18/05/2026
كتب الشهيد / حزيفه اسطنبول بتاريخ 20/11/2018 عن القائد /المصباح ابوزيد البرائي
ﻟﻴﻪ ﻣﺎ ﺑﻨﻜﺘﺐ ﺍﻟﻜﻼﻡ ﻋﻦ ﺍﻟﺰﻭﻝ ﺇﻻ ﺑﻌﺪ ﻣﺎﻳﻤﻮﺕ ﻋﺸﺎﻥ ﻧﻨﻌﻴﻪ ﺍﻧﺎ ﻣﻔﻜﺮ ﺍﻛﺘﺐ ﻣﺸﺎﻋﺮﻱ ﻭﺍﻟﺤﺎﺟﺎﺕ ﺍﻟﺒﻌﺮﻓﺎ ﺗﺠﺎﻩ ﻣﻦ ﺍﻋﺮﻓﻬﻢ
( ﺍﻟﺘﺮﺗﻴﺐ ﻻﻳﻌﻨﻲ ﺷﻴﺊ)
المصباح ابو زيد المصباح السحري
إحساس إنك تكون عارف إنك و احد من أقرب الاقربين لزول إحساس ما هين و الله و في نفس الوقت جميل شديد خاصة لمن يكون الزول دا رقم و رقم كبير . القرب من الزول يختلف عن قرب الزول منك . و هو مستحوذ علي الاتنين . و كل واحدة ليها فوائد و ميزات . وعشان كدة انا ديما بقول لنفسي انا محظوظ جدا جدا .
الكتابة عن المصباح في حد زتا محتاجة جهد جبار و كبير . عشان كدة حيكون في خلل كبير في الكتابة عنو . و ربنا يقبل بس
والله المصباح دا انا بقيت قريب منو كيف و متين انا زاتي ما عارف لكن فجأة كدة لقيت نفسي قريب منو و يالا القرب قرب من قرب .
اليوم السافر فيه حسيت بفقد كبير ياخ بدون اي مقدمات رسلت ليه رسالة دا نصها ( إحساس غريب بالفقد و الله تقول سافرتا ليك سنوات ياخ انا بحبك ) او كلام قريب من كدة . وبعد داك راجعت شريط العلاقة بيننا و برضو بدون مقدمات جات احاسيس كتيرة و ملخبطة و جاطت الدينا و ضلمت في قدامي و استجمعت القوي بكرة من الصباح لقيت نفسي قاعد في بحري حيث البيت و لاقيت ناس البيت طمنتا نفسي شوية كدة و مرقتا .
المصباح ما مجرد شخصية يتكلمو عنها و يمرو مرور ساكت عليها إحساس إني قريب منو ساي عامل لي بور و مديني طاقة و محفز للكتير .
الزول دا فريد الطراز غريب الحال .
لمن تشوفو طوالي بتحس انك شفتا زول من الزمن العريق العتيق الفيه الناس كانو ملوك الدنيا و الدين .
المصباح مافي خصلة جميلة ما فيه
المصباح هو مصباح للناس الحوليه
المصباح هو نور للناس الوراهو
المصباح هو ضياء للناس البعاد منو
المصباح أكتر الناس الكانو مؤثرين في أحداث كبيرة و كتير في مسيرة من حولو .
الزول دا فيه كل الصفات القيادية بأشكلها المتنوعة .
الزول دا فيه كل الخير الموجود بأشكاله .
انا شخصيا بحبو ساي كدة بس و مافي زيادة من كدة
انا بحبك يا المصباح
عودا حميدا مستطاب نورتا البلد و زينتا المكان
كن بخير و فيه
