Abdulwahed Bradosty

28/03/2026

بە ئامانجگرتی ماڵی سەرۆکی هەرێمی کوردستان بەئامنجگرتنی هەموو ماڵی کوردانە لەسەرتاسەری کوردستان و تیڕۆری ئاشتییە لەلایەن شەمشەمە کوێرەکانی دژ بەکورد و تەواوی مرۆڤایەتی کە ئەمڕۆ هۆکاری هەڵگیرسانی شەڕێکی خوێناوین لە ناوچەکەدا، دڵنیام هەمیشە ناحەق باتڵەو خودا لەپشتی حەقدایەو خەونی داگیرکەران وەک هەمیشە لە گۆڕ دەندرێ، بژی کوردستان بژی سەرۆکی هەرێم، مردن و سەرشۆڕی بۆ دوژمن و داگیرکەران.

براتان:
عبدالواحید حسێن برادۆستی
٢٨-٣-٢٠٢٦

23/03/2026

19/03/2026

لە کۆتایی ئەم مانگە پیرۆزەدا....
پیرۆزبێ جەژنی ڕەمەزان لە تەواوی مسوڵمانانی سەر گۆی زەوی، سوپاس بۆ ڕەحمەتی بەفرو بارانت بەسەر نیشتیمانی ئێمەدا خودای گەورە، لە کاتێکدا مرۆڤەکان خەریکی وێرانکردن و قەتڵوعامکردنی کۆمەڵگای بەشەرین، بەزەیی و میهرەبانی تۆ ڕێگرە لەبەردەم کارەساتە سروشتییەکان، خودایە مانەوەی باشەکان و چابونی خراپەکان نزای ئێمە بووە لەم مانگە پیرۆزەدا گیرای بکەی خودای باڵادەست، خودایە خۆشی جەژن بخەیتە نێو دڵى هەمووان و لە ئاگری جەنگ و ماڵوێرانی بمانپارێزی، بەهیوام خودا پاداشتی هەمووان لە ماندوبوون و چاوەڕوانی ئەم مانگە پیرۆزەدا بەویستی خۆی بداتەوە و جەژن ببێتە جەژنی هەموو چاوەڕوانیەکانی تاک بەتاکی ئەم گەلە ستەم دیدەیە ان شاء الله .

براتان:
عەبدالواحید حسێن برادۆستی
١٩-٣-٢٠٢٦

17/02/2026

گەڕانەوەی مانگی نزاو بەخشین و لێبوردەیی پیرۆزە لە هەموو مرۆڤایەتی بەگشتی و گەلی کوردی مسوڵمانی ڕاستەقینە بەتاییبەتی، نزام لە خودای گەورەیە لەم مانگە پیرۆزەدا تەندروستبین بۆ ئەوەی باشترین عیبادەت ئەنجامبدەین، داوا لە تەواوی ڕۆژو گرانی خۆشەویستم دەکەم ئەم مانگە پیرۆزە لە گوتارەوە بکەن بەکردار تا هەم ڕەزامەندی خودا بەدەستبێنین و هەم خێرو بەرەکەتەکەی بگاتە هەموو ماڵێکی مستەحەق، کە بریتییە لە بەخشین و لێبوردن و ئاشتەوایی کۆمەڵایەتی و خۆشەویستی. بەهیوام هەموومان لەئاستی بەپرسیاریەتی ئەم مانگە پیرۆزە دابین ان شاء الله .

براتان :
عبدالواحید حسێن برادۆستی
١٧-٢-٢٠٢٦

12/02/2026

٢٠٢٦/٢/١٢

31/12/2025

لە پێشوازی ساڵی تازەدا شوکر بۆ خودا بەپێوە وەستاوین...
خودایە بەئومێدەوە دەچینە ساڵی تازەوە، بەپشتبەستن بەگەورەیی و میهرەبانی تۆ، لە بەدیهێنانی خەونی سەد ساڵەی میللەتی ئێمەدا پشتیوانبە خودایە...
پیرۆزبێ ساڵی نوێ ساڵی ٢٠٢٦ لەسەرجەم خۆشەویستانم لەهەر جێیەک کەهەن، ئاسودەییتان بۆ دەخوازم و بەهیوام ئەم ساڵتان ساڵی کۆتایهێنان بێت بەهەرچی غەم و ستەم و نادادیە.
خودایە ئەم ساڵ ساڵی پێکەنینی هەژارانبێت، ساڵی نیعمەتی باران و ساڵی لەناوچوونی زاڵمانبێت ان شاء لله .
هەمووتان بەخۆشەویستی دەسپێرم.

براتان:
عبدالواحید حسێن برادۆستی
١/١/٢٠٢٦
پاریس- فەرنسا

28/11/2025

بە هەموو هەستوسۆزێکی کوردانەو بەگیانێکی وەرزش دۆستانە پشتگیریمانکرد لە هاندەرانی یانەی وەرزشی زاخۆی دەلال و سەربڵند، بەو هیوایەی براوەی خەڵاتی باشترین هاندەربن لەفیفا و لەتەواوی جیهاندا.

براتان:
عبدالواحید حسێن برادۆستی
٢٨-١١-٢٠٢٥

08/11/2025

هاوڕێ و خزم و دۆست و هەڤاڵانی بەڕێز و خۆشەویست، هەڤاڵانی هێزی ئەمنی و پارێزەری نیشتیمان، جەماوەری بەشەرەفی کوردستان، بەسڵاوێکی گەرم و ئاسودەیی و بەختەوەری بۆ هەموو لایەک، بەهۆی هەستکردنم بە بەرپرسیاریەتی و لەپێناوی پێگەو سەروەری وڵات و بەهێزەوە وەستانەوە بەرەو ڕووی نەیاران و داگیر کەرانی کوردستان بەدڵ و بە ئەمانەتەوە داواتان لێدەکەم بچنە سەر سندوقەکانی دەنگدان و دەنگ بە لیستی ٢٧٥ بدەن کە بەربژێرەکانی پارێزەری قەوارەی هەرێمی کوردستان و داکۆکی کاری سەرسەختی مافەڕەواکانمان دەبن لەبەغدا. چونکە ئەم لیستە لیستی ٢٧٥ لیستی بەربژێرەکانی پارتی دیموکراتی کوردستان لەڕابردوو ئەمەی سەلماندووە و لەداهاتووشدا بەهەمان قودرەت و نەفەس بەردەوام دەبن. ئەم داوایەم لە سۆنگای باوەڕی پتەومە بە ڕێبازی پارتی دیموکراتی کوردستان وەک پارتی ژیان و ئاوەدانی و پێکەوەیی و خزمەتی بێ وچان و بەردەوام بەبێ جیاوازی ئاینی نەتەوەیی.
بەهیوای سەرکەوتنی مەزن انشاء الله.

براتان:
عبدالواحید حسێن برادۆستی
٨-١١-٢٠٢٥

04/11/2025

سوپاس و ستایش بۆ خودای باڵادەست و میهرەبان، بەدەسهێنانی متمانەو خۆشەویستی خەڵک بەبێ فەزلی ئەو هەرگیز بەدەست نایات، پاشان ڕێز و پێزانین بۆ گەورە زاناو شێخانی وڵاتی سعودیە بۆ دیاریە پڕبایەخ و پیرۆزەکەیان کەبەشێک لەو پەردە ئاوریشمە زێڕدارەی بەسەر کەعبەی پیرۆزدا دەدرێ و ساڵانە لەلایەن گەورە کۆمپانیاکانەوە دەگۆڕدرێ و پارچەکانی ساڵی رابردوو دەکرێنە دیاری بۆ کەسایەتییەکان، دیارە بۆ ئەمساڵ بەندەی موخلیسی هەمووان بەشایستە زانراوەو ئەمڕۆ ٢٠٢٥/١١/٣ بەئامادەبوونی مامۆستای گەورە و خۆشەویستمان سەرۆکی یەکێتی زانایانی کوردستان جەنابی مامۆستا عبدالله و مامۆستایانی یاوەری پارچەیەک لەم پەردەیە بەشێوەی نوسراوی بڕواپێکراو پێمان بەخشرا، دیارە ئەم دیاریە بەنرخە بۆ من هەم وەک بەرەکەت دەیبینم بۆ خودی ماڵەکەم و سنورەکەمان و هەمیش وەک شانازی. لە کۆتاییدا سوپاسی بێ پایانم دووپات دەکەمەوە بۆ ئەو بەڕێز و خۆشەویستانەی ئەم ئەرک و زەحمەتەیان لە ئەستۆگرت.

براتان:
عبدالواحید حسێن برادۆستی
٣-١١-٢٠٢٥

08/10/2025

ئەمڕۆ دڵخۆش بووم بەدیداری یەکێک لە کاریزما و پیاوە جوانەکانی دەڤەری بارزان، جەنابی کاک سیداد بارزانی، هەمیشە گۆشە نیگای ئەو بۆ بوارەکانی ئەتەکێت و ڕەوشت بەرزی و سیاسەتی میانڕەوی و حەکیمانەی گوڕ و تینی زیاترم پێدەبەخشێت لەپێناو ئینتیمای گەل و نیشتیمان و خزمەتکردنی دڵسۆزانە.
هیوای سەرکەوتن و تەندروستی باشتر بۆ جەنابی کاک سیداد بارزانی.

براتان:
عبدالواحید حسێن برادۆستی
٨ ئۆکتۆبەری ٢٠٢٥

03/09/2025

لە سالڕۆژی لە دایکبوونی پێغەمبەری پێشەوامان درودی خوای گەورەی لەسەر بێ پیرۆزەبایی ئەم ڕۆژە مەزنە لەتەواوی مسوڵمانانی ڕاستەقینەی جیهان و کوردستانی خۆشەویست دەکەم، هیوادارم ئەم بۆنە پیرۆزە ببێتە دەرفەتێک بۆ بەخۆداچونەوەمان لە هەموو ئەو گوناهوو خەسڵەتە نەشیاوانەی لەپێناوی دەسکەوتی تایبەتی و بچوکدا ڕۆژانە ئەنجامیان دەدەین، هیوادارم دەرفەتێک بێت بۆ چەمکی خۆناسی و خودا ناسی و ئەو بەرنامەو پڕەنسیپانەی لەپێناوی خزمەتی مرۆڤایەتی هاتونەتەکایەوە، لەکۆتایشدا لە خودای گەورە دەپاڕێمەوە ئەم میلەتە مەزڵومەی ئێمە دەربازکات لە جەورو ستەمی داگیرکەران ان شاءالله.

براتان:
عبدالواحید حسین برادۆستی
٣ی ئەیلولی ٢٠٢٥