မြန်မာ့ဂုဏ် Construction & Decoration

12/03/2026

#မြန်မာ့ဂုဏ် မှ တာ၀န်ယူတည်ဆောက်မည့်
လျောင်းတော်မူ ဓမ္မာရုံ ကျောင်းဆောင်သစ်လေးပါ
#ဆောက်လုပ်ရေးနဲ့ပတ်သက်ရင်မြန်မာ့ဂုဏ်ကိုသတိရလိုက်ပါနော်
#တပ်ကုန်း
#နေပြည်တော်

08/03/2026

ကျွန်တော် ဆေးရောင်ခြယ်သခွင့်ရသော
၉-၁၀ တန်း သူငယ်ချင်း မိသားစုအိမ်လေး
လုပ်ကိုင်ခွင့်‌ပေးသော
သူငယ်ချင်းအား အထူးကျေးဇူးတင်ပါတယ်👷

27/02/2026

တပ်ကုန်းမြို့
ဗုဒ္ဓသာသနာပြုဗိမာန်
သံကူကရစ်နှစ်ထပ်အဆောက်အအုံ
Bored Pile Foundation လုပ်ငန်းဆောင်မှု
မှတ်တမ်းလေးပါခင်ဗျ

20/01/2026

အင်ယာများအတွက် သိမှတ်စရာ

24/11/2025

မတ်ပဲ၊ပဲစင်းငုံ

မြန်မာနဲ့ အိန္ဒိယကြား နှစ်စဉ် မတ်ပဲ တန်ချိန် ၂ သိန်းခွဲနဲ့ ပဲစဉ်းငုံ တန်ချိန် ၁ သိန်းကို အခွန်လွတ် တင်သွင်းခွင့် နားလည်မှုစာချွန်လွှာ MoU ကို ဆက်သွားမလား ဆိုတာနဲ့ ပတ်သက်လို့ အိန္ဒိယအစိုးရအဖွဲ့ထဲမှာ အခုတလော ဆွေးနွေးမှုတွေ စတင်နေပြီလို့ သတင်းတစ်ပုဒ်မှာ ဖော်ပြပါတယ်။

❗(ပုံတွေ၊ စာတွေကို ပြန်ကူးတင်ခွင့် မပြုပါ၊ လွတ်လပ်စွာ မျှဝေနိုင်ပါတယ်။)❗

၂၀၂၁-၂၂ ဘဏ္ဍာနှစ်ကနေ စတင်ခဲ့ပြီး အခု ၂၀၂၅-၂၆ ဘဏ္ဍာနှစ် (၂၀၂၆ မတ်လ ၃၁) မှာ ကုန်ဆုံးမယ့် အဲဒီ ပဲတင်သွင်းခွင့်ကို သက်တမ်း ထပ် တိုးရေး၊ မတိုးရေးနဲ့ ပတ်သက်လို့ အိန္ဒိယအစိုးရက ဆွေးနွေးဆုံးဖြတ်မှာ ဖြစ်ပါတယ်။ ပြီးခဲ့တဲ့ ၂၀၂၄-၂၅ ဘဏ္ဍာနှစ်က အိန္ဒိယနိုင်ငံဟာ မြန်မာနိုင်ငံဆီက မတ်ပဲ တန်ချိန် ၇ သိန်းကျော် တင်သွင်းခဲ့တာကြောင့် MoU ပါ တန်ချိန် ၂ သိန်းခွဲထက် အများကြီး ကျော်လွန်ခဲ့ပါတယ်။

အိန္ဒိယအနေနဲ့ မြန်မာမတ်ပဲကို အခွန်လွတ် တင်သွင်းခွင့် MoU ကို သက်တမ်း ထပ်တိုးပေးမလား၊ ဘယ်လို ဆက်လုပ်မလဲဆိုတဲ့ သတင်းနောက်ဆက်တွဲအခြေအနေကိုလည်း ကျွန်တော်တို့ 𝙈𝙖𝙧𝙠𝙚𝙩 𝘽𝙚𝙖𝙩 က ဆက်လက် စောင့်ကြည့်ပြီး ထူးခြားမှု ရှိတာနဲ့ အချိန်နဲ့ တပြေးညီ ဖြစ်အောင် တင်ပြပေးပါမယ်။ 🙂

❗(ပုံတွေ၊ စာတွေကို ပြန်ကူးတင်ခွင့် မပြုပါ၊ လွတ်လပ်စွာ မျှဝေနိုင်ပါတယ်။)❗ #မတ်ပဲ #အိန္ဒိယ_မတ်ပဲ

07/11/2025

နေပြည်တော် မြေကွက်စျေး ကို
အကြမ်းဖျဥ်း လေ့လာချင်ရင်

ဒက္ခိဏဘက်က လာမယ်ဆိုရင်
ရန် - မန်း အမြန်လမ်း အဆင်းကနေ
အရှေ့လှည့်ပြီး W ပုံ စိတ်မျဥ်းဆွဲလိုက်

W ပုံစံရဲ့ ဘယ်ဘက် V တစ်ခြမ်းက
ဟိုတယ်ဇုံ ၁ နဲ့ Shopping စင်တာတွေ
လယ်ယာမြေတွေ နဲ့ ရွာမြေတွေ

ညာဘက် V တစ်ခြမ်းက
ဒက္ခိဏ မြေကွက်၊ စက်မှုဇုံ နဲ့လယ်ဝေးမြို့
၈၀ ပတ်လည်ကို သိန်း ၄၅၀၀ ဝန်းကျင်
စက်မှုဇုံက ၁ ဧက စျေးနှုန်း သတ်မှတ်တာရှိတယ်။
(စည်ပင်မှာ)

ဇမ္ဗူသီရိရောက်ရင်
သပြေကုန်း မြင်းစီးကြေးရုပ်
ဦးခေါင်းကနေ နေထွက်ရာဘက်
´´ Y ´´ ပုံစံ စိတ်ကူးနဲ့ သတ်မှတ်လိုက်

Y ခွကြား V ပုံစံထဲက
သပြေကုန်း ရွှေကြာပင် ၆၀ ပတ်လည်
သိန်း ၄၅၀၀ အထက် ရှိတယ်။
ဧရာဝတီလမ်းဝန်းကျင် အထူးကွက်တွေက
၁၀၀၀၀ အထက်မှာ ရှိတယ်။
ထန်းတစ်ပင်နဲ့ ကျောက်မျက်ဇုံ
၁၀၀ ပတ်လည်တွေက စျေးနှုန်းမြင့်တယ်။

Y ပုံစံ ညာဘက် ဘေးကပ်ရက်က
ဟိုတယ်ဇုံတွေ စျေးကြီးတယ်။

Y ပုံစံ ဘယ်ဘက်ဘေးက
ဝန်ကြီးဌာနတွေနဲ့ ဥတ္တရသီရိ မြေကွက်
၁၀၀ ပတ်လည် သိန်း ၉၀၀၀ အထက်မှာရှိ။

Y အမြီးပိုင်း တစ်လျှောက်
ဘေးဘယ်ညာက ဝန်ထမ်းအိမ်ရာနဲ့
မြို့မစျေးဖြစ်လို့ မြေကွက် မရှိဘူး။
သုခတော်ဝင်အိမ်ရာ တိုက်ခန်းရှိတယ်။
အလွှာအလိုက် စျေးရှိတယ်။

ဥတ္တရဘက်ဆို
ကြာပန်းအဝိုင်း ရှားပင်ကုန်းကနေ
မြောက်ဘက်လှည့်ပြီး U ပုံစံ စိတ်ထဲ ဆွဲလိုက်

U ဘယ်ဘက်အခြမ်းက
လွှတ်တော်နဲ့ ဝန်ကြီးဌာနတွေ
U ညာဘက်အခြမ်းက ယာမြေနဲ့
ဥပ္ပါတသန္တိဘုရား ရေပြာ ရွာမြေ
U အတွင်းဘက်က ရာဇသင်္ဂဟလမ်းမကြီး
ဘေးဘယ်ညာ အိမ်ရာတွေ
စျေးကြီးတယ်။

ပုပ္ဗသီရိမြေကွက်စျေး သိချင်ရင်
နပတ ဘူတာကြီးကနေ
မြောက်ဘက် မျက်နှာမူပြီး
V ပုံစံ စိတ်ထဲက ရေးလိုက်

V အတွင်းထဲက မြေကွက်တွေချည်းပဲ
အလွတ်ဆို ၂၅၀၀ ကနေ သိန်း ၆၅၀၀ အထိ
ရှိတယ်။
V ဘယ်ဘက်ခြမ်းက ဟိုတယ်ဇုံ ၂
V ညာဘက်ခြမ်းက လယ်မြေနဲ့
ရန်မန်းလမ်းဟောင်း

ပုဗ္ဗသီရိမှာ အရပ်ပုဗ္ဗမြေက စျေးကြီးတယ်
၄၀ × ၆၀ ကို သိန်း ၂၀၀၀ အထက်
တပ်ပုဗ္ဗမြေကွက်က ၄၀ × ၆၀ ကို
သိန်း ၁၀၀၀ အထက်
၆၀ × ၈၀ နဲ့ ၈၀ × ၈၀ ဆို ၃ ဆ နဲ့ မြှောက်

ပျဥ်းမနားမြေကွက် သိချင်ရင်
ပြန်ကပြေးအဝိုင်းကနေ
အရှေ့လှည့်ပြီး M ပုံစံ စိတ်ထဲကဆွဲ

ဘယ်ဘက် M တစ်ခြမ်းက
ဥပ္ပါတသန္တိ နဲ့ ချစ်သူလမ်းကြားဘေး
လယ်မြေနဲ့ ကိုးရွာသပြေကုန်းအခြမ်း

ညာဘက် M တစ်ခြမ်းက
အလျင်လို နဲ့ ရန်မန်းလမ်းဟောင်း
မြေစျေးချိုတယ် ရွာမြေပေါတယ်။

M အလည်အခွက် V Shape ထဲက
ပျဥ်းမနားမြို့နဲ့ ဘောဂသီရိကားဝန်း
စျေးအသင့်အသင့် ရှိတယ်။
ရာဇဌာနီလမ်း ဘေးဘယ်ညာက
စျေးကြီးတယ်။

ရန်မန်းလမ်းဟောင်းနဲ့ ရွာမြေ
ကင်ပွန်တန်းစျေးတစ်ဝိုက်က
စျေးမဆိုးဘူး။

အခုပြောတာက မြေကွက်အလွတ်
စျေးနှုန်းတွေကို ချိန်ထိုးပြတာပါ။

ကိုယ့်ဘာသာ အင်္ဂလိပ်အက္ခရာ
သင်္ကေတနဲ့ မှတ်ထားတာ

အဲဒါလာပြောတာ 😁


Crd:

02/11/2025

ဆောက်လုပ်ရေးမိသားစုရဲ့ ဘုံကထိန်

28/10/2025

အိမ်ဆောက်ဖို့ ကုန်ကျစရိတ် ဘယ်လောက်လဲ ❓
*****************************************
🏡 အိမ်ဆောက်ချင်သူတချို့က CB ကနေ အိမ်ပုံ
လေးတပုံပို့လာတယ်... ဒီပုံဆောက်ရင် ဘယ်လောက်
ကုန်ကျမလဲလို့မေးတတ်ကြတယ်...
🏠 တချို့ကြပြန်တော့လဲ ပေ-၂၀x ၆၀ မြေထဲမှာ
၁၈ ပေx ၄၈ ပေ ၃ ထပ်ဆောက်ချင်တယ်...
ဘယ်လောက်ကုန်မလဲတဲ့...
🏡 တချို့ကြပြန်တော့လဲ ဖုန်းဆက်ပြီး 𝗣.𝗔.𝗘
ဘယ်လောက်ယူလဲဆိုပြီး ဈေးအပေါဆုံးကို
လိုက်ရှာကြတယ်နဲ့ တူပါတယ်...
🔆 အိမ်ဆောက်ချင်တဲ့သူ အများစုက Budget
ချိန်ဆလို့ ရနိုင်အောင်လို့ ကုန်ကျစရိတ်ကို
အရင်ဆုံး သိချင်ကြတာ အမှန်ပါ...
ကုန်ကျစရိတ် Estimate ဈေးနုန်း သိဖို့က
အဆင့်ဆင့် အချိန်ပေးပြီး လုပ်ဆောင်ရပါတယ်...
🚩 𝗦𝗜𝗧𝗘 𝗜𝗡𝗦𝗣𝗘𝗖𝗧𝗜𝗢𝗡
ပထမဦးဆုံး Location ကို Ground Check
လုပ်ပါတယ်... မြေနိမ့်နေလား၊ ကုန်းစောင်းလား၊
Orientation / Surrounding က ဘယ်လိုရှိလဲ၊
ဆောက်လုပ်တဲ့အခါ Boom Pump ထိုင်လို့
ရမလား၊ Station နဲ့ ကစ်ရမလား၊ Site Mix နဲ့
ကွန်ကရစ်လောင်းရမလား၊ ရေဝပ်နေလား၊
ရေမြောင်းရှိလား၊ Material Collection ကိစ္စ၊
ထားသိုမယ့်နေရာ၊ အဝင် အထွက်လမ်းကြောင်း
စတဲ့ အခြေအနေတွေကို တချက်ကြည့်ရပါတယ်...
👉 ဒါတွေကလဲ ကုန်ကျစရိတ်ကို Effective ဖြစ်စေ
နိုင်တဲ့ အရာတွေ မို့လို့ပါ...
🚩 𝗔𝗥𝗖𝗛𝗜 𝗗𝗘𝗦𝗜𝗚𝗡
Site Inspection လုပ်ပြီးမှ Archi Design ကို
လုပ်ငန်းအပ်နှံသူ လိုချင်တဲ့ အနေအထားအတိုင်း
ရနိုင် မရနိုင် ညှိနှိုင်းရေးဆွဲရပါတယ်... အဆောက်
အဦး Planning နဲ့ Design ဆိုသည်မှာ အင်္ကျီချုပ်
သလို ကိုယ်တိုင်းနဲ့ Fitting ကြအောင် Cutting
လုပ်ရတာမျိုးပါ... လုပ်ငန်းအပ်နှံသူ လိုချင်တာနဲ့
အံဝင်ဂွင်ကြဖြစ်အောင်၊ နေထိုင်အသုံးပြုသူတွေ
အဆင်ပြေစေမယ့် ပုံစံထုတ် ပေးပါတယ်...
ဒီနေရာမှာ Modern လား၊ Colonial လား၊
Luxury Modern လား၊ Tropical လား၊ Minimalist လား၊
Traditional လား စသဖြင့် Design နဲ့ Material
Specification တွေအပေါ်မူတည်ပြီး ကုန်ကျမယ့်
ဈေးနူန်းက ကွာခြားပါတယ်...
👉 ဘယ်ပုံဆောက်ဆောက် တသတ်မှတ်ထဲ ဈေးနူန်း
ဆိုတာ လုံးဝ မဖြစ်နိုင်ပါဘူး...
🚩 𝗦𝗢𝗜𝗟 & 𝗦𝗧𝗥𝗨𝗖𝗧𝗨𝗥𝗘
ဒါပြီးရင် Soil Test လုပ်ပြီး Structure Analysis
ခိုင်ခံ့မှု တွက်ချက်ရပါမယ်... အခုနောက်ဆုံး
Myanmar National Building Code MNBC 2025
အရတွက်ချက်တာဆိုတော့ ဈေးနူန်းကတော့
အရင်ကထက် ပိုမို ကုန်ကျမှာ အသေအချာပါ...
🚩 𝗕𝗜𝗟𝗟 𝗢𝗙 𝗤𝗨𝗔𝗡𝗧𝗜𝗧𝗬 (𝗘𝗦𝗧𝗜𝗠𝗔𝗧𝗘)
လျှပ်စစ်၊ ရေနဲ့ မိလ္လာ ဒီဇိုင်းကို မထုတ်ခင် Civil
Work အကြမ်းထည်အပိုင်းကို Archi နဲ့ Structure
Design ပြီးရင် တွက်ချက်လို့ရပါပြီ...
BQ Estimate ထဲမှာ သံချောင်း၊ ကွန်ကရစ်၊ ဘိလပ်
မြေ၊ အုတ်၊ ထုံး၊ သဲ၊ ကျောက်၊ ပုံရိုက်သား၊ ရိုက်သံ၊
လုပ်အားခ၊ Construction Management Fees
စသဖြင့် တခုခြင်းစီရဲ့ အသေးစိတ် ကုန်ကျမယ့်
အရည်အတွက်နဲ့ ဈေးနူန်းတွေအပြင် အသုံးပြုမယ့်
ပစ္စည်းတွေရဲ့ အမျိုးအစား Quality တွေကအစ
ပါဝင်ပါတယ်... Third Party Quantity Surveyor
တွေ အနေနဲ့ တွက်ချက်မှုတွေကို ပြန်လည်
စစ်ဆေးလို့လဲ ရတယ်...
👉 Design နဲ့ Structure ကို အခြေခံပြီး ထွက်ရှိလာတဲ့
BQ Estimate ကုန်ကျစရိတ်ကလဲ အသေးစိတ်
အချက်အလက်အကုန်ပါဝင်တာမို့ လုပ်ငန်းအပ်နှံသူနဲ့
လုပ်ငန်း လက်ခံသူကြားမှာ အငြင်းပွားစရာ မရှိဘူး...
🔆 ဒီအဆင့်ကြမှ ဒီအဆောက်အဦး၊ ဒီပုံစံ၊ ဒီနေရာမှာ
တည်ဆောက်ရင် ဒီလောက်ကုန်ကျမယ်ဆိုတာ
ပြောနိုင်မှာ ဖြစ်ပါတယ်...
🏁 𝗣.𝗔.𝗘 ဆိုတာ ဈေးနူန်းကို အကြမ်းခန့်မှန်း ပြောဆို
ရုံလောက်သာ လွယ်လွယ်ကူကူ အမြန်ပြောရုံသာ
အသုံးပြုတဲ့ အရာပါ...
💠 ဆိုလိုတာက စနစ်တကျနဲ့ အဆင့်ဆင့် ဆောင်ရွက်
ပြီးမှသာလျင် ဈေးနူန်းကို တိတိပပ ပြောဆိုတာက
မှန်ကန်တိကျပါလိမ့်မယ်... ဒါမှ လုပ်ငန်း အပ်နှံသူနဲ့
လုပ်ငန်း လက်ခံသူတွေကြားထဲမှာ ထင်သာမြင်သာ
ရှိပြီး 𝗣𝗿𝗼𝗳𝗲𝘀𝘀𝗶𝗼𝗻𝗮𝗹 ဆန်ဆန် အလုပ်လုပ်နိုင်မှာပါ...
🔳 ဆရာဝန်တွေက ECG, Ultra Sound, MRI, CT,
Examination စတဲ့ လိုအပ်တဲ့ စစ်ဆေးမှုတွေ
လုပ်ဆောင်ပြီးမှ ဆေးထိုး ဆေးပေး လုပ်ကြပါတယ်...
အဲ့ဒီလိုပဲ ... အိမ်ပုံစံလေးပြ၊ ပေဘယ်လောက်
ဆောက်မှာဆိုတာပြော၊ P.A.E ဘယ်လောက်
ယူလဲလို့ မေးထားတာတွေကို ချက်ခြင်းပြန်ဖြေဖို့
မလွယ်ပါဘူး... ဒါကြောင့်မို့ လက်လွတ်စလွယ်
Reply မပြန်ဖြစ်တာပါ...
ဈေးနူန်းမှားသွားရင် မကောင်းဘူးလေ...
နောက်ပြီး ဒီအလုပ်က လိုအပ်တာတွေ
တဆင့်ခြင်း သွားပြီးမှ ရတဲ့ အဖြေမို့ ချက်ခြင်း
ပြန်ဖြေဖို့ ခက်ပါတယ်...
🔸 လိုအပ်ရင် အသေးစိတ် အချိန်ပေးပြီး
ကိုယ်သုံးချင်တဲ့ Budget နဲ့ ဝင် မဝင်
ဆွေးနွေးတိုင်ပင်လို့ ရပါတယ်...
🫶🫶🫶 Myanmar’s Gone Construction & Decoration
🏘 နေပြည်တော်၊တပ်ကုန်းမြို့
📲09-250296485
📲09-964968057

27/10/2025

အိမ်ဆောက်နည်းအခြေခံသဘောတရားများ

မြေကြီးပုံသည့်အခါ တူးသည့်ကျင်း၏ ၂ပေ ၃ပေအကွာတွင် မြေကြီးပစ်ပုံထားရမည်။
မြေကြီးပြန်လည်ဖို့သည့်အခါ တစ်ကြိမ်လျှင် ၆လက်မ အလွှာလိုက်ဖို့ပြီး သိပ်သည်းအောင် ရေဖြန်းဒင်ဆောင့် လိုအပ်သည့်သိပ်သည်းမှု့အနေအထားရအောင် ဆောင်ရွက်ပေးရမည်။

အဆောက်အဦးအတွက် ပတ်တန်းရိုက်သည့်အခါ...
တောင့်တင်းခိုင်မာအောင်ရိုက်၍ ပတ်တန်းတိုင်အား
မြေအဝင် ၃ပေ ၄ပေ
ဝင်အောင်ရိုက်ထားသင့်ပါသည်။

အဆောက်အဦ ကျင်တွယ်ဖမ်းသည့်အခါ...
အဆောက်အဦးတစ်ခု၏ သုံးချိုးတစ်ချိုးတွင်ဖမ်းရမည်။

ကျင်တွယ်ဖမ်းနည်းကို အမျိုးမျိုးဖမ်းယူတတ်ကြသည်။
ဥပမာ...
(၃၊၄၊၅) (၆၊၈၊၁၀) (၁၅ ၊ ၂၀၊ ၂၅) တို့ဖြင့် အမျိုးမျိုးဖမ်းယူတတ်ကြသည်။

အုတ်မစီခင် အုတ်ကို နှစ်နာရီ ကြိုတင်၍ ရေစိမ်ထားရမည်။
(သို့မဟုတ်)ရေလောင်းပေးရမည်။

(၇)ပေအမြင့်ရှိသော ၊ (၇)ပေထက်ကျော်သော Slabဆိုလျှင်
အနည်းဆုံး(၁၀)ရက်ထားပြီးမှ ဖြုတ်ရပါမည်။

Slabလောင်းပြီး ( ၂ ) ရက်အတွင်း ကွန်ကရစ် အစိတ်အပိုင်းအပေါ် မည်သည့် ဝန်မျှမတင်ရ။

Slabအပြင်သို့ အဝဲထုတ်သည့်အခါ Slab၏ အဝဲထုတ်မည့်
အတွင်းခွင်ပေ၏ (၅) ဆ (၁) ဆ ထုတ်ခွင့်ရှိသည်။

လူတို့သောက်သုံးနိုင်သောရေသည် ကွန်ကရစ်လုပ်ငန်း၌သုံးရန်သင့်တော်သည်။
ငန်ပျပျ အရသာရှိသောရေသည် ကွန်ကရစ်လုပ်ငန်း၌ သုံးရန်မသင့်သောရေဖြစ်သည်။
သံကူကွန်ကရစ်များအတွက် ပင်လယ်ရေကို သုံးရန်မသင့်။
အက်ဆစ်အနည်းငယ်ပါဝင်သောသဘာဝရေသည်ကွန်ကရစ်လုပ်ငန်းများတွင်သုံးနိုင်သောရေဖြစ်၏။ရေ၌ဆာလဖိတ်ဓာတ် (၀.၅)ရာခိုင်နှုန်းပါဝင်လျှင်ကွန်ကရစ်၏ဝန်ခံနိုင်အား(၄)ရာခိုင်နှုန်းကျဆင်းမည်။
ထို့အတူရေ၌ရိုးရိုးဆား(၅)ရာခိုင်နှုန်းပါဝင်လျှင်ကွန်ကရစ်၏ဝန်ခံနိုင်အား(၃၀)ရာခိုင်နှုန်းကျဆင်းပေမည်။

အုတ်စီလုပ်ငန်းပြီးစီးသွားသည့်အခါ နေ့စဉ်တစ်နေ့လျှင်(၃)ကြိမ်
(၇)ရက်အထိ ရေဖြန်းပေးရပါသည်။

အုတ်စီနံရံ အမြင့်အားတစ်နေ့လျှင်(၃)ပေသာစီပြီးD.P.C(Damp Proof Course)
ကျောက်လောင်းထားခြင်းကပိုကောင်းပါသည်။

ဝါးငြမ်းများဆင်သောအခါ... အဆောက်အဦ အပြင်နံရံမှ (၃)ပေအကွာတွင်တိုင်ထောင်ခိုင်းပြီး ဝါးလုံးတစ်လုံးနှင့်တစ်လုံး (၂) ပေခွဲသာခြားခြင်းဖြင့် ငြမ်း၏ တောင့်တင်းခိုင်မာမှု့ကို ရစေပါသည်။

သံကိုဖြတ်တောက်သည့်အခါ... (၄၅) ဒီဂရီချိုးချင်သော သံချောင်း ကို မိမိလိုချင်သော ပေထက် ( ၂)လက်မပိုဖြတ်ရမည်။

(၉၀)ဒီဂရီချိုးချင်သော သံချောင်းကို မိမိလိုချင်သော ပေထက် (၉)လက်မပိုဖြတ်ရမည်။

(၁၃၅) ဒီဂရီ ချိုးချင်သော သံချောင်းကို မိမိလိုချင်သော ပေထက်(၁၄)လက်မ ပိုဖြတ်ပါ။

(မှတ်ချက်။R.C column သံနှင့် Beam သံတို့အတွက်ဖော်ပြခြင်းဖြစ်ပါသည်။)

တံခါးရွက်များကို အဆောက်အဦးတစ်ခုလုံး၊
အခြားလုပ်ငန်းများ
ပြီးစီးသည့်နေ့မှ တပ်ဆင်ရပါမည်။

အုတ်ရိုးနှင့်ထိတွေ့မည့် သစ်သားမျက်နှာပြင်အားလုံးကို ဆေးကတ္တရာဖြင့် သုတ်ထားရပါမည်။

အခန်း၏အမြင့်ကို မူတည်၍ တံခါး၏ အချိုးအစားကို တွက်ယူလိုလျှင် တံခါး၏ အမြင့်သည် အခန်းအမြင့်၏ ၁/၄+၄ပေ၆လက်မ ရှိရမည်။ တံခါး၏ အကျယ်သည် တံခါး၏ အမြင့်ထက် (၄)ပေလျော့နည်းရမည်။

လှေခါး Landing သည် ခြေနင်းအလျားထက်ပိုကျယ်ရမည်။

နံရံမချောမီ အုတ်နံရံကို ရေလောင်းပါ ။ အုတ်နံရံတွင် ကျောက်ထုပ်များရှိပါက spotရိုက်၍ ဗြုတ်ထအောင် ဘိလပ်မြေအရည်ဖျော်၍ကြိုတင်တစ်ရက် ရိုက်ထားပါက လေခိုခြင်းကင်းဝေးပါမည်။

နံရံချောပြီးသည့်နေမှစ၍ တစ်နေ့တွင်ခုနှစ်ရက်ရက်တိတိ နံရံကို ရေဖြန်းပေးရပါမည်။

ဆေးသုတ်သည့်အခါ သုတ်ဆေးကို တစ်ထပ်ထက်ပို၍ သုတ်မည်ဆိုပါက မူလသုတ်ဆေးကောင်းစွာခြောက်မှ နောက်တစ်ထပ်ကို သုတ်ရပါမည်။

သုတ်ဆေးကို အသုံးမပြုသေးပါက လေ လုံအောင် ပိတ်ထားရပါမည်။ ရောစပ်ပြီး မွှေထားသော သုတ်ဆေးတို့ကို တစ်ဝက်တစ်ပျက် အသုံးပြုပြီးဖြစ်လျှင် ပုံးထဲတွင် ကျန်ရှိနေသည့် သုတ်ဆေးအပေါ်မှ ရေဖြည့်ထားရပါမည်။

မြေကြီးကျင်းထဲသို့ concrete မလောင်းမီ Level ပေး၍ မျက်နှာ ပြင်ညီအောင် ညှိပေးရမည်။

Concrete လောင်းရာတွင်သုံးပေထက်မြင့်သောအမြင့်မှတိုက်ရိုက်လောင်းမချပဲ ၎င်းထက်နှိမ့်ချ၍လောင်းခြင်းကပိုမိုကောင်းပါသည်။ Concreteလောင်းချိန် Vi****or အသုံးပြုရာတွင် Rodတံကိုတည့်မတ်စွာထိုးရပါမည်။ Rod တံကိုပြန်ထုတ်သည့်အခါRod တံထိုးသည့်နေရာသို့ကွန်ကရစ်အစားဝင်နိုင်ရန်သတိပြုရမည်။

Rod တံထိုးထည့်ထားရမည့်အချိန်မှာတစ်နေရာလျှင်အနည်းဆုံး(၁၅)စက္ကန့်မှအများဆုံး(၂၅)စက္ကန့်ထက်မကျော်စေရ။
Rod တံကိုအချိန်ကြာကြာထိုးစိုက်ထားလျှင်ကွန်ကရစ်များတစ်နေရာထဲတွင်မာခြင်းဖြစ်တတ်သည်ကိုသတိပြုရမည်။

Rod တံကိုကိုင်တွယ်အသုံးပြုသူသည်အတွေ့အကြုံရှိပြီးကျွမ်းကျင်နားလည်သူဖြစ်ရမည်။ကွန်ကရစ်လောင်းပြီးသည့်အခါအမြဲတမ်းစိုစွတ်နေစေရန်ရေကိုအနည်းဆုံး တစ်နေ့သုံးကြိမ်လောင်းပေးသင့်ပါသည်။ရေကန်ငယ်ပြုလုပ်ပေးခြင်း၊စိုစွတ်သောအရာဝတ္ထုဖြင့်ကာရံဖုံးအုပ်ထားခြင်းတို့ဖြစ်ပါသည်။

သံချောင်းဆက်ရာတွင်... အချင်း၏လေးဆယ်ဆ (40D)အနည်းဆုံးရှိရပါမည်။
သံချောင်းများအသုံးပြုသည့်အခါသံချေးများ၊အမဲဆီများ၊မြေကြီးများ၊ဆီများကင်းစင်စေရန်လိုအပ်ပါသည်။ Concrete RC Column တိုင်လောင်းရာတွင်တစ်နေ့(12') အမြင့်ထိသာ လောင်းသင့်ပါသည်။

အမိုးသွပ်မိုးသည့်အခါတစ်ချပ်နှင့်တစ်ချပ်ထပ်သည့်သွပ်ကိုနှစ်တွန့်တိတိထပ်စေရမည်။ သွပ်ထိပ်ခြင်းဆက်သည့်အခါအနည်းဆုံး ခြောက်လက်မထပ်သင့်ပါသည်။

Concrete 1m^3လျှင် 35.32ft^3 ရှိပါသည်။

ရေကိုဂါလံတွက်သည့်အခါ...
အလျား အနံ အမြင့် 6.25နှင့်မြောက်လျှင့်ရေဂါလံရရှိပါမည်။

ရေကိုလီတာဖြင့်တွက်သည့်အခါအလျားအနံအမြင့်=ရလာတဲ့အဖြေကို4.54နှင့်မြှောက်ရပါမည်။

(8"8")ကြွေပြားတစ်ကျင်းလျှင်225ချပ်
(8"12")ကြွေပြားတစ်ကျင်းလျှင်150ချပ်
(12"12")ကြွေပြားတစ်ကျင်းလျှင်100ချပ်
(1 '2')ကြွေပြားတစ်ကျင်းလျှင်50ချပ်
(2 '2 ')ကြွေပြားတစ်ကျင်းလျှင်25ချပ်

သစ်တစ်တန်တွင်ရှိရမည့် အတိုင်းအတာများ
(12"1")=600'
(11"1")=655'
(10"1")=720'
(9"1")=800'
(8"1")=900'
(7"1")=1029'
(6"1")=1200'
(5"1")=1440'
(4"1")=1800'
(3"1")=2400'
(2"1")=3600'
(1"1")=7200'
(2"1-1/2")=7200 '
(3"1-1/2")=1600 '
(6"6")=200 '
( 3"3")=800 '
(3"2")=1200 '
(4"4")=450 '
(4"2")=900 '
(4"1-1/2")=1200 '
(5"5")=288 '
(5"3")=480 '
(5"2")=720 '
(6"2")=600 '
(6"1-1/2")=2400 '

1Ton တွင်ရှိသောသံချောင်းအရေအတွက်များ
တစ်ချောင်းလျှင်...
12mm=40ft
6.5mm=0.26kg/m
1ton=3834m
1 viss = 20.22=20'-3"

8mm=0.395kg/m
1ton=2531m
1 viss = 13.35=13'-4"

10mm=135 ချောင်း
12mm=88 ချောင်း
16mm=53 ချောင်း
18mm=41 ချောင်း
20mm=33 ချောင်း
22mm=27 ချောင်း
25mm=21 ချောင်း
1m=3.28ft
1 inch=25.4mm
1m^3=35.32ft^3
Water 1ft^3=62.4 lb
Water 1ft^3=624 Gal
Water 1 Gal=10lb
Water 1 Gal=4.54 Liter
1 Ton = 2240 Lb
1 Acre-ft=1234m^3
1 Acre=0.405 hectares
1 meter= 3.281 feet
1 km= 0.621 Mile
1 sq mile =2.59 sq km

တစ်ဧကလျှင် 208.71 ft ပတ်လည်ရှိသည်။
တစ်ဧက=43560 စတုရန်းပေ

ဘိလပ်မြေတစ်အိတ်လျှင် 50kg လေးပါသည်။
တစ်တန်လျှင် 1000 kg
ဘိလပ်မြေ 20 အိတ်လျှင် တစ်တန်ရှိပါသည်။

Sand(သဲ)
Sand coarse(သဲကြမ်း)
Sand fine(သဲ နု)
Gravel(ကျောက်စရစ်)
Cement(ဘိလပ်မြေ)
Water(ရေ)
Brick(အုတ်)
Brickwork (အုတ်စီခြင်း)
Plastering work(နံရံချောခြင်း)
Stair plastering work (လှေခါးချောခြင်း)
Bamboo( ဝါးလုံး)
Earth(soil)မြေတူး
Plywood(အထပ်သားပြား)
Dig earth(soil)မြေကြီးတူး
Earth (soil) compaction construction(မြေကြီးကြိတ်ခြင်း)
Earth(soil) leveling construction(မြေကြီးညှိခြင်း)
Water pump(ရေစုပ်စက်)
Backhoes(မြေတူး၊မြေကုတ်ကား)
Construction roller(မြေကြိတ်စက်)
Plate compactor(မြေရိုက်စက်)
Shrine room(ဘုရားခန်း)
Living room(ဧည့်ခန်း)
Single bed room (တစ်ယောက်အိပ်ခန်း)
Master bed room(မိသားစုအိပ်ခန်း)
Kitchen room(မီးဖိုခန်း)
Dining room(ထမင်းစားခန်း)
Bath room( ရေချိုးခန်း)
Toilet(အိမ်သာခန်း)
Common toilet(အများသုံးအိမ်သာခန်း)
Lounge room(sitting)အပန်းဖြေခန်း
Basement (cellar)မြေအောက်ခန်း
Study room(စာကြည့်ခန်း)
Roof (အမိုး)
Lighting rod(မိုးကြိုးလွှဲ)
Gutter(ရေတလျောက်)
Attic(ထပ်ခိုး)
Gable(မြင်းမိုရ်ပိတ်)
Water Tank(ရေလှောင်ကန်)
Ceiling(မျက်နှာကျက်)
Balcony(လသာဆောင်)
Verandah(ဝရံတာ)
Windows(ပြတင်းပေါက်များ)
Doors(တံ ခါးများ)
Ventilator(လေဝင်လေထွက်ပေါက်)
Portico(အိမ်ရှေ့ပေါ်တီကို)
Staircase/stairs(လှေခါးများ)
Gate(ဝင်းတံခါး)
Fence(ခြံစည်းရိုး)
Garden home(ဥယျာဉ်)
Letter box(အိမ်ရှေ့စာတိုက်ပုံး)
Door bell(အိမ်ရှေ့အချက်ပေးဘဲလ်)
Drain(ရေမြောင်း)

Credit: Original Uploader

27/10/2025

ဆောက်လုပ်ပြီးစီးသော
ကျွန်တော်တို့ရဲ့ လက်ရာလေး

21/10/2025

✴တချိန်ချိန်မှာအသုံးဝင်လာမည့်
ဗဟုသုတများအား မျှဝေပါရစေ....💁‍♂️

***စည်ပင်နယ်နိမိတ်အတွင်း အဆောက်အဦး
ဆောက်တော့မယ်ဆိုရင်***....👷👷

ပထမဆုံး ဆောက်လုပ်ခွင့်
တင်ပြရပါတယ်။

မြေယာဌာနမှာ
~~~~~~~~~

- ​ပုံစံ ၁၀၅ / ၁၀၆ အရင်လျှောက်
- အဲဒါလျှောက်ဖို့ က
- မြေကွက်ပိုင်ဆိုင်မှု အထောက်အထား
(ဂရံ ၊ မြေပေးမိန့်)
- ဂရံရပြီးရင် မြေခွန် ၁ နှစ်စာ
ဆောင်ပြီးကြောင်း ပြေစာ
( အဲဒါမပါရင် မရဘူး)
သက်ဆိုင်ရာ မြို့နယ်စည်ပင်မှာ သွားဆောင်
- တစ်ဆင့် ပြန်ဝယ်ထားတယ်ဆိုရင်
GP ၊ SP ကိုယ်စားလှယ်လွှဲစာ၊ ဂရံ၊
အရောင်းအဝယ်စာချုပ်တွေ ပြ၊ မိတ္တူပေး
- လျှောက်မယ့်သူရဲ့ မှတ်ပုံတင်မိတ္တူ
- သန်းခေါင်စာရင်း၊ လိပ်စာ၊ ဖုန်းနံပါတ်
- စာရွက်စာတမ်း ပြည့်စုံရင် တင်ခဲ့
- ဌာနက M/S တင်
- တစ်ပတ်လောက်ရှိရင် ကွင်းဆင်း
- ၁၀၅ /၁၀၆ အတွက် ငွေသွင်း
- အဲဒါပြီးရင် တစ်ပတ်စောင့် ၁၀၅/၁၀၆ ရ၏

----------------------------------------------------------

- ၁၀၅ / ၁၀၆ ရရင်
ဆောက်လုပ်ခွင့်အတွက်

အဆောက်အဦဌာနမှာ
~~~~~~~~~~~~~~
- လျှောက်လွှာထုတ်
- မိမိမြေကွက် တည်နေရာ ဓါတ်ပုံ ၄ ပုံ
- လျှောက်ထားသူရဲ့ လိုင်စင်ပုံ (၂)ပုံ
- မှတ်ပုံတင်နဲ့ အိမ်ထောင်စုစာရင်း မိတ္တူတွဲ
- မြေကွက်ပိုင်ဆိုင်ကြောင်း အထောက်အထား
ထပ်တွဲ တင် (အပေါ်က ပြောခဲ့သလို)
- အနားလေးရပ် ထောက်ခံချက်ယူ
- အုပ်ချုပ်ရေးမှူးထောက်ခံချက် (၃)နေရာထိုး
- အဆောက်အဦ Drawing (၃)စုံ
- Drawing မှာ စည်ပင်က လိုင်စင်ရ
အင်/ယာ လက်မှတ်ထိုးရတယ်။
လက်မှတ်ထိုးခက Sqft အတိုင်းပေးရတယ်။
(အခြား အင်/ယာ ထိုးလို့မရ)
- ၁၀၅/၁၀၆ မူရင်းပါ တွဲတင်
- မြိုနယ်စည်ပင် EO က လက်မှတ်ထိုး
ရုံးအပေါ်စာနဲ့ တင်
- အမှုတွဲစုံလို့ တင်ပြီးရင် တစ်ပတ်စောင့်
(Design က လိုအပ်တာရှိရင် ပြန်ပြင်ပေး)
- မြေကွက်နေရာကို ကွင်းလာဆင်းကြည့်
- ဌာနက M/S ရေး EC တင်
- EC က ပြန်ကျရင်
ဆောက်လုပ်ခွင့်အတွက် ငွေသွင်း
- Green Board ထုတ် မြေကွက်မှာကပ်
- ဆောက်လုပ်ခွင့်ပြု အမိန့် စည်ပင်က
အကြောင်းကြားရင် သွားထုတ်
- တင်ပြထားတဲ့ Design အတိုင်း ဆောက်

==================================

၆ လ လောက်အကြာ
အဆောက်အဦ ဆောက်ပြီးရင်
ဆောက်လုပ်ပြီးစီးကြောင်း ထပ်တင်

- မူလက တင်ပြတဲ့ ဒီဇိုင်းမိတ္တူ
- ဆောက်လုပ်ခွင့်ပြုကြောင်းစာ မိတ္တူ
- ယခင်က ငွေသွင်းချလံမိတ္တူ
- လျှောက်လွှာပုံစံမှာ ဖြည့် ပြန်တင်
- ပြီးစီးကြောင်း အတွက် ငွေသွင်း
( မပြီးသေးရင် Ex ထပ်တိုးတင်)
- တစ်ပတ်စောင့် ကွင်းလာဆင်း
- EC မှာ ပြန်တင်
- ဆောက်လုပ်ပြီးစီးကြောင်း
- ဌာနကို သွားယူ

အဲဒါမှ စည်ပင်နယ်နိမိတ်အတွင်း
မိမိ အဆောက်အဦ ဆောက်လုပ်မှုကိစ္စ
အဝဝ ပြီးမြောက်၏။

17/10/2025

ရန်ကုန်မှာ ပြင်းအား သိသာတဲ့ငလျင်လှုပ်လို့ မြို့ခံတွေ ထိတ်လန့်

အောက်တိုဘာ ၁၇ ရက် ညပိုင်း ၁၁ နာရီကျော်က ရန်ကုန်တိုင်းက မြို့နယ် အများစုမှာ
ပြင်းအားသိသာစွာခံစားရတဲ့ ငလျင်လှုပ်သွားတယ်လို့ ရန်ကုန်မြို့ခံ တချို့က ဘီဘီစီကိုပြောပါတယ်။

ကမာရွတ်၊လှိုင်၊ ဒလ ၊သာကေတနဲ့ဒေါပုံ အပါအဝင် မြို့နယ် အများစုမှာ အများစုက တိုက်အောက်ကိုပြေးဆင်းကြတဲ့အထိ ထိတ်လန့်ခဲ့ကြတယ်လို့ သိရပါတယ်။

ငလျင်လှုပ်ခတ်မှုတွေကို ဖော်ပြတဲ့ App တွေမှာတော့ ည ၁၁ နာရီ ၈ မိနစ်ခန့်မှာ ရန်ကုန်
တောင်ဘက် ပင်လယ်ကမ်းရိုးတန်းဘက်ကို
ဗဟိုပြုပြီး အင်အားမဂ္ဂနီကျူ ၃. ၉ အဆင့် ငလျင် တစ်ခုနဲ့ နောက်ထပ် ငလျင်တစ်ခုလှုပ်ခတ်ခဲ့တယ်လို့ ဖော်ပြပါတယ်။

တခြားမြို့နယ်တွေမှာ နေထိုင်သူတွေလည်း ကိုယ့်မြို့နယ်အလိုက် ငလျင်လှုပ်ခတ်မှုကြုံရတာကိုလည်း မှတ်ချက်ပေး မျှဝေပေးဖို့ဖိတ်ခေါ်ပါတယ်။

ဓာတ်ပုံ - ဘီဘီစီမြန်မာပိုင်း

#ရန်ကုန် #ငလျင်