09/04/2024
کل اسراٸیل نے کٸی دن کے محاصرے کے بعد الشفا ہسپتال کو خالی کر دیا ھے۔خالی ہسپتال بچوں اور خواتین کی لاشوں سے بھرا پڑا ھے،لاشوں کو ٹینکوں تلے کچلا گیا ھے۔ بہت سے شہدا کے اعضا نکالے گٸے ہیں،بچوں کی لاشیں کتے بھنبھورتے رہے جن کی دل دہلا دینے والی تصاویر عالمی میڈیا پہ گردش کر رہی ہیں۔ ظالم اسراٸیلی فوجی الشفا ہسپتال میں شہدا کی لاشوں اور ان کے کٹے پٹے اعضا کے ساتھ سیلفیاں لیتے رہے۔۔۔۔ چار سو سے زاٸد افراد لاپتہ ہیں جن میں اکثر خواتین ہیں غالب امکان یہی ھے کہ انہیں اسراٸیلی درندے اٹھا کر لے گٸے ہیں۔۔یہ سب کچھ چنگیز خان کے دور میں نہیں بلکہ اس دنیا کے مہذب ترین دور میں ھو رہا ھے۔
آج کا سارا عالمی میڈیا اسی خبروں سے بھرا پڑا ھے لیکن اسلام کے قلعے پاکستان میں بے غیرت میڈیا خاموش تماشائی بنا ھوا ھے شاید اسی خاموشی کے عوض بعض کو انعامات بھی دیے گٸے ہیں۔
عالم اسلام کی اوقات ظاہر ھو چکی ھے،ترکی ھے تو کردوں پہ بمباری کر رہا ھے،ایران شام اور عراق میں سنی مسلمانوں کے قتل عام میں مصروف ھے،عرب عسکری اتحاد سعودی عرب کی قیادت میں یمنیوں کو سبق سکھانے میں مصروف ھے۔رہ گٸی واحد اسلامی عالمی ایٹمی طاقت تو اسے بلوچستان میں الجھا دیا گیا ھے۔۔۔یعنی سب اپنے ہی لوگوں سے نبرد آزما ہیں۔۔
دنیا کی نام نہاد سپر پاور انکل سام فلسطینی بچوں کو جلانے کے لیے اب تک اسراٸیل کو سات ارب کا اسلحہ دے چکا ھے۔۔بچوں کو ٹینکوں اور میزاٸیلوں سے مارنے کی کیا ضرورت ھے ان معصوموں کا دل تو ان بمبوں کی آوازوں سے ہی پھٹ جاتا ھو گا۔
اس سارے ظلم وستم کے باوجود عید تو غزہ میں بھی آۓ گی مگر کس حال میں اس کا تصور ہی رونگٹے کھڑے کر دیتا ھے اور اسی خیال نے رمضان میں مسلسل بے چین کیے رکھا کہ غزہ میں میزاٸیلوں اور بمبوں کی بارش میں کیسے سحر افطار ھوا ھو گا۔کتنے ہی ھو گے جنہوں نے سحری غزہ میں کی ھو گی اور افطار میں فردوس کے مہمان بنے ھو گے۔
۔ اسی خیال نے رمضان بھر چین نہیں لینے دیا رب کےفیصلےسے حضورکےدربارمیں آکراعتکاف میں بیٹھ گیا ۔
مگر پھر بھی ایک چھبن محسوس ھوتی رہی۔۔اسی چھبن کی بناء پراپنادرد دل رکھ رہاہوں حرم مدینہ میں لوگوں کو کبھی کبھی سحری میں میکڈونلز وغیرہ کھاتے دیکھ کر
دکھ ہوتاہے مسلمان کہاں مرگیا؟
عید تو لٹے پٹے خیموں میں بھی آۓ گی،عید تو غزہ میں بھی آۓ گی لیکن اس عید کا احساس لہو جما دیتا ھے،
رمضان کا ہر دن اسی خیال سے گزرا کہ اپنا دستر خوان تو نعمتوں سے سجا ھوا ھے ہمارے بچے انواع و اقسام کے کھانے کھا رہے ہیں اور غزہ کے بچے گھاس کا سوپ پی کر سحر وافطار کر رہے ہیں۔ الله أكبر کبیرا۔۔۔۔
ہاۓ فلسطین کے ہیرے رُل گٸے اور دنیا خاموش تماشائی بنی ھوٸی ھے۔۔
*عید تو غزہ میں بھی آۓ گی،عید تو لٹے پٹے اور لہولہان خیموں میں بھی آۓ گی۔
الله أكبر
کوئی مسیحا ادھر بھی دیکھے
کوئی تو چارہ گری کو اُترے
اُفق کا چہرہ لہو میں تر ہے
زمین جنازہ بنی ہوئی ہے
🖤
جبین ______________________
الف کا ساتھ دیں اللہ کی مخلوق کا سہارا بنیے مدد کی جیے اللہ آپ سے راضی ہو
آمین ثم آمین
