Oromia Science and Technology Authority

10/09/2026

Abbaan Taayitaa Saayinsii fi Tekinoloojii Sektaraalee Oromiyaa garaa garaa waliin Qaammee 5 Guyyaa Egeree Magaalaa Bishooftuutti Kabajan.
======================
Finfinnee, Qaammee 5/2018
Abbaan Taayitaa Saayinsii fi Tekinoloojii Oromiyaa Guyyaa Egeree Qaammee 5/2018 Magaalaa Bishooftuutti Seektaraalee garaa garaa waliin kabajan. Sagantaan kun saayinsii, tekinoloojii, kalaqaa fi dandeettii dijitaalaa fayyadamuun gara egeree olka’iinsa olaanaatti ce’uuf kallattiiwwan hojii ijoo marii fi hubannoo uumuu irratti kan xiyyeeffatee dha.

Kabaja ayyaana kanarratti argamuun Haasaa saaqinsaa kan taasisan Kantiibaa Magaalaa Bishooftuu Obbo Alamaayyoo Asaffaa guyyaan egeree guyyaa seenaa qabeessa dhaloota kalaqa tekinoolojii, dinagdeen guddisuu irratti kan xeyyeeffateedha jedhan.

Kabajichi, Itoophiyaa dijitaalaa, of dandaa’e, dorgomaa fi hirkattummaa gargaarsa alaa irraa bilisa taate ijaaruu keessatti saayinsii fi tekinoloojiin gahee olaanaa akka qabu irratti kan xiyyeeffate yoo ta’u, tiraansfoormeeshiniin dijitaalaa dameewwan mootummaa, qonnaa, barnootaa, fayyaa, diinagdee fi bulchiinsa magaalaa hunda keessatti bal’inaan saffisiifamu akka qabu

Saganticharratti, walabummaa saayibeerii mirkaneessuu fi nageenya dijitaalaa cimsuun dhimma murteessaa ta’uus ibsameera. Sirnoota dijitaalaa haleellaa saayibeerii irraa eeguu, ragaa dhuunfaa lammiilee tikfachuu, odeeffannoo baankii fi odeeffannoo nageenyaa eeguufi kuusaa ragaa biyya keessaa cimsuun dorgommummaa fi of danda’uu dijitaalaa biyyaaf murteessaa ta’uu irratti xiyyeeffannoon kennameera.

Akkasumas, moosajiiwwan (software) fi meeshaalee tekinoloojii (hardware) biyya keessaa oomishuu, dandeettii tekinoloojii biyya keessaa guddisuu fi hirkattummaa alaa hir’isuun kallattii hojii ijoo ta’uu ibsameera. “Egeree keenya ofii keenyaaf ijaaruuf saayinsii fi tekinoloojii akka humna jijjiiramaatti ilaaluun barbaachisaa dha. Dandeettii biyya keessaa cimsuun, ragaa keenya eeguufi tekinoloojii keenya ofii horachuun walabummaa fi olka’iinsa keenyaaf bu’uura.” Kan jedhan Hogganaa Abbaa Taayitaa Saayinsii fi Teeknooloojii Oromiyaa Obbo Mokkonnin Bayyanaa ibsaniiru.

Hoggantuu Biiroo Dargaggoof Isportii Oromiyaa Adde Roozaa badhaadhina biyya keenyaa dhugoomsuufi jireenya uummataa gara boqonnaa haaratti ceesisuuf daandii gara olka'insa haaraatti ceesisu qabaachuu fi dhaloota dorgomaa tahe ijaaruun murteessaadha guyyaa egereen guyyaa dhaloonnii itti honnatee biyya isaa gara egereetti ceesisuu danda'u uumuu qabnas jedhaniiru.

Dargaggoonni humna namaa egeree waan ta’aniif, ogummaa tekinoloojii ammayyaa akka horatan gochuun xiyyeeffannoo olaanaa argachuu qaba. Haaluma kanaan, sagantaalee akka Ethio-Coders cimsuun dargaggoota koodingii, software development, data, artificial intelligence fi ogummaa dijitaalaa biroo keessatti gahoomsuun, carraa hojii fi kalaqaa uumuu keessatti gahee olaanaa qaba.
“Dargaggoota keenya fayyadamtoota tekinoloojii qofa osoo hin taane, oomishtoota, kalaqtootaa fi furmaata dijitaalaa biyyaaf maddisiisan taasisuu qabna. Akkasumas qonnaa ammayyeessuu fi Wabii Nyaataa mirkaneessuu keessatti Tekinoloojii dijitaalaa fayyadamuun oomish*tummaa dabaluuf tekinoloojiin gahee olaanaa kan qabuufi qonnaan bultootaaf odeeffannoo yeroo isaa eeggate kennuu, tekinoloojiiwwan ammayyaa babal’isuu fi ragaa irratti hundaa’uun murtii qonnaa kennu cimsuun kallattiiwwan hojii xiyyeeffannoo argachuu qaban keessaa ta’uus ” kan ibsan Dr. Lijaalem Ayyalaa marii keessatti kaasaniiru.

Tajaajila Mootummaan Hawwaasaaf kennu illee saffisa, qulqulluu, iftoomina kan qabuu fi lammiilee irratti kan xiyyeeffate mirkaneessuuf tiraansfoormeeshinii dijitaalaa cimsuun barbaachisaa ta’u saganticharratti ibsameera. Kana keessatti, E-GP, marsariitiiwwan, appilikeeshiniiwwan Mootummaa fi Sirnoota Tajaajila Dijitaalaa misoomsuu fi qulqulleessuun, akkasumas Bu’uuraalee Cimdaa (Network Infrastructure) babal’isuu fi cimsuun xiyyeeffannoo argachuun ol ka’iinsi biyya keenyaa dhugoomuu qaba. Tajaajila Mootummaa keessatti tekinoloojii fayyadamuun yeroo fi baasii lammiilee qusachuu, iftoomina dabaluufi qulqullina tajaajilaa fooyyeessuun kaayyoo ijoo ta’uu isaa irrattis Aadde Girumnash Margaa hubannoo bal'aa kennaniiru.

Misooma waaraa fi dorgommummaa biyya tokkoo keessatti qorannoo fi kalaqni gahee olaanaa qabu. Kanaaf, qorannoo saayinsii, kalaqaa fi dhawweessummaa jajjabeessuun, akkasumas dandeettii ogummaa dijitaalaa cimsuun murteessaa ta’uu ibsameera. “Gahumsi ogummaa dijitaalaa milkaa’ina dijitaalummaa fida; kalaqaa fi qorannoon immoo bu’uura dagaaginaati,” jechuun hirmaattotaaf ergaan dabarfameera.
Magaalota Ismaartii fi Bulchiinsa Gaarii qabdu uumuuf Tekinoloojii Dijitaalaa fayyadamuun Magaalota Ismaartii (Smart Cities) ijaaruu fi tajaajila uummataa ammayyeessuun bulchiinsa gaarii cimsuuf murteessaa dha. Sirnoota dijitaalaa fayyadamuun tajaajila geejjibaa, bishaanii, qulqullinaa, nageenyaa, odeeffannoo fi tajaajiloota biroo fooyyeessuun jireenya jiraattotaa salphisuuf carraa guddaa akka qabu ibsameera.

Qulqullina Barnootaa fi Bu’uuraalee Dijitaalaa mirkaneessuu fi dhaloota beekumsa, ogummaa fi kalaqaan gahoome horachuuf tekinoloojiin barnootaa fi bu’uuraalee qunnamtii ammayyaa babal’isuun barbaachisaa dha. Bu’uuraalee Cimdaa(Network infrastructure ) babal’isuun, dhaabbilee barnootaa gara tajaajila dijitaalaatti ceesisuu fi barattootaa fi barsiisotaaf carraa ogummaa dijitaalaa bal’aa uumuun kallattii hojii ijoo ta’uus ibsameera.

Walumaa galatti Kabajni Guyyaa Egeree Qaammee 5/2018, Saayinsii, Tekinoloojii fi kalaqni utubaa olka’iinsa Itoophiyaa ta’uu irra deebiin kan mirkaneesse yoo ta’u, qaamolee Mootummaa, Dhaabbilee Dhuunfaa, Yunivarsiitiiwwan, Ogeessota, Dargaggootaa fi Hawwaasa bal’aa gidduutti qindoomina cimsuun gara egeree dijitaalaa fi of danda’eetti ce’uuf waamicha dhiyeesseera.
Abbaan Taayitaa Saayinsii fi Teeknooloojii Oromiyaa, dandeettii namaa guddisuu, kalaqaa fi qorannoo jajjabeessuu, nageenya saayibeerii mirkaneessuu, tajaajila mootummaa dijitaalessuu fi tekinoloojii biyya keessaa cimsuu irratti xiyyeeffannoon hojii itti fufsiisuun barbaachisaa ta’uu hubachiiseera.
“Diijitaalli utubaa; humni namaa immoo madda humnaa. Lamaan isaanii walitti fiduun egeree olka’iinsa Itoophiyaa ijaaruuf murteessaadha.”

Odeeffannoo Abbaa Taayitaa Saayinsiif Tekinoloojii argacuuf
---------------------------------------------------
Feesbuukii keenya: https://www.facebook.com/share/1CKNetfgsb/
Yuutuubii: https://www.youtube.com/
Weebsaayitii: https://www.osta.gov.et
E-mail: [email protected]
Telegram (https://t.me/oromiascientechnology)
Oromia Science and Technology Authority
Finfinnee

10/09/2026

Qaammeen 5 Guyyaa Eegeree

07/09/2026

Goobeefi Shinooyyeen Mallattoo Jaalalaa fi Tokkummaa Uummata Oromooti
=============================
Goobeefi Shinooyyeen gammachuu, jaalalaa, tokkummaa fi walitti dhufeenya hawaasummaa ti. Xumura Gannaa fi jalqaba waqtii Birraa irratti Qeerroowwan Oromoo uffata Aadaa uffachuun, sirbaa fi tapha aadaa waliin gammachuu, hawwii gaarii, abdii fi tokkummaa isaanii ittiin ibsatu.
Aadaan Goobee dhalootaa irraa dhalootatti darbaa dhufuun, seenaa fi eenyummaa Oromoo dhaloota haaraatti dabarsuu qofa osoo hin taane, aadaa dagatamaa dhufe deebisanii jiraachisuu, walitti dhufeenya hawaasaa cimsuu fi hawwata tuuriizimii Oromiyaa guddisuu keessatti gahee olaanaa qaba. Kana malees, Goobeefi Shinooyyeen qaama sobboonummaa Oromoo mallattoo agarsiiftuu utubaa egeree marsaa jireenyaa kan mul’isudha. Kanaaf Goobeefi Shinooyyee kan taphaatu Qeerroofi Qarree yoo ta’u Godinaalee Oromiyaa adda addaa keessatti aadaa fi eenyummaa Oromoo calaqqisiisaa taphatama.
Abbaan Taayitaa Saayinsii fi Tekinoloojii Oromiyaa simannaa taasisuun, deeggarsa barbaachisaa ta’e kennuun, aadaa fi eenyummaa Oromoo kunuunsuu fi dhaloota haaraaf dabarsuu keessatti gahee isaanii bahaniiru.
* Aadaan keenya eenyummaa keenya; eenyummaan keenya immoo humna keenya!
Oromoo
Odeeffannoo Abbaa Taayitaa Saayinsiif Tekinoloojii argacuuf
---------------------------------------------------
Feesbuukii keenya: https://www.facebook.com/share/1CKNetfgsb/
Yuutuubii: https://www.youtube.com/
Weebsaayitii: https://www.osta.gov.et
E-mail: [email protected]
Telegram (https://t.me/oromiascientechnology)
Oromia Science and Technology Authority
Finfinnee

07/09/2026

Nama Gargaaruuf Nama Ta'uun Qofti Ga'aadha.
=======================
Tajaajilli lammummaa hawaasa tokko keessatti tokkummaa, nageenya, misooma fi itti gaafatamummaa lammummaa cimsuuf gahee guddaa qaba. Kunis Tajaajilli lammummaa jecharra darbee gochaan dhugoomuun humna misoomaa waloofi hirkoo uummataa ta’uu sadarkaa danda’amurraan ga’uun galma qabame dhugoomsudha.

Haaluma kanaan Abbaan Taayitaa Saayinsii fi Tekinoloojii Oromiyaa deggarsa gara garaa taasisaniiru. Innis Mana Maatii harka qalleeyyii ijaaruuf jalqabbiin taasifamuun ayyaana bara haaraa 2019 ilaalchisuunis maaddiin qoodameera. Akkasumas Barattootaaf dabtaraaf qalama kennuun Goodina Boorana Bahaa Aanaa Goroodolaa keessatti dhaadannoo'' Mana Tokko ijaaruun Jireenya Maatii tokkoo Jijjiiruudha.'' jedhuun taasifameera.

Odeeffannoo Abbaa Taayitaa Saayinsiif Tekinoloojii argacuuf
---------------------------------------------------
Feesbuukii keenya: https://www.facebook.com/share/1CKNetfgsb/
Yuutuubii: https://www.youtube.com/
Weebsaayitii: https://www.osta.gov.et
E-mail: [email protected]
Telegram (https://t.me/oromiascientechnology)
Oromia Science and Technology Authority
Finfinnee

28/08/2026

Gosoota miidiyaa gurguddoo Hiika isaanii waliin haa ilaallu
===================
1. Miidiyaa Maxxansaa – Gaazexaa, barruulee, magaaziinii, kitaaba.
2. Miidiyaa Raadiyoo – Sagalee fi sagantaalee raadiyoo.
3. Miidiyaa TV – Oduu, daawwannaa, marii fi sagantaalee viidiyoo.
4. Miidiyaa Dijitaalaa – Weebsaayitii, appii fi waltajjiiwwan dijitaalaa.
5. Miidiyaa Hawaasaa (social media) – Facebook, Telegram, Instagram, TikTok, YouTube, X fi kkf.
6. Miidiyaa Alaa (Outdoor Media) – Billboard, poostarii, baanaarii, beeksisa daandii cinaa.
7. Miidiyaa Sagalee fi Suuraa – Podcast, viidiyoo, suuraa fi content multimedia.
8. Miidiyaa Hawaasa Keessaa (Community Media) – Miidiyaa hawaasa ykn naannoo tokko irratti xiyyeeffatu.
Kaayyoo isaaniitiin ammoo: oduu dabarsuu, barsiisuu, bashannansiisuu, beeksisuu fi hubannoo hawaasaa uumuu irratti tajaajilu.
Gosoota miidiyaa, hiika isaanii fi hojii isaanii sirriitti haa ilaallu:
1. 📰 Miidiyaa Maxxansaa
Hiika: Odeeffannoo bifa barreeffamaan maxxansuun uummata biraan gahuudha.
Fakkeenya: Gaazexaa, magaaziinii, barruulee fi kitaabota.
Hojii isaa: Oduu, beekumsa fi odeeffannoo bal’aa dabarsa.
2. 📻 Miidiyaa Raadiyoo
Hiika: Odeeffannoo sagalee qofaan raadiyoo irratti tamsaasuudha.
Fakkeenya: Sagantaa oduu, marii, muuziqaa fi beeksisa.
Hojii isaa: Odeeffannoo saffisaan namoota hedduu biraan gaha.
3. 📺 Miidiyaa Televizhinii (TV)
Hiika: Odeeffannoo sagalee fi suuraa walitti makuun uummata biraan gahuudha.
Fakkeenya: Oduu, dokumentarii, marii fi sagantaalee bashannanaa.
Hojii isaa: Taateewwan suuraa fi sagaleen agarsiisuun hubannoo uuma.
4. 🌐 Miidiyaa Dijitaalaa
Hiika: Teknooloojii dijitaalaa fi interneetii fayyadamuun odeeffannoo tamsaasuudha.
Fakkeenya: Weebsaayitii, appii, blogii fi podcast.
Hojii isaa: Odeeffannoo saffisaa, bal’aa fi yeroo ammaa dabarsa.
5. 📱 Miidiyaa Hawaasaa (Social Media)
Hiika: Namoonni odeeffannoo waliif qooduu, yaada kennuu fi walqunnamuu kan danda’an waltajjiiwwaniidha.
Fakkeenya: Facebook, Telegram, Instagram, TikTok, YouTube fi X.
Hojii isaa: Odeeffannoo saffisaan babal’isuu, marii uumuu fi hawaasa waliin walqunnamsiisuu.
6. 🪧 Miidiyaa Alaa (Outdoor Media)
Hiika: Odeeffannoo ykn beeksisa bakka uummanni baay’inaan argamutti mul’atuun dabarsuudha.
Fakkeenya: Billboard, poostarii, baanaarii fi beeksisa daandii cinaa.
Hojii isaa: Ergaa gabaabaa yeroo gabaabaa keessatti namoota hedduu biraan gaha.
7. 🎙️ Miidiyaa Sagalee fi Suuraa
Hiika: Odeeffannoo sagalee, suuraa fi viidiyoo fayyadamuun dhiyeessuudha.
Fakkeenya: Podcast, viidiyoo, documentary fi suuraa odeeffannoo dabarsu.
Hojii isaa: Dhaggeeffataa fi daaw’ataa hawwachuun ergaa salphaatti hubachiisa.
8. 🏘️ Miidiyaa Hawaasaa/Naannoo (Community Media)
Hiika: Odeeffannoo hawaasa ykn naannoo murtaa’e tokko irratti xiyyeeffachuun tamsaasuudha.
Fakkeenya: Raadiyoo hawaasaa, maxxansa naannoo fi marsariitii hawaasaa.
Hojii isaa: Dhimmoota naannoo, rakkoo hawaasaa fi misooma irratti hubannoo uumuu.
🎯 Gabaabumatti
Miidiyaan meeshaa ykn karaa odeeffannoo dabarsuu, barsiisuu, hubannoo uumuu, bashannansiisuu fi hawaasa walqunnamsiisuu ti.

26/08/2026

21/08/2026

Leenjiin Koodingii Barsiisota Ogeeyyii Marsaa 2ffaaf Kennamaa ture Xumurame.
``````````````````````````````
Abbaan Taayitaa Saayinsii fi Tekinoloojii Oromiyaa (ATSTO)’n humna namaa dijitaalaan cimsuu, kalaqaa fi tekinoloojii babal’isuu, akkasumas dhaloota gara fuulduraatti qophaa’e ijaaruuf tattaaffiin akkuma itti fufetti jira.

Bifuma marsaa jalqabaan leenjiin koodii Barsiisotaaf kennamaa ture marsaa lammaffaanis qindoominaan kennameera. Dandeettii dijitaalaa barsiisotaa cimsuun, beekumsa koodii fi tekinoloojii gara manneen barnootaa fi hawaasa bal’aatti akka babal’atuuf leenjiin kun carraa guddaa uumuuf gara fuula duraattis kolleejjii tekinikaa naannoo keessatti cimee kan itti fufu ta'a.

‘’Barsiisaa tokko leenjisuun, barattoota hedduu bira ga’uudha.’’
‘’Barataa tokko dandeettii dijitaalaa horachiisuun, dhaloota kalaqaa fi tekinoloojiin ga'oome ijaaruudha.’’

‘Dijitaalessuun Injifannoodha!
Odeeffannoo Abbaa Taayitaa Saayinsiif Tekinoloojii argacuuf
---------------------------------------------------
Feesbuukii keenya: https://www.facebook.com/share/1CKNetfgsb/
Teeleegraamii: https://t.me/oromiascientechnology
Yuutuubii: https://www.youtube.com/
Weebsaayitii: https://www.osta.gov.et
E-mail: [email protected]
Telegram (https://t.me/oromiascientechnology)
Oromia Science and Technology Authority
Finfinnee

19/08/2026

The Powers and Roles of the Oromia Science and Technology Authority:
=========================================
1. Develop Study Plans: Prepare science, technology, and communication development study plans based on regional needs; implement upon approval and provide advisory to the government.

2. Encourage Innovation: Supervise and encourage scientific and technological innovation activities in the region.

3. Coordinate Development Activities: Facilitate coordination among industries, universities, research institutions, and technical colleges for science and technology development; monitor implementation.

4. Manage Technology Importation: Import effective foreign technologies as necessary; adapt and promote the use of local technologies for regional economic benefit.

5. Identify Technological Needs: Research and address the region’s technological development needs in collaboration with relevant entities.

6. Support Development Institutions: Assist in establishing science, technology, and communication development institutions; oversee their implementation.

7. Provide Support: Offer financial, material, and technical support for regional scientific and technological activities.

8. Control Intellectual Property: Oversee intellectual property activities to protect rights; enhance public awareness in collaboration with pertinent bodies.

9. Supervise Radiation Activities: Oversee radiation activities in the region and ensure proper monitoring.

10. Establish Incentive Systems: Create reward and incentive systems to support science and technology growth; implement the scheme.

11. Expand Community Understanding: Enhance local community knowledge of science, technology, and communication; bolster the capacity of related professionals and institutions.

12. Maintain Professional Ethics: Monitor scientific, technological, and communication research to uphold ethics; establish an oversight board and take legal action against ethical breaches.

13. Evaluate Infrastructure: Regularly assess and certify scientific, technological, and communication infrastructure; decommission obsolete equipment.

14. Coordinate Quality Infrastructure: Collaborate on Quality Infrastructure development (suitability assessment, measurement system, quality standards, and reliability); control and monitor their implementation.

15. Disseminate Information: Collect, organize, analyze, and disseminate scientific, technological, and innovative information; control portal uploads and monitor implementation.

16. Examine ICT Infrastructure: Inspect information communication technology infrastructure in public offices; grant permissions, coordinate, and monitor implementation.

17. Support School Networks: Maintain school ICT equipment; provide professional and technical support; oversee school net activities.

18. Develop ICT Software: Create software to aid regional ICT development; set hardware and software standards; ensure information quality, security, and reliability.

19. Network Public Offices: Conduct networking activities for public offices and prepare computer systems.

20. Develop Human Resources: Collaborate to train individuals in using, operating, and maintaining ICT; issue competency certificates and monitor their application.

21. Monitor Telecommunication Services: Oversee the provision of telecommunication services in the region to guarantee efficient public service; collaborate with relevant authorities,

22. Manage Domain Names: Assign domain names and register addresses for public institutions’ information systems; maintain control through the local portal.

23. Computerize Public Services: Ensure that public service delivery systems and services are computerized and designed to directly serve users at all levels.

24. Coordinate Web and Applications: Confirm that websites and computer applications are technically and procedurally harmonized and consistent.

25. Foster Collaborative Relationships: Develop partnerships with various local and international entities for scientific, technological, and innovative activities.

14/08/2026

Dameen Deggarsaa ATSTO Gamaaggama Raawwii Hojii Bara Baajata 2018 fi Karoora Bara 2019 Irratti Mari’ate.
======================================
Yeroo ammaa guddinni hawaasummaa fi dinagdee tekinoloojii irraa adda bahee ilaalamuu hin danda’u. Kanaaf, karoora of danda’uu Mootummaan qabatee jiru milkeessuuf tekinoloojii sirnaan fayyadamuun, kalaqa jajjabeessuun, dandeettii namaa guddisuun fi tajaajila dijitaalaa babal’isuun murteessaa dha.

Haaluma kanaan, Dameen Deggarsaa Abbaa Taayitaa Saayinsii fi Tekinoloojii Oromiyaa (ATSTO) gamaaggama raawwii hojii Bara Baajata 2018 fi karoora hojii Bara 2019 karaa Daayirekterootaa fi Dursaawwan Garee damichaan erga dhiyaateen booda dhimmoota ijoo irratti mariin bal’aan taasifameera. Akkasumas, karoora bara 2019 irratti kallattiin kaa’ameera. Mariin kunis raawwii hojii bara 2018 keessatti argame gamaaggamuun ciminaalee fi hanqinaalee adda baasuu, akkasumas muuxannoo irraa barachuun karoora bara 2019 karaa bu’a qabeessa ta’een raawwachuuf kallattii kaa’uu irratti kan xiyyeeffateedha.

Gorsaa Daayirekteera Ol'aanaa fi Hogganaa Damee Deggarsaa kan ta’an Obbo Gamteessaa Laggasaa, “Deggarsa kennuun nama dandeettii fi beekumsa qabuun nama biraa deeggaruu dha” jechuun, milkaa’inni hojii damee kanaa qindoominaa fi itti gaafatamummaa Daayirekterootaa fi Dursaawwan Garee irraa maddu cimee akka itti fufuuf himuun gara fuula duraatti qindoominaan hojjechuun Bara 2019tti immoo hojiiwwan karoorfaman ciminaan, qulqullinaan fi ariitiin karaa seeraaf qajeelfama Mootummaa eegeen raawwachuu akka qabanis himaniiru.

Dabalataanis, karoora of danda’uu Mootummaan bara kana qabatee jiru milkeessuuf, hojjetaan hundi karoora hojii dhuunfaa isaa qabaachuun, seeraa fi qajeelfama mootummaa kabajee, itti gaafatamummaa isaa hojjetaan hundi yeroo eeguun iddoo hojiisaatti hojii isa irraa barbaadamu sirnaan bahachuu akka qabu hubachiisaniiru.

Mariin kunis yaada, gaaffii fi yaaddoo hojjettootaa dhaggeeffachuun, kallattii hojii gara fuulduraa kaa’uun xumurameera.

Kaayyoon keenya:
''Tekinoloojii fayyadamuun, kalaqa jajjabeessuun, dandeettii namaa guddisuun fi kenna tajaajila dijitaalaa babal’isuun — Oromiyaa of dandaa'e Tekinoloojiin ijaaruu dha!''

Odeeffannoo Abbaa Taayitaa Saayinsiif Tekinoloojii argacuuf
Feesbuukii keenya: https://www.facebook.com/share/1CKNetfgsb/
Teeleegraamii: https://t.me/oromiascientechnology
Yuutuubii: https://www.youtube.com/
Weebsaayitii: https://www.osta.gov.et
E-mail: [email protected]
Telegram (https://t.me/oromiascientechnology)
Oromia Science and Technology Authority
Finfinnee

’uu

13/08/2026

Leenjiin Koodaroota Ogeeyyii Barsiisota TQO tiif Kennamaa Jira
``````````````````````````````
Abbaan Taayitaa Saayinsii fi Tekinoloojii Oromiyaa (ATSTO), barsiisota ogeeyyii TQO 250 ol ta’aniif leenjii ogummaa dijitaalaa kennamaa jira.
Leenjiin kun, barsiisotaaf beekumsa fi dandeettiiwwan haala yeroo waliin deemanii fi dhaloota dijitaalaa qopheessuuf barbaachisan cimsuuf kan qophaa’e yoo ta’u, mata dureewwan ijoo Web App Development, Python, Django fi Artificial Intelligence (AI) irratti xiyyeeffata.
Web App Development keessatti, hirmaattonni bu’uuraalee fi mala ittiin applicationiiwwan weebii ammayyaa ijaaran irratti hubannoo fi muuxannoo argatu.
Python immoo, afaan sagantaa yeroo ammaa keessatti hojiiwwan adda addaa keesumaa tekinoloojii, data fi Artificial Intelligence keessatti bal’inaan fayyadamuun beekamu waan ta’eef, leenjicha keessatti iddoo olaanaa qaba.
Django fayyadamuun ammoo, applikeeshiniiwwan weebii cimaa, saffisaa fi sirnaan qindaa’an ijaaruuf dandeettii hirmaattotaa guddisuuf kan akeekame yommuu ta’u Artificial Intelligence (AI) irrattis hubannoo kennuun, barsiisotni jijjiirama tekinoloojii yeroo ammaa hubatanii, dhalootaaf beekumsaa fi dandeettii dijitaalaa barbaachisaa ta’e dabarsuu akka danda’an irratti kan xiyyeeffateedha.
Kaayyoon guddaan leenjii kanaa karoora mootummaa “Digital Ethiopia 2030” milkeessuu keessatti gahee isaa bahachuuf humna namaa dijitaalaan cimsuu, akkasumas beekumsa tekinoloojii manneen barnootaa keessatti babal’isuudha.
Barsiisotni leenjii kana irratti hirmaatan, beekumsa argatan gara sadarkaa gadiitti dabarsuun barattoota isaanii barsiisuu, dandeettii koodii fi kalaqaa isaanii guddisuu, akkasumas dhaloota tekinoloojii hubatu fi furmaata dijitaalaa uumuu danda’u horachuuf gahee olaanaa qaba.
‘’Barsiisaa tokko leenjisuun, barattoota hedduu bira ga’uudha.’’
‘’Barataa tokko dandeettii dijitaalaa horachiisuun, dhaloota kalaqaa fi tekinoloojii ijaaruudha.’’
Leenjiin kun marsaa jalqabaa keessatti haala qindaa’een gaggeeffamaa kan jiru yoo ta’u, marsaan lammaffaanis haala qindaa’een itti fufa. Kunis dandeettii dijitaalaa barsiisotaa cimsuun, beekumsa koodii fi tekinoloojii gara manneen barnootaa fi hawaasa bal’aatti akka babal’atuuf carraa guddaa uuma.

ATSTO’n hojii kanaan humna namaa dijitaalaa cimsuu, kalaqaa fi tekinoloojii babal’isuu, akkasumas dhaloota gara fuulduraatti qophaa’e ijaaruuf tattaaffii isaa itti fufa.
‘Dijitaalessuun Injifannoodha! Beekumsi Har’aa — Kalaqni Boruu!
Odeeffannoo Abbaa Taayitaa Saayinsiif Tekinoloojii argacuuf
---------------------------------------------------
Feesbuukii keenya: https://www.facebook.com/share/1CKNetfgsb/
Teeleegraamii: https://t.me/oromiascientechnology
Yuutuubii: https://www.youtube.com/
Weebsaayitii: https://www.osta.gov.et
E-mail: [email protected]
Telegram (https://t.me/oromiascientechnology)
Oromia Science and Technology Authority
Finfinnee