30/03/2026
π£π₯ππ¦π¬π’ π‘π ππ£π, π£π’π¦πππππ‘π π£π¨π πππ’ π¦π πππππ§ π£ππ±π¬π¬ π¦π πππ₯ππ
Cauayan City - Posibleng pumalo sa higit P1500 ang presyo sa kada tangke ng Liquified Petroleum Gas o LPG sa Abril.
Sa panayam ng IFM News Team kay Ginoong Robinson Calderon, isa sa mga LPG store owners sa lungsod ng Cauayan, ngayon pa lang ay nasa P1400 na ang presyo ng ilan sa mga brands ng LPG kaya naman posibleng umabot sa P1500 o higit pa ang presyo nito sa susunod na buwan.
Aniya, akala niya ay sa buwan ng Abril pa ipatutupad ang big time price hike sa LPG kaya naman kanilang ikinagulat na ang price increase na naipatupad nitong linggo ay iba pa sa inaasahang big time price hike sa susunod na buwan.
Pinakamura ngayon ang mga local brands ng LPG na mula sa mga independent refilling plants SA rehiyon kung saan nasa P1030 ang halaga ng kada tangke.
Ayon kay Ginoong Calderon, maliban sa nasa P20 na increase sa kada kilo ngayon ay inaasahang magkakaroon pa ng P30 price increase per kilo sa susunod na buwan.
Dagdag pa ni Calderon, limitado na rin ang bilang ng tangke na ibinibigay sa kanila ng mga supplier. Kung dati ay araw-araw ang pagde-deliver nila ng mga orders, ngayon ay by schedule na.
Samantala, nitong mga nakaraang araw ay dumami rin ang bumibili ng LPG dahil maliban sa takot umanong maubusan ng suplay, sinasamantala rin nilang makabili ng LPG sa mas mababang presyo.
Binigyang-diin ni Ginoong Calderon na hindi sila tumatanggap ng reservations dahil considered na umano ito bilang hoarding. Sa ngayon, inuuna nilang bigyan ang mga consumer na higit na nangangailangan ng LPG.
Humihingi rin ng pang-unawa si Calderon sa mga customers nila na may-ari ng Bakery, Laundry shops, at restaurants na hindi muna nila kayang magbigay ng discount at standard price ang kanilang susundin.
Paalala ni Ginoong Calderon sa mga consumers, sapat umano ang suplay ng LPG kaya hindi nila kailangang mag-alala. Tanging ang presyo lamang ang kanilang dapat alalahanin lalo na at halos araw-araw ang pagtaas na ipinatutupad.
-------------------------
βPara sa update at iba pang mga balita, bisitahin ang aming page 98.5 iFM Cauayan at ang aming website, www.rmn.ph/985ifmcauayan.
β
β
β
β
