16/05/2026
အတုတွေများလာရင် အစစ်လို့ထင်လာတတ်ကြပါတယ်။
အတုကအစစ်ဖြစ်မလာပါ...
လွန်ခဲ့တဲ့ (နှစ်ပေါင်း၂၀)ကျော်လောက်က စာရေးသူ အိန္ဒိယနိုင်ငံ(Bangalore)ပြည်နယ်မှာ ကျောင်းသွားတက်တုံးကအဖြစ်ပျက်လေးတစ်ခုသတိရမိလို့ပါ။ အဲ့ခေတ်တုန်းက နည်းပညာ ခုလိုမဖွင့်ဖြိုးသေးပါဘူး။ကျောင်းရောက်တော့ ထုံးစံအတိုင်း မြန်မာပြည်က ကျောင်းနဲ့သက်ဆိုင်တဲ့ စာရွက်စာတမ်းတွေ ကျောင်းကိုပေးရပါတယ်။ဇတ်လမ်းကအဲ့မှာစတာပဲ နောက်တရက်နေတော့ ကျောင်းရုံးခန်းခေါ်ပီး ဆယ်တန်းအောင်လက်မှက်ကအတုကြီးဖြစ်နေပါတယ်တဲ့။ ဒီမှာကြည့်တဲ့ အရင်ကျောင်းသားတွေရဲ့ လက်မှတ်တွေထုတ်ပြပါတယ်။ ဆယ်တန်းအောင်လက်မှတ်က တကဲ့အမှန်အကန် စပယ်ရှယ် ကာလာတွေနဲ့။ မင်းဟာက black&white နဲ့ အတုဘဲတဲ့ ဒါကြောင့်မင်းကိုဒီကျောင်းက လက်မခံနိုင်ဘူးဆိုပီးငြင်းလိုက်တယ်။ အချိန်အနည်းစွံ့အသွားခဲ့တယ်။ နောက်ရက်အနည်းမှ emailကနေစာလှမ်းပို့လာတယ်။ We are glad to inform you that ဆိုတဲ့ စာလေးနဲ့ ကျောင်းကလက်ခံပီဆိုတဲ့အကြောင်း၊သက်ဆိုင်ရာတွေကို စုံစမ်းကြည့်တဲ့အခါ အရင်ကကျောင်းသားတွေရဲ့ စာရွက်စာတမ်းတွေကမှ အတု ဖြစ်နေပီး မင်းအောင်လက်မှတ်ကအစစ်ဖြစ်တဲ့အကြောင်းတောင်းပန်စာနှင့်တကွရေးလာတယ်။
ဆိုလိုတဲ့အကြောင်းအရာက မိမိတို့ကိုယ်တိုင်လည်း နယ်ပယ်အသီးသီးမှာ တခါတလေကြီးမားတဲ့ဆုံးဖြတ်ချက်တွေကျရတဲ့အခါ အပေါ်ယံလေးတွေကိုကြည့်ပြီးရွှေးချယ်မူတွေ မှားခဲ့ကြဖူးပါတယ်။
အခုကဆိုလာ Grade A panel တွေကြားထဲမှာ Quality မမီတဲ့ panel တွေ၊ Reject တွေ၊ Refurbished တွေကို ရောရောင်းနေကြတာဗျ။ ဝယ်သူက အပြင်ပန်းကြည့်ရင် အတူတူပဲထင်ပေမယ့် နည်းပညာအရတော့ လုံးဝကို ကွာခြားသွားတာပါ။
ကျွန်တော်တို့ PVတွေမှာ 'Series' ချိတ်တယ်ဆိုတာ တကယ်သတိထားရမယ့် ကိစ္စဗျ။ ရေပိုက်တန်းနဲ့ ဥပမာပေးရရင် ပိုက်တစ်လုံးသာ ပိတ်သွားရင် ရေစီးကြောင်းတစ်ခုလုံး ထိခိုက်သွားသလိုမျိုးပဲ။ Panel တစ်ချပ်လောက်ပဲ Quality မကောင်းတာပါလို့ ထင်ရပေမယ့် အဲ့ဒီ Panel တစ်ချပ်ကြောင့် series တပ်ထားတဲ့ String တစ်ခုလုံးရဲ့ စွမ်းဆောင်ရည်တွေ ကျဆင်းသွားတတ်တယ်။ Current mismatch ဖြစ်တာ၊ Hotspot တွေ ဖြစ်တာ၊ အပူတွေ တက်လာတာ၊ Power loss ဖြစ်ပြီး System တစ်ခုလုံးရဲ့ သက်တမ်းပါ တိုသွားတာမျိုးတွေ ဖြစ်လာနိုင်တယ်။ 'နည်းနည်းပဲ ကွာမှာပါ' လို့ မထင်ပါနဲ့၊ အဲ့ဒီ 'Weak' ဖြစ်နေတဲ့ Panel တစ်ချပ်က တစ်ခုလုံးကို ဆွဲချသွားနိုင်တာပါ။
ဆိုလာနယ်ပယ်မှာလည်း Customer တွေရဲ့ စကားတွေကိုခနခနကြားနေရတယ်။ Page Messenger /Viber /Phone တို့ကနေမေးမြန်းဆက်သွယ်လာကြတယ်။အရင်ဝယ်ယူတပ်ဆင်ခဲ့တဲ့ ဆိုလာအဖွဲ့တွေက လူတွေအထင်ကြီးအောင် Showroom တွေဘာတွေနဲ့ ဆိုင်ဟိန်းနေအောင် ဖွင့်ထားလို့အထင်ကြီးပီးဝယ်တပ်လိုက်တာ။ နောက်ပိုင်း errorတွေဖြစ်လို့ ဖုန်းဆက်လည်းမကိုင် ကိုင်ပြန်တော့လည်း လာမယ်လာမယ်နဲ့ မနက်ဖြန်တဘက်ခါတွေနဲ့ပေါ်မလာလို့ ဆရာတို့လာကြည့်ပေးပါအုံး။ အဲ့ဒါနဲ့ မေးကြည့်တယ်After Sale Service (Warranty)တွေမပေးကြဘူးလားလို့မေးတော့ မသိဘူးတဲ့။ တချို့ကလည်း ရောင်းတုံးကတော့ အကုန်တာဝန်ယူတယ် ရောင်းလည်းပီးရော လည့်မကြည့်တော့ဘူးတဲ့။
အချုပ်အားဖြင့်ဆိုရလျင် အိမ်ရှင်တွေလည်း ဘယ်သူဈေးအချိုဆုံး ပေးနိုင်မလဲဆိုတာကို မပြိုင်ကြပါနဲ့။ ကျွန်တော်တို့ အားလုံး ဈေးနှုန်းထက် **Standard (စံချိန်စံညွှန်း)** ကို ပြိုင်ကြရအောင်ပါ။ တားလို့မရတဲ့ သဘာဝဘေးရှိပေမယ့်၊ တားလို့ရတဲ့ "လူလုပ်ဘေးအန္တရာယ်" ကိုတော့ အတူတူ ကာကွယ်ကြရမှာပါ။ အတုအရောင်တွေများတဲ့ခေတ်မှာ တပ်ဆင်တဲ့အဖွဲ့ (Company) များအနေနဲ့လည်း နည်းပညာအရ ဖြစ်စေ သတ်မှတ်ထားသော စံစည်းမျဉ်း၊ စည်းကမ်းဘောင်များထဲမှနေ၍ နှစ်၊ လ၊ နာရီနှင့်အမျှ လုပ်ငန်းခွင် ဘဝတစ်လျှောက်လုံး ထိန်းသိမ်းစောင့်ရှောက် နေထိုင်ရမည် ဖြစ်ပါတယ်။
နည်းပညာရှင်တွေဟာ သင်္ချာ၊ သိပ္ပံ၊ စီးပွားရေးနှင့် လူမှုရေးပညာရပ်တို့ကို လေ့လာ၊ သင်ကြား၊ လေ့ကျင့်မှု၊ အတွေ့အကြုံများမှ ရရှိလာသော အသိပညာ၊ အတတ်ပညာများကို အခြေခံကာ သဘာဝသယံဇာတနှင့် လူသား အရင်းအမြစ်များအား သဘာဝပတ်ဝန်းကျင် ထိခိုက်မှုအနည်းဆုံးဖြင့် အသုံးချပြီး၊ လူ့အဖွဲ့အစည်း အတွက် အကျိုးပြုသော အဆောက်အအုံများ၊ စက်၊ ယာဉ်၊ ယန္တရားများ၊ ကိရိယာတန်ဆာ ပလာများ၊ စွမ်းအားများ၊ ဝတ္ထုပစ္စည်းများ၊ ထုတ်လုပ်မှုနည်းစဉ်များကို ဒီဇိုင်းတွက်ချက်၊ တည်ဆောက်ထိန်းသိမ်းပေးနိုင်သည့် အသိဉာဏ် နှင့်ယှဉ်ပြီး အသုံးချရသော ပညာရပ်ဖြစ်သည်နှင့်အညီ နည်းပညာရှင် အားလုံးသည် မိမိတို့၏ ပညာရပ် ဂုဏ်သိက္ခာမညှိုးနွမ်းစေရန် အထူးဂရုစိုက်ပြီး၊ ဆောင်ရွက်ဘို့လိုကြောင်း တိုက်တွန်းအပ်ပါသည်။
ဖတ်ရူတဲ့အတွက်ကျေးဇူးတင်ပါတယ်။
Crd; AEG-Established-2013
**** Approved Partner SSP ****
(LORENTZ မှတရားဝင်အသိမှတ်ပြုကိုယ်စားလှယ်)
အသေးစိတ်သိလိုသော အချက်များနှင့် ပတ်သက်ပြီး
Hot-line : 09 4252 19942
လိပ်စာ။ ။ အမှတ်(၃၆၇)၊ ကျွန်းပင်သာရပ်ကွက်၊ မြစ်ကြီးနားမြို့။
သို့ ဆက်သွယ်မေးမြန်းစုံစမ်းနိုင်ပါသည်...။
