Al-Buraq Engineering

28/07/2026

آج آزاد کشمیر میں ایک طرف خون بہایا جا رہا ہے اور دوسری طرف زبردستی الیکشن کرائے جا رہے ہیں، یہ ناقابلِ برداشت عمل ہے، ہمارے دل خون کے آنسو رو رہے ہیں۔
ایک معصوم کشمیری کی جان، ایسے سو انتخابات پر بھاری ہے۔

ہمارے حکومتی ادارے اس وقت اپنے لوگوں پہ ظلم و جبر کر کے اپنے ہی لوگوں کے دلوں میں نفرت ڈال رہے ہیں۔ انتخابات کروائے جا رہے ہیں اور کہا جا رہا ہے کہ "یہ ہمارا جمہوری حق ہے"۔
اگر انتخابات کرانا جمہوری حق ہے، تو کشمیریوں کے بنیادی حقوق اور جان کا تحفظ اس سے بھی بڑا حق ہے، پر امن احتجاج بھی جمہوری اور آئینی حق ہے۔

جو لوگ اس نازک صورتحال میں انتخابات کی مہم چلا رہے ہیں کل اپنی عوام کے سامنے ذلیل و رسوا ہو کر رہ جائیں گے۔ میں ان سے بھی گزارش کرنا چاہتا ہوں کہ:
خدارا عقل سے کام لیں۔ پولنگ اسٹیشن خالی پڑے ہیں۔ ووٹ کا تناسب 8-10 فیصد سے زیادہ نہیں۔ ایسے حالات میں بننے والی حکومت بھی عوام کی نمائندہ حکومت نہیں ہو سکتی اور ہر دو صورت یہ الیکشن بھی دوبارہ ہوں گے۔

یہ وقت سیاست کا نہیں، انسانیت کا ہے۔
اس وقت ہمیں چاہیے کہ ہم انتخابات کو ایک طرف رکھ کر پہلے کشمیر میں امن بحال کرنے میں اپنا کردار ادا کریں، مزاکرات کا راستہ ہموار کریں۔ ظلم اور تشدد کسی مسئلے کا حل نہیں۔ مسئلے بات چیت اور انصاف سے ہی حل ہوتے ہیں۔

ہماری فورسز اور عوام آپس میں بھائی ہیں۔ غلط پالیسیوں کی وجہ سے ہمیں آمنے سامنے کھڑا کیا جا رہا ہے تاکہ تیسری قوتیں فائدہ اٹھائیں۔

میری تمام کشمیری بھائیوں بزرگوں سے دردمندانہ اپیل ہے:
انتخابات کو چند دن کے لیے موخر کرائیں۔ پہلے اپنے کشمیری بھائیوں کا ساتھ دیں۔ اگر آپ کشمیر میں موجود نہیں تو ان کا ساتھ دینے کیلئے قرآن پڑھیں، نمازیں پڑھیں، ان کے حق میں دعا کریں اور ان کی آواز بنیں۔

اللہ تعالیٰ کشمیر میں امن قائم کرے اور مظلوموں کو ان کا حق دے۔ آمین، یا رب العالمین

13/06/2026

کشمیریوں کا خون، پاکستان کا وقار — نفرت نہیں محبت چاہیے، تصادم نہیں امن اورانصاف چاہیے.

محترم وزیراعظم پاکستان جناب شہباز شریف صاحب،
راولاکوٹ، بلکہ پورا آزاد جموں و کشمیر اس وقت ایک بڑے سانحے کے دہانے پر کھڑا ہے۔ آپ سے ہاتھ جوڑ کر گزارش ہے: خدارا فوری ذاتی دلچسپی لیں۔ عوام کے ساتھ تصادم، طاقت اور گولی سے کوئی مسئلہ حل نہیں ہو گا۔ مستقل حل صرف عزت، ٹیبل ٹالک اور افہام و تفہیم سے نکلے گا۔

آج ہمارے شہروں میں خوف ہے۔ مائیں بےچین ہیں۔ نوجوان گرفتار ہیں۔
رات کی تاریکی میں بلیک آؤٹ کر کے نہتے کشمیریوں پر ظلم و جبر کیا گیا، سیدھی گولیاں چلائی گئیں۔ موبائل اور انٹرنیٹ سروس بند کر دی گئی ہے۔ مین سٹریم میڈیا مکمل خاموش ہے،سچ نہیں دکھایا جا رہا۔ تمام حربے استعمال کیے جا رہے ہیں کہ کشمیریوں کی آواز دبائی جائے، دنیا تک سچ نہ پہنچے۔ یہ عمل قابلِ مذمت ہے، ناقابلِ قبول ہے۔
کشمیریوں کا خون بہانا بند ہونا چاہیے۔ یہ خون دنیا کی ہر چیز سے زیادہ قیمتی ہے۔

ہمارے پیارے پاکستانی بھائیوں اور پوری دنیا کےلئے پیغام:
۱۔ یہ تحریک پاکستان کے خلاف نہیں۔
۲- پاک فوج کے خلاف نہیں۔
۳- ہمارے پاکستانی بھائیوں کے خلاف نہیں۔
یہ صرف آزاد کشمیر کے لوگوں کے بنیادی حقوق کی تحریک ہے جو پہلے سے تسلیم شدہ ہیں، جن مطالبات پر پاکستان اور آزاد کشمیر کی حکومتوں نے خود تسلیم کیا اور باقاعدہ معاہدے پہ دستخط بھی کیے۔

یاد رکھیں یہ کوئی نئے مطالبات نہیں، یہ وہی پرانے وعدے ہیں جنہیں ایک عرصے سے ٹالا جا رہا ہے۔ یہ سوچ کر کہ "کچھ وقتی یقین دہانیوں سے یہ لوگ خاموش ہو جائیں گے"— مگر کشمیری قوم کو سمجھنے میں غلطی کی گئی، فورسز کے ظلم و جبر کے بعد مظاہرین پہلے سے زیادہ تعداد میں جمع ہو گئے ہیں۔

کشمیری ایک بہادر، نڈر، پہاڑی قوم ہے۔ جب یہ حق پر کھڑی ہوتی ہے، تو اپنے مطالبے پر ڈٹ جاتی ہے اوراسے منوا کر رہتی ہے۔ یہ ہماری تاریخ ہے، یہی ہمارا مزاج ہے۔

حکومت پاکستان اور حکومت کشمیر سے ہماری اپیل ہے:
1. کیے گئے وعدوں اور معاہدوں پر فوری عمل کیا جائے
2. فورسز کو واپس بلایا جائے، انٹرنیٹ اور موبائل سروس فوری بحال کی جائے، اور رات کے اندھیرے میں ہونے والے جبر کا نوٹس لیا جائے
3. میڈیا کو آزادانہ کوریج کی اجازت دی جائے تاکہ سچ سامنے آئے
4. معاملات کو طاقت سے نہیں، ٹیبل ٹاک سے حل کیا جائے

پراپیگنڈہ کرنے والوں کو پیغام:
خدارابس کر دو۔ کشمیری اور پاکستانی صدیوں سے بھائی بھائی ہیں اور رہیں گے۔ جو انتشار پسند ہمارے دلوں میں نفرت کے بیج بو رہے ہیں، وہی امن کے اصل دشمن ہیں۔

طاقت استعمال کرنے والوں کے لئے دو ٹوک پیغام سے:
معصوموں پر گولی چلانا بہادری نہیں، بزدلی ہے۔ اندھیرے کا فائدہ اٹھا کر نہتوں پر حملہ کرنا، رابطے کاٹ دینا اور میڈیا کو روکنا — یہ ظلم کی انتہا ہے۔ہمیں بندوق نہیں، بات چیت چاہیے۔ ہمیں تصادم نہیں، انصاف چاہیے۔

آج وقت ہے دلوں کو جوڑنے کا:
آئیں نفرت کو محبت میں بدلیں۔ ایک دوسرے کا ہاتھ تھامیں۔ حق اور سچ کا ساتھ دیں۔ کشمیر کا درد پاکستان کا درد ہے اور پاکستان کی عزت کشمیر کی عزت ہے۔

تمام انسانی حقوق کی تنظیموں، سول سوسائٹی، علماء، صحافیوں اور دنیا بھر کے انصاف پسند لوگوں سے اپیل ہے: ہماری آواز بنیں۔ ظلم رکوائیں۔ ٹیبل ٹالک کرائیں۔ انٹرنیٹ کی بندش ختم کرائیں اور میڈیا کا بلیک آؤٹ ختم کرائیں۔

07/06/2026

بطور اوورسیز کشمیری، جموں کشمیر جوائنٹ عوامی ایکشن کمیٹی کے نام اہم پیغام:

اس وقت کشمیر میں پیدا کی گئی لاء اینڈ آرڈر کی صورتحال پر ہم بطور اوورسیز کشمیریز، جوائنٹ عوامی ایکشن کمیٹی کے ہر پرامن احتجاج کی مکمل حمایت کرتے ہیں۔

کاکڑا یوتھ فورم بھی جموں کشمیر جوائنٹ عوامی ایکشن کمیٹی کے پرامن احتجاج کی بھرپور حمایت کرتے ہوے اس جدوجہد کا حصہ بن چکے ہیں۔

یہ کوئی جنگ نہیں، یہ ایک پرامن احتجاج ہے۔

جوائنٹ عوامی ایکشن کمیٹی کے تمام ذمہ داران اور کارکنان سے ہماری اپیل ہے کہ پرامن رہیں۔ آپ کا احتجاج آئینی اور جمہوری دائرے میں رہے، کیونکہ کامیابی حق کی ہو گی، سچ کی ہو گی، عام آدمی کی ہو گی۔

ریاست اور تمام متعلقہ اداروں کے لیے ہمارا دوٹوک پیغام:
1. ریاست اس غلط فہمی میں نہ رہے کہ طاقت سے کسی کی آواز دبائی جا سکتی ہے۔
2. عام عوام پر فائرنگ اور شہادتیں فوراً بند کی جائیں۔ یہ کسی صورت قابل قبول نہیں۔
3. لاء اینڈ آرڈر کے لیے ریاست کے پاس آنسو گیس یا دیگر پرامن طریقے موجود ہیں، لیکن عام شہریوں پر گولی چلانے کا اختیار کسی کو نہیں۔

بطور اوورسیز کشمیریز، ہماری طرف سے واضح ہے: ہماری عوام پر گولی نہیں چل سکتی۔

جو بے گناہ لوگ شہید ہوئے، اللہ ان کی مغفرت فرمائے۔ ہم ان کے لواحقین کے غم میں برابر کے شریک ہیں۔

ریاست کو عوام کے جائز مطالبات ماننے ہوں گے۔ کسی قسم کا جبر اور زیادتی ہرگز برداشت نہیں کی جائے گی۔

انجینئر صفدر محمود
اوورسیز کشمیری

27/05/2026

Eid ul Azha 2k26 Mubarak

23/05/2026

Public Alert 🚨‼️

Be aware

⚠️‼️🚨 *FRAUD ALERT - PUBLIC NOTICE* ‼️🚨⚠️

*اہم اعلان برائے عوام الناس*
کچھ دنوں سے دیکھا جا رہا ہیکہ سوشل میڈیا پر ہمارے نام کے جعلی اکاؤنٹس کے ذریعے مالی فراڈ کی کوشش کی جا رہی ہے۔

*براہِ کرم نوٹ فرمائیں*
1. ہم کسی بھی سوشل میڈیا پلیٹ فارم ،Facebook WhatsApp، یا کال کے ذریعے کسی سے رقم کا مطالبہ نہیں کرتے۔
2. فراڈیے اکثر "ایمرجنسی"، "جلدی ہے"، "کسی غریب کی مدد" جیسے بہانے بنا کر لوگوں کو جذباتی بلیک میل کرتے ہیں۔

اگر کوئی ہمارے نام پر پیسے مانگے تو:
- فوراً کال بند کر دیں
- کوئی رقم نہ بھیجیں

متعلقہ تھانے/FIA سائبر کرائم میں رپورٹ درج کروائیں. آپ کی آگاہی آپ کا تحفظ ہے۔

اس میسج کو زیادہ سے زیادہ شیئر کریں تاکہ کوئی غریب دھوکے کا شکار نہ ہو

21/05/2026

On behalf of Al Buraq Engineering We extend our sincere gratitude to 𝙎𝙤𝙘𝙞𝙖𝙡 𝙈𝙚𝙙𝙞𝙖 𝙏𝙖𝙞𝙣 for recognizing our work in region.

As our first major infrastructure project in the region, it presented significant challenges however our team addressed each challenge with precision, professionalism and unwavering commitment.

We are encouraged by the positive response from the Local community. This project sets our benchmark, and we are committed to exceeding it in future endeavors.