https://www.facebook.com/593081693886742/

鮑魚農夫 Cox Lee

Home
Hong Kong
Hong Kong
鮑魚農夫 Cox Lee

Contact information, map and directions, contact form, opening hours, services, ratings, photos, videos and announcements from 鮑魚農夫 Cox Lee, Commercial & Industrial, Hong Kong.

鮑魚農夫｜Cox Lee 李國士
企業家｜父親｜為食家｜60後追夢者
🦪南非鮑魚養殖場Wild Coast Abalone創辦人
👨🏼‍🌾香港70年蔘茸海味老字號李熊記董事
🌊入行海味界40年，自己的鮑魚自己養
✉️: [email protected]
#鮑魚養殖 #乾鮑專家 #海味知識 #生意經 #食療生活

23/06/2025

早前接受星島日報《每日雜誌・人物誌》嘅專訪終於見街啦！
好榮幸能透過這次機會等大家更深入了解鮑魚農夫同李熊記嘅故仔。
特別感謝星島記者細心安排，當日訪談傾得好投契！

想知道我更多南非故事，即刻Click入以下專訪連結睇下啦。
https://bit.ly/455kiAy

30/04/2025

【養生心得 - 治未病】唔知大家有冇聽過「治未病」呢？簡單嚟講，就係喺疾病未出現之前開始治療。呢個概念並唔新鮮，只係近20年先開始漸漸流行。自從大家開始注重身體健康，養生就成為一個重要課題，值得大家關注同研究。養生嘅課題有好多方面，而其中「治未病」同「食療」特別重要！

食療嘅核心概念係希望喺日常飲食中達到維持健康同預防疾病嘅效果。試幻想一下，如果進食嘅時候可以選擇合適嘅食材，就能夠改善身體狀況，達到增強免疫力，重拾健康等效果，何樂而不為呢？遲啲再講下蔘茸海味行內有趣嘅故仔。

#鮑魚 #鮑魚農夫 #鮑魚養殖 #養生心得 #香港鮑魚 #李熊記 #海產 #蔘茸海味 #海味 #香港海味 #上環海味 #海味街 #香港美食 #健康飲食 #健康食譜 #食療 #養生 #健康

28/04/2025

【漫遊李熊記 - 上環海味街】我自細喺上環藥材海味街長大。當年，海味街無論平價鹹魚到貴價鮑魚都應有盡有，每次聞到德輔道西街嘅鹹魚味，就知踏入咗上環海味街。

上環自50至60年代開始，已經係香港南北貨嘅批發集散地，尤其以賣土產，茶葉、藥材、海味乾貨同糧食為主。到80年代初，隨著大陸改革開放，藥材行業開始轉型，供應突然大量增加，可惜香港及海外需求跟唔上，藥材嘅價格開始回落。反之，自從香港背靠大陸令到好多行業開始興旺，普羅大眾漸漸富裕起來，因此昂貴茶葉同高檔海味嘅需求急增。上環藥材商為了適應時代改變，開始進口各類海味，包括鮑參翅肚等，慢慢令藥材、海味兩個行業很多時候無分彼此，行業界限並唔鮮明。

現今上環海味街經歷多次變遷依然屹立不倒，希望香港獨特嘅海味文化可以傳承落去！

#鮑魚 #鮑魚農夫 #漫遊李熊記 #鮑魚養殖 #香港鮑魚 #李熊記 #香港 #海產 #蔘茸海味 #海味 #香港海味 #上環海味 #海味街 #香港美食 #鮑魚知識 #鮑魚歷史 #中醫 #藥材

27/04/2025

【農夫講故事 – 槍聲下的繁榮】記得我93/94年去南非嗰陣，正值南非政制轉型。以前當地治安相對安全且穩定，可惜每當政局動盪時，自然少不免罪惡滋生。解放後，當地政府試圖以法規去打擊不法行為，努力提升民眾生活水平，亦希望穩定治安。但隨著時間推移，唔少人為咗生計鋌而走險，選擇非法開採同走私海產。

海產捕撈業本來係政府規管下嘅產業鏈，所有海底資源都屬於政府，因此整個行業都由政府發出配額及批文制度管制。無牌捕撈就係犯罪，同偷金偷鑽石一樣咁嚴重！而鮑魚號稱「海底下的鑽石」，價值高昂。一旦佢哋發現偷鮑魚可以發達，你覺得佢哋會點做？

我好記得有次去碼頭睇貨，突然聽到槍聲，原來出面有幫派開始駁火。好彩當日佔據碼頭嘅人並非針對外地商人，所以匿喺室內就安全，但直到而家，嗰日嘅情況依然歷歷在目。

#鮑魚 #鮑魚農夫 #農夫講故事 #鮑魚養殖 #香港鮑魚 #李熊記 #海產 #蔘茸海味 #海味 #香港海味 #上環海味 #海味街 #香港美食 #鮑魚知識 #鮑魚歷史 #中醫 #藥材

25/04/2025

【自己的鮑魚自己種 - 鮑魚的靈魂】識我嘅朋友都知我好鍾意食鮑魚，成日將「溏心鮑」3個字掛喺口邊。仲記得87年大學暑假返咗香港參加學生大使，有幸得到食評家唯靈老師指導，佢提到鑊嘅靈魂係鑊氣，咁鮑魚嘅靈魂你覺得係咩？

對我嚟講，鮑魚嘅「靈魂」就係「溏心」！「溏心」鮑魚唔單止豐富品嘗食物嘅體驗，仲有助抑制癌細胞及提升免疫力等多種意想不到嘅好處。

你梗係會話，有冇咁誇張呀？其實1990年有兩位香港中文大學教授發現鮑魚多種好處，並將其輯錄，我都只係引經據典啫！如果鮑魚無溏心，你認為仲會唔會有咁多好處呢？

#鮑魚 #鮑魚農夫 #自己的鮑魚自己種 #鮑魚養殖 #香港鮑魚 #李熊記 #海產 #蔘茸海味 #海味 #香港海味 #上環海味 #海味街 #香港美食 #鮑魚知識 #鮑魚歷史 #中醫 #藥材

21/04/2025

【養生心得 – 少食二次製品】我決心養殖鮑魚係因為呢個商機帶俾我一個追夢既機會，一個將中國食材之首「鮑魚」變成普及食療既機會。

我自細就喺蔘茸海味舖長大，令我好早就認識養生既重要性。大學畢業後開始係行業打滾，個陣第一次接觸到食療呢個概念，覺得驚為天人。對於為食既我嚟講，有咩比一邊滿足食欲，一邊養生延壽既生活理念更有吸引力？

養生對我嚟講已經係生活習慣，例如我平時會盡量多食新鮮食物而少食二次製品。咁咩係二次製品呢？好似牛丸、麵包、麵等等就係二次製品。想養生就要多食牛肉而少食牛丸，寧願食米飯也少食麵或者麵包。當然，間中放縱下也並非壞事。對我嚟講，養生固然之重要，而開開心心滿足食慾都一樣咁緊要😀所以我認為養生同心靈滿足係可以能夠達到一個平衡，咁我先能夠享受又「食」又「療」既生活方式。呢個先係適合我自己既養生之道！

#鮑魚 #鮑魚農夫 #鮑魚養殖 #養生心得 #香港鮑魚 #李熊記 #海產 #蔘茸海味 #海味 #香港海味 #上環海味 #海味街 #香港美食 #健康飲食 #健康食譜 #食療 #養生 #健康

18/04/2025

【漫遊李熊記 – 創辦理念】父親李震熊喺50年代尾白手興家創辦李熊記，經營名貴中藥材批發。還記得當時中國人主要鍾情中醫藥，後來西醫西藥慢慢普及化，係中西醫藥共存既局面基礎上逐漸變成主流。

西醫西藥嘅盛行對香港中醫藥行業有極大負面影響，我既童年就見證中醫藥文化嘅興衰。話雖如此，我亦見識過唔少有趣既神奇病例，包括有些奇難雜症喺西醫藥無法有效治療既情況下，透過服用中藥康復既案例，因此令我更加明白中藥文化既價值。歷時大半世紀，我係父親既薰陶下堅信優質中醫藥文化，同時亦希望能藉着李熊記呢個平臺將其繼續傳承。

#鮑魚 #鮑魚農夫 #漫遊李熊記 #鮑魚養殖 #香港鮑魚 #李熊記 #香港 #海產 #蔘茸海味海味 #香港海味 #上環海味 #海味街 #香港美食 #鮑魚知識 #鮑魚歷史 #中醫 #藥材

16/04/2025

【農夫講故事：出走南非】唔少朋友問過我：「點解嗰陣咁大膽去南非呀？」大學嗰陣畢業係1989年，撞正香港藥材業轉型，加上睇到南非政策改變帶嚟既新商機，所以就自己膽粗粗走咗去南非發展。

不過宜家諗返起都覺得自己幾大膽，可能係為追夢，心中有團火就唔驚咁多！

#鮑魚 #鮑魚農夫 #農夫講故事 #鮑魚養殖 #香港鮑魚 #李熊記 #海產 #蔘茸海味 #海味 #香港海味 #上環海味 #海味街 #香港美食 #鮑魚知識 #鮑魚歷史 #中醫 #藥材

11/04/2025

老婆成日話我影完啲相唔post，所以我更新一下啦！
話說上年11月同老婆一齊參加「機場第三跑道馬拉松」，一邊跑一邊影相，41分鐘內成功挑戰5K！嗰日天氣涼爽，可惜有霧無陽光，但老婆都幫我影咗唔少靚相。能夠喺機場跑道同飛機一齊跑，呢啲機會真係一生人一次。
🏃‍♂️‍➡️下次目標：毅行者同渣馬！

10/04/2025

【農夫講故事 - 鮑魚農夫】有朋友曾經問我，你身為鮑魚專家，連鮑魚皇個獎都攞埋，點解仲繼續叫「鮑魚農夫」，不如改名啦？我始終覺得農夫個名幾好吖！落手落腳做養殖，唔係農夫咁係乜呢？

跟住又有D朋友問點解唔叫漁夫？鮑魚明明係海洋生物，我無直接答佢地，因為我當時唔係太想話俾佢地知，我其實係會暈船浪既。。。。。。。。

自細跟住伯爺賣蔘茸海味，食呢行飯大，對呢行情有獨鍾，尤其係食鮑魚，所以就諗不如將興趣轉變為事業，機緣巧合下喺南非開設鮑魚養殖，創造屬於自己既鮑魚生意。

#鮑魚 #鮑魚農夫 #農夫講故事 #鮑魚養殖 #香港鮑魚 #李熊記 #海產 #蔘茸海味 #海味 #香港海味 #上環海味 #海味街 #香港美食 #鮑魚知識 #鮑魚歷史 #中醫 #藥材

Address

Hong Kong

Website

facebook.com

Alerts

Be the first to know and let us send you an email when 鮑魚農夫 Cox Lee posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Engineering Company in Hong Kong?