04/07/2023
SALAASA, ADDIS ABABA 04-July 2023 Safiirka JFS ee Dalka Ethiopia Danjire Abdullahi Mohamed Warfaa oo uu weheliyo Uqeybsanaha Arimaha Ganacsiga iyo Wershedaha ee Safaaradda ayaa kulamo kala duwan la qaatay shalay Wasiir- udawlaha Wasaaradda ganacsiga iyo isdhexgalka gobolka Mr. Kassahun Gofe Balami iyo maanta Wasiir- udawlaha Wasaaradda Wershedaha Mr. Hassan Mohamed ee dalkan Itoobiya.
Danjire Warfaa waxay kawada hadleen dhinacyadan kala duwan sidii ganacsiga labada wadan loosii xoojin lahaa isla markaana ganacsatada Soomaliyeed fursadaha ganacsi ee dalkan uga faa’iideysan lahaayeen, dhinacyadda safiirku xusay waxa ka mid ahaa dhanka is dhaafsiga qaadka iyo kaluunka, isticmaalka dekedaha, Gaadiidka sida diyaaradaha iyo ganacsiga ka gudba xuduuda labada waddan.
Kulanadan oo ku soo dhammaaday jawi wanaagsan iyo is-afgarad labada dhinac ah ayaa danjire Warfaa u sheegay Wasiir-udawlayaasha labada wasaaradood in ay sii laba jibaari doonaan dadaallada horutabinta u leh ee ku aaddan sidii xiriirka Dhaqaale ee labada dal u ahaan lahaa mid meel sare jooga.
Ugu Dambayn Safiirka Jamhuuriyadda Fedraalka ee Soomaaliya Mudane Abdullahi Mohamed Warfaa ayaa ku jira dedaal sare oo ku aadan sidii kor loogu qaadi lahaa shaqada Safaaradda Gaar ahaan arimaha dhaqaalaha iyo ganacsiga ee inaga dhexeeya Dalka Itoobiya.
DHAMMAAD
