17/05/2026
ئەم جارە باسی دۆخێکی مەترسیدار دەکەین کە کەم کەس دەزانێت کەوا بزوێنەرەکەی بەرەو تێكچون دەچێت.
ڕەنگی ئاڵتوونی یان قاوەیی لە ناو بزوێنەردا (مەکینەدا) بە "Varnish" (ڤارنش) یان چینەکانی ئۆکساندن ناسراوە.
زۆرجار ئەمە بەهۆی دواخستنی کاتی گۆڕینی ڕۆن بە تایبەت ئەوانەی( ١٥،٠٠٠کم )یان زیاتر لەسەر رۆن دەرۆن یان بەکارهێنانی ڕۆنێکەوە دروست دەبێت کە بەرگەی گەرمییەکی کەم دەگرێت.
ئەم حاڵەتە ڕاستەوخۆ مەترسیدار نییە، بەڵام نیشانەیە بۆ ئەوەی کە ڕۆنەکە خەریکە توانای پاراستن و پاککردنەوەی لەدەست دەدات.
بە تێپەڕبوونی کات، ڕەنگە ئەم نیشتووانە کاریگەرییان هەبێت لەسەر ڕێڕەوەکانی ڕۆن و بەشە هەستیارەکانی ناو بزوێنەر، بە تایبەتی بەشە لاستیقەکان یان جاینەکان کەوادەکات تێکبچن رۆن بدەن.
بۆیە زۆر جار دەبینین سەرەقەباخی مەکینە دەکرێتەوە تا بەشە لاستیقەکان بگۆردرێ.
خۆپاراستن لەم حاڵەتە دەبێت بە بەکارهێنانی ڕۆنی کوالێتی باشتر، پابەندبوون بە کاتی دیاریکراوی چاککردنەوە (سێرڤس)، هەروەها هێشتنەوەی سیستەمی ساردکردنەوە لە دۆخێکی زۆر باشدا.
