https://www.facebook.com/765026053655994/

الحسام للإستثمار والتطوير العقاري, Minya (2026)

08/05/2026

الالتزام بالجودة يبدأ من أدق التفاصيل، ولذلك نحرص دائمًا على تنفيذ جميع الأعمال الهندسية بأعلى مستوى من الدقة والمتابعة الفنية المستمرة، لضمان قوة ومتانة المنشأ طبقًا للمواصفات المطلوبة.
✔️ متابعة دقيقة لكل مراحل التنفيذ
✔️ الالتزام الكامل بمعايير الجودة والسلامة
✔️ استخدام أفضل الخامات وأساليب التنفيذ
✔️ العمل بروح الفريق لتحقيق أفضل النتائج
في الحسام للإستثمار والتطوير العقاري نؤمن أن النجاح الحقيقي يُبنى بالمجهود والإتقان 👌
للتواصل
فون او واتساب 010 06301361

💙 نبني بثقة… ونترك في كل مشروع بصمة تليق بأصحابه 💙

02/05/2026

🔹 أعمال العزل للقواعد المسلحة 🔹
في الحسام للإستثمار والتطوير العقاري بنهتم بأدق التفاصيل من أول مرحلة في التنفيذ
لأن الأساس القوي هو سر عمر المبنى واستقراره.
📌 عزل القواعد المسلحة مش مجرد خطوة إضافية أو رفاهيه .… ده عنصر أساسي للمشروع وفايدته حماية خرسانه المنشأ وحديد التسليح من
✔️ التآكل بسبب تسرب المياه ايا كان نوعها
✔️ حمايه المنشأ من الرطوبة
✔️ تقليل احتمالية حدوث تآكل أو ضعف في الأساسات
✔️ وكمان منع صعود الرطوبه فى الحوائط وتلف الدهانات بعد التشطيب
🛠️ خطوات العزل اللي بنطبقها:
تنظيف وتجهيز سطح الخرسانة جيدًا
دهان طبقة برايمر لضمان الالتصاق
اختيار وتنفيذ نوع العزل سوءا بارد او ساخن أو لفائف ممبرين كل مشروع بحسب انسب نوع ليه

🎯 هدفنا دايمًا إننا نقدم جودة تنفيذ عالية تضمن الأمان والاستدامة لعملائنا.

📞 010 06301361
تواصل معنا وخلّي استثمارك مبني على أساس سليم 💪
لأن كل مشروع بنبنيه بنحطه في قلبنا قبل ما يتحط على الأرض 💙

15/04/2026

موقع جديد وبداية جديدة...
فيلا 250 متر بالحى المتميز بجوار استراحة المحافظ..
انتظروا التغيير.. من مبنى تقليدي، إلى تحفة معمارية بواجهات "مودرن" حديثة..
الإشراف الهندسي الدقيق هو ما يصنع الفرق بين مجرد بناء وبين مسكن عصري متكامل.
ت/01006301361

12/04/2026

من اعمالنا بالمنيا الجديده
فيلا الامتداد مساحه 450 متر
من مجرد "رسمة" على ورق.. لواقع ملموس بتفاصيله! 🏗️🏡
في " الحسام للإستثمار والتطوير العقاري
" نؤمن أن إتقان التفاصيل الإنشائية هو أساس الراحة والأمان. نشارككم اليوم لقطات حية من موقع العمل أثناء مراحل الانشاء ، حيث تجتمع الدقة الهندسية مع سرعة التنفيذ.
للتواصل : 01006301361

26/05/2022

استخراج رخصه هدم

01/05/2022

حقيقى كان لينا الشرف فى المشاركه فى هذا العمل العظيم
وشكر موصول لكل من ساهم فى انجاز واخراج المسجد بهذه الصوره المشرفه رغم أنه قائم على الجهود الذاتيه ونخص بالذكر
الشيخ فولي صاوي مقلد والاستاذ علي عبد الوهاب والشيخ #رضا محمد والاستاذ #احمد اسماعيل بدوى وعمي الشيخ أبوعبد السلام محمود الدليل والشيخ #صلاح طه
والمهندس بهاء سيد والمهندس أحمد سعد والمهندس أدهم أمير
وكذلك نخص بالشكر
*عمى رضا أبو هدية و @صابر فيض القائم بأعمال المحارة
*وعمي سيد القائم بأعمال الرخام والجيرانيت
*والأستاذ عرفة الصاوى القائم بأعمال الكهرباء
*والشيخ محمد سيد القائم بأعمال الدهانات
*والأستاذ هشام سيد القائم بأعمال النجاره
* والأستاذ محمود نبيل القائم بأعمال السباكه

05/04/2022

جو مصر حار جاف صيفاََ معتدل ممطر شتاءا .. الكلام دا كان زمان 👀 عشان كدا لازم نهتم بالتكييفات في وحداتنا السكنية، فتعالوا بينا نتكلم في البوست عن تأسيس التكييفات.. واعمل Save للبوست دا عشان هتحتاجه لما تيجي تشطب شقتك ❤️

🟩 تأسيس التكييفات من أهم الحاجات اللي ممكن تعملها في مرحلة التأسيس حتى لو مش هتشتري التكييفات دلوقتي، ودا لكذا سبب:

1- مش هتبقى مجبر إنك تركب التكييف Back to Back (الحائط اللي فيه الشباك)، وهنا هتظهر المشكله المعهودة وهى تعارض الستاره مع بيت الستارة.

2- لو ركبنا التكييف على حائط بعيد عن الشباك، هتضظر تكسر في الحائط تاني بعد ما خلصت تشطيب عشان تمديدات مواسير الفريون.. ولو قررت تسيبها علي الحائط هيكون شكلها مش حلو.

🟩 كدا عرفنا إن التأسيس للتكييفات مهم، ايه بقى الخطوات اللي المفروض نعملها في مرحلة التأسيس؟

1️⃣ بحدد مكان التكييف في كل غرفة، على حسب الفرش والديكور اللي هيتعمل في الشقة.

2️⃣ بعمل تأسيس لمواسير الفريون: ودي مواسير نحاس أفضل نوع "المواسير الجنوب افريقي" ومعاها كابل الكنترول، ودول بيتوصلوا من الوحدة الداخلية للوحدة الخارجية، واللي بيعمل الشغل دا فني التكييفات.

وخلي بالك لازم يكبس المواسير وانت بتستلمها منه، تجنبا لأي مشاكل لاقدر الله.

3️⃣ بنعمل تأسيس ماسورة صرف لكل تكييف، ودي اللي بيعملها السباك، وبتصرف على أقرب بيبه، ولازم يغطيها بمونة عشان تحميها لحد مرحلة السيراميك.

4️⃣ مفتاح التكييف + مخرج الكهرباء، ودا بيكون رايح على الكباس أو الفانه على حسب موديل التكييف، واللي بيعمله الكهربائي.

✅ فى حاجة مهمة لازم ناخد بالنا منها، قدرة التكيف بنحدد على أساسها قطر المواسير وأسلاك الكهرباء المستخدمة، عشان كدا بنحددها من البداية بمساعدة الفنى المختص بناء على المساحة.

✅ لو هتركب تكييف Back To Back مش هتحتاج تأسس ليه فريون، هنأسسله كهرباء وصرف فقط.

◀️ تأسيس مواسير التكيف بيتحسب بالمتر فحاول تشوف مع الفني أقصر مسار للمواسير عشان تمشى فيه وتوفر على نفسك فلوس.

◀️ لو انت في كمبوند بيكون في أماكن مخصصة للوحدات الخارجية، فحاول تعرفها قبل ما تبتدأ تأسيس.

25/03/2022

البوست ده جمعت فيه بعض الأفكار اللي ممكن تساعد أي حد مُقبِل على مرحلة تشطيب أو فرش شقة في إنه يقلل التكلفة قدر المستطاع وخاصةً في ظل غلاء وتزايد أسعار الخامات مؤخرًا 👇

1. مش لازم جيبسوم بورد في الأسقف ولو عاوزين نعمل اسبوتات.. فيه اسبوتات لطش بتركب على السقف مباشرةً بدون سقف ساقط وشيك وعملية
2. باب المطبخ في أغلب الوحدات السكنية ممكن يتم الاستغناء عنه
3. الأبواب الداخلية الجاهزة مناسبة كسعر مقابل جودة
4. النيش مش مهم وتكلفة ع الفاضي
5. الدولاب ممكن يتعمل built in هيوفر كتير وبيكون عملي جداً
6. وحدات المطبخ السفلية ممكن تتعمل قواطيع طوب والضلف ألومينيوم هتقلل كتير في التكلفة
7. بلاش سيراميك لكل حوائط المطبخ.. ممكن جداً نركب سيراميك في الأماكن الظاهرة فقط بين الوحدات
8. مسارات الكهرباء الكتير بدون داعي من أكتر البنود اللي بتكلف.. خطط لمخارج الكهرباء اللي محتاجها فقط حسب الفرش.. بلاش تكتر برايز ومفاتيح ومخارج بدون داعي
9. ماتعملش دهانات اسبونج أو دهانات ديكورية.. هتزود التكلفة عليك وهي كانت موضة وراحت خلاص
10. ورق الحائط اختيار بديل أرخص من التجاليد
11. لو حمام ضيوف (بدون شاور أو بانيو) هتقدر تقلل كتير في التكلفة لو عملت سيراميك الحوائط في الثلث السفلي فقط وباقي الحوائط دهانات.. بيبقى حل شيك جداً وأقل في التكلفة من السيراميك
12. شيل فكرة البورسلين من دماغك.. سيراميك بسيط وعملي أفضل وأرخص
13. لما تختار السيراميك.. ابعد عن المقاسات الكبيرة قوي والصغيرة أوي لأنها هتكلفك مصنعيات أكتر
14. لو شقة بالفعل راكبة أرضيات وعاوز تغيرها.. فكر في الفينيل أو الموكيت قبل ما تكسر
15. لو عندك سيراميك قديم وعاوز تغيره.. مش لازم تكسر لأن التكسير هيكلفك كتيير.. ممكن تلزق سيراميك جديد على القديم بمادة لزق جاهزة.. هتكون كإجمالي تكلفة أوفر من التكسير ونقل الراتش والتشوينات والمون
16. الأماكن اللي هتتفرش سجاد بكامل مسطحها البلاط الموزايكو اختيار مناسب وعملي بس تختار نوع كويس
17. اختار الأثاث والفرش العملي بعيداً عن البهرجة والزحمة
18. افتكر دايماً إن بيتك ده ليك انت وأسرتك وانتوا اللي هتعيشوا فيه مش الضيوف.. فبلاش تكلف نفسك في حاجات مش عملية لمجرد إن الناس هتاكل وشنا وكده
19. ماتزودش إضاءة بدون داعي.. أغلب الشقق فيها إضاءة ضعف اللي محتاجينه.. لو اتعلمت توزع إضاءة صح هتعرف إن الإضاءة الزيادة بتبوظ شكل المكان.. تقدر توفر كتير في بند الإضاءة كتأسيس وتشطيب لو فهمت إزاي بنوزع الإضاءة صح
20. افتكر إن كل ما هو Simple جميل
21. الدهانات الفاتحة أرخص من الدهانات الغامقة
22. استغنى عن ألوان الكومبيوتر وخلي النقاش يضربلك الألوان
23. الشفاط فوق البوتاجاز مش مهم أغلب الناس اللي بتعمله مابتستخدمهوش
لو تهوية الحمامات كويسة مش لازم شفاط
24. الستائر ممكن تعملها بيوت ستاير بسيطة هتبقى أوفر من البلتكانات والمواسير
25. اختار مكان السخان يبقى أقرب ما يمكن لباقي الوحدات ده هيقلل في أطوال المواسير
26. بيبة المطبخ لو مش ضرورية مالهاش داعي.. ممكن تستغنى عنها وتصرف المطبخ على الصرف الخارجي مع عمل طبة تسليك
27. احسب كميات تشويناتك مظبوطة عشان تشون مرة واحدة وماتكلفش نفسك كتير
28. لو قررت تعمل مكتبة أو مكان لشاشة التليفزيون.. الجيبسوم بورد حل مناسب وهيكلفك أقل من الخشب
29. السخانات الغاز هي الأقل تكلفة في سعرها والتأسيس ليها وتشغيلها
30. بلاش ديكورات في التشطيب.. هتكلفك وهتزهق منها مع الوقت وبتبقى موضة وبتروح
31. خلي أي ديكورات عاوز تعملها تبقى في مرحلة الفرش بحيث تكون ديكورات تقدر تعدلها في أي وقت وهتبقى أقل في التكلفة
32. الكرانيش مش حاجة ضرورية إطلاقاً وممكن تستغنى عنها
33. لو السفرة بالنسبالك مش ضرورية.. ترابيزة مطبخ حل عملي وموفر لو مساحة المطبخ تسمح
34. أحجام العفش الكبيرة والزحمة والبهرجة بتبوظ المكان.. قلل عفش كتر مساحات
35. مهم إنك تحرر نفسك من ضغط المجتمع والتقاليد اللي الناس اتعودت عليها.. حاجات كتير في العفش والفرش بنعملها واحنا مش مقتنعين بيها فقط عشان الناس.. اسمع كلام الناس لو هما هيصرفوا عليك غير كده "تحـــرر"
36. لو انت مش متخصص في التشطيبات.. يفضل تستعين بحد متخصص والأتعاب اللي هياخدها هيوفرلك أكتر منها في الخامات والمصنعيات بشرط يكون أمين وثقة

ده بصراحة اللي على بالي دلوقتي.. البوست هيتم تحديثه بأي أفكار جديدة تيجي على بالي وممكن تقلل تكلفة 🤝

05/03/2022

شكر موصول للنائب على بدوى واللواء اسامه القاضى
قرار محترم يسمح ببناء دائر المنزل فى اخر دور دون ترخيص
عقبال قرار كاردون صفط أن شاء الله

21/02/2022

👈شقه 125متر بشلبى
3 غرف وريسبشن ومطبخ وحمام
‏ نصف تشطيب
‏ دور تانى برج حديث
‏داخل كمبوند قريب من الميدان
‏كل المرافق متوفره
‏البرج مرخص ومتوفر 4 اسانسير
‏
👈شقه 129 متر بشلبى
3 غرف وريسبشن ومطبخ وحمام
‏ نصف تشطيب
‏ دور تالت برج حديث
‏ داخل كمبوند قريب من الميدان
‏ كل المرافق متوفره
‏ البرج مرخص ومتوفر 4 اسانسير
‏
👈 شقه 110 متر بشلبى
3 غرف وريسبشن ومطبخ وحمام
تشطيب كامل لوكس
العدادات كامله وراكبه
دور تامن ومتوفر اسانسير

03/02/2022

مبروك لمصر الصعود للنهائى 🇾🇪🇾🇪🏆🏆

الحسام للإستثمار والتطوير العقاري

08/05/2026

02/05/2026

15/04/2026

12/04/2026

26/05/2022

01/05/2022

05/04/2022

25/03/2022

05/03/2022

21/02/2022

03/02/2022

Address

Telephone

Website

Alerts

Contact The Business

Shortcuts

Share

Category