https://www.facebook.com/105645865165361/

Burmese Structuralism, Yangon (2026)

14/02/2026

Single span (Clear Span) Warehouse တွေကို Seismicity မြင့်တဲ့ ဒေသတွေမှာတည်ဆောက်တဲ့အခါ......................

*** အခုပိုစ့်မှာ ပါတဲ့အကြောင်းအရာတွေက Seismicity မြင့်ပြီး Wind Design ထက် Seismic Design က control ဖြစ်တဲ့ ဒေသတွေမှာ Clear Span (single span warehouse ) တွေတည်ဆောက်တာကို ရည်ညွှန်းချင်တာ ဖြစ်ပါတယ်။

Warehouse က Light-weight ဖြစ်တယ်။ Wind Control ဖြစ်တယ်ဆိုတဲ့ အရပ်ဒေသတွေကို ဆိုလိုရင်း မဟုတ်ပါ ***

Warehouse ဆိုတာက လူနေအိမ်နဲ့ မတူညီတဲ့ Load Paths နဲ့ တည်ဆောက်ထားတာ ဖြစ်ပါတယ်။Independent Load Paths ("တစ်ကိုယ်တော် တာဝန်ယူမှု" စနစ်) လို့ ပြောလို့ရပါတယ်။ ဒါကို မြင်သာအောင်ပြောရရင်

Warehouse တစ်ခုမှာ Frame တစ်ခုချင်းစီက သူ့ရဲ့ Tributary Area (သူ့အပေါ်ကျရောက်တဲ့ ဝန်ဧရိယာ) ကိုပဲ သူတာဝန်ယူတာပါ။

Frame တစ်ခုခုက design သို့မဟုတ် တည်ဆောက်ရေးချို့ယွင်းချက် ရှိခဲ့ရင် ကျန်တဲ့ Frame က လှမ်းမကူညီနိုင်တဲ့ အဆောက်အဦး အမျိုးအစားဖြစ်ပါတယ်။

တကယ်လည်း Roof purlins တွေ၊ Tie beam တွေက အဲဒီလောက် ဝန်ကြီးကြီးကို ဘေး frame ဆီ လွှဲပေးဖို့ Design လုပ်ထားတာ မဟုတ်လို့ပါ။

Warehouse တွေရဲ့ Roof Diaphragm (အမိုးပြား) က သံပြား (Metal Sheet) တွေ ဖြစ်တာကြောင့်အဆောက်အဦ တစ်ခုလုံးရဲ့ Load ကို တခြား Frame တွေဆီ လွှဲပေးဖို့ အတွက် Rigidity မလုံလောက်ပါဘူး။

ဒါဟာ လူနေအိမ်တွေနဲ့ ကွဲပြားတဲ့ အချက်ဖြစ်ပါတယ်။

လုပ်ငန်းရှင်အများစုကလည်း 'အလယ်တိုင်ဖျောက်' ထားတဲ့ Single Span (Clear Span) Warehouse တွေကိုပဲ ရွေးချယ်ချင်ကြပါတယ်။

Forklift တွေ လွတ်လပ်စွာ မောင်းနှင်ဖို့၊ Racking System တွေကို စိတ်ကြိုက်နေရာချဖို့နဲ့ နောင်တစ်ချိန် Layout ပြောင်းလဲဖို့အတွက် အလယ်တိုင်ဆိုတာ ကြီးမားတဲ့ အဟန့်အတားတစ်ခုပါ။ ဒါဟာယထာဘူတ ကြတဲ့ တောင်းဆိုမှု တစ်ခုပါ။

ဒါကြောင့် Single span (clear Span ) warehouseတွေ မဖြစ်မနေ တည်ဆောက်ရပြီး ဆိုရင် Moment Frame Direction ဘက်မှာ........

သမားရိုးကျ Redundancy 1 မဟုတ်ပဲ 1.3 သုံးပေးရပါတယ်။
(တိုင် ၂ လုံးပဲ ရှိပါတယ်။ Single Span မှာက ကူမယ့်သူ မရှိတဲ့အတွက် တစ်ဖက်က ပျက်စီးသွားတာနဲ့ Frame ရဲ့ Lateral Stability က ချက်ချင်း ပျောက်ဆုံးသွားပါတယ် )

ဒါဟာ Designer ရဲ့ ဆုံးဖြတ်ချက်မဟုတ်ပါဘူး။ ASCE တို့ MNBC တို့ရဲ့ တောင်းဆိုမှု ဖြစ်ပါတယ်။

၁၉၉၄ Northridge ငလျင်အပြီးမှာ ASCE နဲ့ အခြား Code တွေဟာ Single-span တွေရဲ့ အန္တရာယ်ကို သတိပြုမိပြီး Redundancy Factor (Redundancy= 1.3) ကို မဖြစ်မနေ သုံးဖို့ စည်းမျဉ်းတွေ ထုတ်ခဲ့ရတာပါ။

တကယ်လို့ Redundancy = 1.3ကို သုံးလိုက်ပြီဆိုရင် Structural Designer အနေနဲ့ အောက်ပါစိန်ခေါ်မှုတွေ ကြုံလာရမှာဖြစ်ပါတယ်။

Section Sizes: ပုံမှန်ထက် ကြီးမားတဲ့ H-Beam သို့မဟုတ် Built-up Section တွေ သုံးရပါမယ်။ (ဥပမာ - Web thickness ပိုထူလာတာ၊ Fl**ge ပိုကျယ်လာတာမျိုး)

Connection Detail: ငလျင်အား ၃၀% ပိုများလာတဲ့အတွက် မူလီ (Bolts) အရေအတွက် ပိုများလာမယ်၊ Plate အထူတွေ ပိုထူလာပါမယ်။

Foundation: တိုင်ခြေ (Base) မှာကျရောက်မယ့် Moment ကလည်း ၃၀% ပိုများသွားတဲ့အတွက် Foundation ဆိုဒ်တွေ သိသိသာသာ ကြီးလာပါလိမ့်မယ်။

ဒါကို လုပ်ငန်းရှင်ကို ပြောပြဖို့က လိုအပ်လာပါတယ်။

တကယ်လို့ လုပ်ငန်းရှင်က ကုန်ကျစရိတ်ကြောင့် Redundancy 1.3 ကို လက်မခံချင်ဘူးဆိုရင် အင်ဂျင်နီယာအနေနဲ့ .....

အလယ်တိုင် (Interior Column) တစ်တိုင်လောက် ထည့်ခွင့်ပြုပါပေါ့။(Multi-span ဖြစ်သွားတဲ့အတွက် Redundancy = 1.0 နဲ့ တွက်လို့ရမယ်၊ Steel တန်ချိန် လျော့သွားမယ်၊ ဒါပေမဲ့ အလယ်မှာ တိုင်ခံနေမယ် ဆိုပြီး တောင်းဆိုရပါတယ်။

အသိသာဆုံး ဥပမာပေးရရင် -

"ဘီး ၄ ဘီးပါတဲ့ ကားတစ်စီး" နဲ့ "ဆိုင်ကယ် ၅ စီး" မောင်းတာကိုပဲ မြင်ကြည့်ရပါမယ်။

Multi-span က ဘီး ၄ ဘီးပါတဲ့ ကားတစ်စီးလိုပဲ။ ဘီးတစ်ဘီး ပေါက်သွားရင်တောင် ကျန်တဲ့ ၃ ဘီးနဲ့ တရွတ်တိုက် ဆွဲသွားလို့ရသေးတယ် (Redundant ဖြစ်တယ်)။

Single-span warehouse ဆိုတာ ဆိုင်ကယ် ၅ စီးကို ဘေးချင်းယှဉ် မောင်းနေတာနဲ့ တူပါတယ်။ ဆိုင်ကယ်တစ်စီးက ဘီးပေါက်ရင် အဲဒီဆိုင်ကယ် လဲမှာပဲ။ ဘေးက ဆိုင်ကယ်တွေက ဝိုင်းမထိန်းပေးနိုင်ဘူး (Not Redundant)။

ဆိုင်ကယ်မှာ ဘီး ၂ ဘီးပဲ ရှိတဲ့အတွက် တစ်ဘီးပေါက်ရင် မောင်းလို့မရတော့သလို ၊ Single-span frame ကလည်း တိုင်တစ်လုံး မရှိတော့ရင် သူကိုယ်တိုင် မတ်မတ်ရပ်ဖို့ မဖြစ်နိုင်တော့ပါဘူး။

နောက်တစ်ခုက ငလျင်ဒဏ်ခံ အဆောက်အဦး ဆောက်တယ်ဆိုတာ အရိုးရှင်းဆုံး မြင်အောင်ပြရရင်.....

Center of mass ရဲ့ တစ်ဖက်တစ်ချက်စီတိုင်းမှာ LFRS (Lateral force resisting system ) တွေ လိုက်ထည့်နေရတာပါပဲ။ Vertical Bracing တွေ ပေါက်ကရ ထည့်တာမျိုးကိုလည်း ရှောင်ရှားရပါမယ်။

14/02/2026

ကျနော့်ဆီမှာ Prota တန်းတက်ဖို့လာပြောထားတဲ့ကျောင်းသားအချို့ ဆက်သွယ်လာပေးပါနော်

#လောဆယ်‌ကျောင်းသားသီးသန့်ပါ

01/02/2026

"အကွာအဝေးက ၂ ဆ ဝေးသွားပေမဲ့၊ ခိုင်မြဲဖို့ကျတော့ ၁၆ ဆ ပိုကြိုးစားရတယ်" ဆိုတာ......

Deflection ပါ။

(Inertia) Cube of Depth နဲ့ ပြန်လည်ခုခံနေနိုင်ရင်တော့ အဆင်ပြေမှာပါ။
🥹🥹

26/01/2026

(1) HRB 500 ကို 12" သို့ 14" column width ထဲ အတင်းထည့်နေတာက ဘာနဲ့တူသလဲဆို .…....

"" မတော်တဲ့ ဖိနပ်ကို စီးနေရတာနဲ့လည်း သွားတူတယ် ""

ခြေထောက်က ၉ လက်မပဲ ရှိပြီး ဖိနပ်က ၁၂ လက်မ ဖြစ်နေရင် ဘယ်လောက်ပဲ တန်ဖိုးကြီးတဲ့ Brand ဖြစ်ဖြစ် စီးရတာက အဆင်မပြေ။

(2)Ldh မရလို့ HRB 500ကနေ size မမှန်တဲ့ HRB 400 ကို ဒဲ့change ပြီးသုံးနေတာကျ ဘာနဲ့တူသလဲဆို .......

""ဖိနပ်က မတော်တဲ့အထဲ၊ ခြေထောက်က ထော့နဲ့ ထော့နဲ့ ဖြစ်နေတာနဲ့ "" သွားတူတယ်။

(3) HRB 500 တို့ 400 တို့ကို 1:2:4 နဲ့လောင်းနေတာကျ ဘာနဲ့သွားတူသလဲဆို

"" အင်ဂျင်အကောင်းစား ကားတစ်စီး ဘီးပေါက်နေလို့ သွားမရတာနဲ့"" သွားတူနေတယ်။

အထက်ပါ အကြောင်းအရာတွေ အကုန်လုံးကို အနှစ်ချုပ်လိုက်ရင်တော့ "" ကလေးပုခက်ထဲ လူကြီးဝင်အိပ်နေသလိုမျိုးပဲ။

24/01/2026

The Mastery of Gravity: Gravity-fed irrigation system

မြန်မာပြည်အလယ်ပိုင်းက Hydraulic အင်ဂျင်နီယာ အမွေအနှစ်

မြန်မာနိုင်ငံ အလယ်ပိုင်း (Dry Zone) ရဲ့ စိုက်ပျိုးရေး ကဏ္ဍကို ရာစုနှစ်တစ်ခုမက ထောက်ပံ့ပေးနေတာကတော့ ခေတ်မီစက်ကိရိယာတွေ မဟုတ်ဘဲ ၁၉ ရာစုနှောင်းပိုင်းက ဗြိတိသျှတွေ တည်ဆောက်ခဲ့တဲ့ "ကမ္ဘာ့မြေဆွဲအား အခြေပြု ဆည်မြောင်းကွန်ရက်" (Gravity-fed Irrigation System) ပဲ ဖြစ်ပါတယ်။

နိုင်ငံရေး နောက်ခံတွေကို ဖယ်ထားရင် ဒါဟာ ကမ္ဘာ့အဆင့်မီ တိကျတဲ့ လူလုပ် အင်ဂျင်နီယာ အတတ်ပညာရဲ့ ပြယုဂ်တစ်ခု ဖြစ်ပါတယ်။

(၁) အမှီပြုမြစ်ကို အခြေခံပြီး ရေလွှဲဆည်တွေတည်ဆောက်တာကတော့ ပထမအခြေခံအချက်ဖြစ်ပါတယ်။ ရွှေဘိုနယ်ဆိုရင် မူးမြစ်ရှိမယ်။ မန္တလေးနယ်ဆိုရင် မြစ်ငယ်မြစ်၊ ကျောက်ဆည်နယ်ဆိုရင် ပန်းလောင်နဲ့ဇော်ဂျီမြစ်၊ မကွေးနယ်ဆိုရင် မုန်းချောင်း ဖြစ်ပါတယ်။

(၂) ရေကို လမ်းကြောင်းမှန်အောင် ထိန်းချုပ်နိုင်ဖို့ မြေမျက်နှာပြင် အနိမ့်အမြင့် (Contours) ကို တိကျစွာ အသုံးချခြင်းကတော့ ဒုတိယ အခြေခံ အချက်ဖြစ်ပါတယ်။

** "Non-silting and Non-scouring Velocity" (နုန်းမတင်၊ မြောင်းမစားသော ရေစီးနှုန်း) ဖြစ်ဖို့ ဗြိတိသျှအင်ဂျင်နီယာတို့ ၁မိုင်မှာ ဘယ်နှစ်လက်မစောင်းမလဲ တွက်ယူကြတာဟာ အသက် ဖြစ်ပါတယ် **

(၃)တတိယ အခြေခံအချက်က မြောင်းရေနဲ့ ချောင်းရေ ဆုံတဲ့‌ "အဆုံနေရာ" (Cross Drainage Junction)ပါ။ မြောင်းရေက အပေါ်က စီးမလား၊ ချောင်းရေးကအပေါ်ကစီးမလား ဒါမှမဟုတ် မြောင်းရေနဲ့ချောင်းရေရောပြီး ပြန်ခွဲမလား ဆိုတာပဲ ဖြစ်ပါတယ်။

ဗြိတိသျှတွေက Aqueduct (ရေကူးတံတား)ကို အသုံးအများဆုံး ဖြစ်သည်။ အကြောင်းမှာ လူလုပ်မြောင်းအတွင်းရှိ ရေစီးနှုန်းကို မပျက်စီးစေဘဲ မြောင်းကို လွတ်လပ်စွာ စီးဆင်းစေချင်သောကြောင့် ဖြစ်သည်။

မင်းဘူး (မကွေး) နယ်ရှိ မဲဇလီဆည်မှ ခွဲထွက်သော မြောင်းများတွင် အံ့မခန်းဖွယ် ရေကူးတံတား (Aqueducts) အမြောက်အမြားကို ယနေ့တိုင် တွေ့မြင်နိုင်ပါသည်။

(၄) စတုတ္ထ အခြေခံ အချက်က နှုန်းးစစ်တာပါ။ဥပမာ- မန္တလေးနယ်က မြစ်ငယ်မြစ်သည် သဘာဝအရ နုန်းအလွန်များသော်လည်း Sedaw Weir တွင် ထည့်သွင်းထားသော Silt Excluder တံခါးများက မြောင်းအတွင်း နုန်းမဝင်အောင် စနစ်တကျ ဟန့်တားပေးပါတယ်။

အင်ဂျင်နီယာရှု့ထောင့်အရ ကောင်းမွန်လှတဲ့ လက်ရာဆိုပေမယ့် လူတွေနဲ့ တူးခဲ့ရတာကတော့ မြင်ယောင်ကြည့်ရတာ မလွယ်လှပါဘူး။

ဥပမာအားဖြင့် ရွှေဘိုမြောင်းမကြီး ကို ကြည့်မယ်ဆိုရင် -
မြောင်းအကျယ်ဟာ ပေ ၁၀၀ နီးပါးရှိပြီး အနက်ကလည်း ၁၀ ပေကျော် ရှိတတ်ပါတယ်။

ဒီလို အကျယ်၊ အနက်နဲ့ တူးဖို့အတွက် မြေသားပေါင်း ကုဗပေ သန်းပေါင်းများစွာ ကို လူတွေက ခြင်းတောင်းနဲ့ ခေါင်းပေါ်ရွက်ပြီး ဖယ်ရှားခဲ့ကြရတာပါ။

အကယ်၍ ရွှေဘိုမြောင်းမကြီးသာ မရှိခဲ့လျှင် မူးမြစ်ရေသည် ဧရာဝတီမြစ်ထဲသို့ တိုက်ရိုက် စီးဝင်သွားမည်ဖြစ်ပြီး ရွှေဘိုလွင်ပြင်ရှိ လယ်ဧက ပေါင်းများစွာမှာ ယနေ့ကဲ့သို့ စပါးများ စိုက်ပျိုးနိုင်မည် မဟုတ်ပါ။ ဤသည်မှာ လူသားတို့က သဘာဝကို အင်ဂျင်နီယာပညာဖြင့် ပြောင်းလဲလိုက်သော "လူလုပ်မြောင်း" ၏ အစွမ်းပင် ဖြစ်ပါသည်။

အင်ဂျင်နီယာတွေကတော့ များသောအားဖြင့် ဗြိတိသျှလူမျိုးတွေ ဖြစ်ကြပြီး၊ လက်တွေ့ တူးဖော်တဲ့သူတွေကတော့ မြန်မာနဲ့ အိန္ဒိယ လုပ်သားတွေ ဖြစ်ပါတယ်။

Dry Zone ရဲ့ နေ့ဘက် ၄၀ ဒီဂရီကျော်တဲ့ အပူရှိန်အောက်မှာ မြေကြီးကို ပေါက်တူးနဲ့ တူးရတာ ဖြစ်ပါတယ်။

တနယ်ချင်းစီ အကျယ် ပြန်ဖတ်ချင်ရင်.....

ရွှေဘိုနယ်ကနေ စတင်လိုက်ပါမယ်။

(1) ရွှေဘိုနယ် (Shwebo & Ye-U Canals)

မူးမြစ်ကို အခြေခံထားသည့် ဤစနစ်သည် ဧရာဝတီမြစ်နှင့် ချင်းတွင်းမြစ်ကြားရှိ လွင်ပြင်ကျယ်ကြီးကို အကျိုးပြုသည့် "လူလုပ်သွေးကြောကွန်ရက်" ဖြစ်သည်။

မူးမြစ်ကနေ ခွဲထွက်သွားတဲ့ အဓိက သွေးလွှတ်‌ကြောကြီး နှစ်ခု ရှိပါတယ် -

ရွှေဘိုမြောင်းမကြီး (Shwebo Main Canal): မြစ်ရဲ့ လက်ဝဲဘက်ခြမ်းကို ရေပေးဝေပါတယ်။ ဒါဟာ မူးမြစ်နဲ့ ဧရာဝတီမြစ်ကြားက မြေပြန့်လွင်ပြင်အတွက်ပါ။

ရေဦးမြောင်းမကြီး (Ye-U Main Canal): မြစ်ရဲ့ လက်ယာဘက်ခြမ်းကို ရေပေးဝေပါတယ်။ မူးမြစ်နဲ့ ချင်းတွင်းမြစ်ကြားက မြေပြန့်လွင်ပြင်ကို အကျိုးပြုပါတယ်။

ဒီမြောင်းနှစ်ခုလုံးကို မြေပြင်ရဲ့ အမြင့်ဆုံးနေရာ (Watershed Ridge) တွေအတိုင်း ဖောက်လုပ်ထားလို့ ဘေးပတ်ပတ်လည်က လယ်ကွင်းတွေကို မြေဆွဲအားနဲ့တင် ရေပေးနိုင်တာ ဖြစ်ပါတယ်။

ဒီကွန်ရက်မှာ အံ့ဩစရာအကောင်းဆုံးက "ရေကို လမ်းကြောင်းမှန်အောင် ထိန်းကျောင်းခြင်း" ပါပဲ။ မူးမြစ်ဟာ သဘာဝအတိုင်းဆိုရင် ရေကြီးချိန်မှာ ဘေးကို လျှံထွက်တတ်ပေမယ့် ဒီကွန်ရက်က မြစ်ကို စနစ်တကျ "ယဉ်ပါး" စေပြီး လိုအပ်တဲ့ စိုက်ပျိုးမြေတွေဆီကိုပဲ ပို့ဆောင်ပေးနိုင်ခဲ့တာ ဖြစ်ပါတယ်။

ဒါကြောင့် မူးမြစ်နဲ့ ချိတ်ဆက်ထားတဲ့ ဒီစနစ်ကို "Artificial Vein System" (လူလုပ် သွေးကြောကွန်ရက်) လို့တောင် အင်ဂျင်နီယာလောကမှာ တင်စားခေါ်ဆိုကြပါတယ်။

မန္တလေးနယ် ကို ကြည့်ရအောင်။

(2) မန္တလေးနယ်

မြစ်ငယ်မြစ် (ဒုဋ္ဌဝတီ) ကို အခြေခံထားသည့် ဤစနစ်သည် ရှမ်းရိုးမတောင်ခြေနှင့် ဧရာဝတီမြစ်ကြားရှိ မန္တလေးအရှေ့ဘက်လွင်ပြင်တစ်ခုလုံးကို စိမ်းလန်းစိုပြည်စေသည့် "အရှေ့ဘက်အိုအေစစ်" ပင် ဖြစ်သည်။

မန္တလေးမြောင်းမကြီး၏ ရေပေးဝေမှု စနစ်ကို ကြည့်မည်ဆိုလျှင် -
မြောင်းသည် မြစ်ငယ်မြစ်၏ လက်ယာဘက်ခြမ်းမှ ရေကိုစတင်ယူပြီး မန္တလေးမြို့၏ အရှေ့ဘက်၊ မြောက်ဘက်နှင့် အောင်မြေသာစံ၊ ပုသိမ်ကြီး မြို့နယ်များအထိ ကွန်ရက်ဖြန့်ကျက်ထားပါသည်။ ၎င်းသည် မြစ်ငယ်မြစ်နှင့် ဧရာဝတီမြစ်ကြားရှိ မြေပြန့်လွင်ပြင်ကို ရည်ရွယ်ထားခြင်းဖြစ်သည်။

ဤမြောင်းစနစ်ကို တည်ဆောက်ရာတွင် အံ့ဩစရာအကောင်းဆုံးမှာ "မြေမျက်နှာပြင် အနိမ့်အမြင့် (Contours) ကို တိကျစွာ အသုံးချခြင်း" ပင် ဖြစ်သည်။

ရေဝေကြောအတိုင်း စီးဆင်းခြင်း: မြောင်းလမ်းကြောင်းကို ရှမ်းရိုးမတောင်ခြေ၏ အမြင့်ပိုင်းများအတိုင်း ဖောက်လုပ်ထားသောကြောင့်၊ မြောင်း၏ အနောက်ဘက်ခြမ်းရှိ နိမ့်ဆင်းသွားသော လယ်ကွင်းများဆီသို့ မြေဆွဲအား (Gravity) ဖြင့်သာ ရေကို အလွယ်တကူ ဖြန့်ဝေပေးနိုင်ပါသည်။

သဘာဝချောင်းများကို ကျော်ဖြတ်ခြင်း: မန္တလေးမြောင်းသည် ရှမ်းရိုးမမှ ဆင်းလာသော တောင်ကျချောင်းများကို ဖြတ်ကျော်ရသော်လည်း၊ ရေကူးတံတား (Aqueducts) နှင့် လှိုင်ခေါင်း (Siphons) များအသုံးပြုကာ မြောင်းရေနှင့် ချောင်းရေကို မရောနှောစေဘဲ စနစ်တကျ ခွဲခြားစီးဆင်းစေခဲ့သည်။

ဤကွန်ရက်၏ အဓိက လျှို့ဝှက်ချက်မှာ "နုန်းနှင့် သဲများကို ထိန်းချုပ်ခြင်း" ပင် ဖြစ်သည်။ မြစ်ငယ်မြစ်သည် သဘာဝအရ နုန်းအလွန်များသော်လည်း Sedaw Weir တွင် ထည့်သွင်းထားသော Silt Excluder တံခါးများက မြောင်းအတွင်း နုန်းမဝင်အောင် စနစ်တကျ ဟန့်တားပေးထားပါသည်။

ထို့ကြောင့် မန္တလေးမြောင်းစနစ်သည် သဘာဝမြစ်ရေကို အင်ဂျင်နီယာနည်းပညာဖြင့် "ယဉ်ပါး" စေပြီး၊ ရေရှားပါးသော မန္တလေးလွင်ပြင်ကို ရာစုနှစ်နှင့်ချီ၍ စိုက်ပျိုးရေးအချက်အခြာဒေသ ဖြစ်လာစေရန် ဖန်တီးပေးခဲ့ခြင်း ဖြစ်ပါသည်။

ကျောက်ဆည်နယ်ကို ဆက်ကြည့်ပါမယ်။

(၃) ကျောက်ဆည်နယ် (Kyaukse District)

ကျောက်ဆည်နယ်သည် မြန်မာ့ဆည်မြောင်းသမိုင်းတွင် "အမိမြေ" ဟု တင်စားရလောက်အောင် အရေးပါသော ဒေသဖြစ်ပါသည်။

ဗြိတိသျှတို့ မရောက်ခင် ကုန်းဘောင်ခေတ်ကတည်းက စနစ်တကျ ရှိခဲ့သည့် မိရိုးဖလာ ဆည်မြောင်းများကို ၁၉ ရာစုနှောင်းပိုင်း (၁၈၉၀ ဝန်းကျင်) တွင် ခေတ်မီ (Modern Hydraulics) ဖြင့် အဆင့်မြှင့်တင်ကာ အားကောင်းသော Hydraulic Grid တစ်ခုအဖြစ် ပြောင်းလဲခဲ့သည်။

ကျောက်ဆည်နယ်၏ စိုက်ပျိုးရေးသွေးကြောများသည် မြစ်နှစ်စင်းကို အဓိက အမှီပြုထားပါသည် -

ဇော်ဂျီမြစ် (Zawgyi River): ကျောက်ဆည်မြို့နှင့် မြောက်ဘက်ပိုင်း ဒေသများကို ရေပေးဝေသည်။

ပန်းလောင်မြစ် (Panlaung River): မြစ်သားနယ်နှင့် တောင်ဘက်ပိုင်း ဒေသများကို အကျိုးပြုသည်။

အဆင့်ဆင့် ရေလွှဲစနစ် (Sequential Weir System)
ကျောက်ဆည်၏ အံ့မခန်း အင်ဂျင်နီယာ နည်းပညာမှာ မြစ်တစ်စင်းတည်းတွင် ဆည် (Weir) များကို အဆင့်ဆင့် တည်ဆောက်ထားခြင်း ဖြစ်သည်။ ဇော်ဂျီမြစ်ပေါ်တွင် အဓိကဆည်ကြီး (၅) ခုနှင့် ပန်းလောင်မြစ်ပေါ်တွင် (၄) ခု ရှိပါသည်။

ဤစနစ်ကို Cascading Diversion ဟု ခေါ်ဆိုနိုင်ပါသည်။ အပေါ်ဆုံးဆည်မှ ရေကို မြောင်းထဲသို့ ခွဲထုတ်လိုက်ပြီးနောက်၊ ပိုလျှံသွားသော ရေကို နောက်ထပ် မိုင်အနည်းငယ်အကွာရှိ ဒုတိယဆည်က ပြန်လည်ဖမ်းယူသည်။ ဤသို့ဖြင့် မြစ်ရေကို တစ်စက်မှ အလေအလွင့် မရှိစေရန် စနစ်တကျ လမ်းလွှဲယူခြင်း ဖြစ်သည်။

မ‌ကွေးဘက်ကို ဆက်သွားပါမယ်။
(၄) မကွေးနယ် - မင်းဘူး (Magway District)

မကွေးတိုင်း၏ အဓိက အင်ဂျင်နီယာလက်ရာမှာ ၁၉၁၁-၁၉၁၂ ဝန်းကျင်တွင် ဖွင့်လှစ်ခဲ့သော "မုန်းမြောင်းမကြီး" (Mon Canals) ဖြစ်ပါသည်။
ဤစနစ်သည် မြစ်ဝကျွန်းပေါ် မဟုတ်သည့် ဒေသများတွင် အကြီးမားဆုံးနှင့် အရှုပ်ထွေးဆုံး ဆည်မြောင်းစနစ်များထဲမှ တစ်ခု ဖြစ်သည်။

မုန်းချောင်းကို အခြေခံပြီး မဲဇလီ (Mezali) အရပ်တွင် ရေလွှဲဆည်ကြီးကို တည်ဆောက်ခဲ့သည်။ မုန်းချောင်း၏ သဘာဝအရ တောင်ကျစမ်းချောင်းကဲ့သို့ ရေစီးသန်ပြီး နုန်း (Silt) အလွန်များပါတယ်။

မုန်းချောင်းမှ လာသော နုန်းများ မြောင်းထဲသို့ မဝင်ရောက်စေရန် အဆင့်မြင့် Silt Excluders (နုန်းထုတ်တံခါး) များကို တည်ဆောက်ခဲ့ရသည်။ ၎င်းသည် မြောင်းများ နုန်းပိတ်ခြင်းကို ကာကွယ်ပေးပြီး ရေစီးဆင်းမှုကို မှန်ကန်စေသည်။

မဲဇလီဆည်မှနေ၍ လက်ဝဲမြောင်း (North Mon Canal) နှင့် လက်ယာမြောင်း (South Mon Canal) ဟု မြစ်နှစ်ဖက်လုံးသို့ သွေးလွှတ်တော်သဖွယ် ခွဲထုတ်ပေးခဲ့သည်။

မကွေးနယ်သည် ကုန်းကတ္တရာများနှင့် ချိုင့်ဝှမ်းများ ပေါများသဖြင့် မြောင်းလမ်းကြောင်း ဖောက်လုပ်ရာတွင် ရေကူးတံတား (Aqueducts) အမြောက်အမြားကို အသုံးပြုကာ သဘာဝအတားအဆီးများကို ကျော်ဖြတ်ခဲ့ရသည်။

ဤ "လူလုပ် သွေးကြောကွန်ရက်" များသည် မြန်မာပြည်အလယ်ပိုင်း၏ ခြောက်သွေ့သော မြေပြင်ကို ယနေ့တိုင် အသက်ဆက်ပေးနေသည့် အင်ဂျင်နီယာ အမွေအနှစ်များပင် ဖြစ်ပါသည်။

20/01/2026

Beam ဆိုတာ ငလျင်လှုပ်ရင် "ကွေး" ပေးရမှာပါ။ ကွေးမှ ငလျင်စွမ်းအင်ကို စုပ်ယူနိုင်မှာ ဖြစ်ပါတယ်။

"" Beam က ကွေးသွားရမယ်၊ ဒါပေမဲ့ Column ကတော့ မကျိုးရဘူး ""

အထက်ပါ စကားစုဟာ ပညာရှင်တွေ ရေးသားနေကြတဲ့ capacity design ပဲ ဖြစ်ပါတယ်။

ကွေးတယ်ဆိုတာ flexural yielding ကိုပြောတာပါ။မကွေးနိုင်တဲ့ beam ဖြစ်နေရင် ကွိုင်တက်ပါပီ။

ဥပမာ- ပင်မသံချောင်းတွေ လိုတာထက်များနေတာမျိုးပါ။ (over reinforced )

Yielding မဖြစ်နိုင်တော့ပဲ concrete က အရင် ကြေမွသွားတာမျိုး ဖြစ်ပါတယ် ။ ကျောင်းမှာ သင်ခဲ့ရပေမယ့် လက်တွေ့ကမ္ဘာမှာ မျက်နှာလွှဲခဲပစ် မေ့နေကျတဲ့ issue လေးဖြစ်ပါတယ်။

Etabs နဲ့ rebar ကောက်တဲ့အခါ ထွက်လာတဲ့ results ထက်ပိုပြီး ယူခြင်းအားဖြင့် safety margin ရတယ်ဆိုတဲ့ issues ကြောင့် ဖြစ်တာ များပါတယ်။

** 50% reversal နဲ့ 25% continuity ဖြစ်အောင် rebar ကောက်တာကို မဆိုလိုပါ **

သံပိုထည့်တာ မမှားဘူးဆိုတဲ့ concept က မြန်မာပြည်မှာ အလုပ်ဖြစ်ပါတယ်။ ငလျင်လာရင် beam ကျိုးပျက်စီးသွားမှာ တအားစိုးရိမ်နေကြတာ ဖြစ်ပါတယ်။

တကယ်က ဖြစ်သင့်ဖြစ်ထိုက်တဲ့ failure mode ကို ရှာရမှာဖြစ်ပါတယ်။

Earthquake proof building မှ မဟုတ်ပဲ။ Earthquake resistant building ပါ။

01/01/2026

“Burmese Structuralism ရဲ့မိတ်ဆွေအပေါင်း နှစ်သစ်မှစ၍ စိတ်၏ချမ်းသာခြင်း ကိုယ်၏ကျန်းမာခြင်းနှင့်ပြည့်စုံကြပါစေကြောင်း ဆုမွန်ကောင်းတောင်းလိုက်ရပါတယ်ခင်ဗျာ 🙏”

“To all friends of Burmese Structuralism, we respectfully extend our best wishes for peace of mind and good health from the New Year onward 🙏”

“ขออวยพรให้มิตรสหายทุกท่านของ Burmese Structuralism นับตั้งแต่ขึ้นปีใหม่เป็นต้นไป มีความสงบสุขทางใจและมีสุขภาพร่างกายแข็งแรงสมบูรณ์ 🙏”

“សូមជូនពរដល់មិត្តភក្តិទាំងអស់របស់ Burmese Structuralism ចាប់ពីឆ្នាំថ្មីនេះតទៅ សូមឲ្យមានសុខសាន្តក្នុងចិត្ត និងមានសុខភាពរាងកាយល្អប្រសើរគ្រប់ៗគ្នា 🙏”

“Gửi đến tất cả các bạn của Burmese Structuralism lời chúc năm mới thật nhiều niềm vui, tâm an lành và sức khỏe dồi dào nhé! 🙏”

“بمناسبة حلول العام الجديد، أتقدم إليكم بخالص الدعاء والتمنيات بأن تنعموا براحة النفس، وبالصحة الجيدة، والعافية الدائمة.🙏”

30/12/2025

လွန်ခဲ့တဲ့ ၆ လလောက်ကဆွဲပေးခဲ့တဲ့ ၂ ထပ်ခွဲ Archi Layout plan လေး...
Structure Design လဲမလုပ်ဖြစ်လိုက်တဲ့အတွက် လိုတဲ့သူယူသုံးလို့ရအောင် တင်ပေးလိုက်ပါတယ်။ ပိုက်ဆံယူထားတာမရှိတဲ့အတွက် ဘာ Privacy မှမရှိပါ။

25Ft x 40Ft လူနေအိမ်အဆောက်အဦးတစ်ခုရဲ့ Space planning ကိုအကျစ်လစ်ဆုံးဖြစ်အောင် ဧည့်ခန်း အိပ်ခန်း ၀ရံတာ မီးဖိုချောင် Toilet စတာတွေကိုနေရာချထားတာဖြစ်ပြီး ကိုယ်တိုင်လဲသဘောကျပါတယ်။ အားနည်းချက်ကတော့ ကပ်ရက် Bed Room နှစ်ခုမှာ ရေချိုးခန်းအိမ်သာကို Common လုပ်ထားမိခဲ့တာပါပဲ။

28/12/2025

Comparison of Column Mechanism formation: Chinese GB V.s NZS

That is why I prefer NZS seismic standards to other comparable Codes 🤗

မနေ့ကပို့စ်မှာ SMRF Column တွေကို Mid-height မှာမဆက်ဘဲ Floor ထောက်ဆက်လို့ရတဲ့အကြောင်းပြောတာ အကြောင်းမဲ့သပ်သပ် အလကားပြောတာမဟုတ်ပါဘူး။ Columns တွေကို Capacity-protected Members တွေအဖြစ်ဒီဇိုင်းလုပ်ပြီး Mechanism Hinging ကို Columns တွေမှာလုံး၀မဖြစ်ပေါ်အောင်ကာကွယ်ထားနိုင်မယ်ဆိုရင် တစ်နည်း... Column တွေကို အပြင်းထန်ဆုံးမြေငလျင်တွေရဲ့ Severe ground shaking အခြေအနေမှာတောင် Elastic response နဲ့ပဲတုံ့ပြန်ခုခံဖို့ဒီဇိုင်းလုပ်ထားနိုင်မယ်ဆိုရင်...

Column သံဘယ်နားဆက်မလဲဆိုတဲ့ပြဿနာက အုန်းစားစရာမလိုတော့ဘူး။ Plastic hinge တခုရဲ့ Ductility requirements တွေကို စဉ်းစားစရာမလိုတော့တဲ့အတွက် Floor ထောက်ဆက်လဲပြဿနာမဟုတ်တော့ဘူး။ ခြွင်းချက်တော့ရှိတယ် Structure Base ဖြစ်တဲ့ 1st Story Column တွေမှာတော့ မရဘူး (ဒါက Critical plastic hinging region)

အရေးအကြီးဆုံးအချက်က ACI Code ရဲ့ SMRF Design နဲ့တော့ဒါကို Apply လုပ်လို့မရဘူး။ တော်ကြာ ဒီပို့စ်ပြပြီး SMRF လဲ Floor ထောက်ဆက်လို့ရကြောင်းငြင်းနေကြမှာစိုးလို့ကြိုကာထားတာ။

Strong Column Weak Beam Design criteria တွေနဲ့ပါတ်သတ်ရင် ACI, EC, GB Code တွေကအရမ်းကြီးမကွာဘူး။

23/12/2025

Structure ဟာ လေနဲ့ဝမ်း ကွဲဖို့လိုပါတယ်။ Technical term တွေရဲ့ ဆိုလိုရင်းကို ကွဲကွဲပြားပြား သိရပါတယ်။

Bearing capacity လို့ဖတ်ရတဲ့အခါ Strength ဆိုတဲ့ term ဘာလား သိရပါမယ်။ အလားတူ Subgrade modulus ဆိုတဲ့အခါ Stiffness ဆိုတဲ့ term ဘာလား နားလည်ရပါမယ်။

နားလည်သွားတဲ့အခါ Safety factor နဲ့စားပြီး ဘာလို့ Allowable Bearing capacity ရှာတာလဲ၊ Safety factor နဲ့မြှောက်ပြီး ဘာလို့ Subgrade modulus ကိုရှာတာလဲ ဆိုတာ သဘောပေါက်ပါလိမ့်မယ်။

မြှောက်ဖော်ကိန်းဆိုတာ ချေဖျက်ဖို့အတွက်လည်း ဖြစ်နိုင်တယ်ဆိုတာမှန်း သိလာပါလိမ့်မယ်။

အလေးမအားကစားသမားတစ်ယောက်နဲ့ ကျွမ်းဘာမယ်တို့ရဲ့ သဘောသဘာဝ မတူညီသလိုမျိုးပေါ့။

ကားတစ်စီးရဲ့ ဖွဲ့စည်းပုံလိုပဲ carရဲ့ Frame နဲ့အတူ Spring တွေက ဘာလို့ပါနေရတာလဲ စသဖြင့် အနှစ်သာရကို ရှာဖွေ တက်ရပါတယ်။

Structure ဟာလည်း ကဗျာတို့ ရုပ်ရှင်ဝတ္ထု တို့လို အနုပညာ လက်ရာဖန်တီးမှု တစ်ခုပဲဆိုတာ မြင်တက်ရင် အဆင်ပြေပါပီ။

18/12/2025

Cog ⚙️ & Umbrella ☔

Structure သမားတွေအတွက်တော့ Telescope 🔭 နဲ့ကြည့်ရမယ့် အရာ၊ Microscope 🔬 နဲ့ကြည့်ရမယ့်အရာ ဆိုပြီး ရှိပါတယ်။

ဥပမာ- Dual system ဆိုပါစို့။

ငါ့အဆောက်အဦးက Moment Frame တွေကို Base Shear ရဲ့ 25% ကို ထမ်းနိုင်အောင် လုပ်ထားတယ်ဆိုပြီး ကြွယ်နေပေမယ့် SCWB စစ်ကြည့်တော့ မအိုကေ ၊ Joint Shear စစ်ကြည့်တော့ မအိုကေ ဆိုရင် အလကားပါပဲ။

ဒါဟာဘာနဲ့တူသလဲဆိုရင်.....
X-ray vision အမြင်နဲ့ တပြိုင်နက်ထဲ တောအုပ် ( Forest) ကိုကြည့်ရသလို သစ်ပင် (Trees)ကိုလည်းကြည့်နေရတာမျိုးပါ။

Chess ကစားတဲ့အခါ ပွန်းတွေဆိုတာ SCWB concept နဲ့ယှဉ်ပီး ပြောရရင် Beam တွေပါပဲ။ ဘုရင်မဆိုတဲ့ Column ကို အစားမခံရအောင် အရင်ဦးဆုံး ကာကွယ်ပေး၊ ထိုးကျွေးပေးတဲ့သူတွေပေါ့။

ဒါကြောင့် အနှစ်ချုပ်ရရင် သင်ဟာ structure သမားဆိုရင် "" နီနီစိမ်းစိမ်း ""လုပ်မနေပဲ ဘာက system level ဘာက member level ဆိုတာ ခွဲပြီး မြင်တက်အောင် လုပ်ရတာမျိုးပါ။

""Don't loose the umbrella ☔ for the cogs ⚙️ and
Don't loose the cogs ⚙️ for the umbrella ☔ ပါပဲ""

11/12/2025

သဘာ၀ဘေးထဲမှာမှ မီးဘေးအန္တရာယ်ဟာလည်း အဆောက်အဦမှာနေထိုင်သူတွေအတွက် အသက်အန္တရယ်ကိုပါခြိမ်းခြောက်နိုင်ပါတယ်။ လာမယ့်လတွေမှာ ပူပြင်းခြောက်သွေ့တဲ့ရာသီဥတုကိုရောက်ရှိလာတော့မှာဖြစ်တဲ့အတွက် မီးဘေးအန္တရာယ်ကိုဂရုစိုက်ကြပါခင်ဗျာ 🍃

Burmese Structuralism

14/02/2026

14/02/2026

01/02/2026

26/01/2026

24/01/2026

20/01/2026

01/01/2026

30/12/2025

28/12/2025

23/12/2025

18/12/2025

11/12/2025

Address

Telephone

Website

Alerts

Contact The Business

Shortcuts

Share

Category