14/06/2021
ဒီတစ်ပတ်မှာတော့ အဆောက်အဦးဆောက်လုပ်တဲ့အခါ လူအများကြားရေပန်းစားတဲ့ PAE စနစ်အကြောင်းလေးကို ဝေမျှပေးချင်ပါတယ်။ အရင်ဆုံး PAE စနစ်ဆိုတာ ဘာလဲနဲ့ စလိုက်ကြရအောင်။
PAE ဆိုတာ Plinth Area Estimate ရဲ့အတိုကောက်ဖြစ်ပါတယ်။ နားလည်အောင်ပြောရရင် ဧရိယာ တစ်စတုရန်းပေပတ်လည်အတွက် ပန်းရံ၊လက်သမား၊ ဆေးအားလုံးပါပြီးသား အကြမ်းဖျင်းကုန်ကျစရိတ်ကို ဆိုလိုတာပါ။ ဥပမာ ပေ ၃၀ × ၄၀ အကျယ်ရှိတဲ့ အဆောက်အဦးတစ်ခုကို PAE Rate 25000 နဲ့ ဆောက်မယ်ဆိုပါစို့။ ဧရိယာ (၃၀×၄၀ = ၁၂၀၀ စတုရန်းပေ) × ၂၅၀၀၀ = ၃၀,၀၀၀,၀၀၀ ကျပ်ရရှိပါမယ်။ ရလာတဲ့ပမာဏကို ကိုယ်ဆောက်လိုတဲ့ အထပ်အရေအတွက်နဲ့ မြှောက်ပေးရင် အကြမ်းဖျင်းကုန်ကျစရိတ်ကို အလွယ်တကူခန်မှန်းနိုင်ပါတယ်။ အိမ်ရှင်တွေအနေနဲ့ မိမိတတ်နိုင်တဲ့ Budget နဲ့ ဆီလျော်အောင်ချိန်ညှိပြီး စိတ်တိုင်းကျ အိမ်Design တွေကို ဆောက်လုပ်နိုင်မှာဖြစ်ပါတယ်။
သို့ပေတဲ့ PAE စနစ်ကိုသုံးတဲ့အခါ ဘယ်လိုယူတွက်သလဲဆိုတာကလဲ အရေးကြီးပါတယ်။ ဉပမာ 30ပေ x 40ပေ သုံးထပ် အဆောက်အအုံတခုကို သိန်းတစ်ထောင် ကုန်တယ်ဆိုကြပါစို့။30X40=1200 စပေ နဲ့ သုံးထပ်ဆိုတော့ စုစုပေါင်း 3600စပေ ရှိတယ်ဆိုပါတော့။ ဒါဆို 100,000,000/3600 = 27,777.77 ကျပ်/စပေ ရပါတယ်။
ဒါပေမယ့် တချို့က အမိုး RC Slab ဖြစ်ရင် နောက်ထပ် 0.25 ကနေ 0.5ထိ ထည့်ပေါင်းတာရှိသလို foundation အတွက် သုံးထပ်နဲ့အထပ်ဆိုရင်လည်း 0.25 ကနေ 0.5 ထိ ထည့်ပေါင်းတာတွေရှိတယ်။ ဆိုလိုချင်တာကတော့ အဲ့ဒီလိုသာ ထည့်ပေါင်းခဲ့ရင် စောစောက တွက်ခဲ့တဲ့ စုစုပေါင်း ကြမ်းခင်းဧရိယာဟာ 1200*4=4800 စပေ ဖြစ်သွားမယ်ပေါ့။ ဒါဆိုPAE Rate 100,000,000/4800 =20,833 ကျပ်/စပေ ပဲ ရတော့တယ်။ အဲ့ဒီနှစ်ခု ယှဉ်ကြည့်တဲ့အခါ ဒုတိယဟာက ပိုပြီးစျေးချိုတယ်ထင်စရာရှိပေမယ့် စုစုပေါင်း ကုန်ကျစရိတ်ကတော့ အတူတူပဲ မဟုတ်လား။ ဒါကြောင့် PAE ကို အကြမ်းဖျင်းခန့်မှန်းကုန်ကျစရိတ်အတွက်သာ မှီငြမ်းသင့်ပြီး ထည့်ဝင်မဲ့ ပစ္စည်းအမျိုးအစား၊ ငလျင်ဒဏ်ခံလား၊ မခံဘူးလားစသည် Detailed Estimate နဲ့တွက်ချက်ပြီး စုစုပေါင်းကုန်ကျစရိတ်ကို နှိုင်းယှဉ်ခြင်းကသာ အမှန်ကန်ဆုံး ဖြစ်မယ်လို့ ယူဆရပါတယ်။
Credit to original owner
Our team Always Try to Fulfill client requirements...!!!
We care about your Feelings, Emotions, Dreams, All of your needs...!!!
Contact us Any time for your Dream Design..!!!
Ph: 09 202 8046 / 09 517 9827
