16/07/2026
ကားရပ်ထားပြီး ဂီယာထိုးမရတော့ဘူးဆိုရင် အရေးပေါ် ဘယ်လိုလုပ်လို့ရမလဲ ?
ဒီနေ့ Customer တယောက်ရုံကို ရောက်လာတယ် ၊ သူ့ကားတစီးက ဘက်ဆုတ် (Back Gear) ထိုးပြီး နောက်ဆုတ် ၊ ပြီးတော့ ရှေ့ကို ဂီယာထိုးတာ ပြန်ထိုးမရတော့ဘူး ၊ နောက် ဂီယာတွေလည်း ရွှေ့မရတော့ဘူး လမ်းမှာ ကန့်လန့်ကြီးဖြစ်နေတယ် အဲ့ဒါလိုက်ကြည့်ပေးပါဆိုပြီး လာခေါ်တယ်ပေါ့ ။
ကျနော်တို့ အလုပ်ရုံနဲ့ မဝေးတာမို့ လိုက်ကြည့်ပြီး ရုံကို မောင်းလာလို့ရအောင် အနည်းငယ်ပြုပြင်ပြီး မောင်းလာ ၊ ရုံရောက်မှ အပြီးသတ် သေချာအောင် ပြုပြင်ပေးလိုက်ပါတယ် ။
အဲ့ဒါနဲ့ ကားမောင်းတဲ့ မိတ်ဆွေတွေ ခရီးသွားရင်း လာရင်း ဖြစ်စေ ၊ အမြန်လမ်းတွေမှာဖြစ်စေ ၊ ဝပ်ရှော့တွေနဲ့ ဝေးလံတဲ့နေရာတွေမှာ ဒါမျိုးပြဿနာတွေ ကြုံလာခဲ့ရင် အရေးပေါ် ကားမောင်းလို့ ရအောင် ဘယ်လိုများ လုပ်ဆောင်နိုင်မလဲဆိုတာလေး ပြောပြချင်လို့ပါ ။
ကားရပ်ပြီး စက်တော့နိုးတယ် ဂီယာထိုးမရတဲ့ အဖြစ်အများဆုံး ပြဿနာက ၂ မျိုးရှိပါတယ် ။
(၁) ဂီယာ Shift Lock Solenoid တွေ ပျက်စီးတာ ၊ ချို့ယွင်းတာ ၊ အလုပ်မလုပ်တာပါ
(၂) ဂီယာ Shift Link ဘွတ်တွေ ပြုတ်ထွက်တာပါ
(၁) ဂီယာ Shift Lock Solenoid တွေ ဆိုတာဘာလဲ ၊ ဘယ်လိုချို့ယွင်းနိုင်လဲ ၊ ဘယ်လို အရေးပေါ် ဂီယာထိုးရမလဲ
Shift Lock ဆိုတာ ဘာလဲ သေချာရှင်းပြရရင်တော့ ကားမောင်းသူတိုင်း နေ့စဉ်အသုံးပြုနေပြီး သတိမမူမိတဲ့ Lock လေးတခုပါပဲ ။ ကားကိုစက်စနှိုးလိုက်တယ် ၊ ကားစက်နိုးသွားတယ်ဆိုရင် ရှေ့သွားဖို့ Gear Position ( P ) ကနေ (D) ကို ထိုးတော့မယ်ဆို ဘရိတ်ကို နင်းမယ် ၊ ပြီးရင် Shift Lever ( ဂီယာတံက ) ဘု လေးကို နှိပ်ပြီး ထိုးမှ ဂီယာထိုးရပါတယ် ။ ကား Shift Lever က P ( Parking ) မှာရှိနေတဲ့အချိန် ဘရိတ်မနင်းဘဲ ဂီယာဘုပဲ နှိပ် ဂီယာထိုးကြည့်ရင် ဂီယာထိုးမရပါဘူး ။
ဘာကြောင့် အဲ့ဒီလို လုပ်ထားရတာလဲဆိုရင်တော့ Safety Feature ကြောင့်ပါပဲ ။ ကားပေါ်မှာ ကလေးတယောက်ယောက် ရှိနေမယ် ၊ ကားကလည်း စက်နှိုးထားမယ် ၊ ကားမောင်းသူ ကလည်း အပြင်ကိုထွက်နေတဲ့အချိန် ကလေးက ဆော့ကစားပြီး Shift Lever က ဘုကိုနှိပ်ပြီး Gear Position တွေ လိုက်ကစားလိုက်ရင် ကားက ဂီယာ၀င်ပြီး အကုန်၀င်တိုက်မိ အန္တရာယ် တွေ ဖြစ်နိုင်ပါတယ် ။
ဒါကြောင့် ကား Shift Lever (ဂီယာတံ) ကို P (Parking) နေရာကနေ အလွယ်တကူ ရွှေ့မရအောင် Shift Lock Solenoid လေးနဲ့ထိန်းပေးထားပါတယ် ။ Shift Lock Solenoid လေးက ဖွင့်ပေးမှ ဂီယာတံက P (Parking) နေရာကနေ အခြားဂီယာတွေကို ထိုးလို့ရပါတယ် ။
Shift Lock Solenoid လေးကိုတော့ သော့ဖွင့်လိုက်တာနဲ့ (IG) အပေါင်း (+) Voltage ရောက်အောင် လုပ်ထားပြီး နောက်ထပ် လိုအပ်တဲ့ အနှုတ်စ (-) ကိုတော့ ECU ကနေ ပေးပို့ပါတယ် ။
ECU ကနေလည်း ဒီအတိုင်းပို့မပေးဘဲ Gear Position က (P) မှာရှိရမယ် ၊ နောက်ထပ် Brake လည်း နင်းထားရမယ်ဆိုတဲ့ အချက် နှစ်ချက်ညီမှ ECU ကနေ အနှုတ် Signal ထုတ်ပေးပြီး Shift Lock Solenoid ကိုဆွဲစေကာ Shift Lever ( ဂီယာ ) ဘုကိုနှိပ် ဂီယာထိုးရစေပါတယ် ။
ဒါက Shift Lock ဆိုတဲ့ ဂီယာလက်တံ ရွှေ့ပြောင်းတဲ့ စနစ်ပါ ။ Shift Lock စနစ်က ဒီလို ထိန်းချုပ်ထား တာမို့ သူ့ပုံမှန်အတိုင်းဆို ဘရိတ်နင်းမှ ဂီယာလက်တံရွှေ့ရတာမို့ ဘာအန္တရာယ်မှ မရှိပါဘူး ။
ဒါပေမယ့် တချို့ချို့သော ကားတွေမှာ အကြောင်းအမျိုးမျိုးကြောင့် ECU ကနေ လာမယ့် အနှုတ် (-) Signal ကြိုးကို Ground Direct ချထားတာတွေ ရှိတတ်ပါတယ် (ဒါမျိုး Ground တိုက်ရိုက် ချထားတဲ့ ကားတွေ ကျနော်ကိုယ်တိုင် မကြာမကြာတွေ့ရပါတယ် ) ။ ဒီလို Ground တိုက်ရိုက်ချထားတဲ့အတွက် Shift Lock Solenoid က သော့ဖွင့်တာနဲ့ ဆွဲနေပြီး ဘရိတ်နင်းစရာမလိုဘဲ ဂီယာဘုနှိပ် ဂီယာထိုးရနေပါပြီ ။
အဲ့လို့လုပ်ထားတဲ့ဟာမျိုးနဲ့ ဆော့တတ်ကစားတတ်တဲ့ ကလေးနဲ့သွားတွေ့ရင် ကားစက်လေးနှိုး (Idle) လေးနဲ့ လုပ်ထားချိန် ၊ ကလေးက ဂီယာလက်ကိုင်ဘုနှိပ် ဂီယာထိုးလိုက်ရင် ဂီယာ၀င်သွားပြီး ပြဿနာ အကြီးကြီး တက်သွားနိုင်ပါတယ် ။
Parking မှာထားရင်း ဂီယာထိုးမရတော့ဘူးဆိုရင် ဘာလုပ်မလဲဆိုရင်တော့ Shift Lock Release Button ဆိုတာလေးကို နှိပ်ရပါမယ် ။
ဒါကတော့ ဂီယာလက်တံ ရွှေ့မရဖြစ်တတ်တဲ့အခါ Emergency အနေနဲ့ ဂီယာလက်တံရွှေ့ရအောင် လုပ်ထားတဲ့ ခလုတ်လေးပါ ။ ကားမောင်းဖို့ စက်နှိုးပြီး ဂီယာလည်းထိုးရော ဂီယာလက်တံက ရွှေ့မရတော့ဘူး P ( Parking ) နေရာမှာပဲ ရှိနေတယ်ဆိုရင် ဒီ Shift Lock Release Button လေးကို Emergency အနေနဲ့ အသုံးပြုပြီး Gear Position တွေပြောင်းလဲရနိုင်ပါတယ် ။
ဂီယာသင်္ကေတ P, R, N, D, 2 စတဲ့ဂဏန်းတွေရဲ့ အပေါ်မှာ ဘေးမှာရှိတတ်ပါတယ် ။ တချို့အမျိုးအစား ကားတွေမှာ ဘုလေးတွေအဖြစ်ရှိနေပြီး ၊ တချို.ကားတွေမှာတော့ သော့တို့ ၊ ၀က်အူလှည့်တို့နဲ့ ထိုးမှ ရတဲ့ အချိုင့်လေးတွေ ထဲမှာ တည်ရှိတတ်ပါတယ် ။ ပုံမှာကြည့်နိုင်ပါတယ် ။
ဂီယာလက်တံ ရွှေ့မရတာမျိုးတွေကတော့
1. Brake Switch တွေပျက်တာ ၊
2. ကြိုးလိုင်းတွေပျက်တာ
3. Shift Solenoid ပျက်တာ အစရှိသဖြင့် အမျိုးမျိုးရှိတတ်ပါတယ် ။
ကားမောင်းဖို့ စက်နှိုးပြီး စစထွက်ဖို့ ကားဂီယာထိုးမရတော့ဘူး ဆိုတဲ့အချိန် ဘရိတ်နင်း ဒီခလုတ်လေးကို ဖိထားပြီး ဂီယာကို D ရွှေ့ရသလို ( ဒါမှမဟုတ် ) ကားကို တနေရာရာမှာ ရပ်ထားပြီး သော့ဖွင့်မရ စက်နှိုး မရတော့တဲ့အချိန် ကားကိုနေရာရွှေ့ဖို့ လိုလာတယ်ဆိုရင် ဒီ Shift Lock Release Button လေးကို နှိပ်ပြီး ကားကို N ( Neutral ) မှာထားပြီး ကားကိုတွန်း ရွှေ့လို့ရပါတယ် ။
ဒါလေးတွေကလည်း ကားမှာပါတဲ့ Safety Lock လေးနဲ့ ဆက်စပ်ပြီး သိသင့်သိထိုက်တဲ့ အရေးကြီး အချက်လေးတွေပါ ။ ဒီအချက်လေးတွေကို သိထားခြင်းဖြင့် မတော်တဆ ကြုံတွေ့လာရရင် ကိုယ်တိုင် ဖြေရှင်းနိုင်ပြီး ဘေးအန္တရာယ်ကင်းရှင်းမှာဖြစ်ပါတယ်။
(၂) ဂီယာ Shift Link ဘွတ်တွေ ပြုတ်ထွက်တာပါ
ဒီကောင်ကတော့ နည်းနည်း အန္တရာယ်ရှိတာမို့ သေချာဖတ်ရှုစေချင်ပါတယ် ။
ဒီ ဂီယာ Shift Link ဘွတ်တွေ ပြုတ်ထွက်တဲ့ ပုံစံက ရှေ့မှာပြောထားတဲ့ Shift Lock Solenoid ပျက်တဲ့ ပုံစံနဲ့ မတူပါဘူး ။ Shift Lock Solenoid ပျက်တဲ့ပုံစံက ဂီယာကို P ကနေ ဘယ်ကိုမှ ရွှေ့မရတာမျိုးပါ ။
ဒီ ဂီယာ Shift Link ဘွတ်တွေ ပြုတ်ထွက်တဲ့ ပုံစံက ဂီယာတွေက ရွှေ့လို့ရ (P,R,N,D,2,L) တွေ ရွှေ့လို့ရပေမယ့် ၊ ဂီယာ မဝင်တာ ၊ ဒါမှမဟုတ် ဝင်ထားပြီးသား ဂီယာကနေ ဘယ်ဂီယာကိုမှ မပြောင်းတော့တာမျိုးပါ ။
ဂီယာ Shift Link တွေ အလုပ်လုပ်ပုံက Shift Link တွေနဲ့ ဂီယာဘောက်ကို (ဂီယာဘောက် လက်ဝါး) ဂီယာကြိုးတွေနဲ့ ချိတ်ဆက်ထားတာပါ ။ ဒီ ဂီယာ Shift Link ဘွတ်တွေ ပြုတ်ထွက်သွားပြီဆိုတာနဲ့ အပေါ်က ဂီယာတံကို ဘယ်လိုပဲပြောင်းပြောင်း ဂီယာကြိုးနဲ့ ဂီယာတံ မချိတ်မိတော့မျိုးဖြစ်တာမို့ ။
နဂို ရှိနေပြီးသား ဂီယာကြီးပဲ ဝင်နေမှာဖြစ်ပါတယ် ။ ဥပမာ P မှာ ထားရင် ပြုတ်သွားရင် P ၊ D မှာ ထားရင် ပြုတ်ထွက်သွားရင် D ပဲဝင်နေတော့မှာဖြစ်ပါတယ် ။
ဒီလိုမျိုး ဂီယာထိုးမရဘဲ Link ပြုတ်သွားတယ်ဆိုရင်တော့ အရေးပေါ် ဝပ်ရှော့တွေနဲ့ အခြားသော နေရာတွေကို မောင်းရအောင် လုပ်လို့ရတဲ့ နည်းကတော့ရှိပါတယ် ။ ဒါပေမယ့် ဒီလိုပြုလုပ်တာဟာ အန္တရာယ်လည်း ရှိတတ်တာမို့ အသေးစိတ်သေချာဖတ်ရှုပြီး သတိထားလုပ်ဆောင်မှရပါမယ် ။ အရေးပေါ် အခြေနေမှလည်း ပြုလုပ်ဆောင်သင့်ပါတယ် ။
ဒါမျိုးဖြစ်လာရင် ဘယ်လိုလုပ်ရမလဲဆိုရင်တော့ Gear Box PNP Switch (လက်ဝါး) ကနေ တိုက်ရိုက်ဂီယာထိုးပြီး ကားကို မောင်းနှင်သွားလို့ရပါတယ် ။ လက်ဝါးပြားပုံလေးကို အောက်မှာဖော်ပြပေးထားပါတယ် ။ မိတ်ဆွေတို့ရဲ့ ကားတွေမှာ ကိုယ်တိုင် လေ့လာကြည့်ရှုထားသင့်ပါတယ် ။
အဲ့ဒီလက်ဝါးပြားလေးမှာပါတဲ့ လင့်ကလေးကို ဘယ်ညာရွှေ့ပြီး ဂီယာထိုးလို့ရပါတယ် ။ ဒါပေမယ့် ဂီယာမထိုးခင် လုပ်ဆောင်ရမှာတော့ကတော့
(၁) ဟန်းဘရိတ်ဆွဲထားရပါမယ် ။
(၂) ကားမှာ လူပို (ကားမောင်းသူအပြင်) ပါတယ်ဆို ဘရိတ်နင်းထားရပါမယ် ။ ကားဘီးတွေကို ဂျမ်းတုံး ခုထားနိုင်ရင် ပိုကောင်းပါတယ် ။
(၃) ကားသော့ဖွင့်လိုက်ပါ ။ သော့ On လိုက်ပါ ။ စက်မနှိုးပါနှင့်ဦး ။ ဒိုင်ခွက်ထဲမှာ ဂီယာ Position ဘယ်ဟာကို ပြနေလဲ ကြည့်ပါ ။ P / R / N / D / 2 / L စသည် ။
(၄) ဂီယာဘောက် လက်ဝါးကို ဘယ်ညာရွှေ့ပြီး ဒိုင်ခွက်ထဲမှာ ဘယ်ဂီယာဝင်နေသလဲ ကြည့်ပါ ။
P မှာထားပေးပါ ။
(၅) စက်နှိုးပါ ။
(၆) ဟန်းဘရိတ်ဆွဲထားတာ ၊ ဘရိတ်နင်းထားတာ ၊ ဂျမ်းတုံးခုထားတာ သေချာတယ်ဆို ဂီယာဘောက် လက်ဝါးကို ဘယ်ညာရွှေ့ပြီး ဂီယာ Position D ရောက်အောင် ထိုးပါ ။
အဲ့ဒါဆို အရေးပေါ် ဂီယာထိုးပြီး မောင်းလို့ရသွားပါပြီ ။
သတိပေးချက် ။ ။ စက်နိုးထားချိန် ဂီယာဘောက်လက်ဝါးကနေ တိုက်ရိုက် ဂီယာထိုးတာဖြစ်တဲ့အတွက် ဘရိတ်မကောင်းတာ ၊ ဒါမှမဟုတ် ဘရိတ်နင်းမထားတာ မျိုးတွေ ၊ ဂျမ်းတုံး မခုထားတာတွေဆိုရင်တော့ ဂီယာဝင်တာနဲ့ ရှေ့ကနေ ဂီယာထိုးနေတဲ့သူကို ဝင်တိုက်ပြီး ထိခိုက်မိနိုင်တာမို့ အန္တရာယ်ရှိပါတယ် ။ ဒါကြောင့် အပေါ်က အချက်တွေကို သေချာလိုက်နာပြီး အရေးပေါ် အခြေနေ ၊ မလွှဲမရှောင်သာ အခြေနေမှသာ အသုံးပြုစေချင်ပါတယ် ။
စာကို သေချာဖတ်ပြီး မရှင်းလင်းတာတွေရှိရင်လည်း မေးမြန်းနိုင်ပါတယ် ။
(ပုံလေးတွေ ကြည့်ပြီး လေ့လာနိုင်ပါတယ်ဗျာ)
ဝါယာရိန်းနည်းပညာတွေကို အွန်လိုင်းကနေ လေ့လာချင်တယ်ဆိုရင် မကြာခင် ဖွင့်လှစ်မယ့် အွန်လိုင်း သင်တန်းတွေကို တက်ရောက်နိုင်ပါတယ် ။
https://www.facebook.com/share/p/1Dwe22KtNH/
https://www.facebook.com/share/p/1CCcqJAgFb/
• • ကားနဲ့ပတ်သတ်သော နည်းပညာပေါင်းများစွာ ဒီပေ့စ်မှာ လာရောက်လေ့လာနိုင်ပါတယ် ။
• • Prime Auto Technology ကထုတ်ထားတဲ့ ကားဝါယာရိန်း နှင့်ပတ်သတ်သော နည်းပညာစာအုပ်များ ဝယ်ယူလိုပါက
• https://www.facebook.com/share/p/1DjxMSfYxy/
ECU ပြုပြင်နည်း စာအုပ်များမှာယူလိုပါက
https://www.facebook.com/share/p/1K4W6JGx42/
• Prime Auto Technology ကနေ အသစ်ဖွင့်မယ် ကားဝါယာရိန်း နည်းပညာ သင်တန်းများ တက်ရောက်လိုပါက
https://www.facebook.com/share/p/1CCcqJAgFb/
• EFI Sensor နဲ့ OBD Wiring Online သင်တန်းတက်ရောက်လိုပါက
• https://www.facebook.com/share/p/15utwgmKCW/
• Prime Auto Technology ရဲ့ Telegram Channel ကို Join ပြီး နည်းပညာများလာရောက် လေ့လာနိုင်ပါတယ်ခမျာ ။
• https://t.me/Primeautotechnology
• Lynn Za Nee ( P.T.U)
• Prime Auto Technology
