BGE-Journey

BGE-Journey “Shaping the future with biotech breakthroughs. Welcome to the world of BGE🧬🚀!”
https://bgejourney.com

Biotechnology Genetic Engineering Journey

هل العمى الوراثي يمكن يتعالج ؟🤔✨ده السؤال اللي شغل فريق من العلماء في Children's Hospital of Philadelphia لسنين طويلة… ك...
15/05/2026

هل العمى الوراثي يمكن يتعالج ؟🤔✨

ده السؤال اللي شغل فريق من العلماء في Children's Hospital of Philadelphia لسنين طويلة… كانوا بيحاولوا ينقذوا أطفال فقدوا نظرهم بسبب مرض جيني نادر 😔

وفي سنة 2013، قرروا ياخدوا خطوة أكبر و أسسوا شركة Spark Therapeutics علشان يحولوا الأبحاث لعلاج حقيقي يغير حياة الناس 💡

وبعد رحلة طويلة من التجارب، في 2017 حصلوا على موافقة FDA 🏛️ لأول علاج جيني في العالم للعمى الوراثي

بس قبل ما نتكلم على العلاج، تعالى نفهم المرض الأول:** 🧠🔍

مرض Inherited Retinal Dystrophy (تحديدًا الـ RPE65-related Retinal Dystrophy) هو مرض وراثي نادر بيأثر على الـ Retina (الشبكية) 👁️، الطبقة اللي في مؤخرة العين المسؤولة عن الرؤية 👀

بيحصل لما يكون في طفرة (Mutation) في النسختين من جين RPE65🧬 (يعني لازم تكون ورثته من أبوك وأمك 👨‍👩‍👧)

جين RPE65 بيطلع تعليمات لصناعة إنزيم مهم جدًا اسمه RPE65 enzyme ⚙️

الإنزيم ده بيعمل زي مفتاح أساسي في Visual Cycle 🔁 (دورة الرؤية)،

بيحوّل مادة كيميائية اسمها All-trans retinal ➡️ لصورة نشطة اسمها 11-cis-retinal✨و دي المادة اللي بترتبط بخلايا Photoreceptors 🌟 (خلايا الشبكية الحساسة للضوء) عشان تحول الضوء اللي داخل العين لإشارات كهربائية توصل للمخ ونقدر نشوف بوضوح ⚡🧠

لما الإنزيم يقل أو يختفي 🚫، الدورة دي بتتعطل ❌ فالخلايا بتموت تدريجيًا 💔 و يبدأ النظر يضعف (خاصة Night Blindness 🌙)

وفي كتير من الحالات بيؤدي للعمى التام في الطفولة أو سن المراهقة 😔

المرض ده بيأثر على حوالي 1000 إلى 2000 شخص في أمريكا 🇺🇸، وهو جزء من مجموعة أمراض الشبكية الوراثية

طيب إيه العلاج؟💉🧬

خليني اقدم لك Luxturna (voretigene neparvovec-rzy)

هو أول علاج جيني معتمد في العالم لعلاج النوع ده من العمى! 🎯🔥

طيب بيشتغل إزاي؟⚙️

1️⃣ العلاج بتحقن مرة واحدة بس تحت الشبكية 👁️💉

2️⃣ بيستخدموا فيروس آمن جدًا (اتعدل في المعمل) اسمه AAV2 زي "شاحنة توصيل" ذكية 🚚🧬

3️⃣ الفيروس ده بيدخل نسخة سليمة وصحيحة من جين RPE65 مباشرة جوا خلايا الـ Retina

4️⃣ الخلايا بتبدأ تنتج الإنزيم الطبيعي بنفسها 🔁✨

5️⃣ دورة الرؤية ترجع تشتغل زي الأول، والخلايا تقدر تحول الضوء لإشارات كهربائية تاني! ⚡👁️

و النتيجة،📈🔥

حقق Luxturnaنجاح كبير 💥

فالدراسات اثبتت ان أكتر من 90% من المرضى حققوا تحسن ملحوظ في الرؤية 👀✨ (خاصة الليلية 🌙)

وتقدم المرض وقف أو بطأ جدًا ⏸️ وكمان حافظوا على تحسن الرؤية لسنين بعد العلاج 📅💪

وفي الاخر ده مش بس علاج لمرض نادر،لكنه بداية لعلاجات جينية جديدة هتغير حياة ملايين المرضى في المستقبل 🧬🌍✨و

ده يثبت ان مفيش مستحيل 💪🔥و العلم بقى أقرب لعلاج كتير من الأمراض اللي كانت مستعصية زمان 🌟🚀
بقلم ✍🏻: عبد الرحمن خالد
Reference 👇🏻
https://luxturna.com/
https://www.fda.gov/vaccines-blood-biologics/cellular-gene-therapy-products/luxturna

ثورة CRISPR/Cas9 و علاج الزهايمر🧠🧬شرح CRISPR/Cas9👇🏻https://www.facebook.com/share/p/18zCLgYFa8/هنتكلم النهاردة عن واحدة ...
10/05/2026

ثورة CRISPR/Cas9 و علاج الزهايمر🧠🧬
شرح CRISPR/Cas9👇🏻
https://www.facebook.com/share/p/18zCLgYFa8/
هنتكلم النهاردة عن واحدة من أعظم الثورات العلمية: استخدام تقنية CRISPR/Cas9
و هي عبارة عن مناطق DNA موجودة في البكتيريا وتساهم في دفاعها ضد الفيروسات و تُستخدم في تقنية للتعديل الجيني و تُأثر على مسار الأمراض المعقدة زي الزهايمر و تحاول تعالجه
🔹أول حاجة أي هو مرض الزهايمر؟🧠
هو تدهور في خلايا المخ و من أهم اسبابه تراكم بروتينين:
1️⃣ Amyloid beta:
و هو يُعتبر المكون الرئيسي لِلويحات الشيخوخية و هي رواسب خارج خلوية من ال Amyloid beta في المادة الرمادية من الدماغ
يتجمع خارج الخلايا العصبية ويشكل عائق يمنع انتقال الإشارات العصبية بين الخلايا
2️⃣ Tau Protein: هو بروتين طبيعي حيوي يوجد بكمية كبيرة في الجهاز العصبي المركزي داخل الخلايا العصبية و يعمل على استقرار وتدعيم "الأنيبيبات الدقيقة" التي تنقل المغذيات وتحافظ على هيكل الخلية لو أختل البروتين دا بيتراكم ويشكّل تشابكات ليفية عصبية سامة تؤدي إلى موت الخلايا وهو عامل رئيسي في أمراض الزهايمر
🔹تاني حاجة أي هي أنواع الزهايمر و إزاي بيواجهها كريسبر؟ 🛡️
1️⃣الزهايمر الوراثي
يمثل أقل من 1% ويحدث بسبب طفرات واضحة وهنا دور CRISPR هو "الإصلاح المباشر"
2️⃣الزهايمر العشوائي
وهو الأكثر انتشارا وهنا نستخدم التقنية لتقليل إنتاج البروتينات الضارة حتى لو مفيش طفرة محددة
و بمإن الأدوية التقليدية مش بتنفذ النتيجة المطلوبة لأنها بتعالج "الأعراض" بس فبيتجه العلماء دلوقتي لعلاج "الأصل" وهو الجينات عن طريق تقنية CRISPR اللي بتشتغل كمقص جيني يقوم بـ
✅ تعطيل الجينات الضارة:
زي جين APP أو BACE1 المسؤولين عن إنتاج الأميلويد
✅ تصحيح الطفرات:
إصلاح الخلل في جينات PSEN1 و PSEN2 المسببة للزهايمر المبكر
✅ تعديل عوامل الخطر:
تحويل جين APOE4 (اللي بيزيد احتمالية الإصابة) إلى جين APOE3 أو APOE2 (اللي بيحمي المخ)
🔹عندنا مكونين رئيسيين في نظام كريسبر
1️⃣بروتين cas9
وهو نيوكلييز داخلي غير متخصص بيقوم بقص سلسلتين ال DNA و بيتجه للمنطقة المُراد القص عندها اعتمادا على gRNA اللي بيحمله
2️⃣جزيء gRNA بيعمل كدليل لتوجيه أنزيم cas9 نحو تسلسل معين من الحمض النووي علشان يقوم بالقص عند المنطقة المحددة
▪️الجزء المتغير من gRNA يتكون من 20 نيوكليوتيدة تقريبا و الجزء دا بيكون مطابق للشفرة الوراثية المُراد القص عندها علشان كدا بيستخدمه أنزيم cas9 في التعرف على المنطقة المُراد القص عندها
🔹تالت حاجة ميكانزم عمل CRISPR/Cas9 ببساطة ⚙️
🎯 1. Recognition (التعرف)
بنقوم بتصميم شريط RNA صغير (gRNA) مكمل تماما للجين المستهدف وظيفته تحديد مكان التعديل بدقة
🔗 2. Binding (الارتباط)
يرتبط بروتين القص Cas9 بالدليل (gRNA) ويتحركوا مع بعض جوا الخلية لحد ما يلاقي التتابع المكمل لل gRNA في DNA الخلية
✂️ 3. Cleavage (القص)
بمجرد العثور على التتابع المكمل لل gRNA يقوم بروتين Cas9 بقطع شريطين ال DNA في المكان المكمل لتتابع gRNA
🛠️ 4. Repair (الإصلاح)
هنا تتدخل الخلية لإصلاح القطع بطريقتين:
1️⃣مسار NHEJ (الإصلاح العشوائي) تقوم الخلية بلصق الطرفين مكان القص اللي حصل بسرعة وغالبا بينتج عنها فقد أو إضافة قواعد نيتروجينية بتؤدي لتغيير إطار قرأءة الچين وتعطيله تماما
2️⃣مسار HDR (الإصلاح الموجه بالتماثل): في حال وجود "قالب DNA خارجي" تم إرساله مع cas9 اللي بيقوم بعملية القص تستخدمه الخلية كمرجع لعملية الترميم فبيتم نسخ قالب ال DNA الخارجي داخل الـ DNA الأصلي مكان الجزء اللي حدث فيه قص و يسمح بتصحيح الطفرات بدقة
🔹في النهاية اللي عايزين نقوله إن تقنية CRISPR بتمثل ثورة كبيرة في عالم الوراثة و علاج الامراض مهما كانت فيها درجة عالية من التعقيد📌
بقلم✍🏻 : منار
🔴 Reference👇🏻
https://pmc.ncbi.nlm.nih.gov/articles/PMC9481950/
https://ar.wikipedia.org/wiki/%D9%85%D8%B1%D8%B6_%D8%A2%D9%84%D8%B2%D9%87%D8%A7%D9%8A%D9%85%D8%B1
https://www-mdpi-com.translate.goog/1422-0067/24/4/3754?_x_tr_sl=en&_x_tr_tl=ar&_x_tr_hl=ar&_x_tr_pto=tc
https://ar.wikipedia.org/wiki/%D9%83%D8%B1%D9%8A%D8%B3%D8%A8%D8%B1

أنت تعرف امبارح كان اليوم العالمي ل اي🤔؟؟​لو متعرفش فأنا بقولك إنه كان اليوم العالمي لل DNA 🧬 يعني ذكرى نشر أعظم سر في ت...
26/04/2026

أنت تعرف امبارح كان اليوم العالمي ل اي🤔؟؟
​لو متعرفش فأنا بقولك إنه كان اليوم العالمي لل DNA 🧬
يعني ذكرى نشر أعظم سر في تاريخ البشرية!
سنة 1953م زي امبارح فريق من العلماء (زي واتسون وكريك وروزاليند فرانكلين) نشروا بحث في مجلة Nature شرحوا فيه شكل ال DNA اللي مغير حياتنا دلوقتي تخيل عاملين له يوم مخصوص!
​هتقولي ده أكيد ال DNA بقى حاجة مهمة وله تطبيقات كتير؟
هقولك الله ينور عليك🫡
تعالى نشوف بقى إيه هو ال DNA ده
​عارف إن كل أسرارك و شكلك وحتى الأمراض اللي ممكن تجيلك متلخصة في "شفرة" أصغر من إن عينك تشوفها؟ هو ده بقى ال DNA حياتك عبارة عن كتاب مكتوب بأكواد وشفرات من ال DNA 📖
​تعالى بقى أفهمك إيه قصته وإزاي العلماء وصلوا له؟🤓
الحكاية بدأت من زمان أوي من أول راهب بسيط اسمه "مندل" كان بيسلي وقته في زراعة البسلة واكتشف إزاي الصفات بتنتقل لحد عالم اسمه "ميشر" اللي لقى مادة غريبة في ضمادات الجروح وسماها "النوكلين" وهو مش فاهم إن ده هو سر الحياة!🤷🏻‍♀️
​والنهاردة إحنا بنحتفل باللحظة اللي العلماء قدروا يشوفوا فيها شكل اللولب المزدوج اللي شايل جواه ٣.٢ مليار حرف! 🧬
​عارف إيه الإبهار بجد؟ 🤯
إننا دلوقتي مبقناش بس بنعرف شكله ده إحنا بنقدر "نقرأه" حرف حرف. لدرجة إننا اكتشفنا إن حتى التوائم المتطابقة اللي بنفتكرهم نسخة واحدة ال DNA بيقول إن بينهم فروق بسيطة جدا بتخلي كل واحد فيهم فريد من نوعه ومفيش منه اتنين!
​هتقولي طب إيه أهميته بردو عشان يحتفلوا بيه؟👀
هقولك يا سيدي ال DNA داخل في كل حاجة منها
​🔹 الطب الشرعي🕵🏻
دي الحدوتة اللي بنشوفها في الأفلام أي خلية بتسيبها في مكان (شعرة، نقطة دم) فيها شفرتك بالكامل وكفيلة تجيب صاحبها من تحت الأرض!
🔹 الطب الشخصي والتشخيص
بدل ما كل المرضى ياخدوا نفس الدواء العلماء بقوا يحللوا DNA المريض عشان يعرفوا نوع الدواء اللي جسمه هيستجيب له أكتر و أيه الأمراض اللي عنده أستعداد وراثي ليها قبل ما تحصل فيبدأوا الوقاية بدري
🔹 الزراعة والغذاء 🌾
تعديل جينات النباتات عشان تتحمل الجفاف أو الملوحة
🔹 تتبع الأصول والنسب
ودي أكتر حاجة معروفة عنه
​وطبعا تطبيقاته لا تعد ولا تحصى واللي لسة هنكتشفه في المستقبل أكيد أكتر بكتير
​ببساطة أنت عبارة عن كتاب مذهل والنهاردة بنحتفل باللغة اللي اتكتب بيها الكتاب ده!🤩
​سؤالي ليكم بقى👀
بما إن ال DNA بقى بيعرف عننا أكتر ما بنعرف عن نفسنا تفتكروا في المستقبل الDNA هيكون نعمة تحمينا من الأمراض ولا نقمة لأن أسرارنا كلها بقت مكشوفة؟ 🤔

بقلم/ منار

الموهبة لوحدها مش كفاية.. إحنا محتاجين "مبدعين" بيحركوا الجمود! ✨​لو بتعرف تحوّل لقطة عادية لـ Masterpiece، أو تقدر تخلي...
23/04/2026

الموهبة لوحدها مش كفاية.. إحنا محتاجين "مبدعين" بيحركوا الجمود! ✨
​لو بتعرف تحوّل لقطة عادية لـ Masterpiece، أو تقدر تخلي الشخصيات ترقص بلمسة أنيميشن من إيدك.. فإحنا بندور عليك!
​إحنا بنكبر، وعاوزين فريق "المونتاج والأنيميشن" بتاعنا يبقى فيه ناس مش بس بتعرف تستخدم Premiere أو After Effects، لا ناس عندها "عين" بتشوف التفاصيل اللي محدش غيرهم بيشوفها.
​ليه تنضم لينا؟
​مساحة للإبداع مفيهاش سقف.
​بيئة بتدعم الأفكار "المطرقعة".
​هتضيف لشغلك (Portfolio) مشاريع قوية ومختلفة.
​لو أنت جاهز تبهرنا بشغلك، املأ الفورم دي:
[لينك التقديم هنا https://forms.gle/77LCcv33Uyg8NEKW7] 🔗

تم رصد "الشرارة" الأقوى! ⚡🔬بعد مراقبة دقيقة لكل التفاعلات، وتحليل "النيوكليونات" الإبداعية اللي نزلت على البيدج.. قدرنا ...
21/04/2026

تم رصد "الشرارة" الأقوى! ⚡🔬
بعد مراقبة دقيقة لكل التفاعلات، وتحليل "النيوكليونات" الإبداعية اللي نزلت على البيدج.. قدرنا نوصل للبوست اللي عمل "انفجار" معرفي حقيقي! 💥
البحث العلمي مش بس معلومات، هو طريقة عرض تخلي المعلومة تعلّم في الدماغ.. وده بالظبط اللي عمله معانا صاحب المركز الأول.
🏆 الفائز بلقب "أفضل بوست علمي": عبد الرحمن خالد
عنوان البوست: ازاي كائن صغير هيساعدك تعيش علي المريخ 👽
شكراً لأنك خليت العلم ممتع، ومنتظرين منك "نظرية" إبداعية جديدة المرة الجاية! 🧪✨

بعد منافسة أقوى من "روابط الهيدروجين" وذكاء أسرع من الـ "DNA Replication"، قدرت بطلتنا تفك شفرة فوازيرنا الرمضانية وتكسب...
20/04/2026

بعد منافسة أقوى من "روابط الهيدروجين" وذكاء أسرع من الـ "DNA Replication"، قدرت بطلتنا تفك شفرة فوازيرنا الرمضانية وتكسب معانا في اول مسابقة فوازير للبايوتيكنولوجي في رمضان !
ألف مبروك 🥳
🏆 غيداء مُحمد🏆
ومبروك عليكي الجايزه 🥰
إجاباتك كانت دقيقة زي الـ CRISPR وحضورك كان منورنا طول الشهر. شكراً لكل اللي شاركوا معانا، واستنونا في تحديات تكنولوجية جديدة!

خبر عاجلدخول بري للجيش بشكل مفاجئ من خلال الحدود بدأت قوات المشاه وحرس الحدود بالتحرك في دوريات باتجاه العدو وبالفعل تم ...
17/04/2026

خبر عاجل
دخول بري للجيش بشكل مفاجئ من خلال الحدود
بدأت قوات المشاه وحرس الحدود بالتحرك في دوريات باتجاه العدو وبالفعل تم القضاء علي بعضهم عن طريق البلعمة.

الجنرالات حاليا بيفحصوا معلومات العدو، وبيحللوا نوع السلاح اللي الغزاة بيستخدموه، وبناءً عليه بيبدأوا يبعتوا إشارات كيميائية عشان يستدعوا القوات الثقيلة ويوجهوا كل فرق الجيش لأماكن الاشتباك.

Stop
ثانية واحدة بس متاخدونيش ف دوكة 🤨
بلعمة!! إشارات كيميائية!!
دانا كنت فاكر امريكا دخلت إيران بشل بري والحرب العالمية هتقوم 🙂

امريكا ايه بس
الحرب دي جواك انت 👌🏻
ولو متعرفش الاستراتيجيات اللي الجيوش بيستخدموها وازاي آليات الدفاع بتشتغل يبقا فايتك نص عمرك .. حضر كوب قهوة وركز عشان هتعرف دلوقتي أن عندك قبة حديدية وحاملات طائرات جوة جسمك 🤯
_________________________________________

قبل ما العدو يوصل للحدود البرية، إنت جسمك آليات دفاع مابتهزرش! الأنف، الأغشية المخاطية، الدموع، وحمض المعدة.. دي كلها رادارات وصواريخ اعتراضية يتمنع أي فيروس طاير في الهوا أنه يدخل أرضك.
في جسمك، لما بتتنفس هواء مليان فيروسات، بتشتغل "رادارات القبة الحديدية" المتمثلة في شعيرات دقيقة جداً في الأنف والجهاز التنفسي اسمها (الأهداب).
الأهداب دي بتلقط الفيروسات الطايرة في الهواء، وبمساعدة (المخاط) بتعترضها وتشل حركتها. مش بس كده، اللعاب والدموع والمخاط فيهم "صواريخ اعتراضية" جاهزة اسمها (IgA Antibodies)، دي بتدمر غلاف الفيروسات والبكتيريا قبل ما تلمس خلايا جسمك وتخترقها.. انت عندك قبة حديدية لولاها كان زمان اي فيروس أو ميكروب في الهواء بيدمر جسمك

لكن المرة دي العدو كان خبيث، لقى ثغرة (جرح بسيط في إيدك، أو فيروس قوي قدر يعدي من الأنف).. وهنا الأسوار وقعت، وبدأ الغزو البري! 💥
_________________________________________

قوات المشاة (الخلايا البلعمية) دخلت في مفرمة مع العدو، بس العدد مهول وبدأوا يخسروا أراضي. هنا بتتدخل فوراً "طائرات الاستطلاع" المتمثلة في (الخلايا الشجيرية - Dendritic Cells).
الخلايا دي مابتكملش في الاشتباك، دي بتخطف جثة من العدو، تمزقها، وتاخد حتة من درعها وسلاحها (الـ Antigen)، وتطير بيها بأقصى سرعة هرباً من ساحة المعركة عشان تروح تبلغ القيادة.
_________________________________________

طائرات الاستطلاع بتوصل لـ "حاملات الطائرات والقواعد العسكرية" اللي متوزعة في جسمك، واللي بنسميها (العقد الليمفاوية - Lymph nodes).
جوه القاعدة، الجنرالات (الخلايا التائية المساعدة) بياخدوا العينة من الاستطلاع. أول ما بيحللوا السلاح ويتأكدوا إن فيه غزو حقيقي، الجنرال بيدوس على الزرار الأحمر ويعلن حالة الطوارئ القصوى، وبيبعت إشارات لاسلكية (سيتوكينات) لكل قطاعات الجيش: "جهزوا الأسلحة الثقيلة فوراً!" 🚨

أبواب حاملات الطائرات بتتفتح، وبيخرج منها رعب حقيقي لإنهاء الاحتلال:
مصانع الأسلحة (الخلايا البائية - B-Cells): دي بتتحول لمصانع حربية بتنتج 2000 صاروخ في الثانية الواحدة! الصواريخ دي هي (الأجسام المضادة - Antibodies). بتنطلق في مجرى الدم وتلزق في العدو زي أجهزة التتبع المضيئة، فتشل حركته تماماً وتخليه هدف مكشوف وسهل جداً للمشاة عشان تفرمه.
المقاتلات الجوية والقوات الخاصة (الخلايا التائية القاتلة - Killer T-Cells): الفيروسات جبانة، بتستخبى جوه خلايا جسمك السليمة وتخليها "مصانع تفريخ" ليها. هنا بتيجي قوات الـ F-16 دي؛ بتعمل مسح بالرادار، وأول ما تلاقي خلية من جسمك تم احتلالها، بتسقط عليها قنابل كيميائية وتفجرها باللي فيها! تضحية قاسية لبعض الخلايا.. بس ضرورية عشان باقي الدولة تعيش. 🥷💣
_________________________________________

بعد ما الضرب بيقف، والجثث (الصديد) بتتنضف، والعدو بيُباد بالكامل.. القيادة بتدي أمر بوقف إطلاق النار عشان الجيش ميدمرش الجسم نفسه.
لكن هل بننسى اللي حصل؟ أبداً!
المخابرات بتعين "خلايا الذاكرة" (Memory Cells). دول قدامى المحاربين اللي حافظين شكل العدو، بصمته، ونقط ضعفه، وبيسجلوها في الأرشيف العسكري.
لو نفس الكائن ده فكر يهوب ناحيتك تاني ولو بعد 10 سنين.. مش هيكون فيه وقت لإنذارات واستطلاع؛ صواريخ الذاكرة هتنسفه قبل ما إنت حتى تعطس أو تحس بصداع 🫡💪

عمرك سألت نفسك إيه الفرق الحقيقي بين الـ IVF والـ ICSI؟ 🤔كتير بنسمع عن "أطفال الأنابيب" و"الحقن المجهري"، بس يا ترى إيه ...
25/03/2026

عمرك سألت نفسك إيه الفرق الحقيقي بين الـ IVF والـ ICSI؟ 🤔
كتير بنسمع عن "أطفال الأنابيب" و"الحقن المجهري"، بس يا ترى إيه اللي بيحصل فعلاً جوه المعمل؟ وإيه هي الخطوات الدقيقة اللي بتوصلنا لنجاح العملية؟ 🧬
عشان كدة، قررنا في السيشن الجاية نفتح ملف "علم الأجنة والإخصاب المساعد" من الألف للياء، ونعرف كل التفاصيل اللي بتفرق في الشغل العملي.
🎙 هيكون منورنا في السيشن:
د. أحمد سعيد السيد، واحد من القامات العلمية المتميزة في المجال ده:
• مدرس علم الأجنة بكلية العلوم - جامعة الأزهر.
• عضو الجمعية المصرية لعلم الأجنة والإخصاب المساعد.
• عضو ومسؤول المنظمة الليبية لعلم الأجنة والإخصاب المساعد في مصر.
📝 هنتكلم في إيه؟
✅ خطوات الحقن المجهري بالتفصيل الممل.
✅ الفرق الجوهري بين الـ IVF والـ ICSI.
✅ نصائح وخبرات علمية من واقع التخصص.
📅 الميعاد: الأربعاء، 1 أبريل.
فرصة مش بتتعوض لكل المهتمين بمجال الأجنة والتكنولوجيا الحيوية إنهم يستفيدوا من خبرة دكتور أحمد ويخرجوا بمعلومات حقيقية من قلب الميدان. 🚀
تابعونا وانضموا للجروب عشان يظهرلكم لينك السيشن 👇🏻
https://chat.whatsapp.com/HUlTBRhzGNLK4LAAkbGfUI?mode=gi_t

#الأزهر #بايوتكنولوجي #صحة

🧬Synthetic Biology: Engineering Life as programmable system اي هيحصل لو جمعت بين الهندسة و البرمجة و الأحياء كلهم في ع...
22/03/2026

🧬Synthetic Biology: Engineering Life as programmable system
اي هيحصل لو جمعت بين الهندسة و البرمجة و الأحياء كلهم في علم واحد، ولو اعتبرت أن الخلية دي جهاز فيه دوائر كهربائية و اكواد ببرمجها هيحصل ايه يعني ….؟ 🤔 ده ياخدنا لعلم اسمه synthetic biology (البيولوجيا التركيبية) بتعامل مع الخلية على أنها نظام هندسي🏗 اصممها و ابرمجها 💻، اعملها نظام حيوي يشتغل بالطريقة الي انا عايزاها

⭐️طب ايه الي بيميز synthetic biology عن Genetic Engineering 🧬
📌الهندسة الوراثية : نضيف جين يطلع بروتين بسيط و مباشر
📌إنما البيولوجيا التركيبية: انا بركب مجموعة جينات مع بعض تعملي دوائر جينية (genetic circuit) تشتغل بمنطق محسوب تخلي عندي كائن اتحكم في الوظائف بتاعته و احمد انا عايزاه يعمل اي

📌الدائرة الجينية (genetic circuit ) دي عبارة عن اي :....
أجزاء جينية قياسية بتعمل حاجه معينه بتركب مع بعض زي lego اسمها bio bricks بتتوصل ببعض عن طريق بوابات منطقية biological logic gates و دي زي دوائر الكمبيوتر (and, not , or )

🌟ازاي بقى بنهندس الحياة …
عندنا حاجه اسمها DBTL CYCLE بتبقى من أربع مراحل
1️⃣Design genetic code as software📌
لغة البرمجة بتاعتي هي DNA هكتب تسلسل (A,T,C,G) الي انا عايزاه و ابعتها تجهز و يجيلي DNA SYNTHESIS في أنبوبة 📌Standard Bio bricks
العلماء مجهزين مكتبه أجزاء قياسية عبارة عن قطع جينيه ليها وظيفه معينه مثلا sensor يحس بالحرارة أو السموم 🧩،promoter مفتاح تشغيل
📌Biological logic gates
اختار البوابات الي تربط لي legos بتاعتي الي اخترتها
2️⃣ Build 🏗
بجمع bio bricks & Biological logic gates و اعمل genetic circuit
طب و بعدين فين الخليه الي هحط فيها الدائرة الجينية بتاعتي علشان تعملي الوظيفه الي عايزاها
هنا يجي دور المصنع المجهري cell as chassis
بستخدم بكتريا زي 🦠E.coli او الخميرة كا هيكل عليه البرنامج بتاعي و بفضي الخلية من اي عمليات تانيه مش محتجاها علشان تركيز طاقتها كله يبقى موجهة الكود بتاعي انا بس
3️⃣ Test
دلوقتي بشوف هل في استجابة للاوامر الي في الكود ، هل الخلية عملت كل المطلوب منها
4️⃣ Learn
اشوف المشكله فين و الي مشتغلش مشتغلش لي هل المشكلة في بوابة و لا ترتيب lego

⭐️طيب بعد ما عرفنا ده كله هنستفاد منه في أي ……
حاليا يدخل في مجالات كتيرة جدا منها الطب والبيئة Synthetic Biology
👩‍⚕️ In the medical field✨️ :.
🦠 بكتيريا "الكوماندوز" : هي عبارة عن بكتيريا السالمونيلا بيشيل منها الأجزاء الضارة و نبرمج جواها genetic circuit فيها جهاز استشعار sensor لبروتين معين في الخلايا السرطانية ، بتعمل اي بقى …. لما تحس بنوع البروتين ده بتدخل جوا الخليه السرطانية و تفرز سموم تقتل الخلية المصابة و تسيب السليمة …….. و من هنا نقدر نقول وداعااا للعلاج الكيماوي
🏞 For environment✨️ :.
🦠ميكروبات "عاشقه للبلاستيك " : بنبرمج برده كائن و من احد biobrick لانزيمات بتكسر سلاسل البلاستيك الطويله تحولها لمواد خام نقدر نستخدمها تاني و ده هيحل مشكلة مخلفات بلاستيك PET الي بتاخد مئات السنين علشان تتحلل

After all of that I can say Synthetic Biology isn't just science , it is revolution

Synthetic Biology shifts biology from understanding life to engineering it

بقلم ✍🏻 : نيرة أمين
مراجعة وتدقيق 🔍 : شهد & سارة

كل عام وأنتم بخير بمناسبة عيد الفطر المبارك 🤍من فريق BGE-journey نتمنى لكم عيد مليء بالسعادة والنجاح والطاقة الإيجابية 🧬...
19/03/2026

كل عام وأنتم بخير بمناسبة عيد الفطر المبارك 🤍
من فريق BGE-journey
نتمنى لكم عيد مليء بالسعادة والنجاح والطاقة الإيجابية 🧬🔬
وإن شاء الله نكمل رحلتنا في عالم البيوتكنولوجي سوا بعد العيد 🔥

💥 انتباااااه لسا عندك فرصة تكون انت الفائز في فوازير بيوتكنولوجي.. تقدر تدخل تجاوب علي الفوازير اللي نزلت عالبيدچ كلها ع...
18/03/2026

💥 انتباااااه
لسا عندك فرصة تكون انت الفائز في فوازير بيوتكنولوجي.. تقدر تدخل تجاوب علي الفوازير اللي نزلت عالبيدچ كلها عشان نعيد عليك فالعيد 😉

تفاعلك علي الفوازير والمنشورات ومتابعتك للبيدچ شرط أساسي لدخول المنافسة

وصلنا اخيرا للفزورة العاشرة والأخيرة من فوازير بيوتكنولوجي واللي هتحدد مين الفايز
الإجابة من خلال الفورم 👇🏻
https://forms.gle/YLdgNyJg5mWQKN8QA

Address

Damietta

Website

Alerts

Be the first to know and let us send you an email when BGE-Journey posts news and promotions. Your email address will not be used for any other purpose, and you can unsubscribe at any time.

Shortcuts

Share

Category