04/03/2026
اہم اعلان برائے اہلیانِ دیونہ
تمام اہلِ علاقہ دیونہ کی توجہ ایک اہم مسئلے کی طرف مبذول کروائی جاتی ہے کہ گاؤں میں پیشہ ور گداگروں اور مانگنے والوں کی تعداد میں غیر معمولی اضافہ ہو چکا ہے۔ یہ افراد مختلف لوگوں کے نام لے کر گھریلو خواتین اور بزرگوں سے رقم طلب کر رہے ہیں، جو باعثِ تشویش ہے۔
لہٰذا تمام اہلِ دیونہ سے گزارش ہے کہ خصوصاً ماہِ رمضان المبارک میں اپنے صدقات و خیرات کا حق سب سے پہلے اپنے مستحق رشتہ داروں، عزیز و اقارب اور گاؤں کے حقیقی غریب و نادار افراد کو پہنچائیں۔
پیشہ ور بھکاریوں کو پیسے دے کر نہ صرف ان کی حوصلہ افزائی ہوتی ہے بلکہ مقامی مستحق افراد کی حق تلفی بھی ہوتی ہے۔
تمام اہلِ علاقہ سے اپیل ہے کہ:
ایسے پیشہ ور افراد کو گلی محلوں میں داخل نہ ہونے دیں۔
انہیں سڑکوں اور راستوں پر بیٹھنے کی اجازت نہ دیں۔
انہیں آگاہ کریں کہ مقامی کمیٹی اور پولیس کی جانب سے گاؤں میں بھیک مانگنے پر پابندی عائد ہے۔
اگر کوئی فرد زبردستی کرے یا ہراساں کرے تو فوری طور پر متعلقہ تھانے رحمانیہ پولیس اسٹیشن سے رابطہ کریں۔
اپنی اور اپنے گاؤں کے لوگوں کی حفاظت کو یقینی بنائیں اور اپنے عطیات صحیح اور مستحق ہاتھوں تک پہنچائیں۔
آئیے ہم سب ذمہ داری کا ثبوت دیتے ہوئے اپنے گاؤں کو پیشہ ور بھکاریوں سے پاک رکھنے میں اپنا کردار ادا کریں۔ ضرورت پڑنے پر ایسے عناصر کے خلاف قانونی کارروائی کروانے میں بھی تعاون کریں۔ہر بندہ اپنی ذمہ داری سمجھ کر اس کام پہ توجہ کرے۔
منجانب:
اہلیانِ دیونہ
و
دیونہ ویلفیئر سوسائٹی
