20/10/2026
پریس ریلیز — پیاف (PIAF) میڈیا سیل
💥 پیاف کی تاریخی تنظیمِ نو: 4 گھنٹے سے زائد جاری رہنے والے اعلیٰ سطحی اجلاس میں انقلابی تجاویز اور پریزنٹیشنز پیش!
لاہور:
چیف پیٹرن پیاف میاں انجم نثار کی جانب سے تشکیل کردہ تنظیمِ نو کمیٹی کا ایک اہم اور خصوصی اجلاس گزشتہ روز چیئرمین فہیم الرحمن سہگل کی صدارت میں پیاف ہیڈ آفس گلبرگ میں منعقد ہوا۔ اس اہم ترین اجلاس میں 40 سے زیادہ پیاف کے سینئر ممبران نے شرکت کی۔
چار گھنٹوں سے زائد جاری رہنے والے اس طویل اور پُرمغز اجلاس کے دوران محمد علی میاں، طارق سلیمان، چوہدری سہیل سرور، نعیم حنیف اور میڈم عالیہ رضوی نے پیاف کے جدید تنظیمی ڈھانچے، زونل تقسیم اور 2028ء کے منشورِ عمل سے متعلق تحریری تجاویز اور جامع پریزنٹیشنز پیش کیں۔
اجلاس کے تمام شرکاء نے ان تجاویز پر فرداً فرداً تفصیلی مشاورت اور آراء کا اظہار کرتے ہوئے اس عزم کو دہرایا کہ "بلاشبہ پیاف اس وقت پاکستان کی سب سے مضبوط، منظم اور مستحکم ٹریڈ باڈی ہے۔ وقت کے جدید تقاضوں اور تاجر برادری کی مؤقف کے مطابق پیاف کے بے پناہ پوٹینشل کو بروئے کار لانے کے لیے یہ تنظیمِ نو وقت کی اہم ترین ضرورت اور سنگِ میل ثابت ہوگی۔"
اجلاس کے اختتام پر کنوینئر محمد علی میاں نے تمام شرکاء کا شکریہ ادا کرتے ہوئے کہا کہ معزز ممبران کی طرف سے آنے والی تمام قیمتی آراء اور تجاویز کو یکجا کر کے ایک حتمی ڈرافٹ کی صورت میں چیف پیٹرن میاں انجم نثار کو پیش کیا جائے گا تاکہ تنظیمِ نو کے اس منشور کو باقاعدہ حتمی شکل دی جا سکے۔
شعبہ نشر و اشاعت
پیاف-PIAF
Mian Anjum Nisar Group.
Lahore Chamber of Commerce and industry
