Idris Isah Yuguda / A. A Mainasara Support Group

01/01/2026

Anya kuwa a Jihar Bauchi akwai wani ɗa ko ‘ya’ya da ba su amfana da mulkin Malam Dr. Isa Yuguda ba?

A fannoni da dama—ilimi, lafiya, gine-gine, da ci gaban al’umma—irin gudummawar da ya bayar ta shafi kusan kowane gida,

Wannan tarihi ba zai gogu ba, domin ayyuka su ne shaidu mafi Gaskiya

A ganinku, wane fanni ne ya fi barin tarihi a zamaninsa?

Buharee Baba Ali

01/01/2026

SAƘON BARKA DA SABUWAR SHEKARA DAGA DR. MALAM ISAH YUGUDA
Tsohon Gwamnan Jihar Bauchi

Dr. Malam Isah Yuguda, tsohon Gwamnan Jihar Bauchi kuma Shugaban Ƙungiyar Renewed Hope (Sabunta Fata) na shiyyar Arewa maso gabas ta Shugaban Ƙasa Bola Ahmed Tinubu, ya mika saƙon barka da sabuwar shekarar 2026 ga al’ummar Jihar Bauchi da Nijeriya baki ɗaya.

A cikin saƙon nasa, Dr. Yuguda ya bayyana fatan cewa Ubangiji Allah Ya sanya an shige sabuwar shekarar cikin sa’a, lafiya, zaman lafiya da albarka, tare da roƙon Allah Ya sanya shekarar ta zamo shekarar nasara, ci gaba da kyautata rayuwar al’umma.

Ya kuma yi addu’ar Allah Ya ci gaba da haɗa kan al’umma, Ya ba shugabanni hikima da jagoranci nagari domin cimma muradun cigaban ƙasa.

Dr. Yuguda ya kammala saƙon nasa da fatan sabuwar shekarar 2026 za ta kasance shekarar ƙarfafa haɗin kai, zaman lafiya da ci gaba mai dorewa ga kowa da kowa.

31/12/2025

29/12/2025

29/12/2025

Great privilege for our team, Idris Isah Yuguda & A Mainasara Support Group, to attend a dinner with Dr. Isah Yuguda, former Governor of Bauchi State, Coordinator of Renewed Hope, and Zonal Coordinator to the President! 🌟 Honoured to engage with a leader committed to public service and development. 🙏 .

✍️
Amb. Al-Amin Presido
Secretary General,
Idris Isah Yuguda & A Mainasara Support group.

23/12/2025

BUDADDIYAR WASIKA ZUWA GA MATASA

Assalamu Alaikum wa rahmatullah wa barakatuhu.

Cikin girmamawa da jinjina, ina miƙa gaisuwa ta musamman ga ku 'yan uwana matasa maza da mata, masu hangen nesa da burin ganin Najeriya ta zama ƙasa mai cike da zaman lafiya, ci gaba da adalci. Ina yi muku fatan alheri a rayuwa, tare da addu’ar Allah ya sa mu dace a duniya da lahira.

Yanzu haka guguwar SIYASAR 2027 ta karade ƙasa. Kowa na da ra’ayinsa, kowa na da wanda yake goyon baya, kuma hakan alama ce ta dimokuraɗiyya. Amma ya kamata mu fahimci cewa siyasa ba ya kamata ta zama hanyar raba kawunanmu ba. Siyasa dama ce ta bayyana ra’ayi cikin lumana da girmama juna.

Ya kai ɗan uwana matashi, ka sani cewa rayuwarka na da muhimmanci fiye da kowanne ɗan takara. Kada ka bari wani ɗan siyasa ya yaudare ka da kuɗi ko kayan abinci ya kuma tura ka cikin rikici ko tashin hankali. Ka guji shiga cikin ayyukan da za su iya jefa ka cikin haɗari ko kuma su lalata makomarka.

Kada ka ɗauki makami saboda siyasa. Kada ka sha wani abu da zai gusar da hankalinka har ka aikata abin da zai jefa ka cikin nadama. Ka tuna cewa bayan zaɓe akwai rayuwa, akwai makoma, akwai iyaye da ke jiran dawowarka gida lafiya.

A matsayinka na matashi, kai ne ginshiƙin ƙasa. Ka zama wanda zai kawo sauyi ta hanyar ilimi, fahimta da kyakkyawar mu’amala. Ka guji tsana da ƙiyayya saboda bambancin ra’ayin siyasa. Abokinka na yau ba dole bane ku yi ra’ayi ɗaya. Amma dole ne ku ci gaba da girmama juna da mutunta juna.

Ka yi amfani da damar da kake da ita wajen wayar da kai da kuma sauran matasa. Ka zama mai ƙarfafa zaman lafiya da haɗin kai. Ka kasance mai faɗakarwa, mai nuna gaskiya da adalci. Kada ka bari siyasa ta mayar da kai kayan aiki.

Ina roƙon Allah ya ba mu shugabanni nagari. Shugabanni masu tsoron Allah, masu kishin ƙasa da jin ƙai ga talakawa. Kuma ina roƙon Allah ya kare mu daga fitina da rikice-rikice, ya sa mu zabi shugabanni nagari da za su jagorance mu zuwa ga ci gaba da zaman lafiya.

Matashi, ka tuna cewa rayuwa tana da daraja. Ka kare kanka, ka kare mutuncinka, ka kare ƙasarka. Ka zabi zaman lafiya, ka zabi fahimta, ka zabi gaskiya.

Allah ya sa mu dace. Amin.

05/11/2025

Nigeria and China have signed a pact to use Chinese currency more often for transactions than the US dollar. Details in comments.

05/11/2025

Barazanar Amurka: Tinubu ya buƙaci ƴan Najeriya su kwantar da hankali

Karin bayani - https://bbc.in/4qOjQz4

08/07/2025

A