Biiftuu BAHA Oromia

10/09/2024

09/08/2024

Akkamiin daldala sharafaa (doolaara) tana?💥
***********

Biiroo daldala sharafaa walaba jechuun maali? Biiroon daldala sharafaa walaba (Independent Foreign Bearu - IFB) dhaabbata dhunfaa hujii tajaajila bittaa fii gurgurtaa sharafa alaa namoota dhunfaa fii dhaabbilee daldalaaf dhiheeysu jechuudha. Dhabbanni kuni hujii baankiin hojjattu keeysa tajaajila bittaa fii gurgurtaa sharafaa qofa gaggeeysu dandaya. Akkasuma baankota ykn dhaabbilee faayinaansii biroo waliin hidhata hin qaban.

Biiroon daldala sharafaa walaba (IFB)n sharafa alaa tajaajila bittaa fii gurgurtaa sharafaa dhiyeeysan irra garaagarummaa gatii bittaa fii gurgurtaa jidduu jiruun galii arkatu. Bu'aan isaan arkatan kuniis ispriid (spread) ja'ama. Ispriid (spread) jechuun garaagarummaa gatii bittaa fii gurgurtaa sharafa gidduu jiru jechuudha.

, Biiroon daldala sharafaa walaba (IFB)n tokko Doolaara Ameerikaa tokkoo 1$ = 101.0045 ETB qarshii Itiyoophiyaatiin bitee yoo janne. Doolaara 1$ = 111.1045 ETBtti yoo gurgure. Biiroon kun doolara tokkicha biterratti qarshii kudhanii fii saantima (10.10) kudhan bu'aa buufate jechuudha.
Biiroon daldala sharafaa walaba kun haala kanaa sharafoota biyya gargaara bituu fii gurguruun galii arkata.

Biiroon daldala sharafaa walaba akka idileetti imaltootaa fii dhaabbilee daldalaa akka maammiltoota xiyyeeffannoo isaatti qabata. Imaltoonni yaroo biyyoota alaa haajaa gargaaratiif deeman maallaqa isaanii sharafachuu qabu, akkasumas dhaabbileen daldalaatiis yoroo daldala idil-addunyaa gaggeeysan maallaqa isaanii sharafachuu qabu waan taheef akka maammila xiyyeeffannoo Biiroo daldala sharafaa walabatti kan laalamaniif. Biiroon daldala sharafaa milkaahuuf gatii sharafaa dorgomaa, bakka mijataa, fii tajaajila saffisaa fii gahumsa qabu dhiyeessuu qabu. Balaa daldala sharafa alaa waliin walqabatee dhufus hornaguu dandahuu qabu.

Akkuma beekkamu biyyi teenya dhiheenya kana sirnaa bittaa fii gurgurtaa sharafa alaa duraan ture kan baankii biyyooleysaa tiin hornagamu(managed floating exchange rate) irraa gara fedhii bittaa fii gurgurtaatiin kan gaggeeyfamu (free floating exchange rate) tti jijjiiruu ni yaadatama. Kana wal qabate wantoonni hedduun jijjiiramaniiti jiru. Akkuma beekamu jijjiiramni kamuu yaroo dhufu bu'aa fii ba'aa qabatee dhufa bu'aa guddisanii ba'aa xiqqeeysu qaruuxumma abbaati waan taheef.

Erga waahee Biiroo daldala sharafaa walaba jechuun maal akka tahe hubannoo arkattanii. Amma gara oduu carraa daldala sharafa alaa keeysa galuu isin dandeeysisutti tarkaanfadha. Guyyaa kaleeysaa jechuun Adooleysa 8, 2024tti Baankii Biyyooleysaa Itoophiyaa iyyattoota hayyama daldala sharafaa alaa qeebaluu akka jalqabde beeysisteeti jirti. Kana wal qabatee aniis barruu tana isiniif dhiheeysun carraa kanarraa akka fayyadamaa taatan isin afeeruu kajeeleti jechuudha.

Kanaan dura Sharafa biyyaa alaa baankota malee qaamni biraa daldaluu akka hin dandeenye beekamaadha. Baankiileenu dameewwan muraasa hayyama bittaa fii gurgurtaa sharafaa alaa qaban qofatti bittaa fii gurgurtaa kana raawwatamu ture. Amma garuu dhaabbileen daldala sharafaa alaa keeysa galuuf karaa banaadha jechuudha. Amma gaafiin akkamiin daldala sharafa alaa keeysa galuu dandeenya jattu fii haal-dureewwan baankiin biyyooleysaa kaaye kan waliin laallu taha.

Haal-dureen baankiin biyyaaleysaa Itiyoophiyaa kaaye kunooti.

Waliigalatti

1.1 Baankiin Biyyaaleysaa Biiroowwan Sharafa Alaa Walaba tahanii fii hidhata baankii tokko malee akka daldala sharafaa walabaatti akka sochoo’an hayyama ni kenna.
1.2 Biiroon sharafa alaa akkasii “Independent Foreign Exchange Bureaus "
” (ykn “ Independent Forex Bureaus ”) jechuun faallaa “Biiroo sharafa Biyya Alaa Baankiilee” kan hanga ammaatti akka yuunitii xiqqaa ykn foddaa baankotaatti hojjechaa turan.

1.3 Biiroon Sharafa Alaa walaba tahe daldala nootii sharafa maallaqa alaa bituu fii gurguruu qofa irratti kan bobbahan tahuu fii hojii baankii kan biroo kamiyyuu irratti bobbahuu kan hin qabne tahuu qaba.

#2. Haala Hayyama Biiroo Forex Kennuuf Baankiin Biyyaaleysaa dhaabbata daldalaa seeraan hundeeffame kan ulaagaalee armaan gadii guuteef “Hayyama Biiroo daldala sharafaa alaa Walaba” ni kenna:

2.1 Dhaabbata daldalaaf hundeeyfame, bifa seeraa kamiinuu kan hundeeyfame, kan abbummaan isaa lammii Itoophiyaa, Itoophiyaa ka hin jiraanne tahuus, ykn lammii biyya alaa (kan haadhaa ykn Abbaan isaa lammii Itoophiyaa tahan) tahe.

2.2 Raasammana (Capital) xiqqaan barbaachisu Birrii miliyoona kudha shan (15) kan guutu yoo tahu, Baankii kamittuu herrega uggurame (Blocked Account) kan dhala argamsiisu dandahun (Interest earning) keeysatti Kuufama Wabii Birrii miiliyoona soddoma (30) kaahuu dandahuuf ni kennama.

2.3 Maallaqni wabiiif kaayame kun erga Biiroo daldala sharafaa walaba kun waggaa lamaaf itti fufiinsaan tajaajile booda kan gad dhiifamu taha.

2.4 Hojii biiroo daldala sharafaa walaba gaggeessuuf gama hundaan bakka mijaawaa tahee fii ulaagaalee nageenyaa fii nageenyaa Baankiin Biyyaaleysaa Itiyoophiyaa (NBE)n biiroo sharafa alaa baankii irratti hundaa’aniif kaahe kan guutu;

2.5 Gabatee maqaa teeysoo biiroo daldala agarsiisu(x);

2.6 Meeyishaalee/Maashina Maallaqaa sodaa adda baasuuf barbaachisan.

2.7 Tarree maqaa akkasumaas haala rammaddii fii moggaasa gahee hojjettoota biiroo daldala sharafa dhiheeysu;

2.8 Hojjettoonni biiroo daldala sharafaa namoota amanamummaa, kabaja fii gahumsa qaban, galmee hanna, amanamummaa dhabuu, fii malaammaltummaa kan hin qabne tahuu isaanii mirkaneeysuu fii

2.9 Inshuraansii gahaan maallaqa guddaa yaroo kamiyyuu bakka biiroo daldala sharafa irratti argamu guutummaatti eegu dandahu bitamu mirkaneeysuu.

3. Haalota fii ulaagaalee biroo

3.1 Biiroon Sharafa Alaa walaba tahan ulaagaalee biiroo sharafa alaa baankii irratti bahe ulaagaalee nageenyaa, hojimaataa fii dirqama hojii, akkasumas ulaagaalee gabaasaa ilaalchisee dabalatee hunda ni kabaju.

Dhaabbileen ulaagaalee olitti tarreeyfaman kana guuttan carraa kanatti fayyadamuun akka biiroo daldala sharafaa alaa Walaba banattan abdiin qaba. Hubannoo waahee Biiroo daldala sharafaa alaa walaba akka arkattan abdiin qaba. Kun carraa guddaadha itti fayyadamaan isiniin ja'a. Hanga ammaatti yoo maatii channel telegram keenyaa yoo tehin ammuma ykn link sanduyaa (comment) jala jirtuun join godhi beekumsa diinaggee fii daldala Afaan Oromootiin habbuuqadhu. 🫡

Carraaqqii tarsiimoon milkeeysa 💛✨️✌🏾

~ Stay informed to stay ahead of the competition 💥✌🏾

💫✨️💛🎁

04/08/2024

Eenyummaa daldalaa akkamiin jaarra?
**********💥

Dhaabbilee fii daldaltoonni Jaarraa 21ffaa tan keeysatti milkaahuuf tooftaalee fii tarsiimoo Jaarraa tana waliin isaan tarkaanfachiisu hordofuun dirqama filannoo hin qabne. Tooftaalee fii tarsiimoo Jaarraa 21ffaa kana keeysatti dhaabbileen dorgommaa isaanii caalani arkamuu dandaha keeysaa eenyummaa daldalaa cimaa jaaruun isa tokko fii hangafa. Kanumaafi dhaabbileen baayyeen maallaqaa danuu dhangalaasun wanni eenyummaa daldalaa cimaa jaarachaa jirananiifiis. Dhaabbileen daldalaa bara dorgommii kana keeysatti milkaahuu barbaadu kamuu horii dhangalaasun eenyummaan daldalaa (brand identity) cimaa jaarachuu qaba. Eenyummaan daldalaa (brand identity) cimaa jaarachuun bu'aawwan armaan gadii daldalaa kee goonfachiisa:

☆ Maamiltoota hawwachuu
☆ Amanamummaa jaaruu
☆ Gurgurtaa dabaluu fii k.k.f

Hub: Barbaachisummaa isaa ballinaan baruuf barreeyfama guyyaa kaleeysaa isiniif maxxansinee turre dubbisaa.

Akkaataa eenyummaa daldalaa jaaruuf isin gargaaran akka armaan gaditti isiniif dhiheeysineeti jirra kunooti:

✔️ 1. Moggaasa ibsuu (Define your brand)

Eenyummaa daldalaa cimaa jaaruuf tarkaanfiin jalqabaa eenyummaa daldalaa keetiif maqaa baasudha. Kunis Duudhaa (Value) , ergamaa (Mission) fii mullata (Vision) dhaabbata keeysanii adda baasuu dabalata. Dhaabbata keeysan maaltu adda taasisa? Kaayoon keeysan maali? Gaafiiwwan olitti laalle tanaaf deebii quubsa erga deebiste booda hubannoo gahaa waahee eenyummaa daldalaa keetii qabaattee jechuudha.

Erga hubannoo ifa waahee eenyummaa daldalaa keetii erga qabaatte booda, meeshaalee maxxansaa garaagaraa eenyummaa daldalaa dhaabbata keetii kana ibsan irratti horii dhangalaasun (invest) bifaa kaayoo fii duudhaa dhaabbata keetii waliin walsimuun itti fufiinsaan qabuun oomisha fii tajaajila dhaabbatichi laatu cufarratti akkasumas meeyishaalee beeysisaa fii dhaadheeysa ka'umurratti fayyadamuu qabu.

✔️ 2. Qajeelfama guca eenyummaa daldalaa(Create a branding style guide):

Qajeelfamni guca eenyummaa daldalaa dhaabbata galmee akkaataa fii wantoota dhaabbaticha bikka bu'an kanneen akka moddaasa daldalaa, asxaa, halluuwwan, boca qubeewwanii fii wantoota mullata dhaabbatichaa bikka ibsuuf itti fayyadamnu kan if keeysa qabuudha.

Qajeelfamni kun akkaataa eenyummaa daldalaa keetii bifa itti fufiinsa qabuun tajaajila fii oomishaa dhaabbatichi laatu cufarratti akkasumas meeyishaalee dhaadheeysa fii beeysisaa hundaan walsimsiisuun eenyummaan daldalaa dhaabbatichaa jijjiirama tokkoo malee akka hujiirraa oolu mirkaneessuuf akkaan barbaachisaa fii murteeysadha.

✔️ 3. Moggaasa (branding) tokko qabaadhu:

Yaa'aalee qunnamtii (commination channel) hunda irratti moggaasa daldalaa (branding) tokko qofa itti fufiinsaan fayyadamuun barbaachisaa dha. Kana jechuun asxaa, halluu, qubee, fii garsiiftuwwan eenyummaa daldalaa walfakkaataa marsariitii, qunnamsiistu hawaasaa (Social media), meeyishaalee maxxansaa fii meeyishaalee beeysisaa fii dhaadheeysa cufarratti fayyadamuu jechuudha. Dhaabbanni tokko itti fufiinsaan eenyummaa daldalaa (brand identity) walfakkaataa fayyadamuun dhaabbatichi eenyummaa cimaa fii beekamaa tahe uumuuf isa gargaara.

✔️ 4. Moggaasa (branding) kee beeysisi:

Erga eenyummaa daldalaa (brand identity) tokko filattee booda itti fufiinsaaan maamiltootaa xiyyeeffannoo keetti irratti beeysisuun moggaasa fii eenyummaa daldalaa cimaa fii amnamaa akka horattu si taasisa. Moggaasa daldalaa kee karaaleen adda addaa hedduutu jira, isaanii keeysaa hangafoonni kanneen armaan gadiiti:

☆ Beeksisuu (Advertising)
☆ Sab-qunnamtii (Public relations)
☆ Odeeysituuhawaasaa (Social media)
☆ Qabeysisuu (Content Marketing)
☆ Imeleeysisuu (Email marketing)

✔️ 5. Moggaasa hangoolalu (Monitor your branding):

Raawwii hujii eenyummaa daldalaa keeysanii hordofuun akkaataa barbaachisummaa isaatiin sirreeyfama yaroon taasisuun barbaachisaa dha. Kunis dhaqqabummaa (Reachable), hirmaata (Engagement), fii gururi'a (sentiment) hordoftoota keetii faana dhahuu (tracking) dabalata.

Moggaasa kee fana dhahuu bikka cimina itti qabdu daran cimsuu fii bikkaa hanqinni arkameeti yaroon adda baaste tarkaanfii fooyye'insa akka taasistu si gargaara.

Dhaabbileen bebbeekamoon addunyaarratti akkaan beekamaa tahan kanneen akka fii k. K. F. cufti isaanii karaa armaan olitti ibsaman kanarra deemuudhan eenyummaa daldalaa (brand identities) cimaa jaaruuf isaan dandeeysiseeti jira.

Moggaasa isaanii ibsaniiru, qajeelfama guca eenyummaa daldalaa (brand style guide) uumuun, moggaasa isaanii waliin walsimsiisanii jiru, moggaasa isaanii beeysisaniiru, akkasumas moggaasa isaanii faana dhahanii jiru. Kanarraa kan ka'e dhaabbileen kunneen addunyaarratti maqaa beekamaa fii milkaahaa horatanii jiran.

Akka biyya keenyatti fakkeenya gaarii dhaabbileen tahuu dandahaan Baankiileedha. Baankiiwwan biyyatti eenyummaa daldalaa cimaa jaaruu isaanii wanni beeynuun cufti keenyahuu baankii itti qofa osoo taane tan itti hin fayyamnellee yaroo arkinu moggaasa isaanii osoo hin laalle halluuwwan (colors) isaanii qofa laalun kun Baankii kana sinimmoo Baankii sani jattanii akka adda baastan shakkii takkallee hin qabu.

Dubbii tana mirkaneeyfachuuf ani Tolee(emoji) dhan halluuwwan baankoota sadihii isiniin gaafadha. Isiniis link'n ani sanduyaa (comment) jala isiniif kaayen channel telegram 'tiin maqaa baankoota sadeen barreeysa.

Hub: Gaafii telegram jala jirti.👇🏾

~ Stay informed to stay ahead

Hundee Murti-Guutoo ~ Ogeeysa biyya kuush

03/06/2024

With Adem Dhalate – I just got recognised as one of their top fans! 🎉

28/05/2024

May 6, 2022
Ministry reveals Ethiopia’s khat export revenue declines!

Contraband, customs bureaucracy, the excise tax on khat trade, & poor monitoring are identified as major causes for the decline.

27/05/2024