01/01/2026
ကွန်ပျူတာနဲ့ အင်တာနက်လောကမှာ အသုံးအများဆုံး စက်ပစ္စည်း (၃)မျိုး
1.Router(Routing)
Router ဆိုတာကတော့ လမ်းညွှန်ပေးသူလို့ မှတ်ထားလို့ရပါတယ်။ သူက Network တစ်ခုနဲ့တစ်ခုကို ချိတ်ဆက်ပေးပြီး ဒေတာတွေကို လမ်းကြောင်းမှန်အောင် ပို့ဆောင်ပေးပါတယ်။
ဥပမာ: device တစ်ခု Network ထဲဝင်လာတဲ့အခါ Router (DHCP Server) ကနေ "မင်းအတွက် IP လိပ်စာက ဒါပဲ၊ အခု အင်တာနက်သုံးလို့ရပြီ" လို့ အသိအမှတ်ပြု (Acknowledgment) ပေးတာမျိုးပါ။
အသုံးပြုတဲ့ Protocols များ: RIP, OSPF, IS-IS, EIGRP နဲ့ BGP တို့ ဖြစ်ပါတယ်။
2.Switch (Switching)
Switch ဆိုတာ Local Area Network (LAN) တစ်ခုအတွင်းမှာရှိတဲ့ စက်ပစ္စည်းတွေကို ချိတ်ဆက်ပေးတာဖြစ်ပါတယ်။
Router နဲ့ မတူတဲ့အချက်ကတော့ Switch ဟာ ဒေတာတွေကို လူတိုင်းဆီ (Broadcasting) မပို့ဘဲ သက်ဆိုင်ရာ စက်ပစ္စည်းဆီကိုပဲ တိုက်ရိုက်ပို့ဆောင်ပေးပါတယ်။ ဥပမာ- ကွန်ပျူတာတစ်လုံးကနေ Printer ဆီကို ဒေတာပို့ရင် အဲဒီ Printer ဆီကိုပဲ တန်းရောက်အောင် ပို့ပေးတာမျိုးပါ။
အသုံးပြုတဲ့ နည်းပညာများ: VLAN, VTP, STP, RSTP, Port channel စတာတွေ ပါဝင်ပါတယ်။
3.Firewall
Firewall ဆိုတာ ကွန်ရက်လုံခြုံရေးအတွက် အသုံးပြုတဲ့ အကာအကွယ်အတားအဆီးတစ်ခု ဖြစ်ပါတယ်။
ယုံကြည်ရတဲ့ ကိုယ့်ရဲ့အတွင်းပိုင်းကွန်ရက် (Internal Network) နဲ့ အပြင်လောက အင်တာနက် (External Network) ကြားမှာ တံတိုင်းတစ်ခုလို ခံထားတာပါ။ သတ်မှတ်ထားတဲ့ လုံခြုံရေးစည်းမျဉ်းတွေနဲ့အညီ ဝင်လာတဲ့ဒေတာတွေကို စစ်ဆေးပြီး အန္တရာယ်ရှိတာတွေကို တားဆီးပေးပါတယ်။
အသုံးပြုတဲ့ နည်းပညာများ: NAT, IDS, IPS, ACLS, IPSEC နဲ့ HTTPS Inspection စတာတွေ ပါဝင်ပါတယ်။
