30/08/2026
"အိမ်ရှင်က QC ထည့်ရင် ပိုပေးရမှာလား?" 🤔
"ဆောက်လုပ်ရေးသမားက အစကတည်းက စံချိန်စံညွှန်းအတိုင်း ကောင်းအောင်ဆောက်ရမှာပေါ့... ကြားထဲက QC ပါလာလို့ဆိုပြီး စျေးပိုပေးရမယ်ဆိုတာ လောဘကြီးတာ မဟုတ်ဘူးလား?" 🤔
အပေါ်ယံ ကြည့်ရင်တော့ ဒီစကားက မှန်သလိုလိုပါပဲ။
အစကတည်းက စံနှုန်းအတိုင်း ကောင်းကောင်းဆောက်ထားရင် QC ပါသည်ဖြစ်စေ၊ မပါသည်ဖြစ်စေ ဘာမှ ထူးမသွားပါဘူး။ ဆောက်လုပ်ရေးသမားအတွက်လည်း ခေါင်းအေးတယ်၊ လက်ရာကောင်းရင် QC ထက် ဆောက်လုပ်ရေးသမားကပဲ နာမည်ပိုရတာပါ။
ဒါပေမဲ့ လက်တွေ့ ဆိုက်ထဲမှာတော့ QC ပါလာရင် ပုံမှန်ထက် ကုန်ကျစရိတ်တွေ ပိုလာစေတဲ့ အမှန်တရားတွေ ရှိနေပါတယ်။
မှန်အောင် လုပ်ထားပေမဲ့ "မှန်ကြောင်း သက်သေပြဖို့" လေဘာပါ ပိုကုန်ပါတယ်။ အချိန်ရော ပိုကုန်ပါတယ်။ Time ဆိုတာ Construction မှာ Cost ပါပဲ။
ဆိုဒ်တွေမှာ ဖြစ်လေ့ရှိတဲ့ ဉပမာတစ်ခုပေါ့ ပြောပြမယ်ဗျ။
မနက်ပိုင်း ကွန်ကရစ်လောင်းဖို့ အရာရာ အဆင်သင့် ဖြစ်နေပြီ။ ညနေပိုင်း မိုးလေဝသ ကင်းစင်တုန်း လောင်းချင်ပေမဲ့ QC Inspection မဝင်ရသေးလို့ လောင်းခွင့်မရဘူး။
အဲဒီအခါ အလုပ်သမားတွေကို "မနက်ပိုင်းပဲ ခိုင်းရသေးတာမို့လို့ ညနေ ကွန်ကရစ် မလောင်းရတော့ရင် အလုပ်မရှိဘူး၊ နားလိုက်တော့... နေ့တစ်ဝက်ခပဲ ရမယ်" လို့ လုပ်လို့ ရမလား? လုံးဝ မရပါဘူးခင်ဗျာ။ လေဘာခ (၁) ရက်စာ အပြည့် ပေးလိုက်ရတာပါပဲ။
ဒီတင် ပြီးလားဆိုတော့ မပြီးသေးဘူး... နောက်နေ့မနက်ကျ မိုးက ရွာချလာပြန်တော့ မနက်ခင်း သန့်ရှင်းရေး ရှင်းလင်းရေးတွေကို အစကနေ ပြန်လုပ်ရပြန်တယ်။ အဲဒီမှာတင် လေဘာခတွေ၊ အချိန်တွေ ထပ်ကုန်သွားတာပါပဲ။
Material test result တွေဆိုလဲ ပုံမှန်အတိုင်း သက်ဆိုင်ရာ Supplier ဆီကယူ၊ ပြီးမှ Random စစ်ရမယ့်အစား QC ပါလာရင် အဆင့်တိုင်းကို Third Party Lab တွေအထိ ပို့စစ်ရတော့ လမ်းစရိတ်ရော စစ်ဆေးခပါ ပိုကုန်သွားပါတယ်။
ဒါတင်ပဲလားဆိုတော့... QC ဆိုတိုင်းလည်း အမှန် အကုန်သိကြတာမှ မဟုတ်တာ။ Site Experience မရှိဘဲ သင်တန်းတက်ပြီး တန်းလုပ်တဲ့ QC မျိုးဆို ဆိုဒ်ထဲက အခြေအနေကို ဆင်ခြင်တုံတရားနဲ့ မစဉ်းစားဘဲ တယူဆန်တတ်ကြပါတယ်။ Client ဆိုတာလဲ Contractor စကားထက် QC စကားပဲ ပိုယုံတာဆိုတော့ အဲဒီအခါ QC က တကယ် Qualified မဖြစ်ဘဲ လွဲမှားတဲ့ အမိန့်ပေးချက်တွေ၊ ဇွတ်ခိုင်းတာတွေ လုပ်လာရင် အောက်က Construction အဖွဲ့မှာ မလိုအပ်ဘဲ အချိန်တွေ ကုန်၊ ကုန်ကျစရိတ်တွေ တက်ပြီး အိမ်ရှင်နဲ့ပါ မျက်နှာပျက်ရတဲ့အထိ ဒုက္ခရောက်ရပါတယ်။
ဥပမာ- ဆောက်လုပ်ရေး စံနှုန်းအရ ခွင့်ပြုချက် ရာခိုင်နှုန်း (Tolerance) ဆိုတာ ရှိပေမဲ့ လုံးဝ ၁ မီလီမီတာမှ မလွဲရဘူးဆိုပြီး တယူဆန် ဇွတ်ခိုင်းတဲ့အခါ မလိုအပ်ဘဲ ပြန်ဖျက်၊ ပြန်လုပ် (Rework) တွေ လုပ်ရပြီး ကုန်ကျစရိတ် အရမ်းတက်လာပါတယ် ခင်ဗျာ။"
အခု AI ခေတ်ရောက်တော့ ပိုဆိုးတာပေါ့ 😁
ဆိုက်ထဲက အခြေအနေကို AI ထဲ ရိုက်ထည့်၊ AI က ပြန်ပြောတာကို လိုက်မှက်ပြီး ဆိုက်ထဲမှာ လာဆရာလုပ်၊ လာငြင်းနေရင် ကုန်သွားတဲ့ အချိန်တွေကလည်း costတွေပါပဲ။
ကျွန်တော်တို့ Thiha Dana လည်း အစကတော့ ဘာမှ မထူးပါဘူးဆိုပြီး QC ထည့်တဲ့ အတွက် ပိုမယူခဲ့ပါဘူး။
ဒါပေမဲ့လဲ လေဘာကို ပုံမှန်ထပ် ပိုပေးရတာတွေ၊ Material Testing အတွက် စရိတ်တွေ၊ Time Delay နဲ့ QC Request တွေကို လိုက်လုပ်ပေးရတဲ့ စရိတ်တွေကြောင့် ဆိုဒ်တစ်ခုအစကနေ အဆုံးအထိဆို ကုန်ကျစရိတ်က တကယ်တက်တာပါ။
ပုံမှန် Overhead & Contingency Cost ၅% မှ ၁၀% ရှိနေရာကနေ QC ပါလာရင် ၁၅% ကျော်လောက်ထိကို တက်သွားပါတယ်။
ဒါဆို "QC ပါလို့ စျေးပိုတောင်းတဲ့အခါ Client က မကြိုက်မှာစိုးရင်... အစကတည်းက ၁၀% လောက် ပိုတောင်းထားလိုက်ရင်ရော မရဘူးလား?" မေးစရာ ရှိလာပါတယ်။အစကတည်းက စျေးပိုတောင်းထားရင် QC မထည့်တဲ့ အိမ်ရှင်တွေအတွက် မတရား ဖြစ်သွားသလို့ စျေးများသွားလို့ အလုပ်မရမှာကိုလဲ စိုးရပါတယ်။
ဒါကြောင့် Thiha Dana မှာတော့ အိမ်ရှင်တွေကို ပွင့်လင်းမြင်သာမှုရှိအောင် အမြဲ ရှင်းပြပါတယ်။ အိမ်ရှင်အနေနဲ့ မိမိစိတ်ကြိုက် Third Party QC ထည့်ချင်တယ်ဆိုရင် QC နဲ့ ပတ်သက်မယ့် Extra Overhead Cost အနည်းငယ် သီးသန့် ပါဝင်လာမှာ ဖြစ်ကြောင်း အစကတည်းက ပွင့်ပွင့်လင်းလင်း ရှင်းပြ စာချုပ်ချုပ်တာက နှစ်ဦးနှစ်ဖက် အကောင်းဆုံးနဲ့ အမျှတဆုံး ရလဒ်ဖြစ်ပါလိမ့်မယ် ခင်ဗျာ။
🏗️ Thiha Dana Construction Group
👷♂️ Thiha Su Aung | B.E (Civil) - T. T. U
📞 09-964461691
#အိမ်ဆောက်ဗဟုသုတ
