Техник Технологийн Их Сургууль - IET

Техник Технологийн Их Сургууль - IET University of Engineering and Technology

📚🌏 “MIYR 2026” ОЛОН УЛСЫН 11 ДЭХ УДААГИЙН ЭРДЭМ ШИНЖИЛГЭЭНИЙ ХУРАЛД АМЖИЛТТАЙ ОРОЛЦЛОО“Судалж, хөгжье–2026” олон улсын э...
08/06/2026

📚🌏 “MIYR 2026” ОЛОН УЛСЫН 11 ДЭХ УДААГИЙН ЭРДЭМ ШИНЖИЛГЭЭНИЙ ХУРАЛД АМЖИЛТТАЙ ОРОЛЦЛОО

“Судалж, хөгжье–2026” олон улсын эрдэм шинжилгээний хурал 2026 оны 6 дугаар сарын 3–5-ны өдрүүдэд БНСУ-ын Пусан хотноо амжилттай зохион байгуулагдлаа.

Тус хурал нь Монгол Улсаас БНСУ-ын Пусан хотод суугаа Консулын газрын үйл ажиллагаа явуулсны 10 жилийн ойн хүрээнд зохион байгуулагдсан бөгөөд залуу судлаачид, эрдэмтэн, мэргэжилтнүүдийг нэгтгэсэн олон улсын академик платформыг бүрдүүлэх зорилготой юм.

Хурлын нээлтийн ажиллагаанд Монгол Улсаас Пусан хотод суугаа Ерөнхий консул Ц.Жадамбаа оролцож, мэндчилгээ дэвшүүлэн үг хэллээ.

“Судалж, хөгжье–2026” хурал нь Монгол Улсын урт хугацааны хөгжлийн бодлого, шинжлэх ухаан, инновацад суурилсан хөгжлийг дэмжих, хүний нөөцийн чадавхыг бэхжүүлэх үндэсний зорилтуудтай уялдан зохион байгуулагдсан бөгөөд судалгаа, инновацын үр дүнг бодит хөгжилд чиглүүлэх, олон улсын хамтын ажиллагааг өргөжүүлэх, судалгааны үр дүнг үйлдвэрлэл, нийгэм, бодлогод нэвтрүүлэх боломжийг нэмэгдүүлэхэд чиглэв.

Энэ удаагийн хуралд 6 орны 17 их сургуулийг төлөөлсөн эрдэмтэн, судлаачид оролцож, 17 аман илтгэл, 9 ханан илтгэл хэлэлцүүллээ.

Техник Технологийн Их Сургуулийг төлөөлөн “AI Influence on Academic Achievement in English Language Teaching” сэдэвт илтгэлийг амжилттай хэлэлцүүлж, олон улсын эрдэм шинжилгээний хамтын ажиллагаанд хувь нэмрээ орууллаа.

👏 Судалгаанд суурилсан хөгжил, инновацыг дэмжих үйлсэд амжилттай оролцсон нийт эрдэмтэн, судлаачдадаа баяр хүргэж, цаашдын судалгааны ажилд нь өндөр амжилт хүсье.

Техник Технологийн Их Сургууль - IETТехник Технологийн Политехник КоллежТехник Технологийн Дээд Сургууль - IETТүүхт 40 жил -Техник технологийн дээд сургуульБоловсролын магадлан итгэмжлэх үндэсний зөвлөлБоловсролын яамБоловсролын ерөнхий газарГадаад ХарилцааIET Green TVET@topfans

05/06/2026

🎓 ТЕХНИК ТЕХНОЛОГИЙН ИХ СУРГУУЛЬ ХАРЬЯА ТЕХНИК ТЕХНОЛОГИЙН ПОЛИТЕХНИК КОЛЛЕЖИЙН ЭЛСЭЛТ ҮРГЭЛЖИЛЖ БАЙНА

Ирээдүйд эрэлттэй, хөдөлмөрийн зах зээлд өндөр үнэлэгдэх мэргэжлээр суралцахыг хүсэж байгаа бол Техник технологийн их сургууль болон харьяа Техник технологийн политехник коллежийг сонгоорой.

📺 Энэ удаад Монголын Үндэсний Олон Нийтийн Телевизийн “Өглөөний хөтөлбөр”-т оролцож, Цахилгаан электроникийн чиглэлийн мэргэжлийн үнэ цэнэ, өнөөгийн эрэлт хэрэгцээ, цаашдын хөгжлийн боломжийн талаар мэдээлэл хүргэлээ. Мөн суралцагчдад ахисан түвшний боловсрол эзэмших боломж олгодог шаталсан сургалтын тогтолцооны давуу талыг онцлон танилцуулсан юм.

⚡ Ирээдүйн мэргэжлээ зөв сонгоход тань бид мэргэжлийн зөвлөгөө, мэдээллээр үргэлж дэмжин ажиллахад бэлэн байна.

📌 Элсэлт өдөр бүр явагдаж байна.
📌 Мэргэжлийн зөвлөгөө авахыг хүсвэл бидэнтэй холбогдоорой.

🤝 АЛТАН ЖОЛОО ГРУППТЭЙ ХАМТЫН АЖИЛЛАГААГ ӨРГӨЖҮҮЛЭХ УУЛЗАЛТ ЗОХИОН БАЙГУУЛЛААТехник технологийн их сургууль болон харьяа...
04/06/2026

🤝 АЛТАН ЖОЛОО ГРУППТЭЙ ХАМТЫН АЖИЛЛАГААГ ӨРГӨЖҮҮЛЭХ УУЛЗАЛТ ЗОХИОН БАЙГУУЛЛАА

Техник технологийн их сургууль болон харьяа Техник технологийн политехник коллеж нь Монгол Улсын бүтээн байгуулалт, хоол үйлдвэрлэл, худалдааны салбарт тэргүүлэгч аж ахуйн нэгжүүдийн нэг болох Алтан Жолоо Групп-ийн төлөөлөлтэй хамтын ажиллагааны уулзалт, хэлэлцүүлгийг амжилттай зохион байгууллаа.

1992 онд үүсгэн байгуулагдсан тус групп нь өнөөдөр 6 охин компанитайгаар үйл ажиллагаагаа өргөжүүлэн хөгжүүлж байгаа бөгөөд Монголын Худалдаа Аж Үйлдвэрийн Танхимаас шалгаруулдаг ТОП-100 аж ахуйн нэгжээр 12 дахь жилдээ дараалан шалгарсан үндэсний томоохон байгууллагын нэг юм.

Уулзалтын үеэр талууд дараах чиглэлээр хамтран ажиллах боломж, нөхцөлийн талаар санал солилцож, үр дүнтэй хэлэлцүүлэг өрнүүллээ. Үүнд:

✅ Мэргэжилтэй, чадварлаг боловсон хүчнийг бэлтгэн нийлүүлэх
✅ Суралцагчдыг үйлдвэрлэлийн дадлага, туршлагад хамруулах
✅ Инженер, техникийн ажилтнуудын ур чадварын үнэлгээ, баталгаажуулалтыг хамтран хэрэгжүүлэх
✅ Хүний нөөцийн чадавхыг дээшлүүлэх сургалт, хөгжлийн үйл ажиллагааг зохион байгуулах
✅ Инноваци, судалгаа шинжилгээний хамтарсан төсөл, хөтөлбөр хэрэгжүүлэх

Их сургууль, үйлдвэрлэлийн байгууллагын хамтын ажиллагааг өргөжүүлэн хөгжүүлэх энэхүү уулзалт нь боловсрол, үйлдвэрлэлийн уялдаа холбоог бэхжүүлэх чухал ач холбогдолтой арга хэмжээ боллоо.

🤝 Бидний хамтын ажиллагаа улам өргөжин тэлж, бодит үр дүнгээр баялаг байх болтугай.

Техник Технологийн Их Сургууль - IETТехник Технологийн Политехник КоллежТехник Технологийн Дээд Сургууль - IETТүүхт 40 жил -Техник технологийн дээд сургуульБоловсролын магадлан итгэмжлэх үндэсний зөвлөлБоловсролын яамБоловсролын ерөнхий газарГадаад ХарилцааIET Green TVET@topfansZag Group / Заг Групп

🎓 🎊 БАГШ, МЭРГЭЖЛИЙН БОЛОВСРОЛ СУРГАЛТ МАГИСТРЫН ХӨТӨЛБӨРИЙН ТӨГСӨЛТИЙН ЖИНХЭНЭ ХАМГААЛАЛТ ЗОХИОН БАЙГУУЛАГДЛААТехник те...
03/06/2026

🎓 🎊 БАГШ, МЭРГЭЖЛИЙН БОЛОВСРОЛ СУРГАЛТ МАГИСТРЫН ХӨТӨЛБӨРИЙН ТӨГСӨЛТИЙН ЖИНХЭНЭ ХАМГААЛАЛТ ЗОХИОН БАЙГУУЛАГДЛАА

Техник технологийн их сургуульд хэрэгжиж буй “Багш, мэргэжлийн боловсрол сургалт” магистрын хөтөлбөрийн төгсөлтийн жинхэнэ хамгаалалт амжилттай зохион байгуулагдлаа.

Тус хөтөлбөр нь 4️⃣ дэх жилдээ амжилттай хэрэгжиж байгаа бөгөөд энэ удаагийн хамгаалалтад нийт 2️⃣1️⃣ магистрант оролцож, мэргэжлийн болон техникийн боловсрол, сургалтын салбарын тулгамдсан асуудал, хөгжлийн чиг хандлага, сургалтын чанар, арга зүйг боловсронгуй болгохтой холбоотой судалгааны ажлуудаа танилцуулан амжилттай хамгааллаа.

Магистрантуудын судалгааны ажлууд нь боловсролын салбарын хөгжилд бодит хувь нэмэр оруулахуйц, практикт хэрэгжүүлэх боломжтой санал, шийдлүүдийг дэвшүүлсэнээрээ онцлог байв.

Төгсөлтийн жинхэнэ хамгаалалтад амжилттай оролцсон магистрантууддаа цаашдын эрдэм шинжилгээ, судалгааны ажил болон мэргэжлийн үйл ажиллагаанд нь өндөр амжилт хүсье. 🌟

Техник Технологийн Их Сургууль - IETТехник Технологийн Политехник КоллежТехник Технологийн Дээд Сургууль - IETТүүхт 40 жил -Техник технологийн дээд сургуульБоловсролын магадлан итгэмжлэх үндэсний зөвлөлБоловсролын яамБоловсролын ерөнхий газарГадаад ХарилцааIET Green TVET@topfans

📢 “БАРИЛГА, БАЙГУУЛАМЖИЙН ГЕОТЕХНИКИЙН АСУУДЛУУД” XVIII ЭРДЭМ ШИНЖИЛГЭЭНИЙ БАГА ХУРАЛД УРЬЖ БАЙНАЖил бүр уламжлал болгон...
02/06/2026

📢 “БАРИЛГА, БАЙГУУЛАМЖИЙН ГЕОТЕХНИКИЙН АСУУДЛУУД” XVIII ЭРДЭМ ШИНЖИЛГЭЭНИЙ БАГА ХУРАЛД УРЬЖ БАЙНА

Жил бүр уламжлал болгон зохион байгуулагддаг “Барилга, байгууламжийн геотехникийн асуудлууд” эрдэм шинжилгээний XVIII бага хурал 2026 оны 06 дугаар сарын 08-ны өдрийн 10:00 цагт ШУТИС-ийн VIII байрны 12 давхарт байрлах Олон улсын эрдэм шинжилгээний танхимд болно.

Тус бага хуралд Техник технологийн их сургууль хамтран зохион байгуулагчаар оролцож, геотехникийн инженерчлэлийн салбарын судалгаа, шинжилгээний ажлыг дэмжих, мэдлэг, туршлага солилцох, судалгааны үр дүнг түгээн дэлгэрүүлэх, олон улсын хамтын ажиллагааг өргөжүүлэхэд хувь нэмрээ оруулж байна.

Бага хурлын хүрээнд Япон, БНСУ, Сингапур улсын эрдэмтэн, судлаачид илтгэл хэлэлцүүлж, геотехникийн инженерчлэлийн салбарын сүүлийн үеийн судалгааны үр дүн, шинэлэг шийдэл, олон улсын туршлагаас хуваалцах юм.

Эрдэмтэн, судлаач, инженер, багш, оюутан та бүхнийг хүрэлцэн ирж, мэдлэг, туршлагаа солилцон, эрдэм шинжилгээний идэвхтэй хэлэлцүүлэгт өргөнөөр оролцохыг урьж байна.

📅 Огноо: 2026.06.08
🕙 Цаг: 10:00
📍 Байршил: ШУТИС-ийн VIII байр, 12 давхар, Олон улсын эрдэм шинжилгээний танхим

Техник Технологийн Их Сургууль - IETТехник Технологийн Политехник КоллежТехник Технологийн Дээд Сургууль - IETТүүхт 40 жил -Техник технологийн дээд сургуульБоловсролын магадлан итгэмжлэх үндэсний зөвлөлБоловсролын яамБоловсролын ерөнхий газарГадаад ХарилцааIET Green TVET@topfansZag Group / Заг Групп

01/06/2026

💙 IET FAMILY – ХАЙР, ИНЭЭМСЭГЛЭЛ, ДУРСАМЖААР ДҮҮРЭН ӨДӨР 🎈

Техник технологийн их сургууль болон харьяа Техник технологийн политехник коллежийн дэргэдэх Эцэг эхийн зөвлөлөөс санаачлан зохион байгуулсан “IET Хүүхдийн баяр 2026” арга хэмжээ амжилттай болж өндөрлөлөө.

Хүүхэд багачууд маань аав, ээжийнхээ ажил мэргэжлийн орчинтой танилцаж, бүтээлч болон танин мэдэхүйн өртөөнүүдээр аялж, авьяас чадвараа хөгжүүлэн, найз нөхөдтэйгөө хамт баяр хөөрөөр дүүрэн нэгэн өдрийг өнгөрүүллээ.

Инээд хөөр, аз жаргал, гэр бүлийн халуун дулаан уур амьсгал нэгэн дор цугласан энэ өдөр хүүхэд бүрийн нүдэнд мөрөөдөл гэрэлтэж, нүүрэнд нь инээмсэглэл тодорч байлаа.

Энэхүү үйл ажиллагааг хамтран зохион байгуулсан Эцэг эхийн зөвлөл, сургуулийн удирдлага, багш ажилтнууд, сайн дурын оролцогчид болон хүрэлцэн ирсэн нийт гэр бүлүүддээ чин сэтгэлийн талархал илэрхийлье.

✨ Хүүхэд бүрийн инээмсэглэл бидний хамгийн сайхан урам зориг юм.

#АзЖаргалтайХүүхэд
Техник Технологийн Их Сургууль - IETТехник Технологийн Политехник КоллежТехник Технологийн Дээд Сургууль - IETТүүхт 40 жил -Техник технологийн дээд сургуульБоловсролын магадлан итгэмжлэх үндэсний зөвлөлБоловсролын яамБоловсролын ерөнхий газарГадаад ХарилцааIET Green TVET@topfans

🎓 “МЭРГЭЖИЛ СОНГОЛТ ЭКСПО” ӨДӨРЛӨГТ ТТИС АМЖИЛТТАЙ ОРОЛЦЛОО🏫 Техник технологийн их сургууль нь сурагчдад ирээдүйн ажил, ...
31/05/2026

🎓 “МЭРГЭЖИЛ СОНГОЛТ ЭКСПО” ӨДӨРЛӨГТ ТТИС АМЖИЛТТАЙ ОРОЛЦЛОО

🏫 Техник технологийн их сургууль нь сурагчдад ирээдүйн ажил, мэргэжлийн талаарх бодит ойлголт өгөх, мэргэжлээ зөв сонгоход нь дэмжлэг үзүүлэх зорилготой Нийслэлийн Ерөнхий Боловсролын Эрдмийн Өргөө сургуулийн анх удаа зохион байгуулсан “МЭРГЭЖИЛ СОНГОЛТ ЭКСПО” өдөрлөгт урилгаар оролцлоо.

👨‍🎓👩‍🎓 Өдөрлөгийн үеэр ТТИС-ийн төлөөлөл инженер, технологийн чиглэлийн мэргэжлүүд, сургалтын онцлог, төгсөгчдийн ажлын байрны боломж, салбарын хөгжлийн чиг хандлагын талаар сурагчид болон эцэг эх, асран хамгаалагчдад мэдээлэл өгч, мэргэжил сонголтын зөвлөгөө хүргэлээ.

⚙️🔬 Энэхүү арга хэмжээ нь сурагчдад өөрийн сонирхол, ур чадвар, ирээдүйн зорилготойгоо уялдуулан мэргэжлээ зөв тодорхойлоход бодит дэмжлэг үзүүлсэн үр өгөөжтэй үйл ажиллагаа боллоо.

🤝 Арга хэмжээг амжилттай зохион байгуулсан Эрдмийн Өргөө сургуулийн хамт олон болон нийт оролцогчдод талархал илэрхийлж, сурагч бүр хүсэл мөрөөдлийнхөө мэргэжлийг зөв сонгон амжилттай суралцахыг хүсэн ерөөе.

Техник Технологийн Их Сургууль - IETТехник Технологийн Политехник КоллежТехник Технологийн Дээд Сургууль - IETТүүхт 40 жил -Техник технологийн дээд сургуульБоловсролын магадлан итгэмжлэх үндэсний зөвлөлБоловсролын яамБоловсролын ерөнхий газарГадаад ХарилцааIET Green TVET

⚡ ИННОВАЦИ БҮТЭЭЛЭЭРЭЭ СУРГУУЛЬДАА ҮНЭТЭЙ ХУВЬ НЭМЭР ОРУУЛСАН АНХНЫ ТӨГСӨГЧИДТехник технологийн их сургууль харьяа Техни...
29/05/2026

⚡ ИННОВАЦИ БҮТЭЭЛЭЭРЭЭ СУРГУУЛЬДАА ҮНЭТЭЙ ХУВЬ НЭМЭР ОРУУЛСАН АНХНЫ ТӨГСӨГЧИД

Техник технологийн их сургууль харьяа Техник технологийн политехник коллеж нь шаталсан сургалтын тогтолцоог хэрэгжүүлэн, мэргэжлийн боловсролоос дээд боловсрол хүртэлх сургалтыг уялдаа холбоотойгоор зохион байгуулж байна.

Өнгөрсөн өдрүүдэд мэргэжлийн боловсрол сургалтын төгсөлтийн ур чадварын үнэлгээ, баталгаажуулалтын үйл ажиллагаа амжилттай зохион байгуулагдсан бол энэ удаад бакалаврын түвшний оюутнууд дипломын жинхэнэ хамгаалалтаа амжилттай хийж байна.

Өнөөдөр Цахилгаан эрчим хүчний тэнхимийн “Цахилгаан системийн автоматжуулалт” хөтөлбөрийн анхны төгсөлтийн хамгаалалт болж байгаагаараа онцлогтой юм. Төгсөгчид дипломын төслөө хамгаалахын зэрэгцээ мэргэжлийн мэдлэг, ур чадвараа бодитоор баталгаажуулан сургуульдаа “Цахилгаан машин, барилга орон сууцны автоматжуулалтын лаборатори”-ийг бүрэн гүйцэтгэн хүлээлгэн өглөө.

Тус лаборатори нь орчин үеийн техник, технологийн шийдлийг бүрэн шингээсэн, сургалтын чанар болон суралцагчдын практик мэдлэг, ур чадварыг хөгжүүлэхэд чиглэсэн инновацийн ач холбогдолтой бүтээл болж байна.

Бакалаврын дипломын ажлаа амжилттай хамгаалж, сургуулийн хөгжилд үнэтэй хувь нэмэр оруулсан нийт төгсөгчдөдөө халуун баяр хүргэж, цаашдын ажил хөдөлмөр, эрдэм судлалын үйлсэд өндөр амжилт хүсье. 👏✨

#ДипломХамгаалалт #ЦахилгаанСистемийнАвтоматжуулалт #Инноваци #ИнженерТөгсөгчид
Техник Технологийн Их Сургууль - IETТехник Технологийн Политехник КоллежТехник Технологийн Дээд Сургууль - IETТүүхт 40 жил -Техник технологийн дээд сургуульБоловсролын магадлан итгэмжлэх үндэсний зөвлөлБоловсролын яамБоловсролын ерөнхий газарГадаад ХарилцааIET Green TVET@topfans

🎓 🎊 ИРЭЭДҮЙН ИНЖЕНЕРҮҮД ДИПЛОМОО ХАМГААЛЖ БАЙНАТехник технологийн их сургуулийн 2025–2026 оны хичээлийн жилийн хаврын ул...
28/05/2026

🎓 🎊 ИРЭЭДҮЙН ИНЖЕНЕРҮҮД ДИПЛОМОО ХАМГААЛЖ БАЙНА

Техник технологийн их сургуулийн 2025–2026 оны хичээлийн жилийн хаврын улирлын бакалаврын диплом хамгаалалтын үйл ажиллагаа эхэллээ.

Энэ удаагийн төгсөлтөөр нийт 163 оюутан инженер, технологийн салбарын тэргүүлэх эрэлттэй мэргэжлээр төгсөж байна. Үүнд:

🔸 Барилгын инженерчлэл
🔸 Авто инженерчлэл
🔸 Авто замын инженерчлэл
🔸 Цахилгаан инженерчлэл
🔸 Цахилгаан системийн автоматжуулалт
🔸 Архитектур
🔸 Компьютерын ухаан
🔸 Хөдөлмөрийн аюулгүй байдал, эрүүл ахуй
🔸 Хоол үйлдвэрлэл, үйлчилгээний технологи зэрэг хөдөлмөрийн зах зээлд эрэлттэй чиглэлүүд багтаж байна.

Суралцагчид төгсөлтийн ажлаа амжилттай хамгаалж, улс орны бүтээн байгуулалт, үйлдвэрлэл, технологийн салбарт ажиллах мэргэжлийн боловсон хүчин болон төгсөхөд бэлэн болж байна.

Өнөөдрийн диплом хамгаалалт бол зөвхөн төгсөлт биш
✨ Шинэ мөрөөдлийн эхлэл
✨ Мэргэжлийн карьерын гараа
✨ Ирээдүйн бүтээн байгуулалтын шинэ үеийн инженерүүдийн түүх юм.

🎓 Маргаашийн хөгжил, бүтээн байгуулалтыг манлайлах, эрдэм мэдлэг, ур чадвараараа бахархал болсон нийт төгсөгчдөдөө халуун баяр хүргэж, цаашдын ажил хөдөлмөр, амьдралын замналд нь өндөр амжилт хүсье. 🌟

#Төгсөлт2026 #ИнженерИрээдүй
Техник Технологийн Их Сургууль - IETТехник Технологийн Политехник КоллежТехник Технологийн Дээд Сургууль - IETТүүхт 40 жил -Техник технологийн дээд сургуульБоловсролын магадлан итгэмжлэх үндэсний зөвлөлБоловсролын яамБоловсролын ерөнхий газарГадаад Харилцаа@topfansIET Green TVETZag Group / Заг Групп

26/05/2026

🎊 📚 “ХҮРТЭЭМЖТЭЙ БАГШЛАХУЙ”
Мэргэжлийн болон техникийн боловсролын багшийн заах арга зүйн улсын уралдаан амжилттай зохион байгуулагдлаа.

Тус уралдаан нь багш нарын мэргэжлийн ур чадвар, заах арга зүй, хүртээмжтэй сургалтын туршлагыг түгээн дэлгэрүүлэх, сайн туршлага харилцан солилцох зорилготойгоор улсын хэмжээнд хоёр үе шаттай зохион байгуулагдсан бөгөөд эхний шатанд нийт 39 багш оролцож, шилдэг оролцогчид II шатанд шалгарч танхимын хэлбэрээр ур чадвараа сорин өрсөлдсөн юм.

Энэхүү улсын хэмжээний уралдааныг Техник Технологийн Их Сургууль хамтран зохион байгуулж, багш нарын мэргэжлийн ур чадвар, бүтээлч арга зүйг хөгжүүлэх, хүртээмжтэй сургалтын сайн туршлагыг түгээн дэлгэрүүлэхэд бодит хувь нэмэр орууллаа.

Уралдааны хүрээнд багш нар суралцагчийн ялгаатай хэрэгцээ, онцлогт нийцсэн сургалтын арга барил, бүтээлч шийдэл, хүртээмжтэй багшлах арга зүйгээ танилцуулж, харилцан туршлага солилцсон нь онцлог байлаа.

🏆 Техник технологийн политехник коллежийн Математикийн багш К.Гансарнай тус улсын хэмжээний уралдаанд амжилттай оролцож, өөрийн мэргэжлийн мэдлэг, бүтээлч арга зүй, хүртээмжтэй багшлах ур чадвараараа үнэлэгдэн ТУСГАЙ БАЙР эзэллээ.

👏 Багш К.Гансарнайдаа баяр хүргэж, сурган хүмүүжүүлэх их үйлсэд нь улам их амжилт хүсье.

🤝 Уралдааныг хамтран зохион байгуулсан Германы Олон Улсын Хамтын Ажиллагааны Нийгэмлэг (GIZ), Техник Технологийн Их Сургууль болон нийт зохион байгуулагч хамт олонд талархал илэрхийлье.

Техник Технологийн Их Сургууль - IET Техник Технологийн Политехник Коллеж Техник Технологийн Дээд Сургууль - IET Түүхт 40 жил -Техник технологийн дээд сургууль Боловсролын магадлан итгэмжлэх үндэсний зөвлөл Боловсролын яам Боловсролын ерөнхий газар Гадаад Харилцаа IET Green TVET

Address

Ulaanbaatar

Website

Alerts

Be the first to know and let us send you an email when Техник Технологийн Их Сургууль - IET posts news and promotions. Your email address will not be used for any other purpose, and you can unsubscribe at any time.

Shortcuts

Share

Category