مكتب دار الهندسة للاستشارات و التصميم الهندسية

18/10/2024

👈لوحضرتك محتاج تعمل رخصة مباني داخل الحيز العمراني في مدينه شبين الكوم والقري التابعه ليها 👍
سواء/
_ رخصة انشاء ف حالة عندك قطعة ارض داخل الحيز العمراني .
_ رخصة تعليه لو عندك بيت وعايز تكمل وتبني دور او اكتر .
_ تراخيص محلات وصيدليات وعيادات .
_____________________________________________
_ استلمت شهادة البيانات بتاعت التصالح ومش عارف تعمل ايه !!!!!؟؟؟؟؟
_ لسه مقدمتش ع التصالح او مش عارف تبدأ ازاي !!!!!!؟؟؟؟

👈👈 احنا هنجهزلك كل حاجه وهنقدم لحضرتك الملف بالكامل شامل كل حاجه ومعاك خطوه بخطوة لحد ماتخلص وتستلم النموذج النهائي .

_ تجهيز ملفات التصالح بالكامل ولازم تتأكد انها كاملة وتشمل كل دا 👇 👇👇👇

_ الرفع الهندسي للموقع .
_ كروكي الموقع العام .
_ رفع الاحداثيات المصرية للموقع .
_ صورة ضوئية للمبني .
_ تجهيز الرسومات المعمارية بختم استشاري .
_ تجهيز تقارير السلامة الانشائية بختم استشاري .
_ تجهيز نموذج ٢أ بختم استشاري .
_ عمل شهادة مؤمنة بختم استشاري .

للاستفسار وتجهيز الملف تواصل معنا .
احنا في مكتب دار الهندسه مستعدين في اي وقت
_____________________________________________
العنوان / بجوار مجلس المدينة-شبين الكوم-المنوفيه
________________________
للتواصل والاستفسار/
م/ هشام الشرقاوي 01005238442

________________________
#رخص #مباني #تشطيبات #تصالحات #مقاولات #تصميم #اشراف #علي #التنفيذ .
________________________

03/08/2024

اي دا🤔 انت لسه ماتصلحتش ومش عارف تعمل اي
اتصل 🫣ومتشغلشي بالك باي حاجه
مع مكتب دار الهندسه للاستشارات الهندسيه 👷‍♂️
ادارة المهندس : هشام هاني الشرقاوي
هيقدملك علي ملفك علشان تتصالح او هيستكملك ملفك
بأقل الاسعار 💥💥

خصم خاص لأهل #قريتي- الحبيبه 💙🌺
اسعار خاصه للغير القادرين تشمل الاوراق فقط 💙🌺

للاستفسار عن اي شيء يخص الهندسه المعماريه والإنشائية
يرجي التواصل علي الارقام الاتيه أو عبر الواتس آب
01005238442
العناوين الخاصه
شبين الكوم : بجوار مجلس المدينه
الماي : عند قنطرة الشراقوه ( المنزل الخاص )

15/04/2024

بدءاً من يوم الاحد ٢٠٢٤/٥/٥ فتح باب التصالحات على جميع مخالفات البناء الموجودة بآخر تصوير جوى معتمد فى٢٠٢٣/١٠/١٥
حيث يتم سداد رسم فحص الطلب المقدم للتصالح وتقنين الاوضاع، وذلك طبقا للاتي :-

-أقل من 250 مترا مربعا 125 جنيها في القرى وتوابعها
اما في المدن اقل من 250مترا مربعا 500 جنيها.

- من 250 مترا حتى 500 متر 250 جنيها في القرى وتوابعها، اما في المدن من 250مترا حتي 500متر مربعا 1000 جنيها.

- أكثر من 500 متر مربع حتى 1000 متر مربع 1000 جنيه في القرى وتوابعها ، اما في المدن أكثر من 500 متر مربع حتى 1000 متر مربع 2000 جنيه.

- أكثر من ألف متر مربع حتى ألفي متر 2000 جنيه في القرى وتوابعها ، اما في المدن أكثر من ألف متر مربع حتى ألفي متر مربع 3000 جنيه.
- بالنسبة لأملاك الدولة يقدم طلب تقنين الأوضاع بأسعار بخلاف سعر متر التصالح......
مكتب دار الهندسة للاستشارات الهندسية
تليفون/01005238442

01/07/2023

شروط إستخراج تراخيص البناء في القرى 2023

✅عقد ملكية مسجل
✅عقد ابتدائي مشمولا بحكم صحة و نفاذ
✅عقد القسمة و التجليب المشهر.
✅ يشترط ان يكون العقد مسجل في الشهر بالنسبة للمدينة و يكتفي بصحة التوقيع علي العقد في القرى .

✅ ان يكون معاك عقد صحة توقيع و الأرض داخل الحيز العمراني .
✅وجود كشف المشتملات المصحوب بإعلان الوراثة لمن آلت إليه الملكية

• خطوات الترخيص :-

1️⃣انت بتقدم علي طلب رخصة بناء في حالة انها كانت أرض فضاء او رخصة تعلية لو المنزل قائم بالفعل .
2️⃣هيكون فيه مختص من المجلس عشان يحدد موقع الأرض علي الخريطة
3️⃣ بيتم إستخراج بيان صلاحية الموقع في المجلس المدينة التابع ليك و تحديد عدد الأدوار المسموح بيها بناء علي عرض الشارع .
4️⃣ بعد كده يجب عليك التوجه لأقرب مكتب هندسي لعمل الرسومات المعمارية و الإنشائية و عمل توكيل المهندس المسؤول عشان يقدر يكمل باقي الإجراءات
و إحنا في بنكون معاك خطوة بخطوة عشان تقدر تستخرج ترخيصك في أسرع وقت ممكن و بأبسط التكاليف

للأستفسار تواصل معانا من خلال صفحه المكتب وهنتواصل م حضرتك ف اسرع وقت❤🌸






#توريدات

📌العنوان : بجوار مجلس المدينة- شبين الكوم - المنوفية

01/07/2023

انت عليك الحلم واحنا علينا التصميم و التنفيذ 💪🏼❤

في (دار الهندسة) جاهزين دايما مع الاهتمام بأدق التفاصيل واستخدام افضل الخامات وأقل الأسعار مع التسليم في اقل وقت ممكن👌
للأستفسار كلمنا علي رسايل الصفحه و هنتوصل مع حضرتك في اسرع وقت 📱







📌العنوان:- بجوار مجلس المدينة - شبين الكوم - المنوفية

01/07/2023

تم بحمد الله افتتاح مكتب دار الهندسة للاستشارات الهندسية








م/هشام هاني الشرقاوي
📌العنوان:- بجوار مجلس المدينة - شبين الكوم - المنوفية

04/02/2023

04/02/2023

قبل ما تشطب شقتك اقراء دا كويس 🤌🏻🖤
1. حاول تخطط لكل تفصيله قبل ماتبدأ شغل.

2. ارسم فرش افتراضي للشقة عشان تقدر تحدد أماكن مخارج الكهربا و السباكة صح.

3. المطبخ من أهم الفراغات في الشقة بلاش تضيق مساحته عشان توسع الريسبشن.

4. حاول توسع المطبخ على قد ماتقدر.

5. اعمل حسابك تجيب ترابيزة أكل صغيرة في المطبخ دي أهم من ترابيزة السفرة.

6. اهتم بالليفينج أكتر من الريسيبشن.

7. مش لازم تجيب بوفيه و نيش.. الجزامة أهم.

8. الدييب فريزر و المايكروويف أساسيات أكتر من الصيني اللي ماحدش بيستخدمه.

9. لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة.

10. البورسلين قطع الليزر في مصر أثبت فشله.. هات سيراميك نوع كويس أفضل.

11. سيراميك الجوهرة أفضل من كليوباترا بمراحل.

12. لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.

13. لو ما اخترتش البورسلين صح و ركبته صح هيفك من الأرض بعد سنتين.

14. لو حابب تدلع شقتك ركب hdf في الغرف.. هتنبسط.

15. لو مش حابب تدلع شقتك على الأقل ركب hdf في غرفة النوم.. صدقني هتنبسط.

16. لو شقتك مجروحة من الجيران ماتنساش الستاير البلاك أوت.

17. البراقع و البلتكنات اللي حماتك هتختارها دي بطلت من 15 سنة.

18. الدهانات السبونج مش أحلى حاجة في الدنيا.

19. ورق الحائط الـ 3d هايل بس ماتكترش منه.

20. أكتر 3 حاجات عاوزك تهتم بيها هي تأسيس السباكة و تأسيس الكهرباء و العزل.

21. الشبابيك الألومينيوم والافضل ال UPVC عملية أكتر من الشبابيك الخشب.

22. لو هتركب شبابيك ألومينيوم إختار أي قطاع غير قطاع السعد.

23. الألومينيوم بيتدهن ألوان كتير غير البيج و الأوف وايت على فكرة.

24. لو معاك فلوس ركب شاتر على الشبابيك الالومنيوم او ال UPVC.

25. غرفة النوم الرئيسية ركب للشباك بتاعها زجاج دبل.

26. عدي النقطة اللي فاتت و مش لازم تعرف السبب.

27. حاول في شقتك تكتر من إستخدام الخامات الطبيعية و تقلل الخامات الصناعية بتفرق كتير في الإحساس بالراحة.

28. الشبابيك الجرار بتساعد على سهولة الفرش و لكن بتقلل الإضاءة و التهوية.

29. الشبابيك المفصلية بتزود الإضاءة و التهوية بس هتصعب عليك الفرش.

30. لو شقتك واسعة اعمل شبابيك مفصلي و لو ضيقة اعمل الشبابيك جرار.

31. الشبابيك الـ pvc جميلة و بتعيش.

32. لو شقتك في منطقة مقطوعة ركب كاميرات خارجية مابتتكلفش كتير على فكرة.

33. ماتجيبش نيش.

34. معابر الأبواب مهمة عشان بتمنع الصوت و الضوء و الحشرات.

35. إختار أبواب خشب كويسة عشان ماتندمش و باب الشقة هاته باب مصفح لو معاك فلوس.

36. خلي النجار يركبلك جوانات كاوتش لكل الأبواب عشان بتمنع التراب و الصوت.

37. كل الشبابيك احقن حواليها فوم من الخارج و سليكون من الداخل عشان الحرارة و الصوت و التراب.

38. الجيبسوم بورد بيتعمل بيه حاجات كتير غير الأسقف على فكرة.

39. الجيبسوم بورد حاجة أساسية بس تستخدمه صح لما تحتاجه.

40. أكتر حاجة هتخلي شقتك شيك هي توزيع الإضاءة صح.. خلي حد مخصص يوزعلك الإضاءة.

41. اهتم إنك تشتري شفاط محترم للمطبخ.

42. الشفاط اللي بيركب فوق البوتاجاز شكله حلو و شيك و بس.

43. ماتركبش في الأرضيات السيراميك المستطيل اللي شبه الباركية عشان بيقوس و بيجير.

44. لو عاجبك السيراميك اللي شبه الباركية ركب hdf هتتبسط صدقني.

45. اعمل حساب كل تفصيله في تأسيس الكهرباء و ماتنساش الدش و التليفزيون و التليفون و النت.

46. اعمل حسابك لتأسيس التكييف حتى لو مش هتشتري تكيييف.

47. بلاش دهانات مط و بلاش دهانات لامع.. النص لمعة أو الربع لمعة أشيك بكتير.

48. آخر صيحة في الديكورات حالياً هي الأسقف السترتش اللامعة.

49. لو عاوز تدلع مكان معين في شقتك ممكن تعمل ديكورات بـ CNC .

50. اختار كل حاجة قبل ماتبدأ تنفيذ أي حاجة.. دي قاعدة أساسية.

51. أسس اسكيب و شطب جوتن.. ده في الدهانات.

52. مافيش أشيك ولا أرقى من الدهانات السادة بس تختار الألوان صح.

53. بلاش تعمل تفاصيل كتير في الحوائط و الأرضيات و الديكورات عشان تعرف تفرش حضرتك.

54. أي حاجة مط بيبان عليها التراب.. لازم تبقى عارف ده كويس.

55. لو الأبواب الخشب شكلها حلو ادهنها أستر و لو شكلها مش حلو ادهنها لاكية مغسول.

56. القاعدة الذهبية في إختيار أكر و كوالين الأبواب " الغالي رخيص"

57. القاعدة اللي فاتت دي برضه تنطبق على الخلاطات و الإكسسوار و النواكل.

58. الزجاج العاكس للشبابيك بيحجب 50% من الإضاءة.

59. الزجاج العاكس للشبابيك بيعكس الصبح بس مابيعكسش بالليل.

60. ألوان السجاد- ألوان الستاير- ألوان الفرش- ألوان الأبواب و الشبابيك- ألوان الموبيليا- ألوان دهانات الحوائط و الأسقف- ألوان الإكسسورات و الأنتيكات و التحف و الصور و البراويز... كل الحاجات دي ليها علاقة ببعض ولازم تنسقها صح عشان شقتك ماتبقاش ملعلطة.

61. حاول على قد ماتقدر تشتري كل لمبات الشقة لمبات ليد.. هتدفع مبلغ كبير بس هتوفره في فواتير الكهرباء.

62. لو هتجيب سخان كهرباء هات سعته كبيرة.

63. لو هتجيب سخان غاز اختار ماركة محترمة

64. في تأسيس الكهرباء ماتشتغلش غير بسلك السويدي الأصلي.

65. في تأسيس السباكة مواسير التغذية أكواثيرم أو باننجر و مواسير الصرف الشريف.

66. رخامة المطبخ هاتها جرانيت مش رخام.

67. الأحواض و القاعدة المعلقة بيدوا وسع للحمام و أسهل في النضافة.

68. إشتري الخلاطات و الصيني و النواكل للحمام و المطبخ قبل ما السباك يأسس.

69. لو بياض المحارة وحش و فيه مطبات أو شرخ حاول تعالجه قبل الدهانات.

70. لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.

71. و انت بتقسم شقتك و بتفرشها إهتم براحتك و سعادتك أكتر من إهتمامك بالضيوف لأنك إنت اللي هتعيش في الشقة طول العمر مش الضيوف.

72. لو مش هتركب باب مصفح لباب الشقة يبقى يفضل تعمل باب حديد حماية.

73. ماتنساش تركب سلك لكل الشبابيك عشان الحشرات.

74. السلك الفايبر بيتقطع و السلك الصلب بيصدي.. هات سلك صلب و ادهنه عشان مايصديش.

75. لو عندك غرفة أطفال.. ادهنها لون يمشي أولادي أو بناتي.

76. قبل ماتفرش شقتك خد خطيبتك أو مراتك و روحوا أيكيا في التجمع الخامس مش هتشتروا منه حاجة بس هتطلعوا بأفكار حلوة جداً هتوفر عليكوا.

77. إهتم جداً بسقية السيراميك و يفضل تشتري مادة سقية جاهزة و إوعى تلون أسمنت السقية بأكسيد.

78. قفل حوالين البانيو و الحوض و القاعدة و عند جميع زوايا و أركان الحمام و المطبخ بمادة حقن فواصل من شركة سيكا.. صدقني هتعيش مبسوط بعدها.

79. بلاش تخلي سخان واحد يغذي الحمام و المطبخ مع بعض عشان كل ماتدخل تاخد دش مراتك هتفتح حنفية المطبخ و هتتلسوع.

80. البيبة في المطبخ حلوة عشان التنضيف و وحشة عشان الحشرات و الروائح و السدد.

81. الكرانيش الجاهزة (فيوتك) أفضل 100 مرة من الجبس البلدي.

82. بلاش أباجورة جنب السرير.. ركب 2 أبليك على الحيطة أجمل و أشيك.

83. إختار أماكن و مناسيب برايز الكهرباء بعناية عشان دي من أكتر الحاجات اللي هتضايقك لو ما اخترتهاش صح.

84. بالنسبة للموبيليا حاول تخلي كل الأدراج القريبة من الأرض ليها مفاتيح عشان الأطفال بيعشقوا الأدراج.

85. الغسالة في الحمام ولا في المطبخ.. في المطبخ ولا في الحمام.. إشتري دماغك و خلي مراتك اللي تقرر عشان تعيش في سلام.

86. خلي خطيبتك أو مراتك هي اللي تختار الألوان عشان فعلاً هما بيشوفوا ألوان الرجاله مابتشوفهاش.

87. الـ "ليلاه و البستاج و الفستاج و البيربل و البينك و الأوف وايت و الأون وايت و الأكسيديه و الجراي بيج" دي بعيد عنك درجات ألوان عن البنات أما بالنسبة للرجالة اسمها سمني و عسلي و بصلي و كموني و لموني و مشمشي و فسدقي و حمصي و برتقاني و أي حاجة ليها علاقة بالأكل.

88. ركب فلتر في المطبخ عشان مية الشرب في مصر غير صالحة للشرب.

89. لو الشقة اللي تحتك متشطبة أو ساكنة نبه على العمال اللي في شقتك مايخمروش مونه على الأرض عشان هتنشع على الشقة اللي تحت و جارك هيطلع يتخانق معاك.

90. لو الشقة اللي فوقك لسه ما اتشطبتش ابقى اتأكد إنه هيعزل الحمام و المطبخ و يختبر السباكة كويس.

91. إعزل الحمام و المطبخ عزل أسمنتي أسهل و أفضل و أرخص.

92. بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط.

93. ماتنساش تركب منشر في مكان بيوصله شمس عشان مهم.

94. لو شقتك راكب فيها أبواب وحشة و مش معاك فلوس تغيرها ركبلها وشوش MDF .

95. لو الحمام بتاعك ضيق ماتركبش بانيو.. قفل كابينة شاور بيلت إن عملية و هتديلك مساحة واسعة.

96. الشركات المنتجة لمواسير السباكة المحترمة ممكن تيجي تعملك إختبار ضغط للمواسير و تديلك ضمان مدى الحياة ضد التسريب و عيوب الصناعة.. دي حاجة مهمة.

97. اعمل حسابك إن تكلفة تشطيب الشقة هتعدي ضعف الرقم اللي انت كنت عامل حسابك عليه.. دي قاعدة لم و لن تتغير.

98. لو عاوز تحسب تكلفة تشطيب شقتك قبل ماتبدأ بشكل تقريبي إضرب صافي مساحة الشقة في 1500 ج أو 2000 ج أو 2500 دي هتطلعلك التكلفة بالتقريب حسب طبعاً إختياراتك و مستوى التشطيب اللي هتعمله.

99. لو جبت مهندس شاطر و محترم و أمين يشطبلك الشقة هتشتري دماغك و توفر وقت و فلوس.

100. ماتآمنش لصنايعي.. ماتآمنش لصنايعي.. ماتآمنش لصنايعي.

معلش طولنا عليك🖤