Khan G Filling Station Dir Upper

12/05/2026

I got over 500 reactions on my posts last week! Thanks everyone for your support! 🎉

10/05/2026

آئی ایم ایف کی ایک اور شرط پوری، شہریوں پر پیٹرولیم لیوی کا بوجھ مزید بڑھادیا گیا
عاطف شیرازی Time10 مئی ، 2026
آئی ایم ایف کی ایک اور شرط پوری، شہریوں پر پیٹرولیم لیوی کا بوجھ مزید بڑھادیا گیا
پیٹرول پر 117 روپے 41 پیسے فی لیٹر اور ہائی اسپیڈ ڈیزل پر 42 روپے 60 پیسے فی لیٹر لیوی مقرر کی گئی ہے/ فائل فوٹو
اسلام آباد: وفاقی حکومت نے شہریوں پر پیٹرولیم لیوی کا بوجھ مزید بڑھادیا۔

حکومت نے عالمی مالیاتی ادارے (آئی ایم ایف) کی شرط پوری کرتے ہوئے پیٹرول اور ہائی اسپیڈ ڈیزل پر فی لیٹر لیوی میں 13 روپے 91 پیسے اضافہ کر دیا۔

پیٹرول پر 117 روپے 41 پیسے فی لیٹر اور ہائی اسپیڈ ڈیزل پر 42 روپے 60 پیسے فی لیٹر لیوی مقرر کی گئی ہے۔

ذرائع کے مطابق اضافے کے بعد پیٹرول پر پیٹرولیم لیوی 103 روپے 50 پیسے سے بڑھا کر 117 روپے 41 پیسے فی لیٹر مقرر کی گئی ہے جبکہ ہائی اسپیڈ ڈیزل پر لیوی 28 روپے 69 پیسے سے بڑھا کر 42 روپے 60 پیسے فی لیٹر ہو گئی ہے۔

ذرائع کا کہنا ہے کہ حکومت نے پیٹرول اور ہائی اسپیڈ ڈیزل دونوں پر مجموعی طور پر فی لیٹر 160 روپے پیٹرولیم لیوی عائد کرنے کی شرط بھی پوری کر لی ہے۔

08/05/2026

08/05/2026

پیٹرول کی قیمت میں اضافے کا امکان
سورس: Google
(سٹی42)ایران اور امریکہ کے درمیان آبنائے ہرمز میں فائرنگ کے تبادلے کے بعد ایشیائی منڈیوں میں خام تیل کی قیمتوں میں پھراضافہ ہوگیا جبکہ پاکستان میں پیٹرول کی قیمت میں تقریباً 4 روپے 75 پیسے فی لیٹر اضافے کا امکان ہے جبکہ ہائی اسپیڈ ڈیزل کی قیمت میں معمولی اضافہ متوقع ہے بشرطیکہ حکومت اضافی پیٹرولیم لیوی عائد نہ کرے۔
میڈیا رپورٹس کے مطابق آئل انڈسٹری کے ابتدائی تخمینوں کے مطابق پیٹرول کی ایکس ریفائنری قیمت 270 روپے 3 پیسے سے بڑھ کر 274 روپے 77 پیسے فی لیٹر تک جاسکتی ہے۔

رپورٹ کے مطابق پریمیم اور دیگر اخراجات میں معمولی کمی کے باوجود مجموعی اضافے کو روکا نہ جاسکاجبکہ پاکستان اسٹیٹ آئل (PSO) کی سابقہ ایڈجسٹمنٹ ختم ہونے سے بھی قیمت میں اضافہ ہوا۔
ہائی اسپیڈ ڈیزل کی قیمت میں صرف 20 پیسے فی لیٹر اضافے کی توقع ہے، ڈیزل کی عالمی قیمت میں نمایاں اضافے کے باوجود کسٹمز ڈیوٹی اور دیگر اخراجات میں کمی کے باعث صارفین پر اضافی بوجھ محدود رہنے کا امکان ہے۔
صنعتی ذرائع کا کہنا ہے کہ پیٹرول استعمال کرنے والے صارفین عالمی منڈی میں قیمتوں کے اثرات فوری محسوس کریں گے جبکہ ڈیزل کی قیمت کو حکومتی پالیسی اقدامات نے نسبتاً مستحکم رکھا ہے۔
حتمی قیمتوں کا اعلان حکومت کی جانب سے ٹیکس، لیوی اور شرح مبادلہ سے متعلق فیصلوں کے بعد کیا جائے گا۔
دوسری جانب ایران اور امریکہ کے درمیان آبنائے ہرمز میں جھڑپوں کے بعد عالمی منڈی میں برینٹ خام تیل کی قیمت 2.3 فیصد اضافے کے بعد 102.40 ڈالر فی بیرل تک جا پہنچی ہے جبکہ امریکہ میں فروخت ہونے والے خام تیل کی قیمت 2.1 فیصد بڑھ کر 96.80 ڈالر فی بیرل ہو گئی ہے۔
امریکی فوج کا کہنا ہے کہ اس نے ایران کی جانب سے ہونے والے حملوں کو ناکام بنایا، اور جب اس کے بحری جہاز خلیج فارس سے آبنائے ہرمز کے راستے نکل رہے تھے تو جوابی کارروائیاں بھی کیں۔
دوسری طرف ایران نے امریکہ پر پہلے حملوں کا الزام عائد کیا ہے۔
کشیدگی میں اس اضافے سے امریکہ اور ایران کے درمیان جنگ بندی مزید خطرے میں پڑ گئی ہے، جنگ بندی میں امریکی صدر ڈونلڈ ٹرمپ نے 21 اپریل کو امن مذاکرات کے لیے مزید وقت فراہم کرنے کی غرض سے غیر معینہ مدت کے لیے توسیع کی تھی۔

07/05/2026

پیٹرولیم مصنوعات کی قیمتوں میں مزید اضافے کا امکان

پیٹرول اور ڈیزل کی قیمت
اسلام آباد (نیوز ڈیسک) مہنگائی کے بوجھ تلے دبے شہریوں کے لیے ایک اور تشویشناک خبر سامنے آگئی ہے،

جہاں پیٹرولیم مصنوعات کی قیمتوں میں اضافے کی توقع ظاہر کی جا رہی ہے۔رپورٹس کے مطابق پیٹرول کی فی لیٹر قیمت میں تقریباً 4 روپے 75 پیسے تک اضافہ ہوسکتا ہے، جبکہ ہائی اسپیڈ ڈیزل کی قیمت میں معمولی تبدیلی کا امکان بتایا جا رہا ہے۔ذرائع کا کہنا ہے کہ عالمی مارکیٹ میں پیٹرول کی فری آن بورڈ (FOB) قیمت بڑھنے کے باعث مقامی سطح پر بھی قیمتوں میں ردوبدل متوقع ہے۔

عالمی منڈی میں پیٹرول کی قیمت 139.03 ڈالر سے بڑھ کر 143.01 ڈالر فی بیرل تک پہنچ گئی ہے۔حکام کے مطابق نئی قیمتوں کا حتمی فیصلہ حکومت کی جانب سے ٹیکسز، پیٹرولیم لیوی اور ڈالر کے مقابلے میں روپے کی شرح کے جائزے کے بعد کیا جائے گا۔

Read Latest Javed Chaudhry Columns Zeropoint and Today's Breaking Urdu and Cricket News at Pakistan's Leading Urdu News Website by Javed Ch.

07/05/2026

ایران اور امریکہ کے درمیان ممکنہ معاہدہ، عالمی منڈی میں خام تیل کی قیمتوں میں اچانک بڑی کمی

ایران اور امریکہ کے درمیان ممکنہ معاہدے کی خبروں کے بعد عالمی منڈی میں خام تیل کی قیمتوں میں نمایاں کمی دیکھنے میں آئی ہے، جبکہ سرمایہ کاروں میں بھی مثبت رجحان پیدا ہوگیا۔ عالمی مارکیٹ میں برطانوی خام تیل برینٹ کروڈ کی قیمت میں تقریباً 7 فیصد کمی ریکارڈ کی گئی، جس کے بعد اس کی قیمت 100 ڈالر فی بیرل تک آگئی۔ دوسری جانب امریکی خام تیل ویسٹ ٹیکساس انٹرمیڈیٹ کی قیمت میں بھی 8 فیصد کمی واقع ہوگئی اور یہ 92 ڈالر فی بیرل پر ٹریڈ ہونا شروع ہوگیا۔ ماہرین کے مطابق تیل کی قیمتوں میں یہ کمی ایران اور امریکہ کے درمیان ممکنہ معاہدے کی خبروں کے بعد سامنے آئی ہے۔ بین الاقوامی میڈیا رپورٹس میں بھی دعویٰ کیا جا رہا ہے کہ دونوں ممالک جنگ کے خاتمے اور خطے میں کشیدگی کم کرنے کے لیے ایک اہم معاہدے کے قریب پہنچ چکے ہیں۔

06/05/2026

پیٹرولیم مصنوعات پر لیوی وصول کرنے کا اختیار ایف بی آر کو سونپ دیا گیا
جتنے رجسٹرڈ پیٹرول پمپس پیٹرولیم مصنوعات خریدیں گے انہیں تمام تفصیلات فراہم کرنا ہوں گی، ایف بی آر حکام
وفاقی حکومت نے ملک بھر میں پیٹرولیم مصنوعات پر عائد پیٹرولیم ڈیولپمنٹ لیوی اور کلائمٹ سپورٹ لیوی وصول کرنے کا اختیار فیڈرل بورڈ آف ریونیو (ایف بی آر) کو دے دیا ہے، جس کے بعد ایف بی آر وزارت پیٹرولیم اور پٹرولیم ڈویژن کے ایجنٹ کے طور پر لیوی وصول کرے گا۔
ایکسپریس نیوز کو دستیاب دستاویز کے مطابق ایف بی آر نے باضابطہ طور پر ایس آر او جاری کر دیا ہے جس کے ذریعے سیلز ٹیکس رولز 2006 میں ترامیم کردی گئی ہیں۔
ایف بی آر کی جانب سے جاری نوٹیفکیشن میں پیٹرولیم ڈیولپمنٹ لیوی (پی ڈی ایل) کی وصولی کا نظام بھی متعارف کرا دیا گیا ہے اور ایف بی آر نے سی ایس ایل اور پی ڈی ایل کی وصولی کے لیے ڈومیسٹک سیل انوائس (ڈی ایس آئی) بھی جاری کر دیا ہے اور ایف بی آر کے دیے گئے فارمیٹ کے مطابق پیٹرولیم مصنوعات کے رجسٹرڈ خریداروں کے کوائف بھی فراہم کرنا ہوں گے۔
ایف بی آر حکام کا کہنا تھا کہ جتنے رجسٹرڈ پیٹرول پمپس پیٹرولیم مصنوعات خریدیں گے انہیں تمام تفصیلات فراہم کرنا ہوں گی۔
نوٹیفکیشن میں بتایا گیا کہ انیکس ایل کے تحت تمام رجسٹرڈ لوگوں کو خریداروں کے این ٹی این نمبر،کمپیوٹرائزڈ قومی شناختی کارڈ نمبرز، نام، خریداری کی نوعیت اور متعلقہ ڈاکیومنٹ بشمول ایچ ایس کوڈ، تاریخ، فروخت کی نوعیت، جتنے لیٹر فروخت کیا گیا اس کی مقدار، جتنی مالیت کی فروخت ہوئی اس کی رقم بتانا ہوگی اور فروخت کی جانے والی پیٹرولیم مصنوعات پر جس شرح اور جتنی پیٹرولیم ڈیولپمنٹ لیوی اور کلائمٹ سپورٹ لیوی وصول کی گئی ہے اس کی مالیت اور شرح بھی بتانا ہوگی۔
اسی طرح اگر کسی ادارے یا خریدار کو فروخت پر پی ڈی ایل کی چھوٹ ہے یا زیرو شرح پر فروخت کی سہولت دستیاب ہے تو اس کے لیے بھی متعلقہ ایس آر او اور شیڈول کا حوالہ دینا ہوگا اور یہ بھی بتانا ہوگا کہ کتنے آئٹمز فروخت کیے گئے ہیں۔
اس حوالے سے ایف بی آر حکام سے رابطہ کیا گیا تو انہوں نے بتایا کہ مذکورہ نوٹیفکیشن کے تحت اب ایف بی آر بطور ایجنٹ وزارت پیٹرولیم اور پٹرولیم ڈویژن کی جانب سے کلائمیٹ سپورٹ لیوی (سی ایس ایل) اور پیٹرولیم ڈیولپمنٹ لیوی (پی ڈی ایل) کی وصولی کے فرائض سر انجام دے گا جس کے لیے ایف بی آر نے ایس آر او 800(I)/2026 کے تحت سیلز ٹیکس رولز 2006 میں ترمیم کرتے ہوئے سیلز ٹیکس ریٹرن کے فارم ایس ٹی آر-7 کے اینکسچر-ایل میں تبدیلی کی گئی ہے۔
حکام کا کہنا تھا کہ کلائمیٹ سپورٹ لیوی (سی ایس ایل) فنانس بل 2025 کے ذریعے متعارف کرائی گئی تھی جو یکم جولائی 2025 سے نافذ العمل ہے اور اس کا مقصد ماحولیاتی و موسمیاتی چیلنجز سے نمٹنے کے لیے مالی اقدامات کو بروئے کار لانا ہے۔
ایف بی آر نے ماہانہ سیلز ٹیکس ریٹرن میں ایس ٹی آر-7 کو شامل کرتے ہوئے وزارت پیٹرولیم کی جانب سے پیٹرولیم ڈیولپمنٹ لیوی (پی ڈی ایل) کی وصولی کا نظام بھی متعارف کرا دیا ہے، ایف بی آر نے سی ایس ایل اور پی ڈی ایل کی وصولی کے لیے ڈومیسٹک سیل انوائس (ڈی ایس آئی) بھی جاری کر دی ہے۔
مزید بتایا گیا کہ ٹیکس وصولی کے مدات میں کوئی تبدیلی نہیں ہوگی تاہم اب ایف بی آر متعلقہ وزارت کی جانب سے بطور وصولی ایجنٹ کام کرے گا۔

06/05/2026

عالمی مارکیٹ میں خام تیل کی قیمتوں میں کمی
عالمی مارکیٹ میں تیل کی قیمتوں میں کمی کا سلسلہ جاری ہے۔
امریکی صدر ٹرمپ کی جانب سے ایران کے خلاف جنگ کے خاتمے کے لیے ممکنہ معاہدے کا عندیہ ، عالمی مارکیٹ میں تیل کی قیمتوں میں کمی کا سلسلہ جاری ہے۔
برینٹ کروڈ 8 ، ڈبلیو ٹی آئی کروڈ کی قیمت میں 9.2 فیصد سے زائد کمی ہوئی ہے جس کے بعد برینٹ کروڈ کی فی بیرل قیمت 101 ڈالر، ڈبلیو ٹی آئی کی قیمت 93 ڈالر پر آ گئی ہے۔

05/05/2026

*انا للہ وانا الیہ راجعون

*انتہائی افسوسناک سانحہ*

*وارثِ انبیاء، سفید ریش، نورانی و معصوم چہرے کے مالک*
*زینتُ المحدثین، شیخ الحدیث حضرت مولانا محمد ادریس صاحب رحمہ اللہ*
*آج درسِ حدیث کے لیے جاتے ہوئے نامعلوم شرپسندوں کی فائرنگ کا نشانہ بن کر جامِ شہادت نوش فرما گئے۔*

*علم و عمل کا ایک روشن مینار بجھ گیا۔*
*منبر و محراب آج اپنے گوہرِ نایاب سے محروم ہو گئے۔*

*اللہ تعالیٰ حضرت شیخ صاحب کو شہادت کے اعلیٰ درجات نصیب فرمائے،*
*پسماندگان کو صبرِ جمیل عطا فرمائے،
*اور ظالموں کو کیفرِ کردار تک پہنچائے۔ آمین

04/05/2026

عالمی منڈی میں خام تیل کی قیمتوں میں بڑی کمی آگئی۔
امریکی صدر ڈونلڈ ٹرمپ کے اعلان کے بعد خام تیل کی قیمتوں میں کمی آ گئی ہے،ڈبلیو ٹی آئی کروڈ آئل کی قیمت 101.40 ڈالر فی بیرل ہو گئی، جب کہ برینٹ کروڈ آئل 107.70 ڈالر فی بیرل کا ہو گیا۔ غیرملکی خبررساں ادارے کے مطابق تیل کی قیمتوں میں پیر کے روز کمی دیکھی گئی جب امریکی صدر ڈونلڈ ٹرمپ نے کہا کہ امریکا آبنائے ہرمز میں پھنسے جہازوں کو نکالنے کے لیے اقدامات شروع کرے گا۔ تاہم امریکا اور ایران کے درمیان امن معاہدے کی عدم موجودگی کے باعث قیمتیں 100 ڈالر فی بیرل سے اوپر برقرار رہیں۔ برینٹ کروڈ فیوچرز 64 سینٹ یا 0.59 فی صد کمی کے بعد 107.53 ڈالر فی بیرل پر آئے، جب کہ جمعہ کو یہ 2.23 ڈالر کم ہو کر بند ہوئے تھے۔ امریکی ویسٹ ٹیکساس انٹرمیڈیٹ (WTI) کروڈ آئل 84 سینٹ یا 0.82 فی صد کمی کے ساتھ 101.10 ڈالر فی بیرل پر پہنچا، جو جمعہ کو 3.13 ڈالر کی کمی کے بعد مزید نیچے آیا۔ صدر ٹرمپ نے گذشتہ روز اپنے سوشل میڈیا پلیٹ فارم ٹرتھ سوشل پر لکھا ’’ایران، مشرق وسطیٰ اور امریکا کے مفاد میں ہم نے ان ممالک کو بتایا ہے کہ ہم ان کے جہازوں کو ان محدود آبی راستوں سے محفوظ طریقے سے نکالنے میں رہنمائی کریں گے تاکہ وہ آزادانہ طور پر اپنا کاروبار جاری رکھ سکیں۔‘‘

02/05/2026

I got over 250 reactions on my posts last week! Thanks everyone for your support! 🎉