Aso rahim ئاسۆ ڕەحیم

08/09/2024

"بەداخ و پەژارەیەکی زۆرەوە "
ئەمڕۆ ٢٠٢٤/٩/٨ ، هەواڵی کۆچی دوای کاک (ئیسماعیل عبدالله ) ناسراو بە ئیسماعیلی سەرای ئازادی و هەڵسوڕاوی بزوتنەوەی گۆڕان مان پێگەیشت .
سەرەخۆشی و سەبوری لە خۆمان و بنەماڵە و هاوڕێیانی دەکەین .
لە خودا داواکارین ڕوحی کاک ئیسمایل شادبێت.

ئاسۆ ڕەحیم

10/07/2024

‎بەناوی خوای گەورە و میهرەبان
‎سوپاسنامە
‎ بەڕێزان خزمان و دۆستان و پیاوانی ئاینی و عەشرەتە بەڕێزەکان
‎بەناوی بنەماڵەی کاک ( طاهر حمە ف*ج شەمێرانیەوە)کەسایەتی دیار و خیرخوازی عەشرەتەکەمان
لە دڵەوە ڕێز و خۆشەویستی و سوپاسی بێ پایانمان هەیە بۆ ماندوبوون و هاوخەمیتان
‎لە بەشداریکردنتان لەڕێوڕەسمی بە خاک سپاردن و پرسەی خوالێخۆش بوو لەڕێگای سەردانیکردن بیت یاخوود پەیوەندی دڵسۆزی خۆیان پیشانداو لە ئازاری ئێمەیان کەمکردەوە

کۆچی ئازیزمان نمونەی ژیانکردنی لە ناومان چۆن خۆشەویستی هەژاران بوو بۆ ئێمە پەیڕەوێکە لەسەری دەژیین، ڕێبازێکە لەسەری پەروەردە بووین و هەر بەو وزە و هێزەی ئەو هەیبوو، درێژە بە ژیان و بەردەوامی بە کارەکانی دەدەین؛ بێگومان هەر بەو جۆرەش درێژەپێدەری دۆستایەتی و هاوڕێیەتیی ئەو دەبین لەگەڵ ئێوەی ئازیز و بەئەمەکدا.

‎إنا لله وإنا إليه راجعون
بنەماڵەی کۆچکردوو.

06/06/2022

سوپاس نامە

بە ناوی خۆم و بنەماڵەکەمەوە
سوپاس و پێزانینی خۆمان ئاراستەی هەموو خزمان و هاوڕێیان و دۆستان و هەموو ئەو لایەن و کەسایەتیانەی لە کوردستان و دەرەوەی وڵات دەکەین، کە لە ڕێی بەشداریکردنیان لە پرسەی دایکی خۆشەویستم (حسنیە احمد ) چ بە هاتنیان یان بە تەلەفۆن و ناردنی نامەیکیش بووبێت، دڵسۆزیی و وەفادارییتان نواندووە. سەرخۆشییتان ئارامیی بە دڵ و دەروونمان بەخشیی و خەم و پەژارەی کەمکردینەوە، خوا تەندروست و لەشساغتان بکات و هەرگیز ناخۆشیی نەیەتەڕێتان و هەمیشە لە خۆشییدابن دووبارە سوپاسی ھاوخەمی ھەموو ئەو بەڕێزانە ئەکەین

ئاسۆ ڕەحیم

13/10/2021

ڕونکردنەوەیەک بۆ ڕای گشتی

سەبارەت بەو دەنگۆیانەی گوایە ئاسۆ ڕەحیم
ئەندامی خانەی ڕاپەڕاندن پێشنیاری بۆ ڕێکخەری گشتی و خانەی ڕاپەڕاندن کردبێت کە بزوتنەوەی گۆڕان کۆتایی پێبێت و یەکگرتنەوە ئەنجام بدات لەگەڵ لایەنیتر ، ئێمە سەر لەبەری ئەو هەواڵ و دەنگۆیانە بەدرۆ دەخەینەوە پێمان وایە ئەمە دەستێکی تێکدەرە لە ناوخۆی بزوتنەوەی گۆڕان لە جێی دڵسۆزیان بۆ بزوتنەوەکە و هەوڵدانیان بۆ چارەسەر کردنی گرفتەکان هەمیشە لە ڕێی ڕاگەیاندنی سێبەرەوە هەوڵی زیاتر دەدەن بۆ تێکدانی ناوخۆی بزوتنەوەی گۆڕان .

٢٠٢١/١٠/١٣

25/09/2021

كۆبونەوەی بەرفراوانی رێكخەری گشتی لەگەڵ هەڵسوڕاوانی ئەنجومەنی قەزای سلێمانی بزوتنەوەی گۆڕان

25/09/2021

٢٠٢١/٩/٢٥
مەکۆی سەرەکی بزوتنەوەی گۆڕان

17/09/2021

ئاسۆ رەحیم: هەڵمەتى دەرگا بەدەرگا بۆ سەرخستنى هاوپەیمانى کوردستان دەستپێدەکەین

بزوتنەوەى گۆڕان قۆناغى گەرمى بانگەشەى هەڵبژاردن دەستپێدەکات و سەرپەرشتیارى بازنەى هەڵبژاردنى سلێمانى رایدەگەیەنێت؛ تاوتوێى پلانەکانى بانگەشەى هەڵبژاردن کرا و لەم هەفتەیەوە هەڵمەتى دەرگا بەدەرگا و گەڕەک بە گەرەک و شار بە شار و گوند بە گوند دەستپێدەکەین بۆ ناساندن و سەرخستنى هاوپەیمانى کوردستان و لەناویاندا کاندیدەکانى بزوتنەوەى گۆڕان.

ئاسۆ رەحیم، سەرپەرشتیارى بازنەى هەڵبژاردنى سلێمانى بە سایتى فەرمى (گۆڕان)ى راگەیاند: لە کۆبونەوەى ئەمڕۆ هەینى بە سەرپەرشتى رێکخەرى گشتى پلانەکانى بانگەشەى هەڵبژاردن گفتوگۆى لەبارەوەکرا بۆ ئەوەى بزانرێت تائێستا چی کراوە.

وتیشى: لەم هەفتەیەوە لەلایەن تیمەکانى بانگەشەکردنەوە هەڵمەتى دەرگا بەدەرگا و گەڕەک بە گەرەک و شار بە شار و گوند بە گوند لە هەموو شوێنەکان دەستپێدەکەین بۆ ناساندنى کاندیدەکانى هاوپەیمانى کوردستان و لەناویاندا کاندیدەکانى بزوتنەوەى گۆڕان".

17/09/2021

‎رۆژى هەینی 17/9/2021 ، لەهۆڵى شەهید شیهاب لەقەڵاچوالان، قوباد تاڵەبانی سەرۆکی هاوپەیمانی کوردستان سەرپەرشتی کۆبوونەوەیەکی فراوانی کرد لەگەڵ کۆمیتەکانی یە‌كێتی و مەکۆکانی گۆڕان لە‌ شارباژێر و ماوە‌ت.

‎لەو کۆبونەوەیەدا کە شاناز ئیبراهیم ئەحمەد و ئاسۆ رەحیم لێپرسراوانی میحوەرى سلێمانی بانگەشەى هەڵبژاردن و کاندیدەکانی هاوپەیمانی کوردستان ئامادەیبوون، قوباد تاڵەبانی رایگەیاند: ئە‌م ھاوپە‌یمانییە‌ بە‌شێكە‌ لە‌خە‌ونی خوالێخۆشبووان مام جەلال و كاك نە‌وشیروان كە‌ لە‌دە‌باشانە‌وە‌ گە‌ڵالە‌ كرا، سەرکەوتنیشی دەبێتە هۆى بەهێزتربونمان بۆ دابینکردنی مافەکانی هاوڵاتیانی هەرێمەکەمان.

‎دواتر و لەوتەیەکیدا ئاسۆ رە‌حیم رایگەیاند؛ پێویستە‌ ھە‌موومان بە‌یە‌كە‌وە‌ كار بكە‌ین بۆ ئە‌وە‌ی كاندیدە‌كانمان سە‌رخە‌ین، ئاماژە‌ی بە‌وەشدا كە‌ لە‌ ئێستادا خە‌باتی ئێمە‌ ئە‌وەیە کە كاری پێكە‌وە‌یی بكە‌ین بۆ سە‌رخستنی ھاوپە‌یمانی بۆ بە‌دە‌ستھێنانی مافە‌كانی گە‌لی كورد و نە‌ھێشتنی ناعە‌دالە‌تی.

‎هەر لەو کۆبوونەوەیەدا هەردوو کاندیدی بازنەی 1 لەپارێزگاى سلێمانی، شاسوار ئەمین کاندیدی ژمارە 25 و شوناس حسێن کاندیدی ژمارە 32 خۆیان ناساند و پەیام و بەرنامەى خۆیان بۆ خزمەتکردن خستەڕوو، راشیانگەیاند کەدواى سەرکەوتنیان هەوڵەکانیان دەخەنەگەڕ بۆ بەدەستهێنانی ماف و شایستە داراییەکانی هاوڵاتیانی هەرێمی کوردستان، دووپاتیشیان کردەوە کەسەرکەوتنی هاوپەیمانێتی کوردستان سەرکەوتنی هەموو گەلى کوردستانە و سەنگ و پێگەى گەلى کورد بەهێزتر دەکات لەهاوکێشە سیاسی و ئیقلیمیەکاندا.

‎لەکۆتایی کۆبوونەوەکەدا ئامادەبووان سەرنج و تێبینیەکانی خۆیان خستەڕوو لەسەر شێوازی بەڕێوەچوونی بانگەشەى هەڵبژاردن و پەرۆشی خۆیان دەربڕى بۆ سەرخستنی کاندیدەکانی هاوپەیمانی کوردستان تا تیمێکی بەهێز بچێتە بەغدا و بەرگرى لەمافە دەستورییەکانی گەلى کوردستان بکات.

17/09/2021

لەسبەینێ وە هاوپەیمانی کوردستان پلانی بانگەشەی هەڵبژاردن دەگۆڕێت

ئەمڕۆ هەینى لە مەکۆى سەرەکى بزوتنەوەى گۆران لە شارى سلێمانى، بەسەرپەرشتى عومەر سەید عەلى رێکخەرى گشتى و سەرپەرشتیارى سەرجەم بازنەکانى هەڵبژاردن و بە ئامادەبونى سەرجەم سەرپەرشتیارى بازنەکانى هەڵبژاردن و بەشێک لە ئەندامانى جڤاتى نیشتمانى و تیمى گۆڕان لە حکومەت، دوا کۆبونەوەى قۆناغى پلانکارى هەڵبژاردن بەڕێوەچوو.

ئاسۆ رەحیم، سەرپەرشتیارى بازنەى هەڵبژاردنى سلێمانى لەبارەى ناوەڕۆکى کۆبونەوەکەوە بە (KNN)ى راگەیاند: لە کۆبونەوەکەدا تاوتوێى پلانەکانى بانگەشەى هەڵبژاردن گفتوگۆى لەبارەوەکراوە، بۆ ئەوەى بزانرێت تائێستا چیکراوە.
وتیشى: ئەوە دوا کۆبونەوە دەبێت و لێرەوە قۆناغى گەرمى بانگەشەى هەڵبژاردن دەستپێدەکات.

لەبارەى هەنگاوەکانى داهاتوى بانگەشەى هەڵبژاردن ئاسۆ رەحیم باسى لەوەکرد، لەم هەفتەیەوە لەلایەن تیمەکانى بانگەشەکردنەوە هەڵمەتى دەرگا بەدەرگا و گەڕەک بە گەرەک و شار بە شار و گوند بە گوند د لە هەموو شوێنەکان دەستپێدەکات ئەوەش بۆ ناساندنى کاندیدەکانى هاوپەیمانى کوردستان و لەناویاندا کاندیدەکانى بزوتنەوەى گۆڕان.

ئەو کۆبونەوە لە کاتێکدایە کە بڕیارە لە رۆژى (10/10/2021)، هەڵبژاردنى ئەنجومەنى نوێنەرانى عێراق بەڕێوەبچێت، بزوتنەوەى گۆڕان و یەکێتى نیشتمانى کوردستانیش لە چوارچێوەى هاوپەیمانیەتییەک بەشدارن و بەچەندین کاندیدى بەهێز لەسەرجەم بازنەکانى هەڵبژاردن لە هەرێمى کوردستان و ناوچە دابڕێنراوەکان ململانی دەکەن بۆ بردنەوەى زۆرترین کورسى.

11/09/2021

11/09/2021

ئەمڕۆ بەژداریمان کرد لە کۆبونەوەى رێکخەری گشتی و لیژنەی باڵاى هەڵبژاردنى بزوتنەوەى گۆڕان