27/06/2020
لسه فيه ناس بتسأل اعمل ايه علشان اقدم ف التصالح؟؟
طيب ورقة وقلم واكتب ورايا علشان تحمي نفسك وبيتك من اي ازالات او عقوبات مش وقتها خالص دلوقتي:-
اولا/ اي بيت مخالف سواء بالبناء بدون ترخيص او بالبناء علي ارض زراعيه قبل 7/2017(خارج الحيز) او قبل 4/2019
(داخل الحيز) يتفضل يقدم تصالح.
ثانيا/مخالف بالبناء علي ارض زراعه قبل 2008,بس محتاج تركب مياه او كهربا او محتاج تعلي دور...قدم ف التصالح.
ثالثا/بنيت بعد 2017 خارج الحيز. او بعد 4/2019 داخل الحيز..قدم ف التصالح.. وادفع اتعاب المكتب الهندسي ورسوم الفحص..ولكن طبقا للقانون الملف بتاعك لن يوافق عليه من قبل اللجنه الفنيه,ممكن يحصل تعديل ف القانون ويتوافق عليه؟؟
الله اعلم..ليس من اختصاصي.
رابعا/ عايز تقدم ف التصالح ومش عليك اي مخالفات محررة من قبل الزراعه او الوحده المحليه..مفيش اي مشكله..عدم تحرير مخالفه ليس مبرر لعدم التقديم ف التصالح.
خامسا/ طالما حصلتلك ازاله ،مينفعش تتصالح ،ازاله قديمه ،ازاله جديده ،مهما كانت ،بيتك اتزال ،لا تصالح
خطوات التقديم بدون متسأل اي حد نهاااائي :-
1- جهز اوراقك(صورة بطاقه ,مستند ملكيه ,حكم المحكمه بانقضاء الدعوي,تقرير الخبير,شهادة النيابه,ايصالات مياه او كهرباء)
2- كلم اي مكتب هندسي واعرف منه اتعابه ومن حقك تقارن اسعار كذا مكتب لانك اولي بفرق السعر من مكتب لمكتب.
3- بعد متعرف اتعاب المكتب وتوافق عليه,سلمله الاوراق اللي معاك وخد منه ميعاد لمعاينة البيت ورفع المقاسات.
4- مهندس المكتب هيطلع يعمل معاينه ويرسم كروكي مظبوط للبيت بكل المقاسات داخلي وخارجي ويصور الواجهات .
5- المكتب الهندسي هيسلمك ملف فيه الورقيات بتاعتك ونسختين من الرسم المعماري اللي عمله المهندس وطلب للتصالح بيتكتب فيه بيانات البيت وبيانات المالك.
6- المواطن هيقدم الملف في مجلس المدينه ويسدد رسوم الفحص المطلوبه حسب اجمالي مساحة ادوار البيت اللي بتكون مكتوبه علي الملف بتاعك.
7- هتستلم ايصال بالسداد احتفظ بيه وشهاده نموذج 3 تفيد بتقديم المواطن للتصالح ,الشهاده دي بتديها للمحامي بتاعك لتقديمها للمحكمه لوقف اي احكام عموما.
8- الايصال كافي لوقف اي ازالات ممكن تحصلك ف الوقت الحالي .
9- هتنتظر اللجنه الفنيه تطلع تعمل معاينه للبيت وتتاكد من سلامة الملف المقدم للمجلس وصحة الرسومات المعماريه.
10- اللجنه الفنيه حتطلب منك تقرير استسشاري نموذج أ او ب حسب رؤية اللجنه.
11- هتكلم المكتب الهندسي اللي اتعاملت معاه والمكتب يتولي موضوع التقرير ويبلغك بالتكلفه.
12- لما يخلص التقرير هتسلمه ف مجلس المدينه ويرفق بالملف بتاعك.
13- اللجنه الفنيه هتبعتلك علشان تنهي اجراءات التصالح وتدفع الفلوس المطلوبه كاش او قسط
14- بعد سداد المبلغ المطلوب هتستلم رخصتك ف ايدك والف مبروك.
15- لو رخصة التصالح طلعت بدورين وانت عايز تعمل التالت قدم علي رخصة تعليه ف المجلس.
16- لو باني بلوك وطلعت رخصة التصالح ببيت بلوك .وحبيت تهد وتبني قدم علي رخصة هدم ومن ثم رخصة بناء جديد.
17- لو رخصة التصالح طلعت وحبيت تعدل ف الرسم المعماري اعمل رخصة احلال وتجديد .
بالتوفيق للجميع أن شاء الله
مكتب هاي تاور للمقاولات والتطشيب والديكور 🏚
تحت اشراف مهندسيين متخصيين 👷♂️
للتواصل ✍️ :-
01555005206 - 01060290921
أو زورونا في مكتبنا 🏠 شارع المقريزي امام مديرية الاسكان والمرافق بجوار استوديو چو - دمنهور - البحيرة 🚶♂️🏃♂️
🐯
👌