03/01/2026
ວິທີກວດສອບ "ໂພງ" ຫຼື "ຂຸມຍຸບ" ໃຕ້ດິນ ດ້ວຍເຕັກໂນໂລຊີການສ້າງຮູບພາບຄວາມຕ້ານທານໄຟຟ້າໃຕ້ດິນ Electrical Resistivity Imaging (ERI)
ເນື່ອງຈາກໄລຍະນີ້ມີເຫດການຂຸມຍຸບເກີດຂຶ້ນໃນພື້ນທີ່ຂອງເມືອງໄຊທານີ ນະຄອນຫຼວງວຽງຈັນ ເຮັດໃຫ້ມີຄົນສູນຫາຍເຖີງ4ຄົນ, ເພື່ອເປັນການປ້ອງກັນບໍ່ໃຫ້ເຫດການນີ້ເກີດຂຶ້ນອີກ, ການເຂົ້າໃຈເຖີງວິທີການກວດສອບກ່ອນ ແລະ ການປ້ອງກັນກ່ອນລ່ວງຫນ້າຈຶ່ງເປັນເລື່ອງສຳຄັນຫຼາຍ.
ມື້ນີ້ເຮົາຈະມາເຮັດຄວາມຮູ້ຈັກກັບເຕັກໂນໂລຊີ Electrical Resistivity Imaging (ERI) ເຊິ່ງເປັນວິທີທີ່ໄດ້ຜົນດີທີ່ສຸດໃນການຊອກຫາໂພງໃຕ້ດິນກ່ອນທີ່ຈະເກີດການຍຸບຕົວ.
❓ ERI ແມ່ນຫຍັງ?
ERI ແມ່ນການໃຊ້ກະແສໄຟຟ້າປ່ອຍລົງໄປໃຕ້ດິນ ເພື່ອວັດແທກ "ຄ່າຄວາມຕ້ານທານ" ຂອງຊັ້ນດິນ ແລະ ຫີນ. ເນື່ອງຈາກວ່າ ດິນ, ຫີນ, ນ້ຳ ແລະ ໂພງອາກາດ ມີຄ່າຄວາມຕ້ານທານໄຟຟ້າທີ່ແຕກຕ່າງກັນ, ເຮົາຈຶ່ງສາມາດສ້າງເປັນພາບຈຳລອງ 2 ມິຕິ ຫຼື 3 ມິຕິ ຂອງສິ່ງທີ່ຢູ່ໃຕ້ດິນໄດ້ໂດຍບໍ່ຕ້ອງຂຸດ.
🔍 ERI ຊ່ວຍຊອກຫາຂຸມຍຸບໄດ້ແນວໃດ?
ໂພງອາກາດ (Air-filled voids): ຈະມີຄ່າຄວາມຕ້ານທານໄຟຟ້າ ສູງຫຼາຍ (ເພາະອາກາດບໍ່ຊັກນຳໄຟຟ້າ). ໃນພາບສະແກນຈະເຫັນເປັນສີແດງເຂັ້ມ.
ໂພງທີ່ມີນ້ຳຂັງ (Water-filled voids): ຈະມີຄ່າຄວາມຕ້ານທານໄຟຟ້າ ຕ່ຳ (ເພາະນ້ຳນຳໄຟຟ້າໄດ້ດີ). ໃນພາບສະແກນຈະເຫັນເປັນສີຟ້າ.
ຊັ້ນດິນປົກກະຕິ: ຈະມີຄ່າຄວາມຕ້ານທານໃນລະດັບກາງ.
✅ ຂໍ້ດີຂອງການໃຊ້ວິທີ ERI:
ບໍ່ທຳລາຍໜ້າດິນ: ບໍ່ຕ້ອງເຈາະ ຫຼື ຂຸດດິນໄປທົ່ວພື້ນທີ່.
ມີຄວາມຊັດເຈນສູງ: ສາມາດບອກຂະໜາດ, ຄວາມເລິກ ແລະ ຮູບຮ່າງຂອງໂພງໃຕ້ດິນໄດ້.
ປະຢັດງົບປະມານ: ຊ່ວຍໃຫ້ເຮົາຮູ້ຈຸດທີ່ເປັນອັນຕະລາຍແທ້ໆ ເພື່ອວາງແຜນຊ້ອມແຊມໄດ້ກົງຈຸດ.
ຄວາມປອດໄພ: ຊ່ວຍເຝົ້າລະວັງພື້ນທີ່ສ່ຽງ ເຊັ່ນ: ເສັ້ນທາງ, ບ້ານເຮືອນ ຫຼື ບ່ອນກໍ່ສ້າງ ບໍ່ໃຫ້ເກີດການຍຸບຕົວແບບກະທັນຫັນ.
📖 ອ່ານລາຍລະອຽດເພີ່ມເຕີມໄດ້ທີ່:
https://www.agiusa.com/blog/how-test-underground-voids-using-electrical-resistivity-imaging
#ຂຸມຍຸບ #ທໍລະນີຟີຊິກ #ຄວາມປອດໄພ
