Dark angel robot team

23/06/2025

20/01/2025

Line Follower роботын тухай

Line Follower буюу шугам дагагч робот нь өгөгдсөн зам дээрх шугамыг дагаж хөдөлдөг автомат робот юм. Энэ төрлийн робот нь хурд, тогтвортой байдал, алгоритмын оновчтой байдлыг шалгадаг бөгөөд ихэвчлэн тэмцээн, сургалтын зорилгоор ашиглагддаг.

---

Line Follower роботын стандарт хэмжээ болон бүтэц

1. Хэмжээ

Роботын дээд хэмжээ: 25 см x 25 см

Жин: 1000 граммаас бага байх шаардлагатай (тэмцээнээс хамаарч өөр байж болно).

2. Бүтэц

Мэдрэгчүүд:
Харанхуй болон гэрэлтэй орчинд шугамыг таних зориулалттай IR мэдрэгч ашигладаг. Ихэвчлэн QRE1113 мэдрэгчийг ашигладаг бөгөөд энэ нь жижиг, хөнгөн, зай бага эзэлдэг.

Мотор:
Хурдан, хөнгөн хөдөлгөөнд зориулж coreless эсвэл өндөр эргэлттэй DC мотор ашиглана.

Микроконтроллер:
Arduino Nano эсвэл ATmega328P микроконтроллерийг голчлон хэрэглэдэг. Гэвч илүү өндөр чанартай код, алгоритм ашиглах бол STM32, ESP32 зэрэг refresh хурд өндөртэй микроконтроллерууд илүү тохиромжтой.

Цахилгаан тэжээл:
7.4V-11.1V бүхий өндөр гүйдлийн литий-ион эсвэл литий-полимер баттерей ихэвчлэн ашигладэг

Дагах систем:
PID алгоритм ашиглан роботын хөдөлгөөнийг оновчтой удирддаг.

Туслах систем:
Дээш үлээх (EDF систем) болон доош вакуум үүсгэх технологийг ашигладаг. Энэ нь роботын замтай барьцалдах хүчийг нэмэгдүүлж, гулсалтын багасгаж, хурдыг нэмэгдүүлэх боломжийг олгодог.

---

Line Follower роботын тэмцээний дүрэм

1. Тэмцээний талбай

Дэвсгэрийн өнгө: Хар дэвсгэр дээр цагаан шугам байрлана (эсвэл эсрэгээрээ).

Шугамын өргөн: 1.5 см – 3 см.

Замын бүтэц: Эгц эргэлт, огцом эргэлт, налуу зам зэрэг сорилтуудтай.

2. Тэмцээний зорилго

Робот нь шугамыг дагаж, замыг хамгийн богино хугацаанд туулна.

Зам дээрх бүх эргэлт, сорилтыг алдаагүй давах шаардлагатай.

3. Үргэлжлэх хугацаа

Нэг роботын гүйцэтгэлийн хугацаа: 0-3 минут (замын уртаас хамаарна).

Робот замаас гарсан тохиолдолд дахин эхлүүлнэ. Гэхдээ гараад буцаж орох хүртэл явсан зам нь үндсэн замаас богино байж болохгүй.

4. Оролцогчийн шаардлага

Роботыг өөрөө зохион бүтээж, программчилсан байх.

Хориотой зүйлс: Гадны удирдлага, шугамыг гэмтээх төхөөрөмж суурилуулах.

5. Шүүгчийн шийдвэр

Шүүгч роботын цаг хугацааг шалган эцсийн дүгнэлт гаргана.

---

Line Follower роботын онцлог

Line Follower робот нь техник, программчлал, алгоритмын ур чадварыг шалгаж, бүтээлч сэтгэлгээг хөгжүүлэхэд тохиромжтой. Энэ төрлийн роботын тэмцээн нь хурд, нарийвчлал, оновчтой программчлалыг онцолж, инженерчлэл болон электроник сонирхогчдод төгс сонголт болдог.

Дүгнэлт:
Line Follower робот нь жижиг хэмжээтэй ч өндөр гүйцэтгэл шаарддаг, өрсөлдөөнтэй, сонирхолтой тэмцээний төрөл юм. Түүнчлэн, замтай барьцалдах хүчийг нэмэгдүүлэхийн тулд дээш үлээх (EDF систем) болон доош вакуум үүсгэх технологийг ашиглах нь хурдыг эрс нэмэгдүүлдэг давуу талтай.

03/11/2024

Хамтдаа Өндөрт

“Автомат робот-2024” Улсын аварга шалгаруулах тэмцээн 11-р сарын 2, 3-ны өдрүүдэд ШУТИС-ийн Холбоо Мэдээллийн Сургууль дээр зохион байгуулагдаж, роботын төрөлд Лидер сургуулийн Dark Angel team тэргүүн байр, шулуун замын роботын төрөлд 11-р ангийн сурагч Х. Сарангэрэл тэргүүн байр тус тус эзэлж амжилт дүүрэн оролцлоо.
Дараа дараагийн тэмцээн уралдааны эхлэлийг бахархал дүүрэн тавьж өгсөн дижитал технологийн хөтөлбөрийн удирдагч доктор/Ph.D/ Л.Буянжаргал, багш А.Энх-Амар нартаа болон сурагч Х.Сарангэрэлдээ баярлалаа.
Та нартаа томоос том баяр хүргэе.

“Лидер” дижитал сургуулийн хамт олон

17/10/2024

Mega Sumo нь Mini Sumo той харьцуулахад илүү том, илүү хүчирхэг роботуудаар өрсөлддөг тэмцээн юм. Mega Sumo роботын дүрэм болон стандарт хэмжээ нь хэд хэдэн тодорхойлсон заалтуудтай байдаг. Эдгээр стандарт нь зөвхөн тоглогчид төдийгүй, роботын бүтэц, хүч, хурдыг тогтоох зорилготой.

Mega Sumo стандарт хэмжээ:

1. Хэмжээ:

Роботын хамгийн их урт, өргөн: 30 см x 30 см

Өндөр: тодорхой хязгааргүй, гэхдээ ихэвчлэн 15 см-аас доош байдаг.

2. Жин:

Роботын дээд талын жин: 3 килограмм.

Mega Sumo тэмцээний дүрэм:

1. Тэмцээний талбай:

Талбай нь ихэвчлэн 2.4 метр x 2.4 метр хэмжээтэй байдаг.

Талбайн захад цагаан өнгийн зураас байдаг.

2. Роботын төрөл:

RC (Radio Controlled) робот: Хүний гараар удирддаг. Хүн удирдах тул хүний ур чадвараас хамаарч удирдаж буй хүн роботын хөдөлгөөн, байрлалыг хянаж, өрсөлдөгчийг гарахыг хичээнэ.

Automatic робот: Өөрөө ажилладаг, мэдрэгчүүдээр өрсөлдөгчөө мэдэрч, хурдан хариу үйлдэл үзүүлдэг. Энэ төрөлд программчилалт, алгоритм сайн хэрэгтэй.

3. Тэмцээний зорилго:

Роботын зорилго нь өрсөлдөгчийг талбайн гадна гаргах.

Хэрэв робот талбайгаас унвал ялагдал хүлээсэн гэж тооцогдоно.

4. Үргэлжлэх хугацаа:

Нэг тойрог буюу дэвжээний өрсөлдөөн 3 минут үргэлжилдэг.

Хэрэв 3 минутын дотор хэн нэг нь ялалт байгуулахгүй бол шүүгчийн шийдвэрээр оноо тоолж хожигдлыг тодруулна.

5. Шүүгчийн шийдвэр:

Тэмцээний явцад шүүгч роботын байрлал, шидэлт, тактикийг хянаж, маргаантай асуудал гарах үед шийдвэр гаргана.

6. Хориотой зүйлс:

Роботод эвдэрч буй механизмуудыг ашиглахыг хориглодог.

Робот нь бусад роботыг гэмтээх зорилгоор ямар нэгэн цохих төхөөрөмж ашиглахыг хориглодог.

Дүгнэлт:

Mega Sumo нь техник, тактикийн ур чадварыг шаардаж, илүү их , илүү том, илүү хүчирхэг өрсөлдөөн гаргадаг байна. Эдгээр дүрэм, стандартууд нь тэмцээнд шударга өрсөлдөөнийг хангах зорилготой.

17/10/2024

Mini Sumo роботын тэмцээний дүрэм болон стандартууд нь өрсөлдөөн шударга, сонирхолтой байх зорилготой. Эдгээр дүрмүүд нь олон улсын түвшинд тогтсон байдаг бөгөөд ихэнх тэмцээнүүдэд мөрддөг.

Mini Sumo роботын стандарт хэмжээ:

1. Хэмжээ:

Роботын хамгийн их урт, өргөн: 10 см x 10 см

Өндрийн хувьд хязгаар байхгүй.

2. Жин:

Роботын дээд жин: 500 грамм.

Эдгээр хэмжээ, жингийн хязгаарлалт нь бүх робот ижил нөхцөлд тэмцэх боломжтой байхаар тогтоосон байдаг.

Mini Sumo тэмцээний дүрэм:

1. Тэмцээний талбай:

Тэмцээн болох талбай нь дугуй хэлбэртэй, диаметр нь 77 см байх бөгөөд энэ талбай нь хар өнгөтэй, зах нь цагаан зурвастай байна.

2. Роботын төрөл:

RC робот: Хүний гар удирдлагаар ажиллана. Роботыг гараар удирдах үед роботын бүх ажиллагаа, маневр хийх арга барил нь тоглогчийн ур чадвараас хамаарна.

Automatic робот: Хүний оролцоогүйгээр бие даан ажиллана. Роботыг талбайд байрлуулсны дараа автоматаар хөдөлж эхэлнэ.

3. Тэмцээний зорилго:

Тэмцээнд хоёр робот нэг талбай дээр өрсөлдөж, гол зорилго нь өрсөлдөгчөө талбайгаас гаргах юм.

4. Үргэлжлэх хугацаа:

Нэг тойрог буюу дэвжээний өрсөлдөөн 3 минут үргэлжилнэ.

Хэрэв 3 минутын дотор хэн нэг нь ялалт байгуулахгүй бол шүүгчийн шийдвэрээр оноо тоолж ялагчийг тодруулна.

5. Шүүгчийн шийдвэр:

Тэмцээний явцад шүүгч роботыг зөв байрлуулах, үнэн зөв шүүлт хийх үүрэгтэй.

Шүүгчийн шийдвэр эцсийнх байх бөгөөд ямар нэг маргаантай асуудал гарвал шүүгч хянан шийдвэрлэнэ.

6. Хориотой зүйлс:

Роботод соронзон ашиглах, эсвэл талбайд наалдах тусгай арга хэрэгслийг ашиглахыг хориглодог.

Мөн робот бусад өрсөлдөгчийн үйл ажиллагааг саатуулах, эвдэх зорилгоор ямар нэгэн арга хэрэгсэл ашиглахыг хориглоно.

Эдгээр дүрэм, стандартууд нь Mini Sumo тэмцээнийг шударга, сорилттой болгож, робот бүтээгчид өөрсдийн ур чадвар, бүтээлийн хүчин чадлыг сорих боломжийг олгодог.

17/10/2024

🤩Таны хүү, охин техникт сонирхолтой бол манайхыг зориод ирээрэй.
📌Лидер дижитал сургуулийн Dark Angel Robotics Club нь код бичих, электроник схем, PCB зурах, 3Д принтер ашиглах болон роботын мэдлэг олгох сургалт явуулж байна.
⏰Хичээл 10/21-нд эхэлнэ.
-------------------------------------------------
✅Анхан шатны сургалт 1 сарын хугацаатай 6-10 нас:
🔹Электроник, цахилгаан схемийн мэдлэг олгох
✅Анхан шатны сургалт 1 сарын хугацаатай 11-18 нас:
🔹Электроник, цахилгаан схем, код, ровотын сургалт
✅Dark Angel robot club-т сонгон шалгаруулж элсүүлэх
✅Робот, техникийн тэмцээнд бэлтгэн оролцуулах
----------------------------------------------------
⏰Хичээлийн хуваарь: Мягмар, Лхагва, Бямба гаригуудад
⏱️9-10.30, 13.30-15.00, 16.00-17.30 цагуудаас сонгон суралцах боломжтой.
💸Төлбөр 1 сар-250,000₮
-----------------------------
📍БГД, Модны 2.
ЛИДЕР дижитал технологийн сургууль
☎7000-1338

30/09/2024

POV буюу Persistence of Vision зарчим нь харааны хурд хурдтай эргалдаж буй зүйлсийг яг дагуулан харж гүйцдэггүй дээр тулгуурлан ажилладаг. Энэ нь гэрэл хурдан эргэлдэхэд бидний нүдэнд хөдөлгөөнт дүрс эсвэл текст тасралтгүй харагдах байдлыг үүсгэдэг.

Энэ төрлийн дэлгэцийн ажиллагаа дараах байдлаар явагдана:

1. Цилиндр хэлбэрийн хүрээ: Хэд хэдэн LED нь цилиндрийн гадаргуу дагуу эсвэл тодорхой радиустай байрладаг.

2. Эргэлт: Цилиндрийг өндөр хурдтай эргүүлж, LED-үүд хурдтай асч эхэлдэг.

3. Цагийн хяналт: LED-үүд зөв цэгт байхад ямар хугацаанд асахыг нарийн зохицуулж, эргэлтийн үе бүрт дүрс эсвэл текстийг тодорхой хуваарийн дагуу харагдуулдаг.

Энэ төрлийн технологи нь гоёмсог загварлаг дүрс болон текст харуулахад ашиглагддаг. Эргэлтийн хурд их байх тусам дүрс илүү тод, жигд харагдана. илүү их сонирхохыг хүсвэл чатаар мэдээлэл авна уу.