大數據預測中心

大數據預測中心 大數據預測中心以龐大、持續更新的數據庫為基礎，捕捉國際足球、NBA籃球、F1賽車等大型運動的比賽趨勢，並配合隊伍、運動員的近況與焦點話題作進一步技術分析，助你提升欣賞體育賽事的樂趣。

2026世界盃 - L組巴拿馬巴拿馬喺中北美洲及加勒比海區外圍賽表現出色，以不敗姿態搶下出線資格，繼2018年首度喺世界盃登場之後，話咁快就可以重返決賽週，今次整體實力同心理質素應已比上次有所提升。只係開賽前多位主力有傷在身，令呢支稍欠大賽...
12/06/2026

2026世界盃 - L組巴拿馬

巴拿馬喺中北美洲及加勒比海區外圍賽表現出色，以不敗姿態搶下出線資格，繼2018年首度喺世界盃登場之後，話咁快就可以重返決賽週，今次整體實力同心理質素應已比上次有所提升。只係開賽前多位主力有傷在身，令呢支稍欠大賽經驗嘅隊伍要面臨巨大挑戰。（詳細資訊連結見留言區）

#世界盃 #巴拿馬

（世界盃圖片）

2026世界盃 - L組克羅地亞克羅地亞套打法核心始終在於中場，4-2-3-1陣式依然以40歲嘅摩迪（Luka Modric，AC米蘭）為真正指揮核心。克軍嘅2022年世界盃班底代謝進度異常地慢，現時陣容平均年齡超過28歲。當中值得一提嘅新...
12/06/2026

2026世界盃 - L組克羅地亞

克羅地亞套打法核心始終在於中場，4-2-3-1陣式依然以40歲嘅摩迪（Luka Modric，AC米蘭）為真正指揮核心。克軍嘅2022年世界盃班底代謝進度異常地慢，現時陣容平均年齡超過28歲。當中值得一提嘅新秀就只有熱刺外借俾漢堡嘅中堅胡斯高域（Luka Vuskovic）與及國際米蘭中場彼達蘇捷（Petar Sucic）。（詳細資訊連結見留言區）

#世界盃 #克羅地亞

（世界盃圖片）

2026世界盃 - K組烏茲別克土產教練卡柏迪斯長年喺國家隊彈出彈入，佢帶領期間烏茲別克喺亞洲區外圍賽兩次守和伊朗、又曾贏過卡塔爾，反映班底喺區內已有一定競爭力。卡柏迪斯喺烏茲別克衝過外圍賽呢個大關後隨即功成身退，留喺國內聯賽執教，而現時全...
12/06/2026

2026世界盃 - K組烏茲別克

土產教練卡柏迪斯長年喺國家隊彈出彈入，佢帶領期間烏茲別克喺亞洲區外圍賽兩次守和伊朗、又曾贏過卡塔爾，反映班底喺區內已有一定競爭力。卡柏迪斯喺烏茲別克衝過外圍賽呢個大關後隨即功成身退，留喺國內聯賽執教，而現時全隊星味最強嗰位反而係接力嘅2006年世界盃冠軍隊隊長簡拿華路。（詳細資訊連結見留言區）

#世界盃 #烏茲別克

（世界盃圖片）

2026世界盃 - K組哥倫比亞哥倫比亞缺席咗上屆世界盃之後今次捲土重來。尼斯托羅倫素自前年帶隊即創下25場不敗紀錄，期間友賽贏過德國、西班牙，更喺正賽擊敗過巴西。左翼迪亞斯（Luis Diaz）自利物浦轉投拜仁慕尼黑之後再度進化，已成為事...
12/06/2026

2026世界盃 - K組哥倫比亞

哥倫比亞缺席咗上屆世界盃之後今次捲土重來。尼斯托羅倫素自前年帶隊即創下25場不敗紀錄，期間友賽贏過德國、西班牙，更喺正賽擊敗過巴西。左翼迪亞斯（Luis Diaz）自利物浦轉投拜仁慕尼黑之後再度進化，已成為事先張揚嘅進攻起動點。居中嘅10號位則有占士洛迪古斯（James Rodriguez）成功谷番起狀態趕搭上尾班車。（詳細資訊連結見留言區）

#世界盃 #哥倫比亞

（世界盃圖片）

2026世界盃 - J組約旦約旦憑穩健防守同講究紀律喺亞洲區突圍而出，外圍賽亦曾試過賽和韓國與及伊拉克、去年參加國際足協搞嘅阿拉伯盃更係殺入決賽、僅輸俾半力出擊嘅摩洛哥獲得亞軍。但參考番今年嘅友賽賽果，睇嚟約旦實力同歐洲、中南美一線尾嘅隊伍...
11/06/2026

2026世界盃 - J組約旦

約旦憑穩健防守同講究紀律喺亞洲區突圍而出，外圍賽亦曾試過賽和韓國與及伊拉克、去年參加國際足協搞嘅阿拉伯盃更係殺入決賽、僅輸俾半力出擊嘅摩洛哥獲得亞軍。但參考番今年嘅友賽賽果，睇嚟約旦實力同歐洲、中南美一線尾嘅隊伍仍有距離，面對同組嘅奧地利甚至係阿根廷估計都要縮到好後嚟踢，決賽週應該以阿爾及利亞為取分目標會較為實際。（詳細資訊連結見留言區）

#世界盃 #約旦

（世界盃圖片）

2026世界盃 - J組阿爾及利亞阿爾及利亞年初喺非洲盃攻到入八強（0:2負於尼日利亞），成績算有交代，另一邊廂喺世界盃非洲區外圍賽G組踢出十戰八勝，清脆利落直接晉級。事實上，阿爾及利亞近年表現穩中向好，隊中已有唔少主力效力於德甲、法甲嘅大...
11/06/2026

2026世界盃 - J組阿爾及利亞

阿爾及利亞年初喺非洲盃攻到入八強（0:2負於尼日利亞），成績算有交代，另一邊廂喺世界盃非洲區外圍賽G組踢出十戰八勝，清脆利落直接晉級。事實上，阿爾及利亞近年表現穩中向好，隊中已有唔少主力效力於德甲、法甲嘅大球會，至於今期嘅風頭躉，就一定要數到法國球王施丹個仔盧卡施丹。（詳細資訊連結見留言區）

#世界盃 #阿爾及利亞

（世界盃圖片）

2026世界盃 - I組伊拉克澳洲教練阿諾特帶領自己國家踢外圍賽成績欠佳，需要問責下台，但佢好快搵到另一個舞台東山再起，呢個舞台就係2007年亞洲盃冠軍伊拉克。伊拉克首次世盃之旅已係1986年嘅事，今次則係先經歷亞洲區外圍賽激戰再通過跨洲附...
11/06/2026

2026世界盃 - I組伊拉克

澳洲教練阿諾特帶領自己國家踢外圍賽成績欠佳，需要問責下台，但佢好快搵到另一個舞台東山再起，呢個舞台就係2007年亞洲盃冠軍伊拉克。伊拉克首次世盃之旅已係1986年嘅事，今次則係先經歷亞洲區外圍賽激戰再通過跨洲附加賽擊敗玻利維亞，展現出呢套班底近年嘅進步與及喺競爭壓力下迸發出嘅團隊精神。但抽得入有阿根廷同埋奧地利嘅I組，難度已經高得可以索性豁出去踢，向大家展示國家最新面貌反而可能係更重要嘅任務。（詳細資訊連結見留言區）

#世界盃 #伊拉克

（世界盃圖片）

2026世界盃– I組塞內加爾塞內加爾呢隊非洲雄獅連續第三屆晉身世界盃，已蛻變成世界大舞台嘅常客。塞內加爾喺今屆非洲各路人馬中可以話係陣容最完整嘅一隊，正選具份量、有經驗得嚟亦有充足後備力量，全隊上下亦應該會吸取年初非洲盃決賽嘅教訓，用更團...
11/06/2026

2026世界盃– I組塞內加爾

塞內加爾呢隊非洲雄獅連續第三屆晉身世界盃，已蛻變成世界大舞台嘅常客。塞內加爾喺今屆非洲各路人馬中可以話係陣容最完整嘅一隊，正選具份量、有經驗得嚟亦有充足後備力量，全隊上下亦應該會吸取年初非洲盃決賽嘅教訓，用更團結嘅方式爭取外界認同。（詳細資訊連結見留言區）

#世界盃 #塞內加爾

（世界盃圖片）

2026世界盃 - H組沙特阿拉伯沙特阿拉伯憑法籍教頭漢拿引入嘅硬淨打法與及防守紀律性，喺上屆決賽週分組賽首仗即爆出世紀大冷門，以2:1戰勝當屆嘅冠軍阿根廷，但今期都係要俾足總炒魷。臨急接手嘅希臘教頭當尼斯嘅執教經驗絕大部分來自希臘與及沙特...
10/06/2026

2026世界盃 - H組沙特阿拉伯

沙特阿拉伯憑法籍教頭漢拿引入嘅硬淨打法與及防守紀律性，喺上屆決賽週分組賽首仗即爆出世紀大冷門，以2:1戰勝當屆嘅冠軍阿根廷，但今期都係要俾足總炒魷。臨急接手嘅希臘教頭當尼斯嘅執教經驗絕大部分來自希臘與及沙特球會層面，今次只係首次教國家隊。（詳細資訊連結見留言區）

#世界盃 #沙特阿拉伯

（世界盃圖片）

2026世界盃 - H組烏拉圭今屆烏拉圭喺比爾沙軍下，一方面保留傳統高壓防守與拼搶，另一方面又強化咗控球同組織，引入更多年輕一代配合現有一兩位老將，改寫咗上一代過於依賴世界級前鋒卡雲尼、蘇亞雷斯單打獨鬥嘅局面。所以都不難理解當年屆39歲嘅「...
10/06/2026

2026世界盃 - H組烏拉圭

今屆烏拉圭喺比爾沙軍下，一方面保留傳統高壓防守與拼搶，另一方面又強化咗控球同組織，引入更多年輕一代配合現有一兩位老將，改寫咗上一代過於依賴世界級前鋒卡雲尼、蘇亞雷斯單打獨鬥嘅局面。所以都不難理解當年屆39歲嘅「蘇七」打晒開口牌想歸隊，都俾比爾沙拒諸門外。（詳細資訊連結見留言區）

#世界盃 #烏拉圭

（世界盃圖片）

Address

Hong Kong

Website

Alerts

Be the first to know and let us send you an email when 大數據預測中心 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 大數據預測中心:

Shortcuts

Share

Category