14/08/2026
ශ්රී ලංකාවෙන් පෙනුණු සූර්යග්රහණ ගැන ඔබ දැනගෙන හිටියාද?
ශ්රී ලංකාවෙන් අවසන් වරට පූර්ණ සූර්යග්රහණයක් දැකගන්න ලැබුණේ 1955 ජුනි 20 වනදා.
එදා පූර්ණ සූර්යග්රහණයේ මාර්ගය ශ්රී ලංකාව හරහා ගමන් කළා. විශේෂයෙන්ම පොළොන්නරුව වැනි ප්රදේශවලදී මිනිත්තු කිහිපයක් පුරා සූර්යයා සම්පූර්ණයෙන්ම සඳෙන් වැසී ගියා. මේ සූර්යග්රහණය නිරීක්ෂණය කරන්න විදේශීය විද්යාඥ කණ්ඩායම් පවා ශ්රී ලංකාවට පැමිණ තිබුණා.
ඉන් වසර ගණනාවකට පස්සේ, 2019 දෙසැම්බර් 26 වනදා, ශ්රී ලංකාවට තවත් විශේෂ සූර්යග්රහණයක් දැකගන්න ලැබුණා. ඒ තමයි වළයාකාර සූර්යග්රහණයක්.
ඊළඟට 2020 ජුනි 21 වනදා, ලෝක මට්ටමින් එය වළයාකාර සූර්යග්රහණයක් වුණත්, ශ්රී ලංකාවෙන් පෙනුණේ අර්ධ සූර්යග්රහණයක්.
ඉදිරියේදීත් ශ්රී ලංකාවට සූර්යග්රහණ කිහිපයක් දැකගන්න පුළුවන්.
2027 අගෝස්තු 2 වනදා, ලෝකයේ වෙනත් ප්රදේශවලින් පූර්ණ සූර්යග්රහණයක් දැකගන්න පුළුවන් වුණත්, ශ්රී ලංකාවෙන් පෙනෙන්නේ අර්ධ සූර්යග්රහණයක්.
ඊට පස්සේ 2031 මැයි 21 වනදා, ශ්රී ලංකාවට තවත් විශේෂ අවස්ථාවක් ලැබෙනවා. එදා වළයාකාර සූර්යග්රහණයක් ශ්රී ලංකාවේ උතුරු ප්රදේශ හරහා පෙනෙනවා. නමුත් කොළඹ වැනි ප්රදේශවලින් පෙනෙන්නේ අර්ධ සූර්යග්රහණයක්.
හැබැයි ශ්රී ලංකාවෙන් ඊළඟට පූර්ණ සූර්යග්රහණයක් දැකගන්න නම් තවත් කාලයක් බලාගෙන ඉන්න වෙනවා. ඒ අවස්ථාව උදාවෙන්නේ 2070 දීයි.
