Yosef Space, مصر, Luxor (2026)

حيث يلتقي الخيال بالواقع من خلال الأكواد والدوائر الإلكترونية ⚡️ رحلة في عالم الابتكار صناعة الروبوتات و تطوير المشاريع باستخدام الأردوينو 🤖
مبرمجون ومبتكرون نصنع المستقبل 💡💻

27/05/2026

كل عام و الأمة الإسلامية جمعاء بألف خير و سعادة و بهجة ❤️

عيد اضحى مبارك ❤️✨

18/05/2026

أتقدم بخالص الشكر والتقدير لجامعة بني سويف الأهلية
وعلى رأسها سيادة الوزير الأستاذ الدكتور/ طارق علي رئيس جامعة بني سويف لتشريفه بالحضور و إشرافه الكريم على مؤتمر Prototype 1

كما أتوجه ببالغ الشكر والامتنان للسادة الأفاضل أعضاء هيئة التدريس ولجنة التحكيم الموقرة على دعمهم الكبير وتوجيهاتهم القيمة لنا خلال هذا الحدث العلمي المتميز

وشكر خاص ورسالة تقدير لسيادة الدكتور/ محمود عبد الواحد مدير برنامج جيولوجيا البترول والتعدين على دعمه المستمر والمتواصل لنا خطوة بخطوة

فخور جداً بما حققناه وسعيد للغاية بالثراء العلمي والنقاشات المثمرة وبأن مشروعنا "Terra Rover" قد نال إعجاب واستحسان السادة الحضور ولجنة التحكيم

القادم أفضل بإذن الله! 🚀💼

07/05/2026

مشروع Terra Rover

أنا يوسف عماد أبو الفضل
إبن محافظة الأقصر 🇪🇬
طالب في كلية العلوم بجامعة بني سويف الأهلية

لاحظت من فترة إن في مشاكل كتير بتأثر على التوسع في استكشاف المعادن و تعمير الصحراء المصرية زي :

1- التضاريس الوعرة

2- الكهوف المجهولة التي يصعب على الإنسان استكشافها

3- الألغام الموجودة في صحراء مطروح منذ الحرب العالمية الثانية و اللي بتشكل عقبة كبيرة ضد التوسع العمراني في الصحراء المصرية

علشان كده قررت إني ابدأ أشتغل على روبوت يقدر يمشي على التضاريس الوعرة و يدخل داخل الكهوف المجهولة و يقدر يكشف عن الألغام و المعادن و سميته Terra Rover .

بدأت أشتغل على نموذج أولي ( prototype ) أقدر اتحكم فيها عن بعد باستخدام البلوتوث عن طريق الهاتف المحمول و زودت الروبوت بكاشف معادن بسيط و كاميرا علشان يقدر يصور فيديو بث مباشر للمكان اللي هو موجود فيه و يقدر يستشعر وجود المعادن و الألغام في المنطقة المراد استكشافها

ده كان بالنسبة للنموذج الأولي ( prototype ) أما بالنسبة للمرحلة إللي بعد كده فأنا هكمل تطوير في المشروع لحد ما يقدر يبقى منتج حقيقي صالح للاستخدام لاستكشاف أصعب البيئات الممكنة

في مرحلة التطوير بخطط اصمم هيكل قادر علي تجاوز أصعب التضاريس الممكنة و هيتم تطوير نظام التحكم بحيث يتم التحكم به عن بعد بمسافة تقدر من 1متر إلى 1 كم في أحسن الظروف و كمان هيتم إضافة ذراع ميكانيكي لجمع عينات صغيرة من البيئة المراد استكشافها و هيتم تطوير كاشف المعادن لزيادة عمق الاستكشاف إلى أكبر عمق ممكن

الفائدة من مشروع Terra Rover :

1- تقليل الخطر الواقع على العاملين بقطاع التعدين مثل السقوط في الارتفاعات العالية أو الانهيارات الأرضية داخل الكهوف

2- تطهير الصحراء المصرية من الألغام و الحفاظ على أرواح الناس و العاملين على تطهير الصحراء من الألغام و ذلك عن طريق المخاطرة بالروبوت بدلاً من تعريض حياة الإنسان للخطر

3- استكشاف البيئات المجهولة و الخطرة و البحث عن مصادر جديدة للثروات المعدنية في مصر

Luxor National University - جامعة الأقصر الأهلية اهل الاقصر محافظة الأقصر مكتبة مصر العامة بالأقصر - Misr Public Library Luxor
بوابة الاقصر الاخبارية Luxor News Portal
بوابة الاقصر 🌞 العديسات 🌞
منصة الاقصر Luxor platform

05/05/2026

بسم الله والحمد لله والصلاة والسلام على رسول الله خير معلم للناس الخير وعلى آله وصحبه ومن والاه ❤️

النهاردة بتبدأ خطوة جديدة في حلم بقالي كتير بخطط له عشان يكون مكان لكل واحد بيعشق التكنولوجيا والابتكار 🚀

معاكم يوسف عماد أبو الفضل و برحب بيكم في صفحتي الجديدة 🌌 Yosef Space 🌌

الصفحة دي مش مجرد مكان بنزل فيه بوستات دي "مساحتكم" الخاصة اللي هنكتشف فيها مع بعض أسرار التكنولوجيا ونبني المستقبل بإيدينا
في Yosef Space هنبدأ رحلة تقنية سوا فيها كل اللي قلبك يحبه:

✅ عالم الأردوينو والإلكترونيات : من أول "يعني إيه سلك" لحد ما تبني دوائر ذكية متكاملة

✅ الروبوتات : إزاي نصمم ونبرمج آلات بتتحرك وبتحس باللي حواليها .

✅ البرمجة والتصميم : الأدوات الأساسية اللي لازم تكون في جيب أي حد عايز يبتكر في عصرنا ده .

هدفنا إننا نبسّط العلوم الصعبة و نشارك تجارب عملية حقيقية ونعمل مجتمع تقني مصري وعربي بيفكر و بيبدع و بينفذ على أرض الواقع 🛠️

نبدأ على بركة الله و ندعي ربنا يكون العمل ده نافع لينا وليكم و لكل الناس .

استنونا وتابعونا .. اللي جاي كله حماس وابتكارات مش هتقف 🚀

Address

مصر
Luxor

Website

https://youtube.com/@yosefspace2?si=cHxT2wkPPnfbwlj1

Alerts

Be the first to know and let us send you an email when Yosef Space posts news and promotions. Your email address will not be used for any other purpose, and you can unsubscribe at any time.

Yosef Space