01/02/2026
خلاصة الاوكسينات
الاوكسينات فيه منها انواع كتير بس خلينا نقسمها لعائلات
اولا عيلة الاندول
اندول اسيتك اسيد
اندول بيوتريك اسيد
اندول بروبيونيك اسيد
ثانيا عائلة النفثالين
نفثالين اسيتك اسيد
نفثالين اسيتاميد
ثالثا انواع اخري
2,4,5-T (أو حمض 2,4,5-ثلاثي كلوروفينوكسي أسيتيك)
2,4-D (أو حمض 2,4-ثنائي كلورو فينوكسي أسيتيك)
ديكامبا (Dicamba)
MCPA (أو حمض 2-ميثيل-4-كلورو فينوكسي أسيتيك)
MCPB (أو حمض 4-(4-كلورو-2-ميثيل فينوكسي) بيوتيريك)
بيكلورام (Picamba)
كلوبيراليد (Clopyralid)
فلوروكسيبير (Fluroxypyr)
ترايكلوبير (Triclopyr)
يعني كل م نلاقي مكتوب علي العبوه او مركب انه بيحتوي علي اوكسين اعرف ان فيه حاجه من المواد دي كله
هقولك لا معظم المواد دي مش مستخدمة ك اوكسين هيا بس بتنتمي لعائلة الاوكسينات
طب ايه اللي بيستخدم ك اوكسين و دور كل اوكسين في النبات
اهم الاوكسينات اللي بتستخدم ك اوكسين
يعتبر اتنين فقط و هما
النفثالين اسيتك اسيد و ده واسع المجال لانه بيستخدم في
التجذير بس ضعيف نسبيا
بيستخدم في منع تساقط الثمار و الازهار و تثبيت عقد الثمار و تنظيم نمو النبات
يعني لما ادي للنبات جرعة نفثالين بيعمل كل ده
لا عزيزي المزارع ده بيبقي متوقف علي حسب الجرعة و الوقت اللي هتستخدم فيه النفثالين علي النبات
و فيه نوع اخر من النفثالين و هو النفثالين اسيتاميد الفرق بينه و بين النفثالين اسيتك اسيد انه اقل منه في التاثير و يستخدم بجرعات اعلي
النوع التاني في الانواع المهمه في الاوكسينات هو
الاندول بيوتريك اسيد الغني عن التعريف
بيستخدم كمنشط جذور قوي
كمان فيه الاندول اسيتك اسيد بس ده اضعف منه و كمان يعتبر اكسين طبيعي يتخلق داخل النبات بينما الاندول بيوتريك اسيد صناعي تجذير قوي لذلك هوا الاكثر انتشارا تجاريا
بينما الاندول بروبيونيك اسيد يعتبر اقل تاثير و اقل انتشارا
نيجي بقا نتكلم علي الانواع الاخري من الاوكسينات
2,4,5-T و 2,4-D يعتبر من عائلة ااوكسينات و لكنهم يستخدمو اكتر كمبيدات اعشاب و لكن تم حظر استخدامهم نظرا لسميتهم العالية و تصنيفهم كمواد مسرطنة
بيت المواد الاخري ايضا يعتبر تستخدم كمبيدات حشائش و ليس كمنظمات نمو
