Дулааны IV Цахилгаан Станц ТӨХК / Thermal Power Plant #4 JSC

29/05/2026

2026 оны 05-р сарын 22-27-ны хооронд “Эрчим хүчний салбарын спортын их наадам-2026” болж өндөрлөлөө. Энэхүү спортын их наадамд ЭХСалбарын төр, хувийн хэвшлийн нийт 31 байгууллагын 1300 гаруй төлөөлөл тамирчид оролцож, сагсан бөмбөг, волейбол, ширээний теннис, шатар, и-спорт (CS2), олс таталт гэсэн зургаан төрлөөр оюун ухаан, хурд хүч, авхаалж самбаагаа сорин өрсөлдөн, шилдгүүдээ шалгарууллаа.
Спортын их наадмын хаалтын ёслол 5-р сарын 27-ны “M bank arena”-д боллоо. Хаалтын үйл ажиллагааны үеэр салбартаа амжилттай, үр бүтээлтэй ажилласан санхүү бүртгэлийн хэлтсийн нярав, волейболын олон улсын хэмжээний мастер Г.Өлзийдэлгэр, цахилгаан цехийн эдийн засагч, волейболын олон улсын хэмжээний мастер Э.Эрдэнэзаяа нарт Эрчим хүчний сайд Б.Найдалаа МУ-ын Төрийн дээд шагнал Хөдөлмөрийн хүндэт медалийг гардууллаа.
Нийт 31 байгууллагаас манай компани нийлбэр дүнгээр Дэд байрт шалгарлаа.

18/05/2026

ҮА-ны дулаанжуулалтын ашиглалтын инженер Д.Жамц “ДУЛААН ХАНГАМЖИЙН СИСТEМИЙН ДУЛААНЫ БОЛОН ГИДРАВЛИК ГОРИМ, ТОХИРУУЛГЫН ТУХАЙ” сэдвээр "Эрчим" сургалтын төвд компанийн болон “Эчим Сервис” ХХК-ийн ажилтнуудад сургалт явууллаа. Д.Жамц инженер нь дулаан хангамж, агаар сэлгэлтийн инженер мэргэжилтэй МУ-ын зөвлөх инженер, Эрчим хүчний салбарт 28 жил ажиллаж байгаа манай шилдэг тэргүүний ажилтан юм. Мэдлэг, туршлагаа түгээж сургалт явуулсан танд ажлын өндөр амжилт хүсье.

06/05/2026

2026 оны 04-р сарын 28-ны өдөр Үйлдвэрлэлийн осол хурц хордлогод өртсөн, мэргэжлээс шалтгаалах өвчнөөр хөдөлмөрийн чадвар алдсан ажилтнуудад хүндэтгэл үзүүлэх үйл ажиллагааг зохион байгууллаа. Энэхүү үйл ажиллагааны үеэр “ДЦС-4” ТӨХК-ийг хөгжүүлэх, бэхжүүлэх үйлсэд жинтэй хувь нэмэр оруулсан 6 ажилтан, 3 иргэнийг компанийн I, II, III зэргийн шагналаар шагналаа.

15/04/2026

15/04/2026

ЕРӨНХИЙ ИНЖЕНЕР ТОМИЛОГДЛОО.

Компанийн Ерөнхий инженерийг “ДЦС-4” ТӨХК-ийн хүний нөөцийн бүрдүүлэлт, сонгон шалгаруулалтын журмын 5 дугаар зүйлийн 5.1.6.1, 5.3 дахь заалтын дагуу анкетын сонгон шалгаруулалт хийж Төлөөлөн удирдах зөвлөлд танилцуулсан.
Төлөөлөн удирдах зөвлөлийн хурлын 2026 оны 04 дүгээр сарын 03-ны өдрийн 03 дугаар хурлын тэмдэглэл, Авилгатай тэмцэх газрын 2026 оны 04 дүгээр сарын 03-ны өдрийн Хувийн ашиг сонирхлын урьдчилсан мэдүүлэг хянасан тухай 05-5722 тоот албан бичгийг үндэслэн Гүйцэтгэх захирлын 2026 оны 04 дүгээр сарын 03-ны өдрийн Б/153 тоот тушаалаар Засварын албаны дарга Цэдэндоржийн Амарбаясгаланг компанийн Ерөнхий инженерээр томиллоо.
Ерөнхий инженер Ц.Амарбаясгалан нь 1991 онд Политехникийн дээд сургуулийг дулааны инженер мэргэжлээр, 2010 онд Удирдлагын академийг бизнесийн удирдлага мэргэшлээр тус тус төгссөн техникийн ухааны магистр, зөвлөх инженер юм.
1991 оноос ажлын гараагаа тус станцын турбин цехийн засварчнаас эхэлж засварын мастер, 2000 онд судалгаа хөгжлийн албаны дулааны тоноглол хариуцсан инженер, 2002 онд засварын албаны ахлах инженер, 2009 онд албаны даргаар тус тус “ДЦС-4” ТӨХК-д 35 жил ажилласан ажлын туршлагатай.
Ерөнхий инженер Ц. Амарбаясгаландаа ажлын өндөр амжилт хүсье.

14/04/2026

2026 оны Компанийн аварга шалгаруулах волейболын тэмцээн 4-р сарын 10-11 өдрүүдэд “Эрчим” №1 спорт зааланд амжилттай зохион байгуулагдаж аваргуудаа тодрууллаа. Тус тэмцээнд эрэгтэй 8, эмэгтэй 8 багийн 130 гаруй тамирчид хурд хүч авхаалж самбагаа сорин өрсөлдсөнөөс эрэгтэй багуудаас Д.Мөнх-Эрдэнэ инженертэй Механик цех, Захиргааны алба, хэлтэс, нэгжүүдийн шигшээ баг, Б.Ууганболд даргатай Дулааны хянах хэмжүүр автоматикийн цехийн багууд алт, мөнгө, хүрэл медаль хүртсэн бол эмэгтэй багуудаас Захиргааны алба хэлтэс нэгжүүдийн шигшээ баг, Б.Алтанхуяг даргатай Цахилгаан цех, Б.Ууганболд даргатай Дулааны хянах хэмжүүр автоматикийн цехийн багууд тус тус бусдыгаа хошуучлан медальт байранд шалгарлаа. Тэмцээний шилдэг тоглогчдоор Механик цехийн тамирчин спортын дэд мастер Б.Бат-Эрдэнэ, Захиргааны багийн тамирчин ОУХМ Г.Өлзийдэлгэр нар тус тус шалгарлаа.

06/04/2026

КОМПАНИЙН ШАТАР, 100 БУУДАЛТ ДААМНЫ ТЭМЦЭЭН АМЖИЛТТАЙ ЗОХИОН БАЙГУУЛАГДАЖ ШИЛДГҮҮДЭЭ ТОДРУУЛЛАА.

2026 оны компанийн аварга шалгаруулах шатар болон 100 буудалт даамны тэмцээн 04-р сарын 1, 2-ны өдрүүдэд амжилттай зохион байгуулагдаж шилдэгүүд, аваргуудаа тодрууллаа.
Шатарын тэмцээнд нийт 34 тамирчид оюун ухаанаа уралдуулан өрсөлдсөнөөс А.Баттогтох /Турбин цех/, Ц.Цогбадрах /Цахилгаан цех/, Д.Эрдэмбилэг /Зуухан цех/ нар алт, мөнгө, хүрэл медалийг хүртсэн бол,
100 буудалт даамны тэмцээнд нийт 36 даамчид өрсөлдөж Б.Билгүүн /Турбин цех/, Д.Эрдэмбилэг /Зуухан цех/, И.Жаргалсайхан /Зуухан цех/ нар алт, мөнгө, хүрэл медалийг хүртэж бусдыгаа хошуучиллаа.
Тус тэмцээнийг Монголын шатарын холбооны шүүгчид өөрсдийн хэрэглэл материалтайгаа ирж тэмцээнийг амжилттай шүүн явуулав.

30/03/2026

КОМПАНИЙН ГҮЙЦЭТГЭХ ЗАХИРАЛ ТОМИЛОГДЛОО

“ДЦС-4” ТӨХК-ийн Төлөөлөн Удирдах Зөвлөлийн 2026 оны 03 дугаар сарын 24-ний өдрийн хурлын 16 дугаар тогтоолоор "ДЦС-4" ТӨХК-ийн Гүйцэтгэх захирлаар компанийн ерөнхий инженер П.Болдбаатарыг томилж, тамга тэмдгийг ТУЗ-ийн гишүүн ЭХЯ-ны Бодлого, төлөвлөлтийн газар, ахлах шинжээч Ё.Энхтуяа, хараат бус гишүүн Ж.Батсуурь нар албан ёсоор хүлээлгэн өглөө.

24/03/2026

2026 оны Компанийн аварга шалгаруулах сагсан бөмбөгийн тэмцээн 3-р сарын 20-21 өдрүүдэд “Эрчим” №1 спорт зааланд амжилттай зохион байгуулагдаж аваргуудаа тодрууллаа.
Тус тэмцээнд эрэгтэй 13, эмэгтэй 9 багийн 170 гаруй тамирчид хурд хүч авхаалж самбагаа сорин өрсөлдсөнөөс эрэгтэй багуудаас Д.Лувсанчүлтэм даргатай Турбин цех, Б.Алтанхуяг даргатай Цахилгаан цех, Л.Ганболд даргатай Зуухан цехийн багууд алт, мөнгө, хүрэл медалийг хүртсэн бол эмэгтэй багуудаас П.Баяр-Эрдэнэ даргатай Түлш дамжуулах цех, Захиргааны нэгжүүдийн шигшээ баг, Б.Алтанхуяг даргатай Цахилгаан цехийн багууд амжилттай оролцон бусдыгаа манлайллаа.
Энэ жилийн тэмцээний шинэ ололт амижлт нь гэвэл Турбин цех сүүлийн 3 жил Цахилгаан цехийн багтай финалдаж мөнгөн медаль хүртээд байсан бол энэ жил дутуугаа гүйцээн аварга цолыг хүртлээ. Тэмцээний шилдэг тоглогчдоор Турбин цехийн тамирчин Б.Дамдинсүрэн, Түлш дамжуулах цехийн тамирчин Б.Цацрал нар шалгарлаа.
Мөн 2026 оны “Спортын аварга хамт олон” шалгаруулах спортын 11 төрөлт тэмцээний албан ёсны нээлтийн үйл ажиллагаа зохион байгуулагдаж баг тамирчид төрийн дууллаа хамтран дуулж нээлээ. Нээлтийн үйл ажиллагааны үеэр Компанийн гүйцэтгэх захирлын албан үүргийг түр орлон гүйцэтгэгч П.Болдбаатар тэмцээнийг нээж баг тамирчдад амжилт хүссэн бол дуучин реппер GEE, voice of Mongolia шоуны шилдэг оролцогч Л.Ариунжаргал нар ая дууны мэндчилгээ дэвшүүлэв.

13/03/2026

Компанийн аварга шалгаруулах ширээний теннисний тэмцээн
2026 оны Компанийн аварга шалгаруулах ширээний теннисний тэмцээн 3 дугаар сарын 11–12-ны өдрүүдэд Эрчим ширээний теннисний клубын зааланд амжилттай зохион байгуулагдан өндөрлөлөө.
Жил бүр уламжлал болгон зохион байгуулдаг энэхүү тэмцээн нь ажилтнуудын бие бялдрыг чийрэгжүүлэх, хамт олны уур амьсгалыг бэхжүүлэх, чөлөөт цагийг зөв боловсон өнгөрүүлэх, спортын ур чадварыг хөгжүүлэх зорилготой юм.
Энэ удаагийн тэмцээнд компанийн нэгжүүдээс бүрдсэн 12 баг багийн төрөлд өрсөлдсөн бол ганцаарчилсан төрөлд эрэгтэй 18, эмэгтэй 11 тамирчин, хосын төрөлд эрэгтэй 5, эмэгтэй 5 хос тамирчин оролцож хурд хүч, авхаалж самбаа, ур чадвараа сорин өрсөлдлөө.
Хоёр өдрийн турш үргэлжилсэн тэмцээний үеэр тамирчид ширүүн боловч нөхөрсөг өрсөлдөөн дунд ур чадвараа гайхуулж, үзэгчдэд сонирхолтой тоглолтуудыг толилуулсан юм.
Тэмцээний дүн
Багийн төрөл
- 🥇 I байр – Зуухан цех
- 🥈 II байр – Захиргаа
- 🥉 III байр – Дулааны хянах хэмжүүр, автоматикийн цех
Эрэгтэй ганцаарчилсан төрөл
- 🥇 I байр – Б.Сосорбарам /ЗЦ/
- 🥈 II байр – П.Лхагва-Очир /ЗЦ/
- 🥉 III байр – Д.Ширчин /ХНУХ/
Эмэгтэй ганцаарчилсан төрөл
- 🥇 I байр – Э.Нарангэрэл /ҮА/
- 🥈 II байр – Н.Чулуунцэцэг /ТДЦ/
- 🥉 III байр – А.Баярцэцэг /ЗЦ/
Эрэгтэй хосын төрөл
- 🥇 I байр – Б.Сосорбарам /ЗЦ/, Д.Загдсүрэн /ЦЦ/
- 🥈 II байр – П.Лхагва-Очир /ЗЦ/, Х.Эрдэнэбаяр /ЦЦ/
- 🥉 III байр – Д.Ширчин /ХНУХ/, Н.Алтанзул /ТДЦ/
Эмэгтэй хосын төрөл
- 🥇 I байр – Э.Нарангэрэл /ҮА/, А.Баярцэцэг /ЗЦ/
- 🥈 II байр – Л.Бямбасүрэн /ДХХАЦ/, Г.Ононтуяа /ХХ/
- 🥉 III байр – З.Лосолмаа /ЦЦ/, Э.Эрдэнэзаяа /ЦЦ/