19/02/2026
إيه اللى بيحدد قدرة الموتور والطلمبة الغاطسة فى نظام رفع مياه الآبار؟؟
وإزاى موتور 10 حصان ممكن يطلع ماية قد موتور 100 حصان فى بير مختلف ؟!
خلينا نبدأ بالمعادلة التقريبية لحساب القدرة الهيدروليكية المطلوبة:
[3600*ŋ]/ [P = [ g × Q × H
حيث:
* (P) = القدرة (وات أو كيلووات)
* (ρ) = كثافة المياه ≈ 1000 كجم/م³
* (g) = عجلة الجاذبية ≈ 9.81 م/ث²
* (Q) = التصرف (م³/ث)
* (H) = إجمالى الرفع (متر) ← وهنا يدخل عمق البير
* (ŋ) = كفاءة الطلمبة × الموتور
📌 لاحظ إن H فى البسط → يعنى عند ثبات Q فالعلاقة بين H , P علاقة خطية.
---
#مثال
نفترض:
* تصرف = 20 م³/ساعة
* كفاءة كلية = 70%
* وش الماية = 50 م
لو زاد العمق لـ 100 م:
👉 الرفع اتضاعف
👉 القدرة المطلوبة تتضاعف برضه
يعنى لو كنت محتاج 5 كيلووات
هتحتاج حوالى 10 كيلووات (تقريبا")
---
ببساطة : كل ما العمق يزيد → القدرة المطلوبة تزيد
السبب الأساسى إن الطلمبة لازم ترفع المياه لمسافة رأسية أكبر، وده بنسميه:
Total Dynamic Head (TDH)
أو إجمالى الرفع.
وبيتكوّن من:
* عمق منسوب المياه فى البير (Static Water Level)
* منسوب الضخ (Drawdown)
* ارتفاع الخزان أو نقطة التصريف
* الفواقد فى المواسير والاحتكاك
---
عشان كده تصميم النظام لازم يبدأ من:
1. عمق البير الحالى
2. منسوب السحب الديناميكى
3. التصرف المطلوب
---
وناخد بالنا من العوامل المرتبطة بالعمق وإللي بتأثر بردوا على القدرة
زي:-
* قطر البير
* نوع الطلمبة (غاطس / سطحى)
* طول المواسير
* قطر المواسير
* الفلاتر والمحابس
كل ده يزوّد الفواقد → فيزوّد القدرة..
فى لايف جرين بنقدملك تصميم هندسي محسوب بدقة متناهية وبنحددلك أنسب مواصفات حسب نظامك وبنقدملك كمان أسعار تقريبية للمكونات المختلغة بالإضافة لخدمة التوريد والإشراف على التركيب ..
