12/03/2025
Quality Control (QC) in Construction
PMI လို့ခေါ်တဲ့ Project Management Institute ကထုတ်ထားတဲ့ Project Manager တွေအတွက် guidebook ဖြစ်တဲ့ PMBOK GUIDE ထဲမှာ Quality Control ကိုခုလိုဆိုပါတယ်။
"The process of monitoring and recording results of executing the quality activities to assess performance and recommend necessary actions"
တည်ဆောက်ထုတ်လုပ်လိုက်တဲ့ products/ process ရဲ့ အရည်အသွေး performance ကို စောင့်ကြည့်ခြင်း၊စစ်ဆေးခြင်း၊ မှတ်တမ်းတင်ခြင်း၊ လိုအပ်သလိုအရေးယူဆောင်ရွက်ခြင်း လို့ ဆိုနိုင်ပါတယ်။
QC စစ်တယ် လို့ ကျနော်တို့ ဆောက်လုပ်ရေးမှာ အသုံးများကြတယ်။
ဘာကိုစစ်တာလဲ?
အသုံးပြုတဲ့ material ရဲ့ quality ကိုစစ်တယ်။ တည်ဆောက်လိုက်တဲ့ အဆောက်အအုံအစိတ်အပိုင်း တွေရဲ့ လက်ရာလက်သား workmanship ကိုစစ်တယ်။ Final product ဖြစ်တဲ့ အဆောက်အအုံပြီးစီးမှုကို စစ်တယ်။
ဘာနဲ့ ကိုင်စစ်မှာလဲ?
Contract မှာဖော်ပြထားတဲ့ အတိုင်းစစ်မယ်။ သတ်မှတ်ထားတဲ့ specifications တွေ၊ standards တွေ ကိုင်စစ်မယ်။ Method Statement အတိုင်းလုပ်မလုပ် စစ်မယ်။ Approved drawings အတိုင်းလုပ်မလုပ် စစ်မယ်။
ဘယ်အချိန်မှာ စစ်မှာလဲ?
တည်ဆောက်ရေး မစခင်မှာ သုံးစွဲမယ့် material quality ကိုစစ်မယ်။ မျက်မြင် visual စစ်မယ်။ 3rd party laboratory မှာ test လုပ်စစ်မယ်။ တည်ဆောက်နေစဉ် အဆင့်တိုင်းမှာ စစ်မယ်၊ လိုအပ်ရင် field test တွေလုပ်ပြီးစစ်မယ်။ ITP & checklist တွေအတိုင်းစစ်မယ်။ acceptance criteria သတ်မှတ်ထားတဲ့အတိုင်း tolerance ထဲ၀င်မ၀င်စစ်မယ်။အားလုံးပြီးတဲ့ အခါ final Inspection ၀င်မယ်၊ T&C လုပ်မယ်၊ snag list/ punch list ထုတ်မယ်၊ အားလုံး အိုကေရင် handover လုပ်မယ်။
ဘယ်သူတွေက စစ်မှာလဲ?
ဆိုက်အင်ဂျင်နီယာ၊ QC inspector၊ Consultant Inspector၊ Lab technician ၊ 3rd party specialist တွေက လိုအပ်သလိုစစ်ဆေးပါတယ်။
Quality control ဆိုတာ တည်ဆောက်လိုက်တဲ့ လမ်းတံတား အဆောက်အအုံတွေ လက်ရာလက်သား အရည်အသွေးကောင်းမွန်စေဖို့ လုပ်ငန်းစဉ်အဆင့်တိုင်းကို သတ်မှတ်ထားတဲ့ Contract documentsတွေအတိုင်း ကိုက်ညီအောင် ကြပ်မတ်စစ်ဆေးခြင်းဖြစ်ပါတယ်။
ဒါကြောင့် အရည်အသွေးကောင်း၊ တာရှည်ခံ၊ ခိုင်ခန့်တဲ့ အဆောက်အအုံတွေဖြစ်ဖို့ QC အရေးကြီးပါတယ်။
Crd- ဆွေလှိုင်ဦး (မြို့ပြ ၂၀၀၄)
