نجم موتورز

04/11/2025

تراخيص أكتوبر.. انفجار السوق.. و مان دريم وكيلا لعلامة BYD

👈قبل دقائق من إقلاع الطائرة الى الصين اتكلمت مع السيد هشام الزيني رئيس تحرير الأهرام أوتو حول تقرير التراخيص لشهر أكتوبر والتي تصدره مؤسسة الأهرام بالتعاون مع المجمعة المصرية للتأمين وقلت بالنص التقرير في حاجة غلط..27638 وحدة رقم مش كبير ده "مهول".. وان السوق في عز الرواج ما قربش من الرقم ده نهائي.

👈رد عليا وقالي في اكتر من 8000 عربية ملاكي "زيرو" موديل ما قبل 2025 تم ترخيصهم في أكتوبر ،وده اللي عمل الطفرة في التراخيص.

👈بالتأكيد الطفرة في التراخيص كانت على كل العلامات تقريبا بنسب مختلفة..

👈المركز الأول وكالعادة علامة نيسان بعدد3034 وحدة وده اعلى رقم حققته نيسان في 2025.

👈المركز الثاني استحوذت عليه علامة شيري بعدد 2838 وحدة وبرضه ده أعلى رقم تراخيص تحققه شيري في شهر واحد.. قدرت من خلاله تاخد الترتيب التاني لعام 2025 من علامة هيونداي اللي جت في المركز الثالث بعدد 2263 وحدة.

👈علامة MG تراجعت في الترتيب للمركز الرابع وان زادت تراخيصها برضه الى 2062 وحدة ..يعني يفضل الأربعة الكبار زي ماهم مع لعبة الكراسي الموسيقية كل شهر بين التاني والرابع.. الاول أمره محسوم من بدري لنيسان.

👈الخامس من نصيب علامة كيا بعدد 1376 وحدة.. وعلامة جيتور ولأول مرة تحتل الترتيب السادس بعدد 1136 وحدة..متفوقة على علامة مرسيدس اللي جت في المركز السابع بعدد 1105 وحدة.. ووراهم علامة تويوتا في المركز الثامن بعدد 940 وحدة

👈علامة BYD طلعت الى المركز التاسع بعدد 914 وحدة.. حد بالك دي علامة شغالة ببقايا موديل F3 وبالجهود الذاتية للمستوردين.. فما بالك لما تنزل في يناير مع وكيلها الجديد مان دريم Man Dream وتبدأ الشغل رسمي

👈سوزوكي البعيدة تماما عن قائمة الأكثر مبيعا في 2025 بترجع بقوة وتدخل القائمة في الترتيب العاشر بعدد 848 وحدة.. حتى وان كان عربيات سوزوكي "التمناية" بتترخص ملاكي.

بالمناسبة.. شركة مان دريم Man Dream إحدى شركات مجموعة المنصور.. يعني زي مان ايست وكيل سوايست.

03/05/2025

Byd
سيجال
٢٠٢٥
كهرباء
ممشي ٤٠٥ كيلو
جميع الفئات
٩٠٠٠٠٠اعلي فئه

10/06/2024

قولا واحداً و مفيش بعد كده بناءاً على رد مستخلصين جمارك في السويس و بورسعيد و أكثر من موظف داخل النافذة و أتمنى لو يتم تغييره ...

إيه حكاية النظام الجديد لسيارات ذوي الهمم و نظام التسجيل المسبق ACID ?

#أولا

تعديل على سعة المحرك المسموح بها لإستيراد أي سيارة ذوي همم لـ تكون حد أقصى 1200 سي سي فيما أقل !! ..
و هتستوردها بشكل طبيعي جداً على الصورة المعتاد عليها في نظام ذوي الهمم 🚧 .

طب لو إنت عاوزها أعلى من 1200 سي سي تعمل إيه ؟

- هتجيب من مكتب التأهيل الاجتماعي
و من مكتب التموين :

1- عدم الإستفادة من الدعم بأنواعه ( تموين و خلافه )
2- عدم الإستفادة من معاش تكافل و كرامة .

و في إشاعة غير مؤكدة يُقال فيها : إنه ممكن تدفع فرق سعة المحرك لو أعلى 1200 سي سي و لكن غير متأكد منها
(( على العربيات اللي لسة مجتش لسسسة ارض المينا ))

أي عربية محجوزة على أرض المينا عشان يتم الإفراج عنها لازم يجيب الحاجات دي عشان يقدر يطلعها من المينا و مرفق صور لرد النافذة علي شحنات حالية بيتم تخليصها
.

#ثانيا

إيه التغيرات اللي حصلت على نظام التسجيل المسبق أو المعروف بإسم ACID ? ..

- لمستوردى السيارات : فى حالة اذا كانت السيارة واردة لذوى الإعاقة يرجى الدخول على طلب (ACID) ورفع مستند ( بطاقة الخدمات المتكاملة و/أو التقرير الطبى) وذلك خلال مدة اقصاها اسبوع من تاريخه، وإلا سيتم عدم السماح بالافراج عنها حال ورودها وإلزامكم بإعادة تصديرها أو إحالتها للمهمل لاتخاذ الإجراءات القانونية حيالها .


- وقف التعديل على أي بيان تعريفي ACID على أي سيارة دخلت المينا ( يعني بالبلدي كده المستخلصين كانوا بيسجلوا تسجيل عشوائي لمسمى الشحنة و لما العربية توصيل يبدأو يعدلوا عادي بكل سهولة ) دلوقت التعديل ده أتوقف بدون سابق إنذار و عشان كده حصل التكدس ده في المينا .

و من بعد وقف التعديل بدأوا تطبيق أحكام الغرامة المقررة بالمادة 72 من قانون الجمارك عند تقديم بيان أو مستند خاطئ، دون تعديله قبل الشحن، وذلك بقصد الحصول على الرقم التعريفي للتسجيل المسبق للشحنة (acid ) .

- مينفعش تشحن حاجة إلا لما تاخد رقم ACID قبل شحنها بـ ٤٨ ساعة على الأقل

شكراً ليكم

و أتمنى اكون قدرت أفيد الجميع و اعذروني إن أخطأت في شئ و نتمنى العودة للعمل كما كنا في الأول و الله المستعان

أشرف جابر نجم
نجم موتورز لتجاره السيارات

02/06/2024

بسم الله الرحمن الرحيم
لانسر شارك ٢٠١٤ اول فئه اوتوماتيك
فبريكه بالكامل ١٨٠ ألف كيلو مرور الشروق
استعمال طبيب حاله ممتازه جدا اول مالك
1092244433 negm motors

والصلاة والسلام علي رسول الله
سيدنا وحبيبنا
محمد صلى الله عليه وسلم

01/05/2024

عام جديد
نجم موتورز
٢١ عام
١/٥/٢٠٠٣

18/04/2024

24/03/2024

#القمه بتجيب من الاخر 😉😉

20/03/2024

توكيلات السيارات في مصر بدأت تنزل الأسعار
خطوه كويسه لشراء السيارات

09/03/2024

نجم موتورز
تهنيء عملائها
بشهر رمضان الكريم ☪️
وتتمني لكم صوما مقبولا ان شاء الله
وكل رمضان وحضراتكم طيبين 🌙

21/02/2024

🔵 بروتون ساجا تأتي بمحرك 1300CC بإستهلاك بنزين 5,5 لتر لكل 100 كم
🔵 مع جميع انظمة الأمان
🔵 2 ايرباج + فرامل ABS + EBD + BA مع جنوط رياضية + كاميرا خلفية وشاشة مع بروتون هتوفر .. هتوفر 🏦
نجم موتورز
01092244433

08/02/2024

اهه صدقتونى السيارات بتاخد عمله كبيرة جدا
برلمانى: وقف استيراد السيارات الجديدة لا يؤثر على السوق وسيوفر عملة
النائب أشرف أمين
الجمعة، 02 فبراير 2024 11:00 صprint
محمد شعلان
أكد النائب أشرف أمين، عضو مجلس النواب، أن هناك أزمة دولارية صعبة تؤثر على جميع مناحي الحياة، وأهم منحى فيها وهي المواد الغذائية التي خضعت لأزمة الدولار بصورة فجة لا يستطيع أن يتحملها المواطن، مشيرا إلى أنه حال إصدار قرار بمنع استيراد السيارات بشروط سيتم توفير عملة صعبة.

وأوضح أشرف أمين، خلال مداخلة هاتفية ببرنامج "التاسعة"، مع الإعلامية شافكي المنيري، على القناة الأولى، أن فكرة منع استيراد السيارات مضمونها وقف استيراد السيارات موديل السنة ونستورد السيارات موديل سنوات ماضية، لأنها ستكون أرخص وتوفر عملة صعبة ونفتح استيراد السيارات المستعملة استعمال أوروبي.

وتابع: "الفكرة عمرها ما تؤثر على السوق الداخلي للسيارات ولو استقدمنا السيارات المستعملة هنغطي احتياجات السوق المصري ولن نؤثر على العاملين في سوق السيارات ورجال الأعمال في هذا المجال، وهنوفر أرقام كبيرة من الدولار"، مطالبا باستيراد السيارات المستعملة بشروط يكون استعمال أوروبي تشبه الجديد بدل استيراد الزيرو وهذا سيوفر 50% من المصروف على السيارات.:

08/02/2024

﴿ سُبْحَانَ الَّذِي أَسْرَىٰ بِعَبْدِهِ لَيْلًا مِّنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا ۚ إِنَّهُ هُوَ السَّمِيعُ الْبَصِيرُ﴾
اهنئكم ب ذكرى ليلة الاسراء والمعراج