13/08/2025
पत्रकार महोदयले पनि सत्य तथ्री बुझ्नु पर्यो हजुर।
यो भिडियोमा गाली खान परेको इन्जिनियर भर्खरै सरकारी जागीरमा प्रवेश गरेका,विदेशी मोह त्यागेर नेपालमै सेवा गर्न पर्छ भनेर बसेका हुन्।
उनी उक्त वडामा सरुवा भएर जाँदा यो बाटोको Design, estimate भइसकेको थियो, अब उनको कर्तव्य ठेक्का( करार सम्झौता) अनुरुप काम गराउनु हो। उनले त्यहि BOQ र स्पेसिफिकेसन बमोजिम भएको काम गराउँछन्, जसमा Premix Caepet को Thickness 2cm हुन्छ। पानी जमिरहने ठाउँमा वर्षाको समयमा Premix हुन्छ, म्याद थपका लागि समय हुँदैन, भर्खरै भएको कामको तत्कालै मेजरमेन्ट लिन पर्ने बाध्यता हुन्छ, नत्र बजेट फ्रीज गएमा जनप्रतिनिधि बाट यो भन्दा बढी गालि खानपर्छ, यस्तै कारणहरूले उनले बिगि्रएको भागको पैसा घटाएर बाँकी भागको भुक्तानीका लागि बिल उठाउँछन् । भुक्तानी हुन्छ, १ महिना पश्चात त्यो दलदले माटोमा गरेको 2cm को पिच भत्किन थाल्छ, फलस्वरूप यो भिडियो आउँछ। यो भिडियो आउनु अगावै पनि Contractor सँग वडा कार्यालय र प्राविधिक टिमले त्यो मर्मत गरिदिन अनुरोध गर्दा Contractor ले आफ्नै खर्चमा गर्नि कुरा पनि भइसकेको हुन्छ। ( जुन सार्वजनिक खरिद नियमावली बमोजिम कानुनि प्रक्रिया पनि हो।)
तर यहाँ यस भिडियोमा देखाइएको इन्जिनियरलाई पत्रकार जि ले यसरी प्रस्तुत गर्नुहुन्छ कि कमेन्टमा सहनै नसक्ने गालीहरू ( यस्ता इन्जिनियरलाई त फाँसी दिन पर्ने हो, घुसिया इन्जिनियरलाई त्यहि बाटोमा गाडिदिनु नि, यो इन्जिनियरको हात काटिदिनुपर्छ अनि बल्ल लाइनमा आउँछ, कुन नेताको झोले होला गोली ठोक्न पर्छ......) आउन थाल्छन् । गरेको गल्तीमा यस्तो गाली खान परेको भए लाज पचाएरै भएपनि सहन बाध्य हुन पर्थ्यो होला, तर आफूले कुनै गलत नियत नराखी काम गर्दा पनि यस्तो गर्दा कोहि पनि सहन सक्दैनन्।
यत्रो भिडियो जताततै भाइरल भइसकेपछि अख्तियारले पनि पक्कै छानबिन त गर्ला, पत्रकारले लगाएका आरोप ( पैसा खाएर बिल पास गर्यो आरोप ) झुटो साबित वा उक्त इन्जिनियरको कुनै कसुर नदेखिएमा के होला..?
यो जताततै पुगेको भिडियो र त्यसमा आएका कमेन्टले उनमा परेको मानसिक तनाब, झेल्नु परेको दबाब, अपमानको क्षतिपुर्ति के होला?
Via: inbox
