Pamir Energy- Murgab

10/06/2026

Имсол, ба муносибати 35-умин солгарди Рӯзи Истиқлолияти давлатии Ҷумҳурии Тоҷикистон, Ширкати “Помир Энерҷӣ” бо дастгирии Ҳукумати Тоҷикистон ва Бонки Ҷаҳонӣ татбиқи Лоиҳаи “Барқикунонии деҳот”- ро идома дода истодааст.
Дар доираи ин лоиҳа аллакай 22 нерӯгоҳи офтобӣ бо иқтидори умумии 13 МВт дар деҳаҳои дурдасти ноҳияи Мурғоби Вилояти Мухтори Кӯҳистони Бадахшон сохта шудаанд. Қобили зикр аст, ки ба муносибати Рӯзи Истиқлолияти Тоҷикистон, Ширкат нақша дорад, ки ҳафт нерӯгоҳи дигари офтобиро бо иқтидори умумии 540 кВт ва аввалин нерӯгоҳи бодиро дар деҳаи Тохтамиши ноҳияи Мурғоб бо иқтидори 200 кВт сохта, мавриди истифода қарор диҳад.

В этом году в честь празднования Дня Независимости Республики Таджикистан компания "Памир Энерджи" при поддержки Правительства Республики Таджикистан и Всемирного Банка продолжает реализацию проекта Электрификация сельской местности. Согласно данному проекту в отдаленных кишлаках Мургабского района ГБАО уже построены 22 солнечных станций, на общую мощность 13 МВт. Стоит отметить, что в честь празднования Дня Независимости РТ компания планирует пустить в эксплуатацию еще 7 солнечных станций общей мощностью 540кВт и первую ветренную станцию в кишлаке Тохтамиш, Мургабского района мощностью 200 кВт.

26/05/2026

11/04/2026

ҶАЛАСАИ ҶАМЪБАСТИ НАТИҶАҲОИ РУШДИ ИҚТИСОДИЮ ИҶТИМОИИ МАҚОМОТИ ИҶРОИЯИ ҲОКИМИЯТИ ДАВЛАТИИ НОҲИЯ МУРҒОБ ВА СОХТОРҲОИ ОН ДАР СЕМОҲАИ ЯКУМИ СОЛИ 2026

Санаи 10 апрели соли 2026 дар толори мақомоти иҷроияи ҳокимияти давлатии ноҳияи Мурғоб таҳти раёсати Раҷабзода Ҳусния Ҳукуматшо раиси ноҳияи Мурғоб ҷаласаи ҷамъбастии натиҷаҳои рушди иқтисодиву иҷтимоии мақомоти иҷроияи ҳокимияти давлатии ноҳияи Мурғоб ва сохторҳои он дар семоҳаи якуми соли 2026 баргузор гардид.

Дар ҷаласаи ҷамъбастӣ муовини аввали раиси ноҳия, мудирони шӯъбаву бахшҳои дастгоҳи раиси ноҳия, сардорони идораву муассисаҳои ноҳия, раиси шаҳраки Мурғоб ва раисони Ҷамоатҳои ноҳия ва сардорони мақомоти ҳифзи ҳуқуқ ширкат доштанд.

Машваратро раиси ноҳияи Мурғоб ифтитоҳ намуда, тибқи рӯзномаи ҷаласа Пайшанбизода Неру муовини аввали раиси ноҳияи Мурғоб гузориш доданд.

Зимни баррасии масъалаҳои иқтисодиву иҷтимоии ноҳияи Мурғоб вобаста ба тамоми самтҳо, дар давоми се моҳи аввали соли 2026 пурра таҳлил гардида, қайд карда шуд, ки дар ин муддат соҳаҳои иқтисодиву иҷтимоии ноҳияи Мурғоб ба як қатор пешравиҳои назаррас ноил гардидааст.

Зимнибаррасии масъалаҳо Раҷабзода Ҳусния Ҳукматшо раиси ноҳияи Мурғоб “Дар бораи рушди иқтисодии ноҳия, маҷмӯъи маҳсулоти дохилӣ, субъектҳои соҳибкорӣ, самти кишоварзӣ, энергетика, ба роҳ мондани фаъолияти хуби сохтмони корхонаву коргоҳҳои хурду бузурги саноатӣ, сазовор пешвоз гирифтан аз 35 – умин солгарди Истиқлолияти далатии Ҷумҳурии Тоҷикистон, вусъат додани корҳои ободониву созандагӣ, тарбияи насли наврас дар руҳияи худшиносиву худогоҳӣ ва дар ин самт ба роҳ мондани корҳои фаҳмондадиҳӣ ибрози андеша намуда, ба масъулин супоришҳои мушаххас доданд.

06/04/2026

Мурғоб. Боздид аз иншоотҳои сохташаванда

Дар доираи сафари корӣ Раиси Вилояти Мухтори Кӯҳистони Бадахшон
Мирзонабот Алишер Худобердӣ ва директори генералии Pamir Energy Рахимов Амрихон ва муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз фаъолияти кории нерӯгоҳи офтобӣ, рафти корҳои сохтмонӣ дар бинои нозироти андоз ва лоиҳаи сохтмони муассисаи томактабӣ дар маркази ноҳия шинос гардиданд.

06/04/2026

МУРҒОБ. МАЪРАКАИ НИҲОЛШИНОНӢ ИДОМА ДОРАД

Имрӯз, 5 апрел, дар маркази ноҳияи Мурғоб бо иштироки Раиси Вилояти Мухтори Кӯҳистони Бадахшон муҳтарам Мирзонабот Алишер Худобердӣ ва муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон Раҳмонзода Лоиқ, роҳбарону кормандони идораву муассисаҳои вилояту ноҳия ва сокинону ҷавонон доир 4 гектар боғ бунёд гардид, ки дар он ниҳолҳои сояафкан шинонда шуданд.

Ин иқдоми сарсабзгардонию хуррамгардонӣ дар доираи дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯи кор омада, солҳои охир дар ин ноҳияи дурдасту зебоманзар чунин боғҳо бунёд гардида истодаанд.

Қайд кардан ба маврид аст, ҳадаф аз ташкили маъракаи ниҳолшинонӣ, ин беҳтар гардондани муҳити зист, зебосозии макони зист ва саҳмгузорӣ дар ободониву созандагӣ мебошад.

Раиси ВМКБ барои дуруст нигоҳубин ва таъмин намудани дараҷаи баланди сабзиши ниҳолҳои шинонидашуда ба масъулон дастуру супоришҳои қатъӣ доданд

28/03/2026

ЗОДРӮЗ МУБОРАК, МУҲТАРАМ ҶУМЪА ДАЛЕР ШОФАҚИР!
‎
‎Бо камоли эҳтиром ва самимияти хос, аз номи кулли кормандони Pamir Energy-Murgab Шуморо, муҳтарам вазир, ба муносибати рӯзи мавлудатон самимона табрик гуфта, бароятон сиҳатии комил, неруи тоза ва хушбахтии хонаводагӣ орзумандем.
‎
‎Бигзор рӯзгори Шумо ҳамеша мисли кӯҳсори сарбафалак устувор, мисли обҳои мусаффои кӯҳистон софу беолоиш ва мисли офтоби тобон пурнур бошад.
‎
‎Таманнои онро дорем, ки маромҳои наҷиб ва ҳадафҳои созандаатон баҳри рушди устувори соҳаи энергетика ва захираҳои об ҷома амал пӯшанд.
‎
‎Муҳтарам вазир, дар ин рӯзи муборак бори дигар ба Шумо ва аҳли оилаатон тандурустӣ, умри дароз, саодати хонаводагӣ ва муваффақиятҳои боз ҳам бештар дар фаъолияти пурмасъулияти давлатиатон таманно дорем.

20/03/2026

ИДИ САИДИ ФИТР МУБОРАК!

Pair Energy-Murgab -Тоҷикистон мардуми шарифи кишварро ба муносибати Иди саиди Фитр самимона табрику таҳният менамояд.

Ин рӯзи муборак моро ба покизагӣ, инсонпарварӣ, эҳсонкорӣ, дӯстию ҳамдигарфаҳмӣ, ваҳдат ва дастгирии якдигар ҳидоят намуда, дар қалбҳо умеду ниятҳои некро тақвият мебахшад.

Ба ҳар яки хонадон тансиҳатии комил, саодати рӯзгор, осоиши хонадон ва барору пешрафт дар фаъолияти меҳнатиро таманно дорем.

Бигзор сулҳу субот, ваҳдати миллӣ ва шукуфоии Ватани маҳбубамон ҳамеша пойдор бошад.

07/03/2026

НБО Точикистон

06/03/2026

Рузи модарон Мубарак..