أمني "عاجل وخطير" لكل المقيمين في إسرائيل والسعودية والإمارات والبحرين ، وأعلنوا إن أهم الجسور والمعابر هناك بقت "مناطق عسكرية مغلقة" من الساعة 11 بليل بتوقيت طهران!

الكلام شمل تحذير للفلسطينيين في يافا وتل أبيب بالابتعاد عن جسور السكة الحديد (رقم 8 على طريق 431 وجسر اليركون)، بالإضافة لتحذيرات بالابتعاد عن طريق الرياض-جدة البري، وجسر الملك فهد اللي بيربط بين السعودية والبحرين، وجسر الشيخ زايد في أبوظبي... والرسالة كالتالي: "ابتعدوا عن هناك فورًا، تجاهل هذا التنبيه معناه أن حياتك في خطر".

3️⃣ وبالتزامن مع ده، تقارير شفتها في شبكة "روسيا اليوم" الصبح بتقول الحرس الثوري كشف لأول مرة عن مفاجأة عسكرية غير متوقعة... منصات إطلاق ثنائية بتقدر تضرب ضعف عدد الصواريخ في وقت قياسي، لدرجة هتصعب جدًا على أنظمة الدفاع الجوي التصدي ليها بسبب العوائق التقنية!

وبالفعل في تقارير بتتكلم عن ضربات دقيقة في خلال الساعات اللي فاتت استعملوا فيها المنصات دي، وضرباتهم طالت أكتر من 30 موقع حساس، منها "ديمونا" النووية وتل أبيب وبئر السبع، باستعمال صواريخ "فاتح" و"خيبر شكن"... وفي تقرير لوول ستريت جورنال، بيقول إن طهران أبلغت باكستان انها لسه مخبية في ترسانتها ما يصل إلى 15 ألف صاروخ و45 ألف طيارة مسيرة مستنيين الإشارة!

4️⃣ طب والخليج وضعه إيه في اللعبة دي؟

الوضع هناك في قمة التوتر.. الكويت طلبت من مواطنيها يلتزموا البيوت من نص الليل لـ 6 الصبح كإجراء احترازي، وسفارة إسبانيا في قطر نصحت رعاياها بتخزين مياه وأكل وأدوية تكفيهم أيام!

والأغرب هو اللي نشرته صحف بريطانية عن هروب جماعي للقوات الأمريكية والبريطانية من القواعد العسكرية في العراق والكويت والإمارات، والجنود بقوا بيحجزوا في فنادق عشان يبعدوا عن أماكن الاستهداف...

5️⃣ والتهديدات للأسف الشديد وصلت لأبعد من كدة...

إيران من شوية وبحسب وكالة تسنيم؛ هددت صراحةً بضرب منشآت "أرامكو" السعودية وخط أنابيب الفجيرة الإماراتي لو أمريكا قربت من محطات الكهرباء بتاعتها..

والتهديد وصل للبنية التحتية التكنولوجية كمان، الحرس الثوري هدد بضرب مركز بيانات OpenAI اللي اسمه Stargate في الإمارات، واللي قيمته حوالي 30 مليار دولار...

يعني إيران ناوية تضرب البنية التحتية للذكاء الاصطناعي الأمريكي، واللي قايم عليها جزء كبير من الاقتصاد الأمريكي حاليًا، في قلب الخليج!

🟣 ترامب للأسف بيصعد برغم استنكار العالم كله، ومش قادر يقبل الهزيمة ومتعطش للدماء... والإعلام العبري والعالمي بيتكلم عن إن الضربات الحاسمة خلاص بتقرب، وفي قنوات عبرية دلوقتي (القناة 13 الإسرائيلية) حاطة ساعة بتعد الثواني لحد انتهاء المهلة اللي حددها ترامب، اللي هي هتكون النهارده الساعة 2 صباحًا بتوقيت القاهرة...

إحنا قدام لحظة تاريخية... وللمرة المليون بتمنى من الله إن الإيرانيين يستهدفوا المنشآت الإسرائيلية والأمريكية فقط، ويركزوا كامل ضرباتهم على الأراضي المحتلة، ويبعدوا عن ضرب دول الخليج، عشان ده هيضر المنطقة كلها للأسف وهيرجعها عقودًا إلى الوراء... وأتمنى من الله يكون في حد عاقل على استعداد إنه يوقف اللي بيحصل ده...

31/03/2026

للأسف يا صديقي.. سكوتنا هو اللي خلّص عليهم.. إحنا اللي قتلنا إخوتنا بصمتنا الجبان.

النهاردة صدر القرار النهائي والتصديق الرسمي من الكنيست بأغلبية ساحقة:
إعـ.ـدام جميع الأسرى الفلسطينيين في سجون الاحتـ.ـلال، من سن ١٥ إلى ٦٠ سنة، بدون محاكمة، بدون تهمة، بدون أي ذنب.

فرمان القتـ.ـل صدر بحق أطفال وشباب وشيوخ.. ما رحموا صغيرهم ولا كبيرهم.
هيعدموهم قدام عيوننا ببرود، ومش بعيد يختاروا يوم عيد الأضحى بالذات ويذبحوهم زي الخرفان أمام الكاميرات، زي ما عملوا مع صدام حسين.

مش هتكلم دلوقتي عن التعذيب اللي بيحصل كل يوم، ولا عن التجويع والعطش، ولا عن مكبرات الصوت اللي شغالة ٢٤ ساعة بأصوات صريخ وعويل عشان ينهوا جهازهم العصبي ويجننوهم،
ولا عن منع الصلاة وإن مجرد ما حد يقول "الله أكبر" يرموا قنابل الغاز ويدخلوا الكلاب على المصلين في العنابر،
ولا عن إيتمار بن غفير لما وقف قدام العالم كله يتباهى إنه قطع عنهم حتى المية، ويضحك ويقول: "للأسف الشيء الوحيد اللي مش قادر أمنعه عنهم هو الهواء.. بس قريب جداً همنعه كمان".

كل ده خلاص عارفينه..
الجديد إن القرار صدر فعلاً: إعـ.ـدامات ميدانية جماعية هتتنفذ في المستوطنات والمعسكرات والسجون بدون أي إجراء قانوني.

وإحنا لسه ساكتين.

أنا عارف إن إيدينا مغلولة.. لكن ربنا هيحاسبنا على سكوتنا، هيحاسبنا على إننا اتعودنا وانشغلنا واستسلمنا.

علشان خاطري، وأكتر من خاطري علشان خاطر إخواتنا اللي هيتم ذبحهم..
لازم نقلبها رأي عام عالمي الآن.

في شباب في بريطانيا وأوروبا عاملين حملة ضخمة ضد إعدام الأسرى ولقت انتشار مرعب هناك..
مش معقول يكونوا هما أجدع مننا وأشجع مننا على إخوتنا؟!

شارك كل خبر عنهم، اكتب، انشر، صور، فيديوهات، قصصهم، أسماؤهم، معاناتهم..
كلنا مقصرين وأنا أول المقصرين.

أوعى تسكت، أوعى تغيب صوتهم تاني..
خلّي قضيتهم ترجع تتصدر كل منصة وكل شاشة.

وأنا بإذن الله هفضل أنزل بوست يومي ثابت عن الأسرى مهما حصل، عاوزكم تكونوا موجودين فيه بالتفاعل والنشر.

صوتك أمانة..
وسكوتك خيانة علنية.

حسبنا الله ونعم الوكيل في كل صهيوني خنزير على وجه الأرض.

30/03/2026

سحل السفير الإيراني وطرده من بيروت بلبنان !
دي العناوين اللي تصدرت المشهد يا صديقي من ساعات قليلة وانتشر فيديو أظن معظمكم شافه !
طيب هل الكلام دا حقيقي ؟!! دي تبقى كارثـة وتصعيد مرعـب للاحداث بين لبنان وايران !
هقولك تعالى نبدأ من الاول !
للمرة الاولى في تاريخ علاقات بيروت بطهران، قامت وزارة الخارجية اللبنانية بسحب اعتماد السفير الإيراني المعيّن "محمد رضا شيباني".. وكمان أعلنت إنه شخص غير مرغوب فيه !
بيروت كمان منحت السفير الايراني مهلة رسمية لحد يوم ٢٩ مارس ( الامس ) لمغادرة لبنان !
لكن السفير الايراني رفض المغادرة وأكد بقاءه في لبنان، ودعمه في القرار دا طبعًا حـ.الله.ـزب !
وزي ما قلنا ان المهلة خلصت امبارح .. علشان يظهر النهاردا الفيديو دا والخاص بطرد السفير الايراني بالقوة بعد سحله في الشارع !
لكن حابب اقولك يا صديقي ان الكلام دا محصلش .. لم يتم طرد السفير ولا سحله ولا الكلام دا نهائي !
الفيديو قديم وبيرجع لـ 15 مايو 2022،
واللي في الفيديو مش السفير الايراني .. لكنه شخص اسمه "شربل طحومي " .. وحالة السحل والاعتداء دي كانت بعد اعتداء " شربـل " بالالفاظ النابية على الرئيس اللبناني وقتها !
ياريت يا جماعة منشيّرش حاجة غير لما نتأكد منها .. لاني ابتديت اشوف كمية هبد غير طبيعية .. زي ان امريكا اقتحـمت جزيرة " خرك " بريًا وتم اسر الجنود الامريكان وقتـ.ـلهم بالكامل، والهبد المُعلّب دا !
اتأكدوا من الصفحات اللي بتتابعوها .. لان المعلومة المغلوطة في الحـ.ـرب زيها زي السلاح بالظبط !

24/03/2026

للي لسه جاي من برة ومش متابع: في مصفاة بترول اسمها "فاليرو" في ولاية "تكساس" الأمريكية، فجأة كده قالت "بوم" وولعت وطارت في الهوا!
بص يا سيدي، الانفجار ده ملوش غير 4 احتمالات، مفيش ليهم خامس.. وكل احتمال فيهم عبارة عن مسلسل أكشن لوحده:

⛔️ الاحتمال الأول: "قضاء وقدر يا مؤمن!" 🤷‍♂️
التقارير الأولية الأمريكية (اللي بتبقى مضروبة عادةً) بتقولك ده مجرد "خلل فني" في المصفاة.
طب بذمتك يا شيخ، المصفاة دي طول السنة شغالة زي الفل، مالقتش تعطل وتفرقع غير في نفس ذات اللحظة اللي الأمريكان والصهاينة بيضربوا فيها مواسير الغاز في إيران؟! يا محاسن الصدف المترتبة بمسطرة ومثلث! مصادفة تخلي الأعمى يفتح بصراحة.

⛔️ الاحتمال التاني: "شغل الحواة بتاع ترامب!" 🎩🤥
إن دي تكون فزاعة جديدة ومسرحية هابطة زي مسرحية 11 سبتمبر.. ترامب يفجرها عشان يلم تعاطف ويقول لشعبه: "إلحقونا إيران بتضربنا في بيوتنا، يلا ندك البنية التحتية بتاعتهم".
بس استنى، السيناريو ده "مبلول" شويتين ومخرجه تعبان لـ 3 أسباب:

الحدث مش دسم: يعني ترامب نزل من تفجير برجين تجارة فيهم آلاف القتلى، لتفجير مصفاة بترول فاضية مفيهاش خسائر بشرية؟ دي متجبش حتى تعاطف قطة معدية في الشارع، فما بالك بالشعب الأمريكي!
التعتيم الإعلامي: لو دي خطتهم، كانت قنواتهم طبلت وزمرت وعملت مناحة للصبح، لكن دول مكتمين على الخبر كأنهم سارقين فرخة!
التوقيت الغبي: المفروض ترامب كان يستنى المصفاة تفرقع، وبعدين يروح يضرب غاز إيران ويعمل فيها "المنتقم الجبار".. مش يضربوا في نفس التوقيت من غير ما يمهد للمسرحية! فـ الاحتمال ده وارد، بس غبي حبتين.
⛔️ الاحتمال التالت: "صبيان الموساد بيلعبوا في العداد!" 🐀🕵️‍♂️
إن "الموساد" يكون هو اللي ولع في المصفاة عشان يوقع بين ترامب وإيران، ويقفل باب أي مفاوضات بالضبة والمفتاح.
بس هنا العقل يتدخل: الموساد يعمل كده ليه والأمريكان والصهاينة أصلاً كانوا راكبين الطيارة ورايحين يضربوا إيران؟ كانوا يعملوها لو ترامب "جاب ورا" وقال مش هضرب، لكن وهم بينفذوا الضربة فعلاً؟ مش راكبة خالص!

⛔️ الاحتمال الرابع والزغلول الكبير: "إيدين رجالة طهران الطويلة!" 🇮🇷🎯
إن دي تكون ضربة إيرانية "على الفرازة".. تنفيذ حرفي لتصريح المرشد إمبارح لما قال: "لو استهدفتوا البنية التحتية للطاقة بتاعتنا.. ردنا هيكون برة الكتالوج وبرة الحدود المتوقعة!".
فـ هل هو ده الرد اللي برة الحدود؟ في قلب تكساس؟ في معقل النفط الأمريكي؟!
لو طلعت هي.. تبقى حتة "جون" كوبري في الجون الأمريكي يدرس في كتب التاريخ! إيران بتقولهم: "ضربتوا مواسير غازنا.. ولعنالكم في مصفاة البترول بتاعتكم.. والبادي أظلم!".

24/03/2026

أهو مش قلتلك من شوية إن ترامب بيعمل نفسه بينيّم إيران عشان يضرب ضربة غدر؟ أدي اللي حصل!
لسه حالا، أمريكا وإسرائيل عملوا هجمة على منشآت للطاقة في "أصفهان" و"خرمشهر".
بس الضربة طلعت "فشنك" على رأي المثل.. استهدفوا إيه؟ مبنى إدارة الغاز ومحطة تخفيض ضغط في أصفهان، وشوية مواسير غاز تبع محطة كهربا في خرمشهر.

الخلاصة للضربة دي؟ "حفظ ماء الوجه" مش أكتر! 💧
التقارير الأولية بتقول مفيش خساير بشرية، والمباني اللي جنبهم اتخدشت بس. يعني من الآخر، ترامب ضرب الضربة دي عشان يقول لشعبه "أهو أنا شغال وبضرب"، ل��ن إيران قفلتهاله ضبة ومفتاح، ورفضت أي حوار وكذبته قدام العالم كله. ترامب مابقاش قدامه غير إنه يضرب ضربة "على الطاير" عشان يحفظ الباقي من كرامته المبعزقة!

24/03/2026

ترامب فاكر نفسه حاوي، بس إيران قارية الفاتحة على روحه وعارفة إن الفنجري بقه فاضي! ☕🎩

الداخل الأمريكي قالب على ترامب بطريقة تخليه يلف حوالين نفسه. الشعب الأمريكي ماسكه من خناقه وبيقوله: "إيه المصلحة يا معلم؟ إحنا استفدنا إيه من الحريقة دي غير إن الأسعار ولعت؟". ترامب زنقته وحشة، والبيت الأبيض بدأ يسرب للإعلام إن "الحرب في الباي باي وخلاص حققنا أهدافنا"، شغل مسكنات عشان يسكتوا الناس.

إيران عاملة وضع "الطيران".. وبتوزع هدايا! 🚀
ترامب قال الحرب خلصت، قامت إيران مبصمة على كلامه بصاروخ محترم على قاعدة "دييجو جارسيا" المشتركة بين أمريكا وبريطانيا! ومسكتوش على كده، دول عملوا للكيان الصهيوني أسوأ 24 ساعة في تاريخهم بعد حرب أكتوبر.. مسحوا حي كامل في "عراد"، وعملوا حفلة صواريخ في محيط "ديمونة".

"لو راجل اضرب".. ترامب بيهوش، وإيران بتطلع الخرايط! 🗺️⚡
ترامب طلع يعمل فيها الشبح، وقال: "قدامكم 48 ساعة، لو مضيق هرمز متفتحش، هفرتك البنية التحتية للطاقة!".
الحرس الثوري قاله: "أنت بتستأذن يا حليوة؟ هو إنتو استأذنتوا لما اغتلتوا المرشد؟". وقاموا رادين رد يخلي ترامب يعرق في عز البرد:
قالوله: "لو البترول اتلمس، نص ساعة والشرق الأوسط كله هيعيش على الشموع!". وراحوا مطلعين صور لكل محطات الكهربا والمية في دول الخليج، والهاكرز الإيرانيين نزلوا خرايط محطات الكهربا في إسرائيل.. يعني من الآخر: "إحنا عارفين الكبس فين، لو لمست سلك هنقطع عنكم النور والمية، ورونا هتعملوا إيه!"

مسرحية التفاوض.. وترامب بطل العالم في "الفشر"! 🤥
بعد الموجة دي، ترامب طلع بمنتهى الانبطاح يقول: "يا جماعة إحنا أجلنا ضرب البترول، وفي مفاوضات شغالة زي الفل، وإيران وافقت تتنازل عن اليورانيوم بتاعها عشان ننهي الحرب". (عشان بس ينزل أسعار البترول اللي خربت بيته).
قامت إيران مطلعاله تصريح زي قصف الجبهة، قالتله: "لا تفاوض مباشر ولا غير مباشر.. لما إسرائيل ذخيرتها خلصت، دول الجوار جت تتوسط وتتحايل عشان نوقف الحرب. إنتو اللي بدأتوها، بس إحنا اللي هنقفل المحل!". (إيران بتضرب صواريخ باليستية في الميدان وفي التصريحات يا معلم!).

الحرس الثوري فاهم اللعبة.. "الكمين مكشوف يا أبو كمال!" 🦊
ترامب عمال يرمي تصريحات إن الحرب ملهاش لازمة، بس الحرس الثوري مدرسة في قراية النوايا، وعارفين إن ترامب بيلعب دور "الكيوت" عشان بينيّمهم وبيحضر لضربة غدر. وفي 4 علامات بتقول إن في "كمين" بيتبخ:

شاورما أمريكي في السكة: آلاف الجنود من المشاة والمارينز الأمريكان في طريقهم للشرق الأوسط.
شلة الأنس بتتلم: النتن ياهو عامل اجتماع طوارئ مع كل القيادات العسكرية، وده معناه إنهم بيطبخوا مصيبة.
الباب مقفول: إيران قافلة أي سكة للتفاوض، فترامب مالوش حل غير إنه يعافر في الميدان.
الزغلول الكبير.. عفريت "إبستين" حضر! 🧟‍♂️
ركز في دي.. ملفات "إبستين" (بتاع فضايح العيال) رجعت تطفو على الوش الأيام دي! وأسماء زعماء ومسؤولين كبار بدأت تتسرب. دي حركة "لي دراع" واضحة لترامب والقيادات، نظام "امشوا على العجين متلخبطوش، وإلا الفضايح هتبقى بجلاجل!".
الرد الاستباقي.. "خد دول تصبيرة!" 💥
عشان الحرس الثوري يثبت لترامب والنتن إنه فايق وقاري اللعبة، راح دايس على زرار الموجة الـ 78 على تل أبيب.. صواريخ "انشطارية" عنقودية فرتكت الدنيا! وبعدها بـ دقايق، 180 منطقة في شمال الأراضي المحتلة بقت بتغني ظلموه. وحيفا نزل عليها صاروخ انشطاري خلى مبنى في "نيشر" يجيب درف.

اللقطة الأخيرة.. الباتريوت عملت "باي باي"! 🎯👋
ومسك الختام بقى؟ منظومة الدفاع الجوي الأمريكية "باتريوت" في البحرين (اللي بيقولوا عليها فخر الصناعة اللي مبتهزرش)، الحرس الثوري جابها الأرض، ونشر صورها بالقمر الصناعي بعد ما اتدمرت وقالهم: "دي الخردة بتاعتكم".

الخلاصة:
إيران مش بس بتضرب بـ "العضلات"، دي بتلعب بـ "الدماغ". كاشفين ألاعيب الأمريكان، ومبيدوهمش فرصة ياخدوا نفسهم. اللعب بقى على المكشوف يا صاحبي، والحرب دي نهايتها هتكتب تاريخ جديد.. كمل سحلبك بقى واتفرج على الشياط!

23/03/2026

النهارده هنفك شفرة الكذب الصهيوني ونضحك عليهم ضحك السنين.. إزاي؟ أقولك أنا!

"الـ 2% اللي عملوا زلزال".. كدبة تفضح صاحبها! 😂🤥
الصهاينة دول عليهم حركات تفطس من الضحك.. طالعين يقولوا بمنتهى البجاحة: "يا جماعة، ده إحنا أشباح، القبة الحديدية بتاعتنا اعترضت 98% من الصواريخ، واللي نزل علينا وعمل فينا الكوارث دي كلها، يادوب 2% بس!".

طب تعالى نحسبها بالعقل يا بتاع الـ 2%: 🧮🧠
لو الـ 2% دول بس، هم اللي هدوا عمارات في تل أبيب، ووقفوا مطار بن غوريون، وخلوا المستوطنين يناموا في محطات المترو، وضربوا قواعد عسكرية واستخباراتية، وجابوا للناس سكتات قلبية وجلطات من الرعب.. أومال لو كانت 10% بس هي اللي وصلت، كان إيه اللي حصل؟!
كان زمان تل أبيب دي بقت مزار سياحي مكتوب عليه "هنا كانت مستوطنة"!

"ورقة التوت" وقعت.. والكيان بان على حقيقته! 🍂
الكلام ده بيفضحهم مش بينقذهم. ده معناه إن بنية الكيان ده أضعف من "بسكوتة في كوباية شاي". مجرد "فتافيت" صواريخ (على حد كدبهم) قلبت كيانهم، وخلت نص شعبهم محتاج دكاترة نفسيين ونصهم التاني بيفكر في الانتحار.

تخيل بقى السيناريو المرعب ليهم.. "الكماشة الكبرى"! 🛠️😱
تخيل معايا كده، في يوم من الأيام، لما ربنا يأذن وتكتمل العدة، والكيان ده يلاقي نفسه محاصر من كل الجهات.. صواريخ من الشمال، ومسيرات من الشرق، ورجالة بتطلع لهم من تحت الأرض في الجنوب..
إذا كان ده حالهم من موجة صواريخ، أومال لو "الحنفية" اتفتحت على الآخر هيعملوا إيه؟ هيعوموا في البحر المتوسط؟!

الخلاصة يا صاحبي.. "الزوال أقرب من حبل الوريد"! 🌅✌️
الأحداث دي مش مجرد أخبار بتعدي، دي رسايل ربانية بتقولنا إن الكيان ده "منفوخ على الفاضي"، عايش على الدعم الخارجي والكدب الإعلامي. مجرد خبطة صغيرة بتكشف هشاشته وضعفه.

زي ما بيقولوا "يا جبل ما يهزك ريح".. بس دول مش جبل، دول "كشك خشب" والريح بدأت تشتد. أبشروا يا رجالة، الكيان ده زواله مسألة وقت، وكل ضربة بياخدها بتأكد إن نهايتهم مكتوبة، وإحنا قاعدين بنتفرج وبنقول: "اللهم زد وبارك!".